ماذا قال القحاطة في تهجير الدعامة للمواطنين وطردهم من بيوتهم في معظم مناطق سيطرتهم

09:36 PM January, 02 2025

سودانيز اون لاين
منتصر عبد الباسط-
مكتبتى
رابط مختصر

قبل أيام قليلة كان القحاطة التقزميون
يتحاورون في مسألة
إنشاء حكومة في مناطق سيطرة الدعم السريع
وكان رد الدعم السريع طرد المواطنين من بيوتهم
الناجون منهم سيذهبوا
لمناطق سيطرة القوات المسلحة
الجنجويد عندهم طرد المواطنين من بيوتهم
باساليب متعددة من قطع الكهرباء
وتلويث المياه والإهانة والترويع
وغير ذلك هو شكل من أشكال الحرب
والضغط لأنهم هم مرتزقة ينفذون أوامر
سادتهم في أبو ظبي وتل تبيب

هناك مناطق في شرق النيل تم طرد المواطنين منها
من بيوتهم وتعطيل سبل الحياة بتلويث مياه الشرب وتعطيل الكهرباء
في هذين اليومين واهانة مواطنيها
لعنة الله على الجنجويد اللهم اخزهم وأذلهم
هم ومن يناصرهم
وانصر جيشنا واعزه يا الله

وتزامن مع ذلك طرد مواطني ودراوة واخرى
ولاية الجزيرة من بيوتهم
هل هذه أخلاق الحرب؟!
أليس هؤلاء أوغاد ومن يبادلهم الود والتحايا
مثلهم في الوصف

كلامك خارم بارم ساي يا اخوي،،، تدعو الله للجيش الشرد وخلى المواطنين فريسة سهلة للمليشيا وشغال اتهامات وكلام مرسل ساي في قحت بدون دليل مع انو لا عندها مسدس ولا طلقة والحرب بين عساكر في بعضهم. اخير امشي نوم ارتاح

كيف خارم بارم؟!
كلامك فيهو اعتراف بانو المليشيا عندها المواطن عبارة عن فريسة!
ومع ذلك لم تدين قحت جرائم المليشيا حتى هذه اللحظة!
ثم ليست الطلقة وحدها هي الخطرة فالكلمة اخطر من الطلقة
ثم التهديد بالحرب في حالة لم يتفذ الاطاري هل كان خارم بارم؟!
ول اتفاق اديس أببا بين قحت والجنجويد خارم بارم؟!
ول كلام أسماء محمود محمد طه القحتية وغيرها بدعم المليشيا خارم بام ؟!

صدقت يا منتصر في كل ما قلت ....
وقلت وكفيت واوفيت...
فمليشيات الجنجويد طردوا المواطنين المدنيين العزل من بيوتهم
واحتلوها ونهبوا محتوياتها ..والقحاطة،من شاكلة خالد سلك ،يصفقون
ويهللون الجرائم الفظيعة التي ترتكبها هذه المليشيات المتوحشة ...

منتصر والسر،،، عشان يكون الكلام منطقي بدون سواقة بالخلا، عايز منكم إجابة على نقطتين:
- ممكن تدونا دليل واضح انو تقدم مع الدعم السريع صراحة؟ مثلا تصريح من المتحدث باسمها او تصريحات من قنواتها الرسمية؟ والبينة على من ادعى
- ليه مابتجيبو سيرة تقصير الجيش ومداهنته للكيزان لدرجة سناء حمد تقول عملنا بيهم محاسبة!! وانسحابه امام صبية الجنجويد وترك المواطن بواجه مصيره وجايين ناطيين في تقدم؟ المسؤول عن حماية الناس منو؟ ده منطق اعوج حتى لو اتهاماتكم لتقدم صحيحة

طبعا كلام عملاء تل ابيب ده ماحرد عليه لأنو اليهود زاتم اعترفو ان المدنيين كانوا متحفظين على التطبيع عكس برهان وحميدتي، حتى برهان سافر ليهم وجابهم نص الخرطوم وماشايفكم قلتوا بغم!!

