|
|
|
 Re: عاجل.. اعلان وشيك للحكومة الموازية داخل ال (Re: زهير ابو الزهراء)
|
| Quote: سيعلن حكومة السلام في الأيام القليلة القادمة من داخل الخرطوم التي تعتبر العاصمة برئاسة الفريق أول محمد حمدان دقلو رئيساً لمجلس السيادة. |
الحكومة دي يا زهير عايزة تحكم منو؟
كلمهم بالله يا زهير ان الخرطوم نزح منها ٧ مليون و٤٠٠ مواطن
واسه ما ساكن في عماراتها الا القطط والكلاب زي ما قال حميدتي قبل هلاكه
واطلب من جماعتك ديل قبل ما يعملوا حكومة يرجعوا سكانها النازحين ..
ويسلموهم بيوتهم المحتلنها عيال دقلو الان
وذكرهم انه عندهم والي ربع كلتش شغالهم في امان الله ومابيحتاجوا الحكومة أخرى او والي
وخبرهم ان واليهم بتاع الجزيرة .. بمجرد تحرير مدني قال "أنا مادعم سريع"
| |
 
|
|
|
|
|
|
|
 Re: عاجل.. اعلان وشيك للحكومة الموازية داخل ال (Re: عمر التاج)
|
حكومة موازية تحكم منو؟؟ والبعترف بيها منو؟؟ بتقدر ترجع لينا منهوباتنا وعرباتنا وكراسينا ومطابخنا
ولحافاتنا وتلاجاتنا وغسالاتنا وقروشنا ودهبنا وما نخب من دكاكينا؟ بترجع لينا ابوابنا وشبابيكنا
واباريقنا وتبروقاتنا؟؟
بترجع لينا باقي المعجون الكان في حماماتنا- صابون عدتنا وغسيلنا؟؟
حتي البلاط والسقوفات- حتي السراير والملايات
الدواليب والشنط
المراكيب والشبط
اذا عايزين يعلنوا حكومة موازية بي عفا الله عما سلف
فنحن ذاتنا حكومة الحكومة
نحن الملايين النازحين
والمشردين والمنهوبين
والمقتولين
لا يمكن ان تأتي حكومة فوق راسنا
دون ان تجبر كل الاضرار الفوق دي
| |
|
|
|
|
|
|
|
|
|
Re: عاجل.. اعلان وشيك للحكومة الموازية داخل ال (Re: nazar hussien)
|
كلو ممكن طالما هناك انصار للدعم الصريع
واحد سجل اسمه بجرائم الحرب
عايز يكون رئيس بلد
وانت اقعد مروج
للاخبار الزي دي يا استاذ زهير
بتجيب
ما في عوجة تب
بكره نرجع امدرمان لبيتنا الهجرتنا منو
الدعم الصريع
ونكتب وثيقة تعايش
وما دايرين منهم التكتح
يا فرحتي
| |
|
|
|
|
|
|
|
|
|
Re: عاجل.. اعلان وشيك للحكومة الموازية داخل ال (Re: Ali Alkanzi)
|
سلام زهير
فكرة غير منطقية
زي ما قال البلبوسي عمر ح يحكموا منو ؟
يبدو أن آفة التشرذم أصبحت عامة وشاملة داخل كياناتنا السياسية
الدعوة لحكومة وحدة وطنية مؤقتة تشمل الجيش ضرورية جداً في هذا الوقت
-
اخونا علي زهير مجرد ناقل للخبر وليس بالضرورة يتفق مع ما نقل
| |
|
|
|
|
|
|
|
|
Re: عاجل.. اعلان وشيك للحكومة الموازية داخل ال (Re: حيدر حسن ميرغني)
|
يعني النكران ده بقى عليك أنت يا زهير ؟
ما قبليك يوسف عزت وصديق عثمان
قالوا نحن ما دعم سريع !
ههههه
لكن يا اخي أنا ما قاصد جماعتك الجنجويد
قاصد جماعتك النقلت منهم الخبر
او جماعتك العايزين يشتركوا في الحكومة
عموما يا زهير ..
أنا مصدقك
ومقدر مشاعرك السلمية
الا بس عايزك تركز في مصلحة المواطن العايز يرجع لبيته
وتسيبك من الاستهداف الواضح للجيش ده
او يا اخي اجله شويه بعد ما نرجع لبيوتنا
ونجد الجو المناسب لعمل ثورة تاني
نطالب فيها المشتركة والبراء تنحل، و الجيش للثكنات
| |
|
|
|
|
|
|
| |
زهير ابو الزهراء
عمر التاج
nazar hussien
Ali Alkanzi
حيدر حسن ميرغني
فيس بوك
تويتر
انستقرام
يوتيوب
بنتيريست