Post: #2
Title: Re: مريم الأخرى
Author: حيدر حسن ميرغني
Date: 01-28-2025, 03:50 PM
Parent: #1
كبير كده وما بتعرف تنزل فيديو يا بلبوسي 
|
Post: #3
Title: Re: مريم الأخرى
Author: عمر التاج
Date: 01-28-2025, 04:03 PM
Parent: #2
ما عدم معرفة يا حيدر
مجالي الرسمي IT
لكن وضعي ما بسمح لي غير أستخدم هاتف تقليدي
..
ماتجي تنقل الكابشن المرفق مع الفيديو ونزوجك ندى القلعة
|
Post: #4
Title: Re: مريم الأخرى
Author: حيدر حسن ميرغني
Date: 01-28-2025, 04:16 PM
Parent: #3
الكابشن بختفي عند التحميل
عشان كده عملت screenshot عشان يظهر
-
احترامي لبت القلعة .. انا بعز أم قرون 
|
Post: #5
Title: Re: مريم الأخرى
Author: عمر التاج
Date: 01-28-2025, 04:57 PM
Parent: #4
Quote: دة اشرف ولد جيرانا وامو واخوانو معاقين
من الناس القعدو وصمدو في الحلة وانضربو واتهانو
اشرف وامو واخوانو اتحملو شديد وصبرو شديد
حاجة مريم والله ربت ماشا۽الله زمان لمن كانت شباب
كانت مره وراجل ماخلت اولادها يحتاجو حاجة
الناس ديل اخبارم انقطعت عديل 7شهور نحنا ماعارفين عنهم شي
لا معروفين ميتين ولا معرفين حين. بعد دخول الجيش اتضح انو الدعامة حابسنهم في البيت وكسرو لولد يدو وضربو عندي اصبعين راجعين ورا۽
الله ينتقم منكم ي الدعامة عرض أقل |
مافي حاجة اسمها يختفي عند التحميل
اضطريت استلفت لابتوب زميلي عشان الصورة تتضح
ولو اجتهدت معنا نصف ما بذلته مع الهالك
لوهبناك بعد تحرير دارفور عمارة عبد الرحيم دقلو
مع 70 من السبايا أمات قرون
عرض ندى ساري لكن رفعنا له شرطا سقط منه سهوا
(ان هي قبلت)
وان أبت ، فدونك مجاهدات يملأن العين
بس أبعد من ميادة قمر الدين
لأن البت دي وقفتها معانا وقفة
تجعلني أدفع نصف ثروتي وباقي عمري
عشان ترضى أكون جنديا عندها ..
..
..
نرحع لخالتنا مريم
|
Post: #6
Title: Re: مريم الأخرى
Author: حيدر حسن ميرغني
Date: 01-28-2025, 05:10 PM
Parent: #5
| Quote: مافي حاجة اسمها يختفي عند التحميل |
طيب ليه ما ظهر .. وهل انا بقدر احذف كابشن في فيديو ما حقي ؟
عشان كده عملت الاسكرين شوت لاني جربت مرتين انزله بالكابشن وما ظهر
ربما موقع التحميل هو السبب وليس انا
-
عمر قوم لف انت ومجاهداتك
عشان ام قرون بركب الحديد بوكسي 
|
Post: #7
Title: Re: مريم الأخرى
Author: عمر التاج
Date: 01-28-2025, 06:14 PM
Parent: #6
وهنا مريم الثالثة الأخرى ..
..
..
أ| Quote: وهل انا بقدر احذف كابشن في فيديو ما حقي ؟ |
أبدا يا حيدر .. أنا قصدي موضوع الخبرة وكدة ..
المهم شكلك كدة حا تمشي وتجي لبناتنا ديل
القرون دي كان ختيتنا إلا تلقاها عند ابليس
وبنات ابليس .. أقصد أمات قرون ديل بشفشفنك
|
Post: #8
Title: Re: مريم الأخرى
Author: حيدر حسن ميرغني
Date: 01-29-2025, 06:30 AM
Parent: #7
| Quote: المهم شكلك كدة حا تمشي وتجي لبناتنا ديل |
ما بطال لو فيهن سناء حمد ووداد
|
|