شاهد يوسف عزت الماهري يقول أنه لم يكن دعم سريع!!

06:37 AM January, 08 2025

سودانيز اون لاين
Yasir Elsharif-Germany
مكتبتى
رابط مختصر

Quote: Dr. Asaad Ali Hassan [قبل ساعتين] نكره حطب..!!! عقب ساعات قليله من صدور العقوبات الأمريكية بحق قائد الدعم السريع و إخوته و شركاتهم؛ يوسف عزت الماهري المستشار السياسي السابق لقائد الدعم السريع ينكر أي علاقة له بالدعم السريع (انا اصلا ما كنت دعم سريع في يوم من الايام، أنا كنت مستشار نائب رئيس مجلس السيادة. انا كنت بعيد جدا من الدعم السريع وما عندي أي لينك "رابط" مع الدعم السريع أو أي دائرة من دوائره) أهو الخوف من العقوبات الأمريكية؟! ام الخوف من الملاحقات الجنائية و القضائية في كندا؟! #الدعم_السريع_منظمة_ارهابية

مع القروش البيكون حبرتها من أولاد دقلو بيكون داير يبعد نفسه من الدعم السريع وجرائمه والإبادة الجماعية والمسآلة القانونية ما بعد الحرب وخاصة أنه يحمل الجنسية الكندية ما شايفه مصر على قصة ان كنت مستشار سياسي وما عندي دخل بالعمل العسكري وقصة ما كنت عارف لكن فجأة لقيت جدي عنده أراضي في الخرطوم دي ما بتخارج القروش الحبرتها كل الحبرتجية حينكروا آل دقلو قبل أن يصيح الديك ثلاتاً ومنهم راديو رواندا المحرض على القتل والنهب في هذا المنبر

Quote: ام الخوف من الملاحقات الجنائية و القضائية في كندا؟!

الملاحقات الجنائية في كندا ضد عزت
بشرت بها انا على الكنزي في هذا المنبر
خاصة وانه كان يتنقل بين الدول ممثلا للدعم السريع بجوازه الكندي
لانو وبكل السف الجواز السوداني
اصبح
كالجنيّة السوداني
لا يصلح استخدامه الا في داخل السودان
وان شاء الله تجيه صادة

جنكيز خان

Quote: راديو رواندا المحرض على القتل والنهب في هذا المنبر

أنا مواطن أمريكي .. وكل ما لدي هو مسألة أبداء راي مكفول بالدستور الأمريكي.

فهمت يا نكرة ..

بريمة

Quote: جنكيز خان Quote: راديو رواندا المحرض على القتل والنهب في هذا المنبر أنا مواطن أمريكي .. وكل ما لدي هو مسألة أبداء راي مكفول بالدستور الأمريكي. فهمت يا نكرة .. بريمة

أنأي بنفسك يا بريمة فلا مصلحة لك في مضرة نفسك- فالموضوع قد خرج فعلا من دائرة المكاواة والتشجيع والانتصار للذات
الي سلسلة من الجرائم الدولية عددها المشرع الذي تنتمي اليه وتظن ان جنسيته ستحصنك وانت تعلم ان الرئيس هناك لا حصانة له
فاسمعها كنصيحة اخ عرفك هنا كرجل عاقل متزن قبل هذه الحرب سنين عددا

وطبعا هو عارف ان العقوبات التي طالت زعيم الجنجويد وكبار قادة المليشيات سوف تطال قريبا كل من ايد ودعم هذا النبت الشيطاني المسمى بالجنجويد ...وبعد شوية امريكا والدول الغربية سوف تعلن ان مليشيات الجنجويد هي منظمة إرهابية تنادي بالتطهير العرقي وترتكب جرائم حرب ضد مدنيين ابرياء وسوف تلاحق بالتالي كل من يؤيد ويدعم هذا التنظيم الإرهابي وخاصة بأن الجنجويد يعلنون انهم عرب الشتات ويرتكبون أفظع الجرائم ضد القبائل النوبية والزنجية في دارفور وكردفان ...والمستشار السياسي لزعيم الجنجويد يعلم كل هذا ولهذا سارع بتبرئة نفسه من الجرائم الفظيعة للجنجويد ولزعيمهم المتعطش للدماء حتى لا يطاله القانون الدولي ويصبح مطلوبا من دول الغرب .

Quote: أنا مواطن أمريكي .. وكل ما لدي هو مسألة أبداء راي مكفول بالدستور الأمريكي. فهمت يا نكرة .. بريمة

الجنجاكوزي انت مع الدعم السريع ولا جناح سياسي برضو زي أبنوس

Quote: أنأي بنفسك يا بريمة فلا مصلحة لك في مضرة نفسك

يا بريمة البتبلبل بعومز
اركز واوعك تتراجع.
اصلاً كدا كدا موضوعك مستحمي.
واسمعها نصيحة مني: اركز على موقفك وخلينا نقدر نقول عليك تب ما وقف بين بين.

😝


تجياتي حبيبنا الغوث دكتور ياسر الشريف.

Quote: يا بريمة البتبلبل بعومز اركز واوعك تتراجع. اصلاً كدا كدا موضوعك مستحمي. واسمعها نصيحة مني: اركز على موقفك وخلينا نقدر نقول عليك تب ما وقف بين بين.