سلام يا طارق عبد الله

Quote: تدعو الله للجيش الشرد وخلى المواطنين فريسة سهلة للمليشيا

حيرتونا والله.
يعني هسه إنت زعلان من الجيش عشان شرد وخلى المواطنين فريسة للمليشيا،
وفي نفس الوقت زعلان من منتصر عشان دعا للجيش ما يشرد ويخلي المواطنين فريسة للمليشيا؟

خوفي كمان تكون زعلان من الجيش الشرد خلى المواطنين فريسة سهلة للمليشيا وما تكون زعلان من المليشيا الافترست المواطنين.

اقتباس

"حيرتونا والله.يعني هسه إنت زعلان من الجيش عشان شرد وخلى المواطنين فريسة للمليشيا،وفي نفس الوقت زعلان من منتصر عشان دعا للجيش ما يشرد ويخلي المواطنين فريسة للمليشيا؟خوفي كمان تكون زعلان من الجيش الشرد خلى المواطنين فريسة سهلة للمليشيا وما تكون زعلان من المليشيا الافترست المواطنين."

يا سيد حافظ انا ماعارف الناس مصرة يا هلال يا مريخ، ببساطة وجهة نظري انو ماعندنا جيش اساسا، المؤسسة العسكرية الرسمية تمت تصفيتها عمليا ايام تمكين الكيزان والصالح العام واستبدلت بمليشيات هيئة عمليات جهاز الامن والاحتياطي المركزي وحتى الدعم السريع جزء من هذه الحلقة الشريرة وممارسته للانتهاكات جزء من تكوينه كمليشيا تحركها دوافع قبلية وشهوة للمال والسلطة وبالتالي مافعله ويفعله متوقع ومغازلته للشعب السوداني بالديمقراطية ودعم الثورة هو تكتيك مرحلي حتى يتمكن وهذا كله مفهوم، لكن الغريب انو في ناس بتعتبر سبب المشكلة وهو الجيش منذ الاستقلال ممكن يكون جزء من الحل، مافي سبب يخليني كمواطن أثق في جيش قائده زار قائد كتيبة البراء في المستشفى وتحاسبه الكوزة سناء حمد وقبلهم اعترف رئيس أركانه هاشم عبدالمطلب انه ياخذ تعليمات من سادته الكيزان منذ كان برتبة الملازم!! باختصار وضع البلد المأساوي حالياً المسؤول عنه الكيزان وقيادة "الجيش"، بالنسبة للدعم السريع هو مدان أصلا منذ نشأته وينطبق عليه قول اخواننا المصريين" العيب من اهل العيب مش عيب" وهو عرض مشكلة وليس اساس المشكلة ولو اندحر اليوم هناك العشرات من الملايش التي تسرح وتمرح والجيش ماتعلم الدرس كل حول بزول!! والناس سايبه كل ده وتقول تقدم!! منتهى السطحية نسأل الله السلامة

Quote: ببساطة وجهة نظري انو ماعندنا جيش اساسا، المؤسسة العسكرية الرسمية تمت تصفيتها عمليا ايام تمكين الكيزان والصالح العام واستبدلت بمليشيات هيئة عمليات جهاز الامن والاحتياطي المركزي

وجهة نظر لا بأس بها رغم بعض الخلل فيها وعدم دقتها.
المحير والغير مفهوم وغير متسق هو أن تقول انه ما عندنا جيش وتقر بأن ما يسمى بالجيش هو عيارة عن مليشيا تتبع للكيزان وفي نفس الوقت تطالب مليشيا الكيزان بحماية المواطنين من ان تفترسهم مليشيا الدعم السريع.

