Post: #1
Title: شروط جديدة للسفر خارج السودان
Author: زهير ابو الزهراء
Date: 02-03-2025, 09:50 PM
08:50 PM February, 03 2025 سودانيز اون لاين
زهير ابو الزهراء-السودان
مكتبتى
رابط مختصر
شروط جديدة للسفر خارج السودان
هبة علي هبة علي
أعلنت شركة تاركو للطيران عن مجموعة من التوجيهات الجديدة التي يجب على المسافرين الالتزام بها، حيث يتعين عليهم تقديم شهادة تطعيم ضد الالتهاب السحائي الثاني قبل موعد السفر بعشرة أيام على الأقل. ويجب أن تكون صلاحية هذه الشهادة سارية لمدة لا تتجاوز ثلاث سنوات.
وأوضحت الشركة أن هذا الإجراء ينطبق على جميع أنواع التأشيرات، باستثناء الأطفال الذين تقل أعمارهم عن عام واحد. كما تم استثناء ركاب الترانزيت الذين تكون مدة ترانزيتهم أقل من 12 ساعة، مما يسهل عليهم إجراءات السفر.
دعت تاركو للطيران جميع المسافرين إلى الالتزام بهذه التوجيهات لضمان رحلة آمنة وسلسة، مشددة على أهمية التحضير المسبق لتفادي أي تأخير أو مشاكل قد تطرأ أثناء السفر.
اليوم التالي
|
Post: #2
Title: Re: شروط جديدة للسفر خارج السودان
Author: السر عبدالله
Date: 02-03-2025, 10:56 PM
Parent: #1
الحكاية بقت معكوسة ولا شنو الحكاية ..
ما مفروض وانت خارج من السودان سلطات المطار تطلب منك شهادة تطعيم ولكن الدولة الأنت مسافر ليها هي التي تطلب منك ان تكون معك شهادة تطعيم واذا الدولة الأنت مسافر ليها ما طالبة منك شهادة تطعيم فليس من حق سلطات مطارات السودان أو شركات الطيران ان تطلب منك شهادة تطعيم ضد أي مرض وكفاية تعقيدات ووضع صعوبات أمام سفر المواطنين للخارج .
.وان شاء الله تكونوا لغيتوا المصيبة الاسمها تأشيرة خروج من السودان ..وطبعا السودان هي الدولة الوحيدة في العالم التي تطالب بتاشيرة خروج من البلد.
|
Post: #3
Title: Re: شروط جديدة للسفر خارج السودان
Author: Hasheem Karouri
Date: 02-04-2025, 06:32 AM
Parent: #2
Quote: وكفاية تعقيدات ووضع صعوبات أمام سفر المواطنين للخارج ..
وان شاء الله تكونوا لغيتوا المصيبة الاسمها تأشيرة خروج من السودان ..
وطبعا السودان هي الدولة الوحيدة في العالم التي تطالب التأشيرة خروج من البلد. |
السر . تحيه طيبة
فعلا مامن حقهم ناس تاركو . فهم ليس وزارة الصحه . هذا عمل الدولة المضيفه او الانت ماشي ليها .
اعتقد ان السعودية ، هي التي طلبت ذلك ، وناس تاركو " لفحوا " الكلام ونسبوه ليهم ، لنيل الرضاء من السعودية 😁 .
مافي حاجة اسمها تاشيرة خروج . الموضوع ده اتلغي من زمان ، قبل الحرب بفترة .
وحتي موضوع الخدمة الوطنية برضو خلوه .
....
الجديد المره دي انك لازم تكون " بليت ليك كم جنجويدي " . لتكملة باقي اجرأأت السفر 😃 .
تحياتي ،،،،
|
Post: #4
Title: Re: شروط جديدة للسفر خارج السودان
Author: السر عبدالله
Date: 02-04-2025, 07:39 AM
Parent: #3
الحمد لله على إلغاء تأشيرة الخروج...
ولكن الشرط الأخير ده تمام التمام لأنهم بهدلوا شعب السودان .
|
Post: #5
Title: Re: شروط جديدة للسفر خارج السودان
Author: Ali Alkanzi
Date: 02-04-2025, 08:19 AM
Parent: #4
من الواضح انو دا من شروط بلد الهبوط
حتى تتحاشى دولة الهبوط اي إجراءات صحية للقادمين من السودان
فما على الشركة الناقلة الا التنفيذ
وربما من براعتها لم تعلن ان هذا الشرط صادر من سلطات الدولة المشترطة
|
Post: #7
Title: Re: شروط جديدة للسفر خارج السودان
Author: Biraima M Adam
Date: 02-04-2025, 08:32 AM
Parent: #5
مسافرين ماشين وين؟ السودان صار يستقبل الناس من أمريكا؟ .. يعنى أفضل بلد!
بريمة
|
Post: #6
Title: Re: شروط جديدة للسفر خارج السودان
Author: حيدر حسن ميرغني
Date: 02-04-2025, 08:29 AM
Parent: #4
| Quote: الجديد المره دي انك لازم تكون " بليت ليك كم جنجويدي " . لتكملة باقي اجرأأت السفر 😃 |
بقيت صعب يا مان 
|
Post: #8
Title: Re: شروط جديدة للسفر خارج السودان
Author: nazar hussien
Date: 02-04-2025, 02:28 PM
Parent: #6
التطعيم شرط لدخول مكة والمدينة وجدة- ما عدا ذلك فهو غير مطلوب- البيان صادر من السلطات السعودية
تاركو شنو البتفرض شروط - الناس داخلين طيارتهم ما بلدهم
|
|