أستقبال السودان .. للمطرودين من أمريكا وبلادهم لا ترغب فيهم .. بمقابل مادي!

06:07 AM February, 02 2025

سودانيز اون لاين
Biraima M Adam-أمريكا الشمالية
مكتبتى
رابط مختصر

لم أعرف سعر الرأس بكم .. البحث جاري!!




بريمة

حميدتي مش كان عايز يلم عرب الصحراء في السودان
ليكونوا نواة مملكة أل دقلو.

يا عبار

السودان بلد فيه حرب، فلا يمكن أن يرسل إليه أي شخص.

بعدين شايف الأيام دي، لازم تعمل حسابك، في كشات في منطقتكم، بالذات جنب ال 7 Eleven ناس ICE راكبين حافلات Vans بيضاء اللون العربية بتقيف جنبك وعينك ما بتشوف إلا النور.
لازم تشيل معاك هوية أو جوازك الأمريكي.

يا دينق وما تنسى ترمب هدد بترحيل المؤيدين لمليشيا حماس وحزب الله كان ضم للقائمة باقي الملايش حنلبد للعبار بعد ما يشيل ال6 باك من ال7/11 ولا يوم الجمعة في مسجد أدم

سلامات يا منتصر.

كلامك ده صعب!

العبار فعلا من مؤيدي الميلشيا، ومن مؤيدي حماس أيضا.
غايتو ال 7 Eleven حرم على العبار، تاني ما عندو أي طريقة يشتري نصف الدستة الأسبوعية، لكن بيني وبينك كده بريمة عندو من النوع التقيل البدفي من البرد.

العبار دينق

Quote: يا عبار السودان بلد فيه حرب، فلا يمكن أن يرسل إليه أي شخص. بعدين شايف الأيام دي، لازم تعمل حسابك، في كشات في منطقتكم، بالذات جنب ال 7 Eleven ناس ICE راكبين حافلات Vans بيضاء اللون العربية بتقيف جنبك وعينك ما بتشوف إلا النور. لازم تشيل معاك هوية أو جوازك الأمريكي.

العبار دينق، المنطقة التى تتحدث عنها هى منطقة Herndon .. دي مدينة تأسست عام 1858م .. لكن سكن فيما بعد ال 70، مجموعات مهاجرة
وأغلبهم الأسبان، ال 7 Eleven .. مميّز لأن أصحاب الأعمال اليومية بشيلوا العمال من هذه المنطقة ..

الشكلة ما فينى أنا، المشكلة في كوستاوي .. من قبل كم سنة رحل في المنطقة ودا أقرب مكان ل 6 باكس ...

بريمة

منتصر

Quote: يا دينق وما تنسى ترمب هدد بترحيل المؤيدين لمليشيا حماس وحزب الله كان ضم للقائمة باقي الملايش حنلبد للعبار بعد ما يشيل ال6 باك من ال7/11 ولا يوم الجمعة في مسجد أدم

أنا من الفان بتاعين الرئيس القوي ترامب، أنا صوت له .. لما يعرف الكلام دا .. ح يقول بخ بخ بالأمريكي ال patriot ..

ناس ال "أيس" ما عارفين يمشوا وين .. يمشوا Asbburn وراء Herndon .. الهنود سوها مدينة هندية حتى عبادة البقر وحرق الجثث فيها (تقول دواعش كيزان) .. ديل مفروض يرحلوهم.

بريمة

عارف

Quote: حميدتي مش كان عايز يلم عرب الصحراء في السودان ليكونوا نواة مملكة أل دقلو.

ما في أي عرب صحراء .. عرب سودانيين كلهم.
حسي بسبب الحروب رحلت "قبيلة الكنين" .. هذه هى قبيلة الطوارق الوحيدة الموجوده في السودان، لديهم أجمل أنواع الأبل.

