مقدمة: تقريب اولى: الاقتصاد الغربى مبنى على معدل الانفاق على البرامج الاجتماعية و معدل الدخول من الضرائب المفروضة على الاعمال تقريب ثانوى: سياسة اليمين و اليسار على المستوى الاجتماعى عامل ثانوى على التقريب الاول. يعنى اهم شئ عند الناخب الغربى هو الاقتصاد و اتجاه الصرف ما بين المحافظين و غير المحافظين. الزول ده او صاحب برنامج (المخبر الاقتصادى) بشرح الفكرة الاقتصادية بطريقة جيدة جدا.
" />" target="_blank">المخبر الاقتصادى
Post: #2 Title: Re: فهم الاقتصاد الغربى ما بين المحافظين و ال� Author: Mahjob Abdalla Date: 01-06-2025, 04:03 PM Parent: #1
خلاصة الموضوع حسب ما فهمت. المحافظين دائما بقدمو برنامج تقليل الضرائب على الشركات. مثلا الحكومات تفرض ضريبة 25% على الشركات و نتيجة لهذه الضرائب, الحكومات تدر حوالى مليار دولار فى السنة. ناس الشركات بعملو لوبى لتخفيض الضرائب و بقولو لما تنخفض الضريبة بكونو عندنا فائض دخل ممكن نستخدمو لتوسيع البيزنس و بكدا نوظف عمال اضافييين و العمال الاضافيين بدفعو ضريبة دخل للحكومة. بمعنى اخر: التخفيض الضريبى للشركات من 25% الى 15% معناه انو الحكومة تفقد جزء من الدخل بتاعها من مليار فى السنة الى حوالى 750 مليون في السنة, لكن لما الشركات توسع البيزنز و تشغل مواطنين كتار و المواطنين بدفعو ضريبة دخل, معناه الـ 250 مليون الفقدتها الحكومة نتيجة تخفيض الضريبة على الشركات ممكن تتعوض من ضريبة الدخل على العمال و ب كدا اى زول فرحان. الحكومة عوضت خسارتها و الشركات كسبت دخل زيادة و المواطن اتوظف و الموظف الشغال من زمان اخد بونص. ده طبعا الحاجة المثالية و لكن 95% الشركات لا توسع او توظف اضافيين و بل تستخدم الفائض ك بونص الناس الكبار فى الشركة و ب كدا الحكومة خسرت 250 مليون و ما عوضت اى شئ لانو ما فى توظيف اضافى حصل.
هنا تأتى النظرية بتاعت السوشاليين و الابقاء على الضرائب العالية على الشركات لكى يصرفو على المواطنين ذو الدخل المحدود فى البرامج الاجتماعية و هكذا تدور الدائرة بين المجموعتين الى ان يرث الله الارض.
و هنا اتت المعضلة بتاعت استدانة الحكومات من البنك المركزى و طباعة النقود (ورق ساكت) و التى بمرور الزمن سوف تؤدى الى الافلاس و الانهيار الكامل للاقتصادات العالمية, كمثال, امريكا المستدانة ب 33 تريليون اليوم و قالو حسب حسابات اليوم بتدفع ربا ساكت حوالى تريليون فى السنه على ال 33 تريليو و هذا الرقم فى ازدياد.
Post: #3 Title: Re: فهم الاقتصاد الغربى ما بين المحافظين و ال� Author: Mahjob Abdalla Date: 01-06-2025, 04:05 PM Parent: #2
و كدا البوست بقى غير صفرى و للفائدة العامة :)
Post: #4 Title: Re: فهم الاقتصاد الغربى ما بين المحافظين و ال� Author: حيدر حسن ميرغني Date: 01-06-2025, 04:20 PM Parent: #1
شغل جميل يا حبيب برضو لازم نفهم أن " المحافظين" تسمية تُطلق على "حزب سياسي" ، والاخر عبارة نظام إنتاج إقتصادي " المحافظين" بشكل عام عدو الاشتراكية، نهجهم الإقتصادي فضفاض ، ممكن نقول اشبه بقصة خيالية عن مجتمع يتقاسم كل شيء ولا يملك التكتح
Post: #5 Title: Re: فهم الاقتصاد الغربى ما بين المحافظين و ال� Author: حيدر حسن ميرغني Date: 01-06-2025, 04:29 PM Parent: #4
عجبني التعريف المُبسَط ده
Quote: الاقتصاد الاشتراكي هو نظام إنتاج يتم فيه إنتاج السلع والخدمات مباشرة للاستخدام، على عكس النظام الاقتصادي الرأسمالي، حيث يتم إنتاج السلع والخدمات لتحقيق الربح (وبالتالي بشكل غير مباشر للاستخدام). الإنتاج في ظل الاشتراكية يكون للاستخدام المباشر والوحيد.
Post: #6 Title: Re: فهم الاقتصاد الغربى ما بين المحافظين و ال� Author: Mahjob Abdalla Date: 01-06-2025, 05:14 PM Parent: #5
Quote: " المحافظين" بشكل عام عدو الاشتراكية، نهجهم الإقتصادي فضفاض ، ممكن نقول اشبه بقصة خيالية عن مجتمع يتقاسم كل شيء ولا يملك التكتح
سلام حيدر, شكرا لمرورك الكريم و الاضافات القيمة. سبحان الله و انا بكتب العنوان, كلمة "اشتراكيين" طارت من نافوخى تماما و لذلك استخدمت الكلمة الانجليزية. نعم فى بريطانيا و كندا و استراليا تقريبا عندهم المسمى "محافظين" و فى امريكا "جمهوريين" و لكن النهج بتاعهم واحد تحت مظلة (المحافظين). بالمقابل عندنا الليبرال (وسط) و الديمقراطيين (اقصى اليسار) فى كندا و شايف بريطانيا عندهم العمل و الليبرال برضو و كذا تقريبا كل الديمقراطيات الغربية مسمياتها و ايدلوجياتها تصب فى خانة اليمين و الوسط واليسار و سياساتهم الاقتصادية مبنية على ذات النسق. تشتغل كتير, تعمل قروش كتيرة و تعيش كويس. ما تشتغل انت زول كسلان و عايز تعيش على حساب الناس الشغالين و كدا. و لما يجو فى الحكم طوالى بطبقو نظام تقليل الضرائب على الشركات و تقليل الصرف الحكومى بقطع البرامج الاجتماعية و ليس ملزما على الشركات توظيف ناس اضافيين و النتيجة دائما ارتفاع نسبة الفقر و الجريمة و لما ترتفع الجريمة يسنو قوانين جديدة لمعاقبة الناس ديل. فى الحكومة السابقة فى كندا (محافظين) قررو تخفيض سن العقوبة من 18 الى 16 سنة. يعنى الزول العمرو 16 يتحاكم على انو بالغ.