استاذة هدى مبروك التقدم في ساحات الفدى لكن كل من شارك في التقدم نحو الخرطوم يستحق النفخ حسب مفردتك وعلى رأسهم الشعب الصامد فهو الجندي الاصيل والقائد لهذه الحرب التي ستخرج شعبا اقوى واصلب مما كان عليه ولا نامت اعين الجبناء
02-06-2025, 06:02 PM
Nasr Nasr
تاريخ التسجيل: 08-18-2003
مجموع المشاركات: 11355
ما تنقخوهم ولكن كمان ما تغمطوهم حقهم أو بالأخري ما تستصغروهم وبالمرة تذكرت عبد الله علي إبراهيم الذي كان يقول الكيزان إنتهوا وإنت عندكم فوبيا إسمها الكيزان
حتي لا نتوه بين الفوبيا والإنكار لازم نعرف بالضبط الحاصل شنو
02-06-2025, 06:02 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11018
ياتو انتصار ياهدى ياشيوعية ديل كيزان بضربوا فى الشعب إلى متى انتم الشيوعين تحاربوا الشعوب تبا.مافى حزب ساعد الفلول على ضرب الوطن والمواطن خلاف الحزب الشيوعي السوداني وقاداته وكوادره المريضة لعنة الله على الكيزان والحزب الشيوعي السوداني
02-06-2025, 06:22 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: استاذة هدى مبروك التقدم في ساحات الفدى لكن كل من شارك في التقدم نحو الخرطوم يستحق النفخ حسب مفردتك وعلى رأسهم الشعب الصامد فهو الجندي الاصيل والقائد لهذه الحرب التي ستخرج شعبا اقوى واصلب مما كان عليه ولا نامت اعين الجبناء
سلامى واحترامى اخى ، أستاذنا على~ الآف التبريكات، من زمن ما إبتسمنا - الجنجاكيزان هؤلاء أيامهم الله لا عادها #قصدى من هذا الخيط، إنه ما ننفخ الكيزان عشان شاركوا مع الشعب فى تحرير البلاد #الرؤوس الكبيرة كلها "مرقت " ملمعة قاعدة خارج السودان محكرة مقابلات فى القنوات العالمية، المشاركين ديل جزء بسيط من باقى الشعب السودانى ، ما مجبورين على الدفاع عن أرضهم مع باقى المتواجدين فى السودان
*لك التقدير أخى على
02-06-2025, 06:27 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: ما تنقخوهم ولكن كمان ما تغمطوهم حقهم أو بالأخري ما تستصغروهم وبالمرة تذكرت عبد الله علي إبراهيم الذي كان يقول الكيزان إنتهوا وإنت عندكم فوبيا إسمها الكيزان
حتي لا نتوه بين الفوبيا والإنكار لازم نعرف بالضبط الحاصل شنو
شايف اسمى الأخير "عبد الله"😀
*ما تنفخوهم : قصدى انهم شاركوا فى تحرير البلد زيهم وزى غالبية الشعب السودانى - ما نكورك وننفخهم أكبر من حجمهم عشان ما يصدقوا انهم غلبة
02-06-2025, 06:29 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
ما على كيفى طبعا ولكن سيكون قرار الشعب السودانى، ينفسهم لو نفخوا روحهم * عندى صورة وفيديو واحد مزوراتى مرق من الخرطوم اول ايام الحرب وما بين بورتسودان ، مصر وتركيا * يوم تحرير مصفاة الجيلى درع القبعة والسترة الصفراء وقال ما غادر الخرطوم 😈 ……………… أما أنت يا خوة😀 *قول للجماعة الخايفة من نار الحروب تحرق بيوتات الفريق قول ليهم ما تتخوفوا
#النصر حليف الشعوب
02-06-2025, 07:37 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28868
Quote: وأثارت هذه الخطوة استياء قوات درع السودان وكتائب البراء بن مالك وقيادات القوات المشتركة، الذين اعتبروا أنهم الطرف الفاعل في العمليات العسكرية على الأرض وليس الجيش السوداني.
يا هدى ما تاكلي حق الناس ديل بالباطل حررررام 😀
02-06-2025, 06:52 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 10746
Quote: سيخرج شعب جديد صاحب عزيمة مستأصلة فيه ولن يصعدوا المنبر مرة اخرى لمن تعرفونهم بالكيزان
أخى المحترم أستاذنا ، على ~ *متفقة معاك تماما *يا استاذ على فى شباب كثيرين ما عندهم علاقة بالكيزان واستلف عبارتك وقفوا سندا منيعا للدفاع عن الوطن، بعضهم كان يضحى بنفسه ويجرى أمام العمارات لاكتشاف القناصة *القصة صعبة شديد، الجنجويد ديل عملوا فى الشعب السودانى عمائل تفوق الوصف *الكثير والكثير ما عرفناه لسه ، لأنه ما فى طريقة تواصل ووسائل تواصل عند الكثيرين من عموم السودانين
02-06-2025, 08:28 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: قال ليك Quote: وأثارت هذه الخطوة استياء قوات درع السودان وكتائب البراء بن مالك وقيادات القوات المشتركة، الذين اعتبروا أنهم الطرف الفاعل في العمليات العسكرية على الأرض وليس الجيش السوداني.
يا هدى ما تاكلي حق الناس ديل بالباطل حررررام 😀
يا خوة ، اللايفات والفيديوهات وما ننسى "المؤتمر الصحفى😀" لم يحضر أحد، للجنجويد شن سوت!
02-06-2025, 08:33 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28868
Quote: علي بالايمانات ده تعليق اوسكار علي قول بتنا اسمها رايح لي. لازم يترجم بجميع اللغات اقصد الاكشن الصادر لاحقا. 😂😂
عارف يا عارف ~ أظن بتكم التى نسيت اسمها واحدة من الثلاثة العزيزات نواحى نيويروك - يا حليلهن كثير نطراهن *عندك مداخلة يا عارف فى بوست مجاور مع التاج الفيه جماعة البراء شايلين العصى 😀 ضحكتنى *فاكرين نفسهم جارين وراء مظاهرة سلمية *عجبنى تعليقك بهناك ، كنت عايزة أطلب منك تصوره بالرسم
02-06-2025, 09:30 PM
Arif Nashed Arif Nashed
تاريخ التسجيل: 05-12-2014
مجموع المشاركات: 13598
ههههها هل انت جاد يا خوة! *- المتحدث واضح انه قاعد فى bedroom اى بدروم😀 *أضافة بس كانوا يقولوا "حسن الترابى" عنده لايف أو خطاب زيه زى المتحدث بإسمهم كان ، الكوز داك خريج جامعة الأبيض أظن * كلما "الترابى" يتلفت أقول خلاص خلاص السؤال جاى ومنتظرة لما انتهى ، ضحكت من المحتوى ومن الفكرة *اول مرة أسمع خطاب القذافى الأخير ، قبل كم يوم لما الأخ عارف أضاف عبارة زنقة ، زنقةفى مداخلة فى خيط مجاور *فى البوست المجاور وضعت خطاب ويُقرأ مؤتمر صحفى 😀لسعادة المستشار (الحقوق محفوظة لمحاوره المصرى ) عمران عبد اللله، يشابه خطاب القذافى
02-07-2025, 11:41 AM
Hassan Farah Hassan Farah
تاريخ التسجيل: 08-29-2016
مجموع المشاركات: 11410
اقتباس *ما تنفخوهم : قصدى انهم شاركوا فى تحرير البلد زيهم وزى غالبية الشعب السودانى ما نكورك وننفخهم أكبر من حجمهم عشان ما يصدقوا انهم غلبة دددددد++++++++++++++++++++++++++++ هدى سلام هم شايفين نفسهم كقيادة حقيقية لهذه الحرب وهدفهم استعادة سلطتهم من جديد اسمعى على كرتى بيقول شنو
02-07-2025, 11:44 AM
Hassan Farah Hassan Farah
تاريخ التسجيل: 08-29-2016
مجموع المشاركات: 11410
كرتي لـ«الشرق الأوسط»: لن نقبل هدنة مع «الدعم السريع»
الأمين العام للحركة الإسلامية السودانية عدّ منع المساعدات «ابتزازاً»
بورتسودان: وجدان طلحة
أعلن الأمين العام لـ«الحركة الإسلامية» في السودان علي أحمد كرتي، رفضه القاطع أي هدنة مع «قوات الدعم السريع» التي وصفها بـ«الميليشيا المتمردة»، متهماً إياها بمنع وصول المساعدات الإنسانية إلى المناطق المتضررة جراء الحرب المستعرة في السودان منذ قرابة العام، عادّاً ذلك «ابتزازاً». ورأى كرتي في تصريحات لـ«الشرق الأوسط»، الثلاثاء، أن «الشعب السوداني» لن يقبل بأي هدنة مع قائد «قوات الدعم السريع» محمد حمدان دقلو (الشهير بحميدتي)، وذلك لأنه: «تحالف مع الأجنبي على انتهاك سيادة البلاد، لتدمير جيشها ومؤسساتها الأمنية والعدلية والقانونية»،وفق قوله.ويذهب كثير من المراقبين إلى أن إسلاميي السودان هم أكبر الحلفاء المحليين للجيش السوداني بقيادة عبد البرهان. وفي إشارة إلى الضغوط الدولية الرامية لوقف الحرب بين الجيش و«الدعم السريع»، بما في ذلك قرار مجلس الأمن الدولي (2724) القاضي بهدنة رمضانية بين الطرفين، قال كرتي: «السودان دولة ذات سيادة، ونرفض التدخل الدولي في الشؤون الداخلية للبلاد». وواصل: «الشعب لن يقبل هدنة مع من ينتهك حرماته، ويغتصب نساءه ويُزهق أرواحه، ويدمِّر ممتلكاته، ويدمِّر المؤسسات العامة التي تقدم له الخدمات». وجدد كرتي إدانته «الدعم السريع» بقوله: «إن (ميليشيا الدعم السريع) المتمردة لا تزال تُرهب المواطنين وتطردهم من ديارهم وتسرق أموالهم، في الجزيرة ودارفور و كردفان و الخرطومو سنار.
