الدعم السريع صرح منذ أن إنشىء أنه ضد الدمج والكيزان الذين أنشؤوه وفرضوه على الجيش كرها يعلمون استحالة دمجه وصنعوه ليكون غير قابل للدمج والجيش كان يظن بعد الثورة وانحيازه للمدنيين واستجابته لهم لصناعة دولة ديمقراطية بالتبادل السلمي للسلطة بأن القوى المدنية ستوافق على التخلص من الدعم السريع والتخلص من الكيزان تفاجأ بأنو الكيزان مخترقين الثوار!!! ومخترقين لكل الأحزاب !!! وبعد سعود النظام صارت كل هذه المخترقة تطالب بلا وعي بما يحقق للكيزان كل احلامهم وآمالهم بفشل تاااام بلا للإنتخابات!!! لا فترة لانتقالية حقيقية ولا للتخلص من الجنجويد خالد سلك قال البرهان جا قال لينا الدعم السريع لا يمكن التخلص منه إلا بالقوة ونحن ممكن نتخلص منه الأن في ساعات قليلة قال رفضنا الكلام دا كان بدايات الشراكة ولسع الدعم السريع قليل العدد والعدة فمؤكد الخائن خالد سلك وجماعتو ما قصروا ونقلوا الكلام لي حميدتي مما جعله يزيد من قوته وليطمن الجيش حميدتي ويؤخروا الحرب كانت التنازلات التي مكنت حميدتي فقحت هي أس الخيانة ويجب تحميلهم وزر كل آثار هذه الحرب نعم تافهين ودون مستوى تحميلهم المسؤولية لكن بجب سحقهم مع وضع بديل واعي لاستلام راية الثورة
Post: #2 Title: Re: من هم الذين منعوا الجيش من التخلص من الدعم Author: حيدر حسن ميرغني Date: 01-06-2025, 10:22 AM Parent: #1
أعتقد جميعنا سمع هذا الكلام الصادر من البرهان شخصياً وفي العلن في المقابل ، كلام خالد سلك يحتاج لإثبات علينا بالظاهر كما يقولون
Post: #3 Title: Re: من هم الذين منعوا الجيش من التخلص من الدعم Author: محمد محمد قاضي Date: 01-06-2025, 10:58 AM Parent: #1
السلام عليكم ورحمة الله وبركاته
Quote: في المقابل ، كلام خالد سلك يحتاج لإثبات
منتصر الكوز دوره هنا محاولة تحوير وقلب الحقائق الواضحة كالشمس في رابعة النهار الحرب العبثية حرب جنجوكيزان من أجل السلطة والثروة وضد المدنيين والتحول المدني
Post: #4 Title: Re: من هم الذين منعوا الجيش من التخلص من الدعم Author: منتصر عبد الباسط Date: 01-07-2025, 00:38 AM Parent: #3
عليكم السلام ورحمة الله هسع في ذمتك الكيزان البخليهم يجوا يحرقو بنزين هنا في البورد دا شنو؟! إنتو ما قصرتو قاعدين توفروا للكيزان كل ما يريدون ويتمنون سلطتهم سقطت وأنتو يا قحاطة وفرتوا ليهم الأمان ووضعوا للبديل غير الكوز في طريقه كل العراقيل!!! يبقى الكيزان يظهروا عشان يعملوا شنو؟! إنتو العملتوهو للكيزان منح ثمينة جدا لايستطيع الكيزان أن يوفروها لأنفسهم!!!
Post: #5 Title: Re: من هم الذين منعوا الجيش من التخلص من الدعم Author: منتصر عبد الباسط Date: 01-07-2025, 00:49 AM Parent: #4
يا حيدر لو فرضنا اليوم القال فيهو برهان الكلام دا كان البرهان في اليوم البعدو مباشرة ناوي يضبح حميدتي من الوريد للوريد كان حا يعلن في الملأ رغبتو دي؟! الهدد بالحرب بسبب تعسف القحاطة هو حميدتي بعبارات ك(العمارات العاجباكم دي بتسكن فيها الكدايس) و(التمتطر حصو) والبرهان حاول منع الحرب بينه وبين الدعم السريع بسبب علمه بمناصرة القحاطة والكيزان للجنجويد لكن الدعم السريع أصر وفاكر بتغلب كثرته وتسليحه ولكن الله اقوى وأكبر
Post: #6 Title: Re: من هم الذين منعوا الجيش من التخلص من الدعم Author: طارق عبد الله Date: 01-07-2025, 10:08 AM Parent: #1
منتصر حرب الكيزان ضد التحول المدني لانه يعني نهاية التنظيم بعد ان تعود على البلف المفتوح لثلاثين سنة كاملة،،، وعلى قول سناء حمد مستعدين نصالح حميدتي إذا عاد لكن مابنتعامل مع تقدم، دي القصة باختصار، لكن ضحكتنى والله لمن قلت الجيش انحاز للثورة والمدنية :)
Post: #7 Title: Re: من هم الذين منعوا الجيش من التخلص من الدعم Author: السر عبدالله Date: 01-07-2025, 06:29 PM Parent: #6
الرد على سؤالك : هم القحاطة ،وفي مقدمتهم خالد سلك ، فهم الذين يضعون العراقيل لمنع الجيش من التخلص من الجنجويد.
Post: #8 Title: Re: من هم الذين منعوا الجيش من التخلص من الدعم Author: طارق عبد الله Date: 01-08-2025, 00:43 AM Parent: #7
اقتباس السر عبدالله
"الرد على سؤالك : هم القحاطة ،وفي مقدمتهم خالد سلك ، فهم الذين يضعون العراقيل لمنع الجيش من التخلص من الجنجويد."
خالد سلك تطير عيشتو اصلو بقى سوبرمان يعمل عراقيل على كيان ناهب الدولة كلها من سنين اسمو الجيش؟ خالد سلك ده اعتقلوه يوم انقلاب البرهان امام بناته وتعرض للاذى وتم سجنه لانه تجرأ ان يحرك الملفات الراكدة التي يود العسكر دفنها من محاكمة قتلة الشهداء والمجلس التشريعي والمحكمة الدستورية وغيرها يوم كان وزير رئاسة مجلس الوزراء، عراقيل شنو العندو قدرة عليها؟ تانيا جيش شنو الداير يتخلص من الجنجويد وكلهم كانوا بدوا حميدتي فريق الخلا التحية ويخاطبوه سعادتك! حتى ضباط الجيش العظام كان بينضربوا بالعصايات من صعاليك صبية الجنجويد والجيش ساكت وكمان تسجيلات قادة الجيش في مدح حميدتي موجودة فما تخمونا ساي! اكيد كان في ضباط ماعاجبهم الوضع لكن الحصيلة النهائية الجيش هو من مكن الجنجويد وزي ما شاطرين في الانقلابات على المدنيين والأحزاب الغلابة كان من باب اولى تقيفوا ضد الوحش العملتوه بايديكم ولو كان الثمن تغيير قيادة الجيش لكن جيش خايب وماعندو عقيدة غير النهب والاستعلاء على العزل!
عارف يا السر انت ومنتصر وكم بلبوسي هنا شغلتكم دي بتذكرني ايام المدرسة لمن يكون في واحد مؤذي وبلطجي ولمن واحد يدق صدره ويقول لا ويتدق بدوره يجو باقي الطلاب السلبيين بدل يقيفوا معاه ضد الزول الاذاهم كلهم يقولوا ليهو مالك هبشتو ويلوموه هو بدل المخطئ الحقيقي المابقولو ليهو بغم ودي العقلية السمحت بتمدد اولئك وتسلطهم على الناس وتخريب البلد كلها!