وبالمناسبة مؤسسات الدولة الخدمية ومؤسسات الدولة الانتاجية ومؤسسات الدولة السيادية جميعها تمت تصفيتها عملياً ايام الكيزان واستبدلت بمؤسسات تتبع لحزب المؤتمؤ الوطني،، فهل نتنازل عنها لصالح الكيزان؟

ومال اطالب منو؟ الجيش او مليشيا الكيزان سمها كما شئت مستولية على معظم ميزانية الدولة من يوم حفروا البحر وشغالين بزنس بنوك وتأمين وصادر وغيره خارج مظلة الدولة وتهريب وسوق اسود، حتى صفوف العيش والبنزين ياخدوا مزايا على حساب المواطن والبرهان الوهط الجنجويد زاتو زالينا انهم حارسيننا ويوم انكشف المستور طالب المواطنين بحمل السلاح، ده كلام بالله؟ على الاقل لو ما اخلاقياً تتحمل مسؤولية حماية المواطنين ،خلي عندك حمية وغيرة عسكرية وانت تتلقى الهزائم من صبية لم يدخلوا الكليات العسكرية! افتكر أنا كمواطن عداني العيب وما عدل او منطق انو اشتغل شغل الجيش عشان يرجع ويحكمني تاني بالحديد والنار ويواصل هوايته في نهب البلد والتسلط على رقاب الناس

Quote: ومال اطالب منو؟ الجيش او مليشيا الكيزان سمها كما شئت مستولية على معظم ميزانية الدولة

تمام شديد
من حقك تطالب الجيش بحماية المدنيين
لكن الغريب إنك تزعل من منتصر عشان دعى ربنا للجيش بالنجاح في مهمته التي تطالبه أنت بأداءها.

وكى بيوردهم يردد - ما نحن بطبعنا ناس طيبين، إبادتك لشعبنا مغفورة …

*الذى "يمخول" العقل تماما من بدايات هذه الحرب الضروس وقبلها كمان ما قاله القراى عن الاعتداءت على المرأة
(قال الأغتصابات بتحدث عشان البنات بيمشوا يجيبوا الماء ولا حاجة كدا
………
ما أعنيه هنا حركت الجيش عرد او كيكل (لعنة الله عليه أينما كان )
وشنو وشنو
… اى من حق الجنجويد يفترسوا الشعب السودانى لأنه ما عنده سلاح ولأنه مسالم
#دا مسامحة تامة للمجرم ورمى اللوم على شخص آخر
*دى يفهموها كيف، وللأسف تصدر من مجموعات ما متوقع منها هذا الخلط العجيب

📌المثير للقرف لدرجة الغثاء-الخطاب عام- هو اننا ننظر الي الكارثة الماثلة امامنا الان فقط من تاريخ ابريل 2023ن وليس من العام 2003 او العام 2017 حيث تم تاسيس الدعم السريع كقوة تابعة لما يسمي للجيش بقرار محمي من القوات المسلحة والبرلمان.. لا يعني برلمان كيزان او بوذيين..، بمعني سودان 56 واتباعه من يسار ويمين وقبائل شرق وغرب كانوا وقتذاك مبسوطين ومرتاحين واخر استمخاخ.

📌 فطالما الدعم السريع بسحق الفلنقاي مناوي والفلنقاي جبرين والفلنقاي عقار بعيدا عن المدن المقدسة بنهر النيل كان الذي ينبحون الان مبسوطين، ولا علي بالهم، وكان حميتي سوداني اصيل، وليس من عرب الشتات🤣 وكان الدعم السريع كلهم سودانيين، وعندما هاجمت المليشيات الخرائية وكتائب العبط الخاص وبقية المنخنقة وما اكل الكلب علي مقرات الدعم السريع، وقام الاخير بالرد/ فجاءة يا سبحان الله نفس الدعم السريع ونفس حميتي ودقلوا اخوان، طلعوا ما سودانيين وطلعوا عرب صحراء!! قمة الانفصام والانحطاط والعواطف البليدة..