Editرد على الموضوع
02-07-2025, 03:05 PM
Arif Nashed Arif Nashed
تاريخ التسجيل: 05-12-2014
مجموع المشاركات: 13598
Quote: هدى سلام هم شايفين نفسهم كقيادة حقيقية لهذه الحرب وهدفهم استعادة سلطتهم من جديد اسمعى على كرتى بيقول شنو
سلام وإحترام ، أخى دكتور حسن~ الكيزان مجرد مزوراتية، روؤسهم الكبيرة كانوا أول الهاربين ، لكن الدافعوا عن الوطن مع عامة وغالبية الشعب السودانى مرحب بيهم وما مجبورين لأنها دى بلدهم- لكن ولا شخص يقول كل الجموع دى كيزان ولا الكيزان يتنفشوا ويقولوا نحن الخلصنا البلد من الجنجويد ***مع ملاحظة إنهم هم الجابوا هؤلاء الجنجاكيزان ، أداة قمع للشعب السودانى *هذه انتصارات الشعب السودانى… *ما يجوا ناطين تانى
Quote: هذا نضال وإنتصارات الشعب السودانى وليس نضالهم …
يعني داير أسأل سؤال أراه مهما هل هناك إنتصار للشعب السوداني في هذه الحرب ؟؟؟ الذي أعرفه أنها حرب بين جيشين جيش السودان والذي أختطفه الكيزان وقايده الخاين البرهان وبقية الكيزان ناس ياسر العطا وكباشي الكضاب نفس الجيش العمل مجزرة فض إعتصام القيادة والجيش التاني هو الدعم السريع وقايده حميدتي والذي قام بمجازر أينما حل يعاون الجيش مليشيات البراء والمشتركة والمستنفرون وقلة قليلة جدا من غاضبون أو شباب شاركوا في ثورة ديسمبر المستنفرون هو إسم الدلع للمجاهدين كما قال عبد الحي الشعب السوداني ما شال سلاح ولا شارك في هذه الحرب بل نزح وهاجر أكثر من ٩ مليون مواطن لخارج السودان أو لمناطق نزوح داخلية منذ بداية الحرب وقف كثير من الناس ضدها ودعوا للسلام ورددوا دعاء ألهم أضرب الظالمين بالظالمين وأخرجنا من بينهم سالمين هل في إنتصار الجيش علي الدعم إنتصار للشعب السودان ؟؟؟؟ دي الحتة المعقدة والدايرة نقاش كتير كنا نعرف أن الحيش السوداني والمختطف من قبل الكيزان تافه، وأرتكب حماقات في الشعب السوداني حيثما حل ولكن الدعم السريع أرتكب من الحماقات والتعدي المباشر علي الشعب السوداني في عرضه وممتلكاته مما جعل الشعب السوداني يلجأ من رمضاء الدعم لنار الجيش الدعم السريع الحوار الغلب شيخه وقال ليه تعال نعلمك التفاهة ووفقا لذلك يبتهج الشعب لهزيمة الدعم من قبل الجيش وبالمناسبة هذه ليست شهادة في صالح الجيش ولا يحزنون
من الممكن أن يكون إنتصار الجيش مقدمة لعودة النازحين لديارهم ولكنها تشبه عودة أهل غزة لقطاعهم بس المهم جدا من الصعب أن تسمي إبتهاج الشعب بإنتصار الجيش إنتصار للشعب السوداني وثم إذا دا إنتصار للشعب السوداني ممكن نشوف الشعب السوداني مالك زمام أمره بعد هذا الإنتصار؟؟؟؟ أو برواية أخري من سيحكم بعد هذه الحرب ؟؟؟؟؟ الحيحكم ...... وإستعدي للفجيعة الحيحكم حلف من الكيزان وضباط الجيش وحركات الكفاح المسلح الدارفورية وناس عقار بالتحديد حيحكم البرهان بمعية قليل من تنابلة السلطان زي ما كان حاكم البشير هل ديل ياهم الشعب السوداني ؟؟؟؟؟ الكورة في ملعبك يا هدي
02-07-2025, 08:03 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
يا نصر من بدايات هذه الحرب القاسية "الكورة" ما مرقت من ملعبى وشرحه ان لى "بعض" مقدرات تتمثل فى بعد النظر و الأهم المهم منها هو الإيمان بشعبى ، صلابته وصموده .
*شايفاك كتبت كلام كثير وطبعا بتدخل دايما كلام فى النص أحيانا عدم حقائق "زى عبارتك عمل الشيوعى على إسقاط حكومة حمدوك" فى مداخلة فى بوست سابق فيه عامل فيها متضامن مع الشيوعى فى موقف! *كلامك دا (دس دس أقصد ) يشابه كلام سمعته من الناطق الرسمى لجماعة قحت/تقدم - هو بكرى الجاك دا ناشط سياسى من جهات برا ولا كيف؟ المهم بكرى الجاك أتكلم واتكلم عن الحرب وشتم البرهان وما جاب سيرة حميدتي! …………… *دا كان كلامى فى ايام الحرب الاولى *و الما من شعبنا ما منك
Quote: كل الخوازيق ذى بعض، أرفض الأثنين تماما -مليشيا الجنجويد ياها صناعة الكيزان ،مليشيات الكيزان وأمنهم اخترقوهم من البداية -مليشيات الكيزان المهووسة ستعود أكثر هوسا وعدوانية الحرب بينهما الآن من أجل السيطرة ونهب موارد السودان
#تسقط كل المليشيات - ويبقى الشعب السودانى مواصلا لنضاله وثورته حتى النصر
انت يومها قلت تدعم "الدعم السريع"👿 وانه اجابتى ما صحيحة لأنى ما اخترت جانب واحد وطبعا شبهت بفرق الكورة هلال،مريخ وانى إجابتى خارج السؤال حيث إخترت الموردة! من هنا: من تؤيد فى هذه الحرب : مليشيات المؤتمر الوطني ام مليشيات الجنجويد؟من تؤيد فى هذه الحرب : مليشيات المؤتمر الوطني ام مليشيات الجنجويد؟
02-07-2025, 08:40 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: مرة اخرى سلام يا هدى انتى فاكراهم حيسمعوا كلامك؟ ابدا ديل شعارهم الرافعنو مافى زول ارجل منا
سلام تانى أخى دكتور حسن~ *الغلبة من الشعب السودانى رافضينهم وزمنهم لن يعود … *مثال جبن أنس عمر ولؤمه وهو فى حالة أمان ، بمجرد ما هجم عليه الجنجاكيزان (رغما عن انى ضد الاعتقالات جملة وتفصيلا وضد المحاسبة خارج القانون) *المهم بعد لؤمه داك ، الآن لا يعلم عنه أحد، عارف يا دكتور انه السافنا من جهات الجنجويد كان نائب لأنس عمر ، كانوا مهامهم شنو ما معروف *القصد هنا : *الكيزان جبناء وحرامية ومحتمين بالسلاح، وبانقلابهم المشؤم ثم سرقة موارد الشعب السودانى وتهريب الأموال لخارج البلاد *لقد بنوا مدنا وأحياء لهم فى السودان مثال معظم أحياء كافورى وحى المجاهدين (وما أدراك ما حى المجاهدين) *عملوا مصنع للتصنيع الحربى فى نص البلد وياما ما فيه مواد سامة لتصنيع آلة الموت وحتى البمبان ……… *دارت الأيام ونقص عدد الشغيلة وجامعى سجادات الصلاة لأنهم جميعا صاروا أصحاب حظوة *فكروا وقدروا وإحتاجوا للحماية و مع خروج دكتور خليل إبراهيم من تحت قبعتهم ورفع مظالمه وقوة حركتهم المسلحة… *من المفارقات شاهدت لقاء للدكتور خليل إبراهيم وهو يتبنى ويطالب بنفس مطالب الشهيد دكتور قرنق *** دكتور قرنق الذى حاربه وعمل دبابا وهو الطبيب الناجح لقتل اهل جنوب السودان ! *المهم الكيزان احتاجوا لمن يحارب لهم … ***مع العلم ان الجنجويد ودا كلام أيضا معروف متواجدين من أزمان، يأجروا بندقيتهم لمن يرغب *جاء المخلوع ورغب فى تآجير خدماتهم *أصبح الجنجويد هم بندقية الكيزان وطبعا تداخلوا كيزان هنا وكيزان هناك #ما اطول عليك -وبحسب الدكتور مخير كوز لندن ، قال انه حميدتى حيقق لهم مشروعهم حيث أن موسى هلال عجز عن ذلك! #وطبعا مشروع عزت+الماهرى كان جاهز وفى خياله من هو صغير وسجله روايات 😀 #استعجلوا وقوموا الحربة… ……… *الحرب دى يا دكتور أضعفت الكيزان تماما ويبدو أنها شتت شمل الجنجويد *مثالا مصنع التصنيع الحربى والذى قلع حميدتى منه 30% من قبل الحرب ، لن تقوم له قايمة… ………… *الشعب السودانى أصلا ما وقف من مقاومته للاثنين -وقال ليهم دى حربكم ولتقضوا على بعضكم البعض *لكن الحرب كانت فى حقيقتها ضد المدنين ومن وجهة نظرى أسهم الجنجويد بمقدار من الأذى والدمار لن ينساه الشعب السودانى حيث أننا ما زلنا نعلم بعمائل "الجهادية"😀 - أظن كان الإسم المقابل للجاهزية وقتها… #آخر مهم الجانبين ينفذان ومدعومان بمخطط إقليمى ودولى لن يوقفه إلا ثبات الشعب السودانى #معليش للإطالة لكن كل القصدته - أى نصر هو نصر ومجهود الشعب السودانى ولو بمجرد تواجده داخل السودان وتمسكه بارضه
