Post: #1
Title: سانت فرانسيسكو غالية نار منقد ، احسن نتخارج سريع
Author: النصرى أمين
Date: 01-19-2025, 04:23 AM
03:23 AM January, 18 2025 سودانيز اون لاين
النصرى أمين-كالغرى, كندا
مكتبتى
رابط مختصر
كباية قهوة و حتة بيقل بما يعادل ستاشر دولار كندى
https://ibb.co/r7sMjLb
لكن بصراحة البلد سمحة شديد خاصة الكبرى المعلق
Golden Gate Bridge
|
Post: #2
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 04:26 AM
Parent: #1
بعدين محل ما امشى القى المكسيكان
كل اماكن الخدمات مكسيكان ... يا كافي البلا لا سود لا بيض لا هنود لا جاينيز
|
Post: #3
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 04:48 AM
Parent: #2
انا كتبتها سان لكن لسبب كيبوردى ظهرت سانت
الشكر لمسقط راسنا سانت كاثرينز اونتاريو ؛ الكيبورد اتعود ....
غايتو لو ترامب داير كندا و امريكا يتوحدو ، كندا و كاليفورنيا يعملوا ثنائي خطير
|
Post: #4
Title: Re: سانت فرانسيسكو غالية نار منقد ، احسن نتخا
Author: ترهاقا
Date: 01-19-2025, 05:02 AM
Parent: #3
ايجارات الشقق ، حدث ولا حرج
|
Post: #5
Title: Re: سانت فرانسيسكو غالية نار منقد ، احسن نتخا
Author: muntasir
Date: 01-19-2025, 05:21 AM
Parent: #4
Quote: بعدين محل ما امشى القى المكسيكان
كل اماكن الخدمات مكسيكان ... يا كافي البلا لا سود لا بيض لا هنود لا جاينيز |
والجماعة الطيبين كيف كتار ولا دي إشاعات ( فيلول) 😂
|
Post: #6
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-19-2025, 06:49 AM
Parent: #5
يا حبيبنا النصري
سلام و احترام ليك و لضيوفك الكرام
لو سع قاعد في ال bay area اقصد واي السيلكون امشي اكل في المطعم دا و حا تاكل اكلة شهية و رخيصة و حا تذكرها مدي الحياة اذا ما اكلت اصابك بعدها
Kabana Restaurant
.thekabanarestaurant.com
1025 University Ave., Berkeley CA 94702 * Phone: (510) 845-3355
|
Post: #7
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-19-2025, 06:54 AM
Parent: #6
نسيت اقول ليك انو البوردابي و الاخ الخدوم و ملك المدينة سيف جبريل هو مفتاحك للمدينة حاول تتواصل معاهو
|
Post: #9
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-19-2025, 07:01 AM
Parent: #7
دا برضو احسن محل للقهوة اذهب له كل ما حللت علي البي ايريا
Heyma Yemeni Coffee
Relaxed coffee shop featuring Yemeni coffee and traditional chai, plus pastries such as baklava.
Located in: 1122U
Address: 1122 University Ave, Berkeley, CA 94702
|
Post: #8
Title: Re: سانت فرانسيسكو غالية نار منقد ، احسن نتخا
Author: ترهاقا
Date: 01-19-2025, 07:00 AM
Parent: #6
| Quote: والجماعة الطيبين كيف كتار ولا دي إشاعات ( فيلول) |
ابدا ما اشاعات، اتذكر وفي اواخر الثمانينات ذهبت انا وصديقي عبد اللطيف (وردي الصغير) في مطعم من مطاعمهم ،
الجرسون اللي جاب الاكل كان من اشاعت الفلول ، قلنا معقولة كدة من قولت تيت،
كمان عندهم كمية من المشردين يحيروك،
|
Post: #10
Title: Re: سانت فرانسيسكو غالية نار منقد ، احسن نتخا
Author: ترهاقا
Date: 01-19-2025, 07:15 AM
Parent: #8
حبيبنا بكري مرحب بيك في البي ايريا ، انا حسع جيت زيارة قصيرة لانديانا وراجع بكرة الاحد ان شاء الله
يا ريت تشرفنا في مونتري
|
Post: #12
Title: Re: سانت فرانسيسكو غالية نار منقد ، احسن نتخا
Author: السر عبدالله
Date: 01-19-2025, 09:06 AM
Parent: #10
النصري السلام عليكم واسمع كلام صاحب الحوش بكري وامشي قهوة Heyma Yemeni coffee وما حتندم وعندهم فرع في نيويورك في حي العرب Bayridge وزرنا القهوة دي أكثر من مرة ...وبرضه هنا في نيويورك كباية قهوة وبيغل كريم جيس بما يعادل ١٢ دولار كندي وفي سانت كاترين بخمسة دولارات ونصف ...وبعد ما ترامب يشرف المكتب البيضاوي سمعنا ان قيمة الدولار الأمريكي حيرتفع وحيكون الدولار الأمريكي الواحد دولارين كندي والآن أظنه دولار و ٤٧ سنت.. وحيصل إلى ٢ يورو بعد ما اليورو كان اليورو أعلى من الدولار لان تر امب رجل أعمال وعنده عقلية تجارية جبارة ... يعني كباية القهوة دي والبيغل حيكون سعرها عشرين دولار كندي ..اما عن المكسيكان فإن معظمهم حيغادروا امريكا بعد يوم الاثنين والمحلات حتقفل والاسعار حتمشي السما ...واذا ترامب ضم كندا إلى امريكا وأصبحت كندا الولاية ٥١ فمرتبك حيكون بالدولار الأمريكي ..لكن عمدة تورنتو رد عليه وقال ليه Canada is not for sale .
