نص قديم قلت أنا أحلي جكس #

09:52 PM December, 02 2024

سودانيز اون لاين
زهير ابو الزهراء-السودان
مكتبتى
رابط مختصر

[B
]قالت: (أنا أحلى جكس، كدي متع عيونك ديل).
بصراحة وما تزعلي، ياتو جكس إنتي؟
إنتِ ما سمينة مربعة زي الكوري أبو أربعة؟
عيونك عيون قعونجة، والخشوم بس مطبقة،
والشعر مجلط جل، لا... دي ريحة كركار عديل.
الميكياج زحمة ألوان، ولا رسمة تشكيلية كان زهجان.

ياتو جكس إنتي؟ يا شنطتك بس قفة،
ونعلاتك براهن قصة، أسبشل سايس
وتفصيل نوقلتي في سوق اللفة.

ياتو جكس إنتي؟
يا ديمة بالموبايل مفسبكة،
وعاملة فيها متحضرة،
والكلام بالـ"راء"
ررررهيبة ومقدرة.

ياتو جكس إنتي؟
الجكس اللي بنعرفه،
راقي ونظيف، من أوصاف ولمعته،
لا بكابس الهياسات، لا بدافر في البصات،
أرستقراطي، وحمام بيت، وراقص.

وأنتِ يا عفريت؟
كر وكر وكر عليك،
ما شنتك مرة وتقطعي الخميرة من البيت؟
يا نسخة مشوهة من داركولا،
بالله أخجلي وما تقولي: (أنا أحلى جكس).

ودا نهاية القول، وبصراحة كدا،
إنتِ ما جكس، بس حاجة كدا.