02-07-2025, 09:18 PM
Nasr Nasr
تاريخ التسجيل: 08-18-2003
مجموع المشاركات: 11355
لحدي بداية الحرب دي كان موقفي إذا خيرت بين البرهان وجيش الكيزان وبين حميدتي والدعم لإخترت الدعم ولأنه الدعم ورانا بلاوي عجيبة فقد قنعت منه ولم اختر البرهان ولا جيشه ولكن أخترت السلام علي الحرب ودا موضوع قتلناه بحثا
يللا كدي خشي لينا في موضوع الساعة الحرب ومن المنتصر فيها ومن سيحكم بعد إنتهاء الحرب
02-07-2025, 09:39 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: لحدي بداية الحرب دي كان موقفي إذا خيرت بين البرهان وجيش الكيزان وبين حميدتي والدعم لإخترت الدعم ولأنه الدعم ورانا بلاوي عجيبة فقد قنعت منه ولم اختر البرهان ولا جيشه ولكن أخترت السلام علي الحرب ودا موضوع قتلناه بحثا
يللا كدي خشي لينا في موضوع الساعة الحرب ومن المنتصر فيها ومن سيحكم بعد إنتهاء الحرب
نصر ~ كل الناس الوقفت مع الجنجاكيزان وتحديدا لو ما كانوا مبارين القبيلة ، لن أستطيع فهم موقفهم - الأطفال فى السودان عارفين الجنجويد وعمائلهم -انت تشجع حميدتى وجماعته ، فرقه من الكيزان شنو! *قلت رجعت غيرت رأيك بعد الدعم وراءكم بلاوى عجيبة -كلام عجيب ، هل بلاوى الجنجويد جديدة - إبادة الشعب السودانى فى دارفور ما ورتك ، -قتل 250 متظاهر فى سبتمبر 2013 ما ورتك -مذبحة إعتصام القيادة ما ورتك -إستباحة السودان بعد فض الاعتصام حتى 30 يونيو ما ورتك، وصلوا ضابط من مطار الخرطوم فى بيته وقتلوه، قتلوا الشهيد وليد وهجموا تشيعه بقسوة وحوش …… *دا كله ما وراك *عمائلهم من أزمان فى سنار وغيرها من مدن ما ورتك -ياهو السفاح البيشى دا زاته من زمان ما ظهر جديد ***كان تجلى(تلمع) الفهم من بدرى *تتهكم الناس ما قرأت الايطارى - جاءك زولكم شخصيا قال ليكم الايطارى سبب الحرب ***وقال أنه ما قراءه وطبعا فى دى صدقته لأنه كان شايله ويقلب فيه😀
*المهم أقرأ كلامى الفى المداخلة الفوق
02-08-2025, 08:47 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: سلام يا هدى Quote: ما تنفخوهم : قصدى انهم شاركوا فى تحرير البلد زيهم وزى غالبية الشعب السودانى ما نكورك وننفخهم أكبر من حجمهم عشان ما يصدقوا انهم غلبة صعب شديد يا هدى إنو قحت/تقدم تقدر تقول كلامك دا. صعب شديد تقدر تقول إنو غالبية الشعب السوداني شاركوا في تحرير البلد.
عشان الكلام دا يتقال لازم الثورة يكون عندها صوت أعلى من صوت تقدم/قحت.
التحايا والسلام مولانا حافظ (سؤال جانبى ليه عادة يقولوا للقضاة والمحامين مولانا وما بيقولوا للأطباء مثلا دكتورنا/طبيبنا😀)
اتفق معاك يا حافظ فى مواقف قحت/تقدم والمسافة الشاسعة والبعد من الشعب تماما *بمجرد الحرب ما اشتعلت وكانوا قبلها بيوم مع عبد الرحيم دقلو لافين بالشريحة، بعدها بأيام ظهروا تحت ظلال أشجار موسفينى"نفس الزول👿" * رشا عوض كبت كميات حروف كلها تجهيل للشعب وانه الكيزان والكيزان وهى زمااان مرقت ولا معايشة الحاصل وكل الفهم الضيق من جانبها تحقيق خط سايقنه من غير فهم للمتغيرات (بلا مدنية بلا ديمقراطية معاهم بمفهومهم المحدود دا) *واحد اسمه هشام عباس، زمان كان بيكتب فى هذا المنبر وتاااخ وقع عموديا *هشام عباس دا عنده لؤم يمحن ولا يقل عن لؤم الجنجاكيزان والكيزان فى مخاطبة الناس … *قال كان قاعد فى السودان ياهو مع جماعة قحت الإيطارى وانه كان يتفاهموا مع حميدتى+البرهان عشان الجنجويد يرجعوا من مروى *هو الجابه منو والطلب منه يتكلم باسم الشعب النازل فيه شتم دا،و يتشاور كمان فى أمرنا *فجأة ظهر هشام عباس انه فى مسجون فى سجون "السعودية"… *وبعدها ظاهر فى بلاد الأمريكان ورافع شعار داعم وكمان مدافع بشدة… *الشعب لن يحتمله أو يرحب به -يفكوا دربنا *اما البقية من أيام اعتصام القيادة العسكر عرفوا انهم أضعف من أن يقفوا فى وجهه ، لقد أضاعوا ثورة الشعب العظيمة بتهافتهم *لن أنسى ذاك اليوم والناس منتظرة وثابتة فى اعتصامها جاءهم عمر الدقير بدلا ان يخبرهم بأنهم استلموا مقاليد حكم البلد من العسكر *قال : البرهان طلب منى أن أوصل شكره لكم 😳 *أما حمدوك ومن معه حاملى حقائب "النيوليبرالية" التى بدأوا فى تطبيقها وحتى انقلاب حميدتى +البرهان لم يوقفه ، رجع عادى قال عندهم برنامج عايزين ينفذوه *وحتى الآن ياهو شايل دفاتر الدول دى وعايز يرجع وطلعت كويسة معاه "لقد وقعت الكارثة " وهى العبارة المفتاحية لتطبيق ال "نيوليبوالية" المجحفة *اما سلك والآخرين ، موقفهم مؤسف والجنجويد يعايروهم بالفكة وتكملة إيجار الشقة… ***مع العلم قروش الجنجويد دى اموال الشعب السودانى وليست أموال آل دقلو *داك الأسمه محمد الفكى - من سذاجته قال الدعم السريع ما يحلوه لأنه الدولة صرفت عليه وضرب مثالا بالتاتشرات …………………………… #نجئ للمهم :الثورة وعناصرها لازم ترتفع أصواتها، تحالف يعم كل البلد ، يأخذ الأمر -ودا موضوع طويل طبعا #كل الشعب السودانى المتواجد فى السودان ساهموا وما زالوا شغالين فى دحر الجنجويد #لتصمت مجموعات قحت/تقدم ومن يتبعها من ترديد ونفخ حجم الكيزان #دا نضال الشعب السودانى ،نعم شباب من الكيزان شاركوا كمواطنين بالشكل الذى لا يعرفوا غيره #اذا كانت الفيديوهات والقنوات تسهل لهم نشر دعاويهم ،لازم صوت الثورة يرتفع أعلى #صاح إمكانيات عامة الشعب ضعيفة ،عشان كدا الكثير والخطير من عمائل الجنجويد لسه ما ظهرت
……… معليش للإطالة سأواصل
02-09-2025, 00:03 AM
Nasr Nasr
تاريخ التسجيل: 08-18-2003
مجموع المشاركات: 11355
Quote: -انت تشجع حميدتى وجماعته ، فرقه من الكيزان شنو!