📌ما اود قوله هنا ببساطة هو التالي: مناقشة ما يحدث الان بعد ابريل 2023، وليس قبل ذلك بربع قرن، يعتبر مضيعة للوقت، ويعتبر كلام مراهقة متاخرة كتلك الي تحدث عنها سغموند فرويد في التحليل النفسي وبابلوف وديكارت زاتو، ولن يقود لحل، والصحيح الذي يقود للحل هو فرطقة الجيش طوبة طوبة، فرطقة كتائب الخراء والعبط الخاص ومشتركة زفت وفرطقة كيكل بالرغم من ان الرجل دوره جر الدعامة للقري حتي يتمكن البرهان وكرتي من استحصال ادانة دولية ضد الدعامة، حتي الدعم السريع عليه ان يحل نفسه وان يتم بناء جيش جديد صرف من كل المليشيات انفة الذكر كما حدث في كولمبيا ورواندا وسيرلانكا لحد ما واستحضار فرق الجنائية الدولية للتحقيق فيما حدث من انتهكات في هذه الحرب من كل اطراف الصراع.. اما ترك كل هذه المعطيات وادانة قحط -عدم المواخذة- فهو هروب من المشكلة الحقيقة، لم اتحدث عن تقدم وقحط لانهما ببساطة ليس لديهم لا قواعد جماهيرية ولا قوات عسكرية مجرد نشطاء ميديا لا غير..

📌اذن يا سادة علينا تحديد المشكلة اولا، وهي مشكلة اجتماعية وسياسة ثم اقتصادية، حيث ان سودان 56 بكل تفاصيله القبلية والجهوية شرقا وغربا وجنوبا وشمالا واحزابا ومليشيات تتحمل ما وصلنا اليه من انحطاط سياسي وتميز عرقي اثني وسياسة فرق تسد، وما اراه الان، ان الاخونج وحلفائهم من يساريين ويمنيين و بعض الغرابة، بصدد فصخ جزء اخر من السودان هو نهر النيل تحديدا من الدامر والي دنقلا والحاقه بمصر، اييييي زي كما قرات، وان يكونوا مقاطعة مصرية تابعة للخديو جمال مبارك حيث ان السيسي خلاص قطرو قام، علي ان تلتهم ارتيريا كسلا وما تبقي من شرق السودان يغرق في فوضي عارمة يصبح ما حدث في دارفور في الثلاثين سنة ماضية مجرد نزهة لا غير.

المافي شنو، والان المخطط بدا في التنفيذ، محاولة المخابرات المصرية ربط البوابين من ناس نهر النيل بمصر عبر ما سمي بالربط الكهربائي، وهناك مشروع توسعة الطرق البرية بين اسوان ومعبر ارقين، علاوة علي ان كل قادة الاخونج وحلفائهم السوادنة لديهم مشاريع تجارية ضخمة وعقارات بمصر وما فارقه معاهم موضوع انفشاخ الغرب طالما المشتركة طوط والنوبة بموتو موت الضان من اجل نهر النيل... يبقي التركيز علي نقد والهجوم علي تقدم وقحط وعربان الشتات مجرد "بروموا" للفليم الاصلي هو فصل السودان الي اربعة دويلات والحاق الجزء الرابع بمصر لكن بعد 30 سنة قادمة من الاقتتال والسحل والموت حتي يقتنع ويصل الجميع الي حتمية الانفصال.. نقطة سطر جديد..

وما خفى أعظم
أستغرب ولو حتى هزار ومعاكسة يكون فى شخص جنحويدى أو داعم للجنجويدأو حتى يفتش الأسباب على طريقة الجيش عرد وما فى جيش
وكلام متخفى زى دا
*وأهم من المهم : الجنجويد كيزان بكل الصفات، والأسوأ الصراخ اللهو أكبر أثناء التقتيل ورفع السبابة وكمان الآذان والصلاة
*إذا فى شخص مهما وصل درجة من "التعليم" ما زال يدعم هذه الوحشية الممعنة فى القبح والغبن والسلوك الحيواني الذى يتمنى فيه الضحية الموت بدلا ما يعانيه
*فهو شخص لا يختلف فى دواخله عنهم …
*محمد آدم - وين إنت؟ ورأيك شنو فى هذا الدين المغولي
https://sudaneseonline.com/board/515/msg/1735909913.html

اقتباس حافظ بشير "تمام شديدمن حقك تطالب الجيش بحماية المدنيينلكن الغريب إنك تزعل من منتصر عشان دعى ربنا للجيش بالنجاح في مهمته التي تطالبه أنت بأداءها."

