عمسيب المستفحل

01:53 PM November, 30 2024

سودانيز اون لاين
mohmmed said ahmed-
مكتبتى
رابط مختصر

المستفحل دي كانت مفردة محببة لصديق
يصف بها الزول الماعاجبو
او الزول الاوفر على قولة المصريين

اها عمسيب بتاع النهر والبحر عنصري فاضح العنصرية
ومستفحل
مع الانتشار وهوجة الاسافير أصبح مغرور جدا..يتحدث ويفتى في كل المجالات

استمعت لتسجيل
يتحدث عن الانداية...قال القونات هن امتداد لمغنيات الانادي اللواتي يقفن أمامها يدعون الزبائن للدخول
وذكر..انصاف مدني وإيمان الشريف وقال هدى عربي عندها اغنية لحنها وكلماتها من اغاني الأندية
قال اولاد كار واحد لا تعني اولاد مهنة واحدة..وكلمة كار جاءت من كاراخانة..وخانة هي المكان وكارا أصلها الكره
طيب اولاد كار دي منتشرة في مصر والشام هل عرفوها من الأندية

قال محمد الأمين ووردي وهاني عابدين ما بيعرفو يتكلمو والفنان المثقف الوحيد هو كابلي

قال الفنان دا مهمتو يرفه علي فقط ..يجي يغني وياخد حقو ويتخرج

الطبزة الكبري...قال الفن ما عندو اي رسالة

بعد الفن قبل على الكورة وقال مجتمع الكورة ما فيهو مثقفين والأغلبية عندهم مشاكل اخلاقية


قال معلومات وردي في الموسيقى..ضعيفة لانه تحدث عن السلم الخماسي...والسلم الخماسي كما يفتي عمسيب خاص بآسيا واليابان ولا علاقة له بافريقيا
ولا ادري ماذا يعرف عمسيب عن انتشار السلم الخماسي في أفريقيا من الشرق في إثيوبيا واشتريت حتى الغرب في السنغال على ساحل المحيط..وعند الامازيغ في شمال افريقيا

نرجع لموضوع عنصرية عمسيب

دولته التي ينادي بها في البحر والنهر

تريد فصل دارفور...وأساس الفكرة هي رفض القبائل الدارفورية
الفور والزغاوة والبرنو والمساليت والسلامات والرزيقات والمسيرية..وطبعا النوبة وناس النيل الازرق

طيب الفرز حيكون كيف
يعني مثلا تجي الخرطوم تشيل منها زغاوي مولود فيها وعايش وشغال واولادو ما بيعرفو غير الخرطوم
تقول ليهو اطلع ارجع دارفور


طبعا افكار عمسيب لأنها هايفة...يصدق فيها قلة أدب الانصرافي
لمن قال عن النهر والبحر
الشعر والقعر

الغريبة عمسيب والانصرافي ما بيردو بعض...طبعا موضوع الشهرة والانتشار بيعمل غيرة

عمسيب بيقول الانصرافي بيسب الدين
والانصرافي بيقول الشعر والقعر

ول أبا محمد سيد

هل تصدق، عمسيب، عنصريب في الحقيقة، قال يجب أن يفعّل "قانون الوجوه الغريبة" .. ويتم حبس الناس حسب أشكال وجوههم .. حتى يتم التأكد من هوياتهم ومكان أقاماتهم ومن ثبت أنه من حواضن الدعم السريع يحبس فوراً ويسمح له بأجراءات قضائية لكي يثبت براءته.

وحسب تعليله للأجراء قال لتنقية الولايات الشمالية من ناس الغرب المندسين.

---------------------------
أنت عارف لا يستطع التعايش مع النوبيين .. لأنه يقول أن الجيش الأحمر الذي يدعو له سوف يكون من أبناء القبائل العربية دون غيرهم من المجموعات التى تستوطن معهم، حتى لا يحصل الخلط الذي حصل في الجيش القومى.

بريمة

الناغمين عليه ردوا بـ " دي حدود مملكتك"

بعد فصل الجنوب
البشير المخلوع قال تاني مافي جغمسة

يعني المسيحين رحلوا نستفرد بباقي السودان

ثم يعود عمسيب يريد فصل دارفور للانفراد بقمع باقي السودان

لا يتعظون ولا يتعلمون