يعني مصرة تفهميني غلط وعن قصد وتقوليني من ما لم أقله دونك أرشيفي لأكثر من عشرين عاما لو أنني يوما دعمت الدعم السريع (و لو أنا داعم الدعم السريع حأنكر خوفا منك ولا من منو؟؟؟) قلت ليك بوضوح لو أنني خيرت بين البرهان وحميدتي لأخترت حميدتي وهو إفتراض لم يتحقق نشرح ليك دا عامل زي موقف اليسار المصري في اول إنتخابات حرة نزيهة حدثت في مصر بعد الثورة لمن كان الخيار بين مرشح الكيزان مرسي ورشح الفلول شفيق فأختار كثير منهم مرسي لأنه علي الأقل من قوي الثورة يعني كان يكون كويس معاك لو أنني أخترت البرهان مثلا؟؟؟؟
برضو دا ما الموضوع الأساسي ردي لي علي كلامي عن الحاصل هسع و خلينا نتحاور حوار جاد
02-09-2025, 03:53 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
أيوة ما تنفخوهم، ما تدوهم حجم أكبر من حجمهم … *الكيزان، زمان طلعوا من السودان وأموال الشعب سفروها من قبلهم *متحكرين وملمعين ويزوروا فى الواقع … *مقدمى النشرات فى قناة طيبة يحيروا ، يتبسموا للشاشة ويتحدثوا عن القتل والإنتهاكات -حتى شغلهم ما بيعرفوا! *من أكاذيبهم فى بداية الحرب لما الشعب الكينى خرج فى إحتجاجات ضد سياسة الحكومة الكينية "الاقتصادية المجحفة" - واحدة من قنوات الكيزان قالواالشعب الكينى خرج ضد مساندة رئيسهم روتو لدقلو😈 #لا يحترموا عقول جماعتهم - أما نحن ما شغالين بيهم لأننا نحترم عقولنا ونميز *أما الجماعات ، رشا عوض مثالا ياهم اليوم لو لقوا فرصة طوالى حيشاركوا الكيزان وكمان يلقوا ليهم أعذار *تسابق تكوين الحكومات بين الجنجاكيزان والكيزان اليومين دى، المجموعتين فى سباق لإرضاءالدول التى ترفع رايات "النيوليبرالية"،التطبيع وأبعدونا من هؤلاء الكيزان (دس دس) ***حمدوك وجماعته يراعوا ساكت للفريقين ، يشوفوا ياتو فريق متقدم "-تقدم" اليه… #أواصل
02-10-2025, 06:18 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: ماكيافيللي بقول "لا تعطي خصمك من اسباب القوة ليتفوق عليك" وشاوول الينسكي بقول "قوتك ليست فقط ما تملكه ولكن تتضمن ايضا تصورات خصمك عنك" قادة المدنيين ادوا الكيزان الجيش وصوروا الفار اسد كاسر. يا فرحتنا بسياسيينا!
02-10-2025, 06:34 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9302
اربعين سنة (85 - 2025) تحالفات معظم الاحزاب ضد الجبهة الاسلامية و تحوراتها و اخرهم "قحت" ثم "تقدم" و الذى ايضا حسب البيانات الاخيرة بدأ يتكسر. اعتقد هذا ما يعنيه "ماكافيللى "اعطاء الخصم اسباب القوة و التفوق"
02-10-2025, 09:34 PM
Nasr Nasr
تاريخ التسجيل: 08-18-2003
مجموع المشاركات: 11355
في الأخر يا هدي طلعتي من ناس إنه الكيزان إنتهوا وإنتو عتدكم فوبيا ساكت!!!!
Quote: أيوة ما تنفخوهم، ما تدوهم حجم أكبر من حجمهم … *الكيزان، زمان طلعوا من السودان وأموال الشعب سفروها من قبلهم
أول بالتبادي ناسهم المهمين ما زالوا في السودان ويتحركون بحرية ويجتمعون حتي داخل قاعدة وادي سيدنا زي علي عثمان والبشير ونافع وعوض الجاز وعلي كرتي وأحمد هارون وعبد الرحيم وعز الدين رب رب بل وعقدوا مؤتمر للشوري في عطبرة خاطبه البرهان وكان تحت تأمين الإستخبارات تانيا أكثر من ٨٠ في المية من ضباط الحيش السوداني وتقريبا كل ضباط جهاز الأمن ما زالون يتبعون لتنظيم الكيزان ومعهم غالبية في الشرطة والأجهزة النظامية بل وكل الوزارات المهمة إبتداء من الخارجية وحتي أصغر محلية في السودان ثالثا المستنفرون وكما قال عبد الحي هو أسم الدلع للمجاهدين وديل كتار وبيحاربوا في جبهات كثيرة ولعلك سمعتي بالذبح والقتل للألاف في مدني والحلفايا وأم روابة والدندر وسنجة ..... دا كله شغل كيزاني ممنهج رابعا الكيزان أستعمروا السودان لثلاثين عاما أستباحوا كل مقدرات الشعب السوداني سواء في القطاع العام أو الخاص وصارت لهم شبكة كبيرة ومترابطة من المصالح يحيث يمكن أن تجدي عساكر في الأمن يملكون عمارات في قلب الخرطوم يعني الكيزان بيدافعوا عن مصالح حقيقية وعن أكل عيش مغمس في مال السحت والفطامة منه صعبة شديد سرقة الموارد إمتدت حتي البترول والدهب وهذه أكثر من مائة مليارات بالدولار خامسا: يقال أن الباب مفتوح لكل الدواعش وأمثالهم من كل أنحاء العالم .... تصحي الصباح وتلقي السودان بقي أفغانستان ولا الرقة علي أيام البغدادي
ما تستهيني بخصمك مبلغ ما بلغ كرهك له إستهانتك بخصمك هو مصدر قوته الاول
في أمريكا أستهانت مجموعات من الليبراليين والديمقراطيين بترامب، بل وجعلوه مادة للتندر والهزؤ.... ومع ذاك صار رئيسا لدورتين .... في هذه اللحظة، أعداء ترمب يلعقون بنان الندم والحسرة
02-10-2025, 10:20 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
نصر بعد كتابتى دى كلها طلعتنى "قاصرة" فهم- شايفاك فى بوست مجاور قلت للجنجويد أهدو قبل إعلان حكومتكم😀
*ما غيرت موقفى من زمن ناس كثار وأنا قلنا فيه الشعب سينتصر وزمنك الإنت كتبت انك حتقف مع "الدعم السريع" دا زاتو الحيعمل الحكومة يوم 17 فبراير وانت عايزه يهدأ شوية … هههههها ……………………………… *مشيت جريت ليك عبارة كتبتها عن الكيزان والأموال المرقت من البلد وخليت كلامى كله . *إذا انت عايز تنفخهم براحتك وكمان زيد عليها السودانين كلهم اتقلبوا كيزان …
#الجيش ما جيش الكيزان - الجيش جيش السودان #ياما فى أفراد فى الجيش اُصيبت أو واستشهدت وليسوا كيزان أبدا #التقدير للأحياء فيهم والخلود لمن أستشهدوا
02-10-2025, 10:42 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
تحياتى وسلامى مولانا ومحجوبنا~ شكرا على الإضافات - تعبتوني 😀مشيت ذاكرت الميكافيللية ، وطبعا فى النص أمشى على جوانب تانية فيها ………… #أيوة عمائل الكيزان (هو أسلوب ميكافيللى) طبيعة وزادوا تدريب #ثم بسرقتهم لأموال الشعب وشراية بعض الذمم كله سهل لهم علو أصواتهم فى الفضائيات والقنوات التى من صنعهم -هم الظاهرين #مثلا هنالك بعض الأحزاب السودانية ، الفضائيات لا تدعوها للحوار -جد جد
# الكيزان ، عايزين يقنعوا العالم بإنهم كثرة -القصة كلها نهب وإمكانيات
#دا نضال وإنتصار الشعب السودانى، شارك جزء من الكيزان معانا لا غير ، ودا ولا تغابى من خداعهم وعمائلهم و انهم ما زالوا متصلبطين ، لكن الشعب أوعى منهم …
02-11-2025, 00:46 AM
Nasr Nasr
تاريخ التسجيل: 08-18-2003
مجموع المشاركات: 11355
حاشاك قصر الفهم, وإنا ما قلت كدا لا تصريحا ولا تلميحا أختلفت معاك وبأدب ولو في زول قال ليك رأيك غلط ما معناها قال ليك قصيره فهم ورأيي عن حكومة الدعم السريع نناقشه في البوست المخصص لذلك ما تشخصني الحاجات البيننا مجرد إختلاف آراء إنتي رأيك ما تنفخوا الكيزان ساكت وأنا بقول ما تسهينوا بيهم كمان وكما قال الإمام الشافعي رأي صواب يحتمل الخطأ ورأي غيري خطأ يحتمل الصوات
02-11-2025, 03:35 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: : يا هدي Quote: نصر بعد كتابتى دى كلها طلعتنى "قاصرة" فهم-
حاشاك قصر الفهم, وإنا ما قلت كدا لا تصريحا ولا تلميحا
قاصرة" فهم *كان مجرد تهكم من جانبى ، لانك قبلها كان كتبت "محاورا" انى ما قريت الايطارى🤑رغما انه القائد شخصيا قال ولا قريته😈
Quote: أختلفت معاك وبأدب
…If you say so * لسه طبعا ما نسيت عبارتك تلك "…تباروهم لحدى ما يودوكم …" وجاء كمان بكرى المسكين داك عجبته عمل ليها كوتيشن!