|
Post: #21
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-20-2025, 01:18 AM
Parent: #10
حبيبنا تهراقا
اخوك حاليا في اريزونا لكن المرة الجاية لجينا علي وادي السيلكون بنمر عليكم
|
Post: #13
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 12:31 PM
Parent: #8
يا ترهاقا
اذا الايجارات نار منقد و الحد الادنى للاجور 16 دولار !! طيب الناس دى عايشه كيف؟
ليلة الجمعة ..قلت اطلب اوبر ايت ...
بعد معاناة طلبت بتزا صغيرة بالجبنة فقط
المبلغ الكلى 21 دولار أمريكي يعنى حوالى 30 دولار أمريكي.
طوالى تانى يوم سقت عربية الايجار و فتشت سوبر ماركت و اشتريت حاجات تكفينى
يومين...
ياخ دى بلد اغلى من لندن نفسها مع انو امريكا البنعرفها ارخص بلد
|
Post: #11
Title: Re: سانت فرانسيسكو غالية نار منقد ، احسن نتخا
Author: الزبير بشير
Date: 01-19-2025, 08:43 AM
Parent: #1
الاخ النصري
لك التحيه
الصحيح سانت فرانسيسكو ( و انت سيد العارفين علي اسم القسيس فرانسيسكو )
الاخ منتصر
الجماعه علي قفا من يشيل بالذات في سان فرانسيسكو
الاخ بكري
فعلا مطعم كبانا رهيب ( تقريبا باكستاني ) عندهم دمعه بالشطه مبالغه
الزبير الختمي
|
Post: #14
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 12:36 PM
Parent: #11
اهلا منتصر
قصدك الكداينه ؟ ( مافى داعى للدسديس)
غايتو ما لاحظت اى حاجة خلال اليومين الفاتو ، احتفال اليوم التاني لافى بالعربية افتش سوبرماركت رخيص
الحاجة الوحيده الملفته للنظر هى كمية المكسيكان
دلوقت بفتش لمنظر لشارع فى مسلسل Mr Monk داير امشى الشارع ده
وداير امشى استاد البيسبول و امشى ال flea market
و امشى قهوة بكرى ابوبكر
و اتعشى فى مطعم بكرى ابوبكر
|
Post: #15
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 12:43 PM
Parent: #14
تعرف يا بكرى
لمن جينا امريكا فى 1991 كنت مدمنين Dunkin Dunuts
دلوقت انا نازل فى لوكندة منتهية فى داونتاون سان فرانسيسكو
هل تصدق مافى اى ديكن دونتز فى المنطقة!!
اقرب واحد قرب المطار.
طبعا نحن فى كندا عندنا شبيه بدنكن دونتس اسمه Tim hortons
تقريا موجود فى كل شارع ، رخيص جدا و مطابق ل Dunkin Donuts
لى منه يومين فقط و خرمان ليهو.
اما المطعم اليمنى ان شاءالله متعشين فيهو و اذا زول قريب معزوم
والله مسافر بكره الاثنين متوجه للمملكة العربية السعودية ، ان شاءالله نقدر نقابل الاخ سيف قبل سفرنا
|
Post: #16
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 12:54 PM
Parent: #15
هوى يا السر ، ما دايرين اى وحدة مع الناس ديل
نحن الكنديين ههههههه نرفض اى دعوة للوحدة مع الجار الظالم
ياخ ديل امراضهم كتيرة و مشاكلهم كتيرة اولها حكاية تسليح المواطنين دي
غايتو انا موافق نتوحد مع كاليفورنيا لكن باقى امريكا الف احمر.
