سؤال لكل السودانيين .. حول الناس الأنيقة .. التي جاءت بالجسر الجوي من جوبا؟!

السؤال صادم .. ومحير .. ويختبر إنسانيكم وقوميتكم .. وغيرها .. لكن دعونا نتفرج

Quote: شوفو الروقان دا ديل الفلول اللي كانو قاعدين في جوبا شوفو الترطيبة كيف؟؟ احسن كتير من ناس حي فيصل وغبيرة ناس حلوة ونضيفة ، وصورة مستحيل تشوفا في اليومين دي كانهم ماشين يحضرو عرس

السؤال هو:
ليه البرهان ما برسل طيارة ويجيب المساليت النازحين في شرق تشاد ؟؟؟

بريمة

السؤال موجه عليكم من صفحة بشري علي
السؤال هو:
ليه البرهان ما برسل طيارة ويجيب المساليت النازحين في شرق تشاد ؟؟؟

بريمة

والمساليت حيرجعوا يسكنوا وين يا ول أبا بريمة اذا مليشيات الجنجويد و مرتزقة دول غرب افريقيا
احتلت منازلهم وقراهم ونهبت ممتلكاتهم؟
هذا المليشيات أصبحت لا تفرق بين القبائل في دارفور وكردفان بل أصبحت تمارس التقتيل والنهب
من طرف ، وخاصة أن مرتزقة دول غرب افريقيا لا تفرق بين مساليت او مسيرية او نوبة أو كواهلة او
شايقية او جعليين ،انهم ضد كل شعب السودان .

هنالك ٤ أصناف من السودانيين بجنوب السودان يا بريمة:
الصنف الاول: مهندسي وفني شركات النفط ومصفاة الجيلي وبعض مدراء والمدراء الفرعيين مقيمين اقامة V.I.P والدولة بتصرف ليهم مرتبات وبدلات شهرية، للان بالدولار بالرغم من انحسار الشغل وديل بالضرورة كيزان او اقاربهم قيادات كيزانية.
الصنف التاني: اطباء،صيادلة، ارباب بزنس خاص، ديل جزء متواضع منهم فلول او قريبو كوز رجع بعد احداث جوبا.
الصنف التالت: تجار، واصحاب محلات..مثلا زي اصحاب السوبرماركت والدكاكين التقليدية محلات موبايلات ومعظم هؤلاء من الزغاوة والفور والبقارة وقليل من الجعليين. وديل متواجدين من منذ عام ٢٠١١ وقبل ذلك.
واخيرا: اللاجئين من مدنيين وعسكر هاربيين وضباط مشتركة سابقيين ونشطاء.
الذين رجعوا انييقين هم الصنف الاول لتقوية اقاربهم ومصالحهم نتيجة الخلافات الكبيرة داخل تنظيم المؤتمر الوطني المبعوج.

وديل رجعوا بتعليمات واضحة من الحزب..او ايقاف المحلول عن المصل.

ول أبا الدقم

والله عفارم عليك .. عشان نضاف ومصوبنين كأنهم جايين من سياحة!!

أها والصنف الأخير، الرابع، ديل خلوهم مثل المساليت ولا شنو؟

------------------------
والله فضيحة .. شعبنا يتم الأستهزاء به بهذه الطريقة المهينة ..

بريمة

شعبك ياتو يا بريمة؟؟ البتشجع في قتله وسحله؟؟

ول أبا نزار

Quote: شعبك ياتو يا بريمة؟؟ البتشجع في قتله وسحله؟؟

الشعب السودانى كله شعبنا .. أنتم سايقنهم بالخلا ..

بريمة