Quote: ولو في زول قال ليك رأيك غلط ما معناها قال ليك قصيره فهم
ياهو حسب ما كتبت ليك ، كان تهكم وكانت ،" قاصرة"، قاصرة فهم وليست "قصيرة" 😈 فهم -ان كنت كان أيدت الجنجويد -لكن شفت عمايلهم وعايشتها ، * لقد كانوا فى حالة احتلال مسبق ومخطط للسودان *جاءوا جماعات وجماعات ، اختاروا أفضل المناطق وقعدوا فيها *كانوا يزازوا فى شابات وشباب المدارس والجامعات ، من تحرش وحلق شعر وإذلال … *كانت مقارهم ومعسكراتهم ، مجهزة أحدث التجهيز ، حيث التكييف والكهرباء التى لا تقطع و القطع المتواصل يحدث فى المستشفيات … *كان مقرهم او معسكرهم "طيبة" يفوق الخيال ، وهذا ما ساعد فى هزائم الجيش تلك وتواجدهم الذى ما زال بجبل إولياء *احتفل عبد الرحيم دقلو بإفتتاح سجن سوبا ، تعجبت وقتها من حكومة (كان معاهم فيها ناس قحت) تحتفل بإفتتاح السجون… *كانوا فى حالة تجنيد لا ينقطع - آخر عهد حمدوك الأول ، كان حضورا فى واحدة من إحتفالات تخريج دفعة ! *كانوا دولة موازية بموارد الشعب السودانى ، وبعدها تدفع لهم الدولة مرتباتهم حتى زمن الحربة *ما خلوا منطقة فى السودان ما مشوا وانتشروا فيها، حيث محاولة احتلالهم لمنطقة مروى لم تكن جديدة ، ذهبوا اليها بقيادة دقلو ٢ وكمان قال فيها مستشفى ! *موضوع مروى طويل … *كانت سجونهم أعتى السجون وما اختطاف ودعكر من الكلالات وتعذيبه فى سجنوهم حتى الموت ببعيد *كانوا كما طائر الوقواق - يختارون أى مكان ويحتلونه - كل هذه الأماكن والمؤسسات كما الإذاعة ومصفاة الجيلى -كانوا أصلا متواجدين فيها *حتى خالد سلك كان فى حالة هم شديد -مرددا لا يمكن التخلص من الدعم السريع…
Quote: ورأيي عن حكومة الدعم السريع نناقشه في البوست المخصص لذلك ما تشخصني الحاجات البيننا مجرد إختلاف آراء
بسم الله الرحمن الرحيم ، ولا شخصنة ولا خلافه ثم أناقش محل ما عايزة ، انت جيت مرات متعددة لهذا الخيط من بدايته بدل أمشى اعلق هناك أربط المسائل ببعضها وأكتبها ليك هنا …
Quote: - إنتي رأيك ما تنفخوا الكيزان ساكت وأنا بقول ما تسهينوا بيهم كمان
لو استهنت بالكيزان وخبثهم سأكون "قصيرة"😀فهم جد جد
Quote: وكما قال الإمام الشافعي رأي صواب يحتمل الخطأ ورأي غيري خطأ يحتمل الصوات
وفى الختام ، أضيف ما كتبه الأستاذ عبد العزيز بركة ساكن، عليه السلام
Quote: عبدالعزيز بركة ساكن يكتب 🖋 سأله: لماذا يقف البعض في هذه الحرب مع الجنجويد؟ قال، هؤلاء الذين جربوا حكم الكيزان ولم يختبروا حكم الجنجويد جيدًا، فهم الغافلون. سأله: لماذا يقف البعض أيضًا مع الكيزان؟ قال: هم الذين ذاقوا يد الجنجويد ولم يختبروا يد الكيزان، ويُطلق عليهم:"الهالكون". سأله: لماذا البعض ليسوا ضد الجنجويد وليسوا ضد الكيزان. نهض الشيخ، ذهب للمرحاض ثم عاد وجلس، وقال: يُقال لهم الطامة. وما هي الطامة؟ فبكى الشيخ سأله: لماذا يقف البعض مع الجنجويد ومع الكيزان في نفس الحال والمآل؟ قال هم، من قِيل عنهم "ركاب سرجين وقييع"، الأزرقية واللصوص والسياسيين والمؤلفة قلوبهم. سأله: لماذا يقف البعض ضد الجنجويد وضد الكيزان معًا؟ ابتسم الشيخ، ثم رشف من فنجان قهوته الباردة، انبس قائلًا هم الذين، هتفوا: العسكر للثكنات والجنجويد ينحل. وهم الذين تَمَّ ذكرهم في كتاب الثورة، ثلاث مرات، نسيت المرتين ولكن في الثالثة وصفوا بأنهم: من يرثون هذه الأرض.
02-11-2025, 05:07 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9302
سلام اخت هدى و مولانا حافظ و جميع الضيوف, معليش امس دخلت البوست و ما قدمت السلام. المعروف عن ميكافيللى "الغاية تبرر الوسيلة" و يبدو عندو اقوال و حكم كثيرة اخرى كالذى اتى به "بدرالدين الفيصل" و كبشره مولانا. الداير اقولو انو الاحزاب السودانية بقت تعمل تحالفات كثيرة و ربما بدون هدف و ربما صارت تتقيد ببرنامج التحالفات اكثر من برامجها التى تميزها. اى تحالف قحت و تقدم اصبح حزب فى حد ذاته. افتكر الحزب الشيوعى انتبه مبكرا او حدد اهدافه و بذلك اختار طريقه. يجب على هذه الاحزاب البدء فى التركيز على برامجهم الخاصة و تخصيص 90% من وقتهم لاجندتهم الخاصة و ربما 10% للتحالفات. فى الاخر, و يجيبو على سؤال "ما الهدف من التحالف؟"
02-12-2025, 04:18 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: سلام اخت هدى و مولانا حافظ و جميع الضيوف, معليش امس دخلت البوست و ما قدمت السلام. المعروف عن ميكافيللى "الغاية تبرر الوسيلة" و يبدو عندو اقوال و حكم كثيرة اخرى كالذى اتى به "بدرالدين الفيصل" و كبشره مولانا. الداير اقولو انو الاحزاب السودانية بقت تعمل تحالفات كثيرة و ربما بدون هدف و ربما صارت تتقيد ببرنامج التحالفات اكثر من برامجها التى تميزها. اى تحالف قحت و تقدم اصبح حزب فى حد ذاته. افتكر الحزب الشيوعى انتبه مبكرا او حدد اهدافه و بذلك اختار طريقه. يجب على هذه الاحزاب البدء فى التركيز على برامجهم الخاصة و تخصيص 90% من وقتهم لاجندتهم الخاصة و ربما 10% للتحالفات. فى الاخر, و يجيبو على سؤال "ما الهدف من التحالف؟"
محجوبنا سلام واحترام~ أتفق معاك فى مسألة الأحزاب وذوبانها فى تحالف حتى لو مرحلته انتهت ، لدرجة انهم يواصلوا فى التحدث بإسم التحالف لا غير ، كأنهم خايفين ما يكشفوا حجمهم الحقيقى ! *المثال المعاصر قحت-تقدم-مفاصلة-صمود *قحت كانت مصرة لدرجة محيرة وما زالت كيفما كانت أسماءها فى عدم توضيح مواقف أحزابها *كل مواقفهم ، كانت تحقق السلوك الميكافيللى عند الطرف الآخر وأنهم قوة عاتية …
03-23-2025, 04:25 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: #نجئ للمهم :الثورة وعناصرها لازم ترتفع أصواتها، تحالف يعم كل البلد ، يأخذ الأمر -ودا موضوع طويل طبعا #كل الشعب السودانى المتواجد فى السودان ساهموا وما زالوا شغالين فى دحر الجنجويد #لتصمت مجموعات قحت/تقدم ومن يتبعها من ترديد ونفخ حجم الكيزان #دا نضال الشعب السودانى ،نعم شباب من الكيزان شاركوا كمواطنين بالشكل الذى لا يعرفوا غيره #اذا كانت الفيديوهات والقنوات تسهل لهم نشر دعاويهم ،لازم صوت الثورة يرتفع أعلى #صاح إمكانيات عامة الشعب ضعيفة ،عشان كدا الكثير والخطير من عمائل الجنجويد لسه ما ظهرت
03-23-2025, 08:15 PM
Hassan Farah Hassan Farah
تاريخ التسجيل: 08-29-2016
مجموع المشاركات: 11410
عبدالرازق يوسف الحاج-المملكة العربية السعودية مكتبتى رابط مختصر