يا مولانا حافظ تحياتي

بتورط الرجل في ولاية ترامب- فموضوعه لم يستحم بعد- لكن في الشايفو ماشي علي الحمام بي رجله
ارجو ان ينتبه وانا جادي جدا في التماسي له- فالرجل ما زول هين - واخو اخوان الا ان هذه الحرب
اللعينة قد جرفته الي حمية القبيلة التي في مخيلته وهو منفصل عنها تماما منذ عقود

سلام دكتور ياسر والسلام للجميع ~
*عزت+الماهرى مش ناكر حطب بس ، ينجر ويغير كلامه
*أنها نِعم التكنلوجيا
…مثلا فى لقاء قريب حول تواجده فى الإذاعة قال لمحاوره - كنت نائم فى بيتنا ب"العمارات" - قال والدته صحته الساعة 9 صباحا
قالت ليه الحرب بدأتفى هذا اللقاء قال بيته فى بحرى -يكون عنده أكثر من بيت طبعا ، لكن واضح جدا إنه كان فى غرفة عمليات الحرب التابعة للدعم السريع عشان كدا هو فى حالة لخبطة
ويكون منها شال بياناته ومشى على الإذاعة…
…كان يوميا لو ما آكثر من مرة فى اليوم يطلع داعية حرب ومن آقواله انهم كانت عندهم كل الخرط وطوالي نزلوا …
…عندك الخرط معناها قيادى حربى وأمنى كبير شنو بس مستشار لحميدتى الكان زمان معرفة دراسة الأساس والآن تناديه بإبن عمك 😈
…الغائب حميدتى قال كان رافض الإطارى ولم يقرأه رغما إنه فى الفيديو كان يقلب فى الصفحات - لكن دقلو ١ كلامه صحى يكون لم يستطيع قراءته
…كان عزت+الماهرى من اول يوم يهلل ويؤكد انهم استلموا 95% من الخرطوم -ومرات يهرج فى القناة الاسرائلية الحقونا حيبيدونا
…قال أول مرة الناس تعرف بعلاقته اللصيقة بالجنجويد لما ظهر مع الإيغاد
*وهو من أول يوم فى الحرب طالع فى القنوات ما وقف
****ظهوره الأول كان سريع جدا خارج السودان وكانوا ينادوه مندوب الدعم السريع كان بجنوب السودان وليس بعد شهور مع الإيغاد 👿
…وقتها قال انه عندهم إمكانيات يدورا الحرب سنين (وبرضه ينكر ويقول انه ما تابع للدعم السريع)
#بإختصار حبل التزوير قصير وكلنا شاهدين على الأحداث التى ما زالت تتجارى قدامنا
#عزت+الماهرى "مصفى 😀" وكل شوية معلومات مغايرة

#نتابع

يا هدى كان شفشف قروش من اولاد دقلو ما بيقدر يطلع برة كندا الكوزانوسترا الدقلوية ما بخلوه وكان داير يجيبها كندا ما بقدر يغسل الأموال غايتو بختها زوجته لو متزوج بتتطلع ليها بي خمشة لكن هو بقى زي ما بقولوا المصريين زي البرقص في السلالم لا طال اللي فوق ولا اللي الجنجويد ونكرهم والكيزان الخلاهم زمن الجهل ما عندو طريقه ليهم والشيوعين وفارقهم وخاله موسى هلال خربها معاه الجنجويدي اب كرفتة في متاهته بس يمسك في قصة أراضي جدو في الخرطوم دي

ترامب ما عنده حاجة اسمها ابداء الرأي أو القانون أو الدستور ...
والكونجرس تحت يده وعنده الأغلبية ويمرر أي قانون عاوزه ...
وعنده حساسية ضد الارهاب والإبادة الجماعية ..واي زول بيد عم
الارهاب والإبادة الجماعية فهو عدوه وحيرحله من الأراضي الأمريكية
حتى ولو أمريكي ...سواء بالميلاد أو التجنس ....
احتمال ا لمولودين في امريكا يرفعوا قضايا استئناف ويلغوا أمر الترحيل لكن الحاصلين على
الجنسية بالتجنس فما عندهم أي فرصة ....سوى أن يجدوا أنفسهم خارج الأراضي الأمريكية
وهذا الكلام ليس من عندى ولكن من منصات الوسائط الإعلامية الأمريكية ...وتصريحات محامي
أمريكي من أصل عربي يقيم في كاليفورنيا ..
....

سلام عليكم .

ياجماعه امريكا بلد الحريات والحلم الامريكي ، وتمثال الحريه يقف شامخا وشعلته لن تنطفي ابدا ،، " ماتخوفوا الزول " . امريكا بلد " حره " ، ومكفول للجميع ابدأ رايهم الشخصي ، مهما كان .

فشنو . " ماتطيروا لينا الحمام " .














ماتشتغل بكلام الناس ديل . عاوزين يخوفوك ساي ،،،،،،




اخوك المخلص : هاشم كاروري،،،،

تحياتي حبيبنا نزار

Quote: بتورط الرجل في ولاية ترامب- فموضوعه لم يستحم بعد- لكن في الشايفو ماشي علي الحمام بي رجله

زولك دا غايتو جوة الحمام وهدوم اتبلن.
اكان جا طالع ميطي ببقى مضحكة واكان انتظر ينشف هدومو ويلبسها ترامب ببلو هو في رقيتو.

بريمة بين مطرقة ترامب وبين سندان الطلعة ميطي.