بلدنا حنينه يا السر و ناسها طيبانين ...فى الطيارة من كالقرى لسان فرانسيسكو قاعد بجوارىواحد كندى ابيض متقاعد و زوجته ..من قولة تيت فتحت معاه مواضيع
طلع ماشى و زوجته cruise لمدة اسبوعين من ساحل كاليفورنيا جنوبا لغاية المكسيك
typical كندى ، ودود جدا و بسيط ، بدا يحكى لى انه اشتغل اربعين سنه مهندس كهربائي فى مدينة
Red Deer
فى البرتا. ياخ التعامل معاهم ساهل جدا
ما معقدين زى جيرانا المفترين فى الجنوب
اهتف معى لا لا للوحدة بين البلدين
معا من اجل الاجيال القادمة
فليذهب ترامب للجحيم و تبقى كندا حره مستقله
|
Post: #17
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 12:57 PM
Parent: #16
اهلا الزبير
لو قريب معزوم
الليلة (ليلة الاحد) اخر ليلة و ان شاءالله متعشين فى مطعم بكرى
ان شاءالله نكرر الزيارة عند بداية موسم البيسبول
|
Post: #22
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-20-2025, 01:20 AM
Parent: #11
الشقيق الزبير الختمي
يا زول انت ما كنت في السعودية متين جيت وادي السيلكون
|
Post: #23
Title: Re: سانت فرانسيسكو غالية نار منقد ، احسن نتخا
Author: الزبير بشير
Date: 01-20-2025, 11:29 AM
Parent: #22
الاخ الحبيب الباشمهندس بكري
لك مني التحيه
بعد دخلنا الزون ( 60 سنه ) و الورق بقى 28 في اليد بقينا في العمل الاستشاري المالي مرات مرات بتكون عندنا زيارات في بلدكم بالعلاقات القديمه
للاسف و الاسف الشديد مع العمر ده بقينا شغالين بالاقامات الدائمة
ببركة جاه سيدي عثمان ترجع بلدنا اجمل مما كانت و ربنا يبعد عنها شرور الاشرار
لك و لاهلي في الحلفايه كل الود و التقدير
الزبير الختمي
تخريمه : الشقيق ده بتجيب لينا العونكليب مع الدقم و بريمه و التايه سمعه
|
Post: #18
Title: Re: سانت فرانسيسكو غالية نار منقد ، احسن نتخا
Author: الزبير بشير
Date: 01-19-2025, 01:19 PM
Parent: #1
تشكر يا حبيب
انا بعيد شديد منك
ان شاء الله المره الجايه نرحب بك في العاصمه ساكرامنتو اذا كنا موجودين في الدنيا الجديده
نسال الله لك التوفيق و السلامه
|
Post: #19
Title: Re: سانت فرانسيسكو غالية نار منقد ، احسن نتخا
Author: النصرى أمين
Date: 01-19-2025, 10:25 PM
Parent: #18
والله يا بكرى ، نصيحة بالدنيا.
مشيت المطعم الباكستاني ، من الشارع بس عرفت انه اكلهم حيكون رهيب و ما غالى
الظاهر عليهم اسرة ، الاب ماسك الكاشير و الباقين شغالين جرسونات و فى المطبخ
طلبت my favorite
Lamb Karahi و عيش نان
ضربت ضرب جد
الفاتورة 17 دولار فقط ...
طلبت صحن تانى للعشاء بعدين
شكرا يا ابكر
بالنسبة للقهوة .انا خرمان لدنكن دونتس لى عشرين سنة
اقرب محل على بعد نص ساعة فى مدينة اسمها Walnut Creek
https://ibb.co/R01Z05K
https://ibb.co/GWxdWMr
https://ibb.co/T1g6Xyj
|
Post: #20
Title: Re: سانت فرانسيسكو غالية نار منقد ، احسن نتخا
Author: بكرى ابوبكر
Date: 01-20-2025, 01:15 AM
Parent: #19
يا حبيبنا النصري
انشاء الله ما اكلت اصابعك بعد الاكلة..........ههههههههه
يا زول القهوة اليمنية هيما ما بعيدة من المطعم ...يا اخي هيما فيها اجمل قهوة و عندهم كيك و فطائر رهيبة برضو ما بعيد من هيما في مقهي صاحبه جزائري عندهم حلويات و شاي بنعناع مبالغة
لو لسع قاعد اسلك ليك لسيف جبريل
|
|