(ممنوع التصوير الجيش يقترب من القصر الجمهوري يجب ان لا يدخل القصر إلا عناصر الجيش فقط هنا رمزية السيادة والشرعية مهمة ..ممنوع بث صور العناصر الاخرى من داخل القصر فقط الجيش الجيش فقط انتهى عثمان .) عثمان ميرغني من مدة ظل يحذر ويكرر التحذير للإسلاميين وكتائبهم المتطرفة. لما تحصلو القصر الجمهوري طلعو الجيش من "الفضية" خلوه يتصور ياخد اللقطة الأولى ورجعوه تاني مع العدة والعفش. وممنوع بث صور العناصر الأخرى، طبعا عثمان قاصد هنا الكتائب الإسلامية التي تسيدت المشهد العسكري بشكل كامل، ولها سجل انتهاكات وجرائم حرب موثقة مع الجيش من قتل جماعي وذبح وحرق. تخيلوا لأي حد وصل الهوان بالجيش المزعوم لدرجة تسول اللقطة الأولى. الحصل انو القصر امتلأ بكتائب البراؤون الاسلاموية المتطرفة، مع رفع شعارات وهتافات وأناشيد جهادية. وعينك ما تشوف إلا جلسات التصوير للكتائب الإسلامية داخل وخارج القصر. وتم تصوير قائد كتائب البراء المصباح وهو يضع الكوفية الفلسطينية التي تتخذها حركة حمااس شعار، وهو يصعد السلم داخل القصر. "ودلالة ذلك لا تخفى على أحد بالطبع". والقيادي الإسلامي الدكتور أمين حسن عمر قبل أيام قال تصريح خطير، عن كتائب الإسلاميين انهم هم من سيحكمون السودان من بعدهم. وتحدث أمين حسن عمر أيضا عن 500 الف مقاتل للتدخل في الطوارئ فقط. "يعني لسه ما شفتو حاجة". والما سمع تسجيل عمسيب عن تسيد الكتائب الإسلامية للمشهد العسكري يسمعو. عمسيب قال انو المجموعات والكتائب الاسلامية خارج سيطرة الجيش، وهاجم المصباح هجوم عنيف جدا. عمسيب قال الناس ديل يقصد الإسلاميين عندهم مشروع وبرناج واي شخص باحث أو متخصص في الجماعات الإسلامية الإخوانية والسلفية يستطيع أن يرى ذلك بوضوح شديد. عمسيب قال انو دي رسالة للمجتمع الدولي الإقليمي انو هذا الجيش ما هو إلا جيش الحركة الإسلامية. وقال ليهم انو الحاجة دي حيكون عندها عواقب وخيمة مع حساسية اليمين ودول المنطقة العربية من الإسلاميين. عمسيب نصح الاسلاميين بالتمويه مثلما فعل حسن الترابي عندما نفذ انقلاب الجبهة الإسلامية عبر الجنرال عمر البشير على حكومة الصادق المهدي المنتخبة. "اذهب إلى القصر رئيسيا واذهب أنا إلى السحن حبيسا" وقال ليهم الترابي دخل السجن عشان العالم ما يعرف انو انقلاب إخوان مسلمين. عمسيب في التسجيل الغاضب قال أول مرة القى ناس يعطون مصداقية لخطاب العدو "يقصد أن القوى المدنية، والدعم السريع تقول أن هذه الحرب هي حرب الاسلاميين هم من هددو بها، وهم من اشعلوها، وهم يجهضون كل منابر التفاوض لوقفهم وهم من يتصدرون المشهد العسكري ويسعملون على استمرارها". نرجع لنصيحة عثمان ميرغني بتاعة جيبو الجيش من الفضية خلوه ياخد اللقطة الأولى ورجعوه. انا شخصيا الكتاب الصحفيين الاسلاميين ديل بحيروني، وبالذات عثمان ميرغني. وعثمان ميرغني من دون الكتاب الإسلاميين بعتبر نفسو مصنع أفكار و One man think tank ويوميا عندو فكرة جديدة واقتراح جديد ونصيحة جديدة. لكن انا بالنسبة لي عثمان ميرغني دون الكتاب الاسلاميين تيرمومتر، بعرف بيها حاجات محددة هو زاتو ما بكون واعي بيها. وما يحير كيف فات على عثمان ميرغني انو العالم متابع عن كثب ويراقب ويحلل سيطرة الاسلاميين على المشهد العسكري والسياسي. وأن مراكز الدراسات والباحثين والمتخصصين في الجماعات الإسلامية والتطرف العنيف كذلك يتابعون ويدرسون عن كثب الدور المحوري للإسلاميين في حرب السودان. وكيف فات على عثمان ميرغني أن القوى السياسية تتابع وتحذر من خطورة تسيد الإسلاميين للمشهد العسكري. وكيف فات على عثمان ميرغني بيانات الحركة الإسلامية وتصريحات قياداتها الكبار والقيادات الوسيطة. وكيف فات على عثمان ميرغني متابعة الشعب السوداني وهم يرون الكتائب الإسلامية في كل مكان. وكيف فات على عثمان ميرغني أن الإسلاميين وكتائب البراء قدموا الآلاف للوصول للقصر، في المقرن، وباتجاه القيادة، ومحور شارع النيل والبحر، والتقدم من اتجاه الشجرة، ومعارك وسط الخرطوم في شروني التي فقدو فيها ما فقدو. وكيف فات على عثمان ميرغني أن ضباط الجيش الاسلاميين، لما الناس بتسأل "وينو الجيش"، رد الجنرال الإسلامي العميد طارق كيجاب قال ليهم سؤالكم ده فيهو خطأ مفاهيمي وفي الاسلام مافي جيش نظامي لديه مرتبات، واستدل بالرسول محمد عليه الصلاة والسلام انه ما كان يعطي مرتبات، وانو الجيش حسب الاسلاميين استنفار. وكيف فات على عثمان ميرغني أن الداعية الإسلامي القيادي عبد الحي يوسف تحدث في تسجيل مطول في اسطنبول بتركيا، عن أدق اسرار الحرب وطبيعتها، وأن المقاومة الشعبية ما هي الا غطاء للجهاد، لأن الغرب لا يريد كلمة جهاد لذلك سموه تمويها بالمقاومة الشعبية، ولديهم مقاتلون شباب مدربون تدريب عالي واشار إلى جهادي شاب مصاب يجلس بجواره، علاوة على مقاتلين لهم خبرة في "الجهاد في الجنوب" يقصد الحرب الأهلية في الجنوب. وعبد الحي يوسف قال في تسجيل تركيا أن الحرب اعادت البريق للحركة الإسلامية. وهاجم عبد الحي دول الخليج على رأسها السعودية والإمارات وكذلك الأردن لم تسلم من هجومه.
فهل تصلح "نظرية الفضية" ما افسدته الحركة الإسلامية؟
03-23-2025, 08:32 PM
Hassan Farah Hassan Farah
تاريخ التسجيل: 08-29-2016
مجموع المشاركات: 11410
تحياتي هدي وضيوفك الكرام. بدأت كتيبة البراء بالظهور بعد أن تم فتح الباب لاستيعاب المستنفرين فقد تم نسب المستنفرين لكتائب البراء لتكبير حجمها. الآلة الاعلامية الكيزانية كان من اولوياتها التركيز علي دور كتائب البراء ودورها الفعال في قتال الجنجويد وتجيير اغلب انتصارات الجيش لهذه الكتائب. طبعا ليسوا محتاجين لنفخ فإن قيادات الجيش كيزان ويمتثلون لاوامر ورغبات القيادات الكيزان. المشهد والصورة بالكامل كيزانية ليست هناك قوة حقيقية تقود الثورة احزاب منتهية وحركات منبطحه لمن يدفع والسلام.
03-24-2025, 10:40 AM
Hassan Farah Hassan Farah
تاريخ التسجيل: 08-29-2016
مجموع المشاركات: 11410
السودان.. مخاوف من “تسيد” كتائب الإخوان للمشهد العسكري صورة محررو الراكوبة 3 محررو الراكوبة 323 مارس، 20259 فيسبوك X كتيبة البراء بن مالك الجهادية كتيبة البراء بن مالك الجهادية
أججت الأضواء الكبيرة التي سلطت على قائد “كتيبة البراء” المصباح طلحة وعدد من قادة كتائب تنظيم الإخوان داخل القصر الرئاسي في العاصمة السودانية الخرطوم، المخاوف المتزايدة من مآلات تسيد تلك الكتائب للمشهد العسكري والإعلامي، والهدف من مشاركتها في الحرب الحالية المستمرة منذ منتصف ابريل 2023، فما أسباب تلك المخاوف وإلى ماذا تستند.