انا زعلان من أسلوب منتصر وكل البلابسة وهو الردح في الجنجويد وغض النظر عمدا او جهلا عن دور الكيزان وقيادة الجيش في هذه المأساة الذي يفوق دور الجنجويد بمراحل وحتى اعتبارهم منقذين رغم اتضاح تآمرهم على البلد والثورة من اليوم الاول، ولا كمان رمي مسؤولية فشل الجيش وتآمر الكيزان على تقدم التي حذرت من الحرب قبل وقوعها وتدعو الان لايقافها! وانتصار الجيش (ان حصل وما اظن عنده القدرة عسكريا) هو رجعة للعهد الغيهب ومافيهو خير لمواطن وده طبعا ما إسقاط لمسؤوليته عن حماية المواطن ولا يعني كذلك ان الجنجويد خيار افضل،الموقف الصحيح لا للحرب رحمة باهلنا في البلد ومن ثم إكمال ترتيبات دمج جميع القوات في جيش مهني واحد وتسريح الباقي، لكن طبعا جميع الأطراف جيش وجنجويد وحركات موز ماعندهم المسؤولية والانسانية يعملوا خطوة زي دي، وبالواضح مافي حسم عسكري والبلد متجه نحو التقسيم بهذه الطريقة حتى البند السابع غالبا ما حيتفعل لان الامم المتحدة وباقي العالم مشغول عن السودان

والله كتر خيرك يا طارق انك قلت ان الجنجويد ما خيار أفضل ...
ونحن افتكرناك جنجويدي على السكين ....
لأني بغتقد أنه ما في زول عاقل ووطني غيور ويريد مصلحة شعب السودان ممكن يدعم ويؤيد
هذه الجرائم الشنيعة التي ترتكبها مليشيات الجنجويد والمرتزقة بحق شعب السودان وتشريدهم
في دول الجوار يتسولون لقمة العيش وهم الذين كانوا أهل الكرم والعزة والمروءة والشهامة

مافي مليشيا بتحكم دولة يا اخونا السر،،، لا مستقبل للسودان بوجود هذه الكيانات التي لا تعرف غير القتل والتخريب جنجويد وغيره

شكرا حافظ بشير فقد وفرت علي كثيرا من الجهد في الرد
وشكرا السر عبد الله

Quote: المثير للقرف لدرجة الغثاء-الخطاب عام- هو اننا ننظر الي الكارثة الماثلة امامنا الان فقط من تاريخ ابريل 2023ن وليس من العام 2003 او العام 2017 حيث تم تاسيس الدعم السريع كقوة تابعة لما يسمي للجيش بقرار محمي من القوات المسلحة والبرلمان.. لا يعني برلمان كيزان او بوذيين

يا للعجب
يعني أنت هسع قرفان عشان تأخرنا في التعبير عن القرف منك
هههههههه
الوكت داك كان الناس قرفانين من الكيزان وسلطهم وجرائمهم وجنجويدهم بشكل مجمل
لكن بعد سقط النظام كانت مخابرات النظام مجهزة الخطة ب
والتي اعتمدت فيها على كوادرها المخترقين لما يسمى بلجان المقاومة وقحط
وتجمع المهببين
لمنع التخلص منكم ومن قرفكم

Quote: دور الكيزان وقيادة الجيش في هذه المأساة الذي يفوق دور الجنجويد بمراحل وحتى اعتبارهم منقذين

أنا بعتبر الجنجويد لهذه اللحظة يتبعون للكيزان
أو بدقة أكثر يتبعون لمخابرات قوش الكيزانية
ومخابرات قوش أصلا متحالفة ولا زالت مع مخابرات الإمارات
في صناعة قحط وصناعة كل هذا البؤس
وأنتم من يعتبر الكيزان هم المنقذ من حيث أنكم تنسبون لهم الجيش!!