بريمة

والله كان كشوك يا ود ابا بريمة
حظ الدعم السريع
فاقد قيادات مواليه
وانت احدهم
الله يسمع منكم يا جماعة
نشوف بريمة في
كردفان ام خيرا برا وجوا
يا الف مرحب بيك
بس خسارة ح تجي بمطار بورسودان
بس الفلنقات ما اظن يخلوك تصل
للاشاوس

فيديو القناة الاميريكية التي تطرح فيها السودان يمكن أن يكون بديل للمطرودين لكن مش متأكد من تاريخه.
https://x.com/Bushara_A_Ali/status/1886032141592518988؟t=iEvwRbf4Cq2MXePQ0fa8uAands=09https://x.com/Bushara_A_Ali/status/1886032141592518988؟t=iEvwRbf4Cq2MXePQ0fa8uAands=09

امريكان شنو البرحلوهم السودان وهو في حالة حرب؟؟ يرحلوهم وين؟؟ هو السودانيين ما عارفين الي اسن النزوح واللجوء
ونصفهم في القاهرة وتشاد وجوبا والسعودية وباقي دول الخليج

ول أبا الدقم

Quote: فيديو القناة الاميريكية التي تطرح فيها السودان يمكن أن يكون بديل للمطرودين لكن مش متأكد من تاريخه.

فيديوهات الترحيل جديدة.

السودان ربما من أقترح ليخففوا عليه العقوبات الأخري ..

طبعاً المحلة الوحيدة الأمنة هى شمال السودان، خليهم يودوهم هناك لكي يغلغلوا دواعش الكيزان في الشمال.

بريمة

شيخ الكنزي

Quote: والله كان كشوك يا ود ابا بريمة حظ الدعم السريع فاقد قيادات مواليه وانت احدهم الله يسمع منكم يا جماعة نشوف بريمة في كردفان ام خيرا برا وجوا يا الف مرحب بيك بس خسارة ح تجي بمطار بورسودان بس الفلنقات ما اظن يخلوك تصل للاشاوس

أنا مترقب ظهور وظائف مرافقين للمطرودين .. وأنا جاي معاهم وزول يقدر يقول بغم.

بريمة

ول أبا نزار

Quote: امريكان شنو البرحلوهم السودان وهو في حالة حرب؟؟ يرحلوهم وين؟؟ هو السودانيين ما عارفين الي اسن النزوح واللجوء ونصفهم في القاهرة وتشاد وجوبا والسعودية وباقي دول الخليج

الإدارة الأمريكية تبحث عن من يستقبلهم بمقابل مادي .. ومن يستقبلهم هو المسؤول عن حمايتهم.

سوف يصيرون مواطنين سودانيين بعد فترة ...

والله يا ول أبا نزاز شر البلية ما يضحك .. شوف العالم يفكر في مصالحه ككيف؟ .. أنظر الدولار بعمل في الكيزان شنو؟

بريمة

Quote: الإدارة الأمريكية تبحث عن من يستقبلهم بمقابل مادي .. ومن يستقبلهم هو المسؤول عن حمايتهم.

هو منو القادر يحمي نفسه عشان يحميهم؟؟؟ الا يجيبوا معاهم جيش امريكي

ول أبا نزار

Quote: هو منو القادر يحمي نفسه عشان يحميهم؟؟؟ الا يجيبوا معاهم جيش امريكي

الموضوع يبدو سيك .. سيك معلق فيك!
الرئيس القوي قال شنو لروؤساء الدولة العربية بخصوص سكان غزة؟ قالوا ليه الجماعة رفضو؟! .. قال ليهم يأخذوهم!!!!!

برضو كلومبينا رسلوا لهم ناسهم بالطيران الحربي الأمريكي مكبلين .. قالوا ما ح يستلموهم .. الرئيس القوي قال للطيار إنتظر ما ترجع .. نص ساعة قرار برفع الضرائب علي كل البضائع الكلومبية بنسبة عالية ..
بوووا الجماعة رقدوا برش .. أستلموهم وللأن الضرائب راكبه ... لأن قرار رئاسي وتم إمضاءه بواسطة الرئيس ...

وخلي رئيسنا يقول تدخلوهم .. وأنتم أقدروا كن رجال قولوا لا!! .. عينكم ما تشيف إلا النور علي قول عادل أمام.

بريمة