وفقا لمقطع فيديو نشره على صفحته في فيسبوك، ظهر قائد كتيبة البراء، بعد بعد خروج قوات الدعم السريع من القصر، الجمعة، وهو يحمل علم السودان ويتجول بين ردهات القصر ويتلقى التهاني من عسكريين ومقاتلين بينهم ضباط برتب كبيرة.
ويأتي هذا الظهور المكثف لقائد كتيبة البراء في ظل مؤشرات على احتدام التنافس بين الحركات والمجموعات المسلحة التي تقاتل مع الجيش، مما اثار مخاوف من حدوث مواجهات في إطار صراع محتمل على السلطة، وسط اتهامات للجيش بفتح المجال امام تكاثر المليشيات التي تشكلت 11 منها بعد اندلاع الحرب.
تأجيج الصراع
يرى مراقبون أن تكثيف ظهور قيادات كتيبة البراء يؤجج التنافس بين المجموعات المتحالفة مع الجيش ويفاقم بالتالي التداعيات الكارثية للتزايد المتسارع في وتيرة تشكيل مليشيات مسلحة على أساس جهوي أو قبلي أو عقدي في السودان، خصوصا في ظل الصراع المحتمل على السلطة.
وفي هذا السياق، يشدد الباحث السياسي الأمين بلال على أن انتشار تعدد القوي المسلحة خارج الأطر النظامية هو الخطر الاكبر على السودان، مشيرا إلى أن مكمن ذلك الخطر يتمثل في نشوب مواجهات مسلحة محتملة بين مختلف المليشيات بما في ذلك المليشيات المتحالفة مع بعضها الآن، وذلك في إطار الصراع والتنافس حول السلطة. ويوضح “معظم المجموعات المسلحة تهدف بمشاركتها في هذه الحرب للحصول على السلطة وهو ما يتضح من خلال أنشطة التلميع الإعلامي خلال المعارك”. ويضيف “تستند المجموعات الحاملة للسلاح على توجهات قبلية وجهوية للتحريض على أخذ الحقوق بالقوة بدلا من أخذها عن طريق العمل المدني والسياسي المطلبي، ما يعني البدء في تشكيل سودان مبني على صراع الكل ضد الكل”.
ومن جانبه، اعتبر الناشط حسن الرضي أن التنافس على الظهور الإعلامي بعد دخول القصر يؤكد أن الحرب التي أودت بحياة الآلاف ودمرت مدنا بأكملها “لم تكن صراعا بين رؤى سياسية متنافسة، بل تنازعا بين مليشيات وقوى عسكرية، كل منها يسعى لحيازة السلطة بأي ثمن”. وينبه عبدالرضي إلى أن تعدد الجيوش والمليشيات، يجعل السودان ساحة مفتوحة لصراعات لا تنتهي، موضحا “وجود عشرات المليشيات يعني أن دورة الحرب ستستمر، ما لم يحدث تحول جذري في بنية الدولة”.
محركات التنافس
يشير محللون إلى أن السعي نحو تحقيق مكاسب سياسية وسلطوية هو أبرز محركات معظم المجموعات المسلحة التي تقاتل مع الجيش.
وفي يناير كشف القيادي في الحركة الإسلامية عبد الحي يوسف عن تلك النوايا بشكل واضح حيث اشار خلال ندوة في نوفمبر في مدينة إسطنبول التركية إلى احقية الكتائب الإخوانية التي تقاتل إلى جانب الجيش، في السلطة.
وفي مارس الجاري، أكد قائد الجيش عبد الفتاح البرهان أن كل المجموعات التي حملت السلاح وقاتلت إلى جانب الجيش ستكون شريكة في أي مشروع سياسي بالبلاد، وأضاف “القوات المسلحة لن تتخلى عن كل من حمل السلاح وقاتل الى جانبها”.
ويشدد الصحفي والمحلل السياسي محمد المختار محمد على ان السماح بسيطرة شعارات كتائب البراء على كامل المشهد، يتنافى مع القواعد العسكرية المعروفة في اوقات الحروب حيث تكون عادة مسالة التصريحات الإعلامية حول سير العمليات وتوجيهها من صميم العمل المهني لضباط مختصين في الجيش. ويقول محمد لموقع سكاي نيوز عربية “تسيد قادة كتيبة البراء للعمليات وتصديهم للتصريحات الإعلامية يقدح في مهنية الجيش ويضر بسمعته حيث تدور اتهامات جدية لهذه الكتيبة وغيرها من الكتائب المتطرفة بارتكاب جرائم على طريقة داعش”.
فيسبوك X مشاركة عبر البريد طباعة صورة محررو الراكوبة 3 محررو الراكوبة 3 9 تعليقات Avatar photoيقولالكردفانى: 23 مارس، 2025 الساعة 11:54 ص الله ينتقم منك يا برهان، دنيا وآخره يارب العالمين.
رد Avatar photoيقولكيمو الشايقي: 23 مارس، 2025 الساعة 12:24 م سوف تعود الحركه الاسلاميه وبقوه وتتصدر المشهد بعد القضاء علي هؤلاء الاوباش وسوف تفرض نفسها علي الشارع السوداني وذلك باختيار الناس لها دون سواها وسوف تكون كتيبة البراء هي النواة الاولي للحركة الإسلامية في ثوبها الجديد وذلك لأن الدين يمثل وجدان الشعب السوداني ولو كره الكافرون من الشيوعيين والبعثيون وانصار حزب الامه وذلك لأن الشيوعيه انتهت من العالم منذ زمن بعيد وان حزب البعث إنما هو شجره خبيثه نبتت في ارض السودان بالخطأ ولا مكان لها ويجب اقتلاعها من جذورها وان حزب الامه أصبح وكرا وملجا للجنجويد ويجب علي الحكومه حظره والقبض على قادته امثال برمه ناصر
رد Avatar photoيقولمحمد هلال: 23 مارس، 2025 الساعة 1:23 م مافي اي صدام او حرب حتحصل بين اطراف من جلابة دولة ٥٦ انت فاكرهم دعامة ابوات مخ مخاطة الدعامة الجهلاء الوهم بيعتمدوا على القوة لجهلهم وعدم تعليمهم ولانعدام ميزة العقل والتفكير عندهم فبيعتمدوا على القوة في كل شيء لكن ديل جلابة دولة ٥٦ تفكير الجلابة متطور بيعتمدوا على العقل والتفكير والدهاء لان القوة ممكن الاستغناء عنها باعتماد الحيلة فلو اي طرف حب يستلم السلطة بيتكتك انقلاب ما يستمر الا ساعات وتكون استلمت البلد وحيدت اعداءك في بيوتهم حتى دون ان تقتلهم وتستلم المواقع العسكرية وتعلن بيان استلامك للحكم وتطمئن المواطنين بانه لن يصيبهم اي مكروه لا لارواحهم ولا لممتلكاتهم كل الامر بيتم وفق خطط وتجنيد ضباط كبار في المواقع المراد استلامها بدون اي خسائر تذكر وتاني يوم المواطنين يمارسوا حياتهم عادي كان لم يتغير الرئيس والحكومة لكن هؤلاء الجهلة الدعامة حبوا يستلموا السلطة بهذه الطريقة التي كلفتهم ارواح بمئات الالاف لماذا؟ لانهم فاقد تربوي ومجموعات من الرعاع والجهلة سرعان ما نسوا مشروع استلام الحكم وانقلب الامر لنهب بيوت وممتلكات ومنازل المواطنين مافي جلابي حيعمل كده ولو رجعتو ٥٠ سنة للوراء لان مستوى تفكيرهم وعقليتهم متطورة واتطورت للمركز الحضري والحضاري والتعليمي الذي تربوا فيه ليس كعقلية حراد ابصحراء الفشلة انقلاب ما عارفين تعملوه وتخربوا البلد لفشلكم تبا لكم جهلة اغبياء حرامية رعاع
رد Avatar photoيقوليوسف على: 23 مارس، 2025 الساعة 1:34 م موتو بغيظكم ياكلاب السفارات
رد Avatar photoيقولنادر على حسن: 23 مارس، 2025 الساعة 3:00 م عندما اشعلوا الحرب كلاب السفارات الذين دافعوا عن السودان ضد المغتصبين واللصوص والعملاء هم كتائب ولهم ترفع العمم
رد Avatar photoيقولمواطن: 23 مارس، 2025 الساعة 5:03 م ياجماعة الخير كتيبة البراء او غيرها من المجوعات التي تقاتل المليشة مافي خوف منها ولن تشكيل مليشيات مسلحة على أساس جهوي أو قبلي أو عقدي في السودان لانها مجموعة من الشباب جاءوا للدفاع علي الوطن ولايحملوا اي قضية معاهم وهم من جميع اقليم السودان ويعني ماهايكونوا طبعا من الشرق وجاءوا للمشاركة وبعدين سوف يقوموا يحاربوا الجيش والحكومة عشان قضية الشرق وعدم العدالة لالالا ومااظن جاءوا عشان العقيد ومحاربة الحكومة في قضية العلمانية اذا حدثت لا ديل شباب من اجل الدفاع علي الوطن وياريت لو الاحزاب جاءت وحاربت كماان وبعدين نبقي نشوف قضاياهم شنو المهم التحرير السريع وينكم يا احزاب وينكم نعم الخوف من المشتركة وقضية دارفور غير كدا مافي اي خوف من البراء وانشاءالله بعد الحرب دي يعملوا حزب ويشاركوا في الحكومة ودا من حقهم طبعا والخوف من الاعلام الخارجي وقناة الحدث والعربية والجزيرة مش قناة الحدث والعربية كانوا في حادثة والي دافور اها امبارح برضو المسيرة الجاءت وقتلت الاعلاميين كانوا وراءها ناس الحدث والعربية هم من دل علي المكان نرجو من الحكومة تطلع القنوات هذه من البلاد كلها لغاية نهاية الحرب لانهم هم من يدل ويساعد المليشة علي الهجوم والضرب اطردوهم للخارج بلا حدث بلا عربية بلا جزيرة
رد Avatar photoيقولسعد محمد سعد ام روابه دار الريح: 23 مارس، 2025 الساعة 5:34 م اشك ياكردفانى ان تكون من كردفان ونسأل الله أن ينتقم من كل العملاء واسيادهم الذين دمره السودان
رد Avatar photoيقولسعد محمد سعد ام روابه دار الريح: 23 مارس، 2025 الساعة 5:37 م اشك ياكردفانى ان تكون من كردفان ونسأل الله أن ينتقم من كل العملاء واسيادهم الذين دمره السودان
رد Avatar photoيقولكوز برأس كلب مسعور وجربان!!: 23 مارس، 2025 الساعة 7:09 م كثرة الكتايب والمليشيات ستؤدي الي فوضي عارمه متوقعه بنسبة الف في المائه. ستنفلت الامور ويعم الفوضي بالبلاد كلها وستبدأ حرب الكل ضد الكل. حركات مسلحه لا عدد لها وتتكاثر اميبيآ كل يوم وكل منها تريد نصيبها من كيكة السلطه، وسيكون البرهان كالمديون كل دائن يريد منه نصيبه، وستندلع الخلافات والذخيره توري وشها وسوف لن يكون هنالك بلاد إسمها السودان، اللهم الا اذا انقرض الكيزان ابناء الحرام عن بكرة أبيهم وتم حل جميع الحركات والمليشيات المسلحه باتفاق الجميع وليس يالقوه القاهره. لكن هذا الاحتمال ضعيف جدآ. عمومآ علي هؤلاء الفرحي ومروجي الاشاعات ان يبلوا رؤوسهم وينتظروا الحلاقه الجايه!!!
