أيام الله لا عادها …

05:00 PM January, 13 2025

سودانيز اون لاين
هدى ميرغنى-
مكتبتى
رابط مختصر

#مشتركة فوق

أما ال traitor كيكل ما عنده غير أثنين
١-يا يلحق الخائن البيشى…
٢-يا أهالى الجزيرة يعملوا فيه مع ما حدث لبطل رواية العطر (Perfume)

ما يجئ زول من الناس الما عاشوا معاناة هذه الحرب القاسية
*يا عايشين أصلا خارج السودان أو مرقوا سريع سريع
*ما ينفضوا شنطهم ويشيلوا تلفوناتهم ويجوا يقولوا عايزين يحكموا السودان
*العايشين فى السودان من حقهم إدارة بلدهم بمعرفتهم لظروفها ، لصمودهم ومعرفة احوال المواطن البسيط …
*ممكن البيشوف فى نفسه مقدرات من ناس الخارج مرحبا بيه يجئ يعمل مجانا وحتى لو كان فى إجازاته فقط
*هنالك تجربة دكتور عوض الله (دا اسمه الأخير) ، جاء السودان وعمل فى إجازته وسكن فى بيت جده ولم يعلم الكثيرين
بمساعدته للشعب السودانى وطبعا لم يرجى جزاءً ولا شكورا
*أيضا طالبة الدكتوراه الصنديدة ، رجعت السودان لإكمال بحثها فى السودان - وطنها الأم وداهمتها الحرب اللعينة هناك
كتبت عن حال السودان وشعبه كتبت فى الصحف العالمية والمحلية وطالبت العالم بأن لا يترك السودان وشعبه للموت…

ازيك يا هدى
والنصر للسودان
كلامك صاح
عارفة كتير من بناتنا وابناءنا جاءوا لخدمة البلد وبدون مقابل وبدون اى مزايدات وشعارات …..لكن بكل اسف حصلت حاجات كتيرة مؤسفة والله يجازى من كان السبب فى ضياعنا ودمار بلدنا

استاذة هدى
اراك تقولين:

Quote: ما ينفضوا شنطهم ويشيلوا تلفوناتهم ويجوا يقولوا عايزين يحكموا السودان *العايشين فى السودان من حقهم إدارة بلدهم بمعرفتهم لظروفها ، لصمودهم ومعرفة احوال المواطن البسيط …

والله ديل لو جو وحرروا الفاشر
ما نديهم منصب معتمد
ديل ذاتو ما يجونا
لا نشبهم لا بشبهونا
اعوذ بالله من ناس ديل
وعينة ديل
حسبي الله ونعم الوكيل

Quote: ازيك يا هدى والنصر للسودان كلامك صاح عارفة كتير من بناتنا وابناءنا جاءوا لخدمة البلد وبدون مقابل وبدون اى مزايدات وشعارات …..لكن بكل اسف حصلت حاجات كتيرة مؤسفة والله يجازى من كان السبب فى ضياعنا ودمار بلدنا

عزيزتى أميرة عام جديد يحمل الخير لك وأسرتك وكل السودان وشعبه العظيم ،يحتفلون بإستقلاله المجيد داخل وطنهم
*شكرا أميرة على الإضافة القيمة
حقيقى فى عدد من بنات وأبناء السودان الصادقين جوا ساعدوا وأشتغلوا ولا فى زول سمع بيهم
*وبالمقابل فى واحدين كل الكان عايزنه من السودان ، إنهم يستفيدوا وعارفينهم بما فيهم عدد من الجابهم حمدوك وغيره …
*لازم بعد كل الحصل الشعب السودانى يكون مفتح ومنتبه وعنده المقدرة يحكم بلاده ويدير شئونها
لك التحيات ، أميرة

Quote: والله ديل لو جو وحرروا الفاشر ما نديهم منصب معتمد ديل ذاتو ما يجونا لا نشبهم لا بشبهونا اعوذ بالله من ناس ديل وعينة ديل حسبي الله ونعم الوكيل

سلام وإحترام أخى أستاذنا على~
شكرا على الإضافة
*أيوة لازم الشعب السودان يكون واعى وعارف وإنه عنده المقدرات يدير شئون بلاده بنفسه ومن المواطنين القابضين الجمر
*أما الجماعات الظاهرة فى الفضائيات مهما كان توجههم ، يبعدوا عن السودان ، معظمهم مفكرين يرجعوا للإستفادة لا للخدمة
*فى عدد منهم الآن مستفيدى حرب لا غير ، يفتشوا فى جنسيات دول أخرى …

عبارة:
"أيام الله لا عادها"
عنوان الخيط
قالها أحد مواطنى ودمدنى فى الفيديو المرفق فى أول مداخلة

محمد الحسن سالم حميد

Quote: · من حقي أغني لشعبي و من حق الشعب عليَّا لا بإيدك تمنع قلبي ولا قلبي كمان بإيديَّا علمني أغنِّي الطين ، المخرطة ، و الطوريَّة الناس الصابرة سنين بالحال المال دُغرِية القابضة الجمرة في إيدا و الجمرة تَلَهْلِب حيَّة لا قادرة الجمرة تقيده لا دايرة تولِّع هيَّ يا قلب بلاش نستعجل في الدرب شويَّة شويَّة واصلين المابيتأجَّل اليوم الشمشو قويَّة علمنا الشوق ينترجَّل و نستحمل وجع الجيَّة لا القَش بيهاب المِنجَل لا الطِبُّو النار الكيَّة يا صقر الإفة ، يا ريح لا تنفُض عِش قُمرية من حقُّو يغنِّي صريح ذُريّة ورا ذُريَّة ... و من حقِّي أغني العالم إبداع .. و عِلِم .. حُريَّة إنساني شعوب تنسالَم تِتكالم بي حِنيَّة على نَخب الوُد نتنادَم لا جنس ولا لونِيَّة لا عِرقِ لا آه نتقادَم سِكَّتنا بياض النيَّة دي الدنيا وهيطة يا خيّة و كل الاديان سماوية خيرات الكون دي كتيرة أتْرَحمَنوا و احنا شويَّة مع انُّو كبيرة نضْرعلَها في ضَحَويّة ليشْ طفل يَنين في هَجيرة ؟ و الخوف يملاهو عَشِيّة ؟؟ و الداهي عيونه قَريرَة يا عالَم ، رحمة شويَّة ؟! .. موش كلَّنا جينا من آدم ؟؟ موش آدم أبو البشريِّة ؟! السِجن إذاً يترايم نبنيها قِلاع ثَوْريّة عقبان الخير يترادَم و الدنيا تَمِش دُغريَّة مِد كفَّك يا بني آدم حُريَّة .. سلام .. حُريَّة