03-24-2025, 11:50 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
أخى المحترم دكتور حسن فرح~ #شكرا على الإضافات #بالتأكيد الكيزان حتى نضال الشعب واستشهاده فى هذه الحرب سيحاولون نسبها إلى أنفسهم لكن دى إنتصارات الشعب السودانى وهم مجرد مشاركين.
03-24-2025, 11:57 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: وتحدث أمين حسن عمر أيضا عن 500 الف مقاتل للتدخل في الطوارئ فقط. "يعني لسه ما شفتو حاجة".
وهل الحركة الاسلامية حقيقةً عندها 500 الف مقاتل؟ إذا الحركة الاسلامية عندها 500 الف مقاتل، فكم عدد اعضاء الحركة الاسلامية وكم عدد الداعمين لها؟ إذا الحركة الاسلامية عندها 500 الف مقاتل فبحسابات بسيطة معناها الحركة الاسلامية لها شعبية اكبر بكتير جداً من كل التنظيمات والاحزاب الاخرى مجتمعة، ومعناها كلام حسين خوجلي بتاع إنهم بمثلوا 98% من الشعب السوداني صحيح.
الحقيقة أن المنظمين والملتزمين في تنظيمات الحركة الاسلامية كلهم قد لا يتجاوز عددهم 5 الف واكتر من 50% منهم اعمارهم فوق 60 سنة وما عندهم قدرة على القتال. كلام امين حسن عمر القصد منه نفخ الحركة الاسلامية . امين حسن عمر ما براهو، كل الكيزان مجتهدين جداً في تكبير حجمهم بمثل هذه الاكاذيب. ليه نحن قاعدين نساعد فيهو بالنفخ معاهو؟
استغرب بشدة كيف زول بقيف بجانب الثورة ويستشهد بكلام امين حسن عمر اعلاه ويتعامل معه كحقيقة. وكمان يسعى لنشره
03-24-2025, 12:37 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: تحياتي هدي وضيوفك الكرام. بدأت كتيبة البراء بالظهور بعد أن تم فتح الباب لاستيعاب المستنفرين فقد تم نسب المستنفرين لكتائب البراء لتكبير حجمها. الآلة الاعلامية الكيزانية كان من اولوياتها التركيز علي دور كتائب البراء ودورها الفعال في قتال الجنجويد وتجيير اغلب انتصارات الجيش لهذه الكتائب. طبعا ليسوا محتاجين لنفخ فإن قيادات الجيش كيزان ويمتثلون لاوامر ورغبات القيادات الكيزان. المشهد والصورة بالكامل كيزانية ليست هناك قوة حقيقية تقود الثورة احزاب منتهية وحركات منبطحه لمن يدفع والسلام.
تحياتى وسلامى ، أخى عارف العارف~
*عزت+الماهرى من أيام ثورة ديسمبر (بعد انتصارها) جاء برك فى السودان ، وأصبح الساعد الأيمن لحميدتي *كان داعية حرب بإمتياز وكان ضامنا لنصر الجنجويد *حميدتى فى رمضان قبل سنتين أيام الحرب الأولى قال هو تاجر وفى معناه حسبها حربا رابحة *ليه عزت+الماهرى كان فاكر انهم حيمسكوا البلد لانه كان متابع وعارف انه أعداد الجيش السودانى تقلصت تماما وتم إستبدالها بتجنيد دايم للدعم السريع حتى حمدوك فى آخر أيام حكومته الاولى قبل الإنقلاب ، كان حضورا لإحدى حفلات تخريج دفعة للدعم السريع *ليست الخرطوم وحدها مليانة جنجويد ، انتشروا فى كل السودان… *الكيزان بعد نهبوا خير البلد ، أفتكروا إنهم ضمنوا كل شئ وأن الجنجويد حمايتهم! *الجنجويد كما طاير الوقواق قاعدين بدون إذن فى كل مؤسسات الدولة، الإذاعة ، مصفاة الجيلى (يعنى كل الأماكن دى دخلوها وصقيرها باردا) *أذاقوا الشعب السودانى المُر ، خاصة الشباب - من ملاحقات ، قص شعرهم، خطفهم وقتلهم كما حدث للشهيد ودعكر من جهات الكلاكلة *كانوا دولة موازية بإمكانيات عالية جدا من موارد الشعب السودانى *معليش للإطالة: #بعد الحرب والدعوة للإستنفار (رغما عن رأيى عنه) - المسألة دى أزعجت عزت+الماهرى والداعمين بشدة، ليه؟ …لأنهم عارفين انه ما فى أفراد كفاية فى الجيش السودانى وقتلوا منهم الكثيرين أيام الحرب الأولى ، وواصل الجنجويد حربهم على المدنيين …لما عزت+الماهرى وجماعته يصرخوا "المُستنفرين" وحيقتلوهم وشنو وشنو ، ما خوفا على الشعب السودانى ، لانه الجنجاكيزان كدا ولا كدا مواصلين فى حربهم ضد المدنين ومواصلين فى اضافة أعداد وأعداد لصفوفهم من كل الإنواع والبلدان …المهم الشباب فى السودان انضم عدد منهم للجيش السودانى، وحاربوا ، كانوا يضحوا بحياتهم بشجاعة لا تماثلها شجاعة ، بيجروا أمام العمارات حتى يكشفوا مواقع الجنجويد القناصة …كانت معركة القصر مثالا #كم استشهد عددا من خيرة أبناء الوطن وكم قُتل عددا من خيرة أبناء الوطن من غير أن يحملوا السلاح حتى … #قصدى من الكلام الطويل دا، دحر الجنجويد تم على أيدى أبناء الشعب السودانى واذا البراء أو غيرهم من مجموعات إسلامية (يتعدوا على الأصابع) شاركوا ما يجوا يدعوا أنهم هم كانوا القوة - انهم مجرد مليشيات إلى زوال #هم مجرد مجموعات صوتها عالى وعندها إمكانيات التصوير ، بدليل هذا المصباح الذى يتحاوم بين اللقطات
###عشان كدا ما ننفخهم ونديهم حجم أكبر من مجرد انهم مشاركين مع أبناء الشعب لا أكثر ولا أقل #ويوم الحساب آتٍ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
Ali Alkanzi
Nasr
صديق مهدى على
حيدر حسن ميرغني
Arif Nashed
Hassan Farah
عبداللطيف حسن علي
Hafiz Bashir
Mahjob Abdalla
فيس بوك
تويتر
انستقرام
يوتيوب
بنتيريست