الدلالة

05:19 PM November, 22 2024

سودانيز اون لاين
Hasheem Karouri-امدرمان
مكتبتى
رابط مختصر

بما ان الامن مستتب ، وفي حركة ، في البلد ( المناطق الامنة ) . قررت منذ يومين الذهاب لاستبدال " عربتي الخاصة الملاكي " . ببوكس ، وادفع الفرق ! ومشيت اليوم .

اقل سعر سمعتوا 25 مليار لبوكس موديل 2005 !!!!

في ندرة شديدة في العربات في البلد . ( اغلب العربات تمت سرقتها ) وجزء كبير جدا كان في الطرقات محروق او مدمر ، او نص نص كده . ( تم جمعهم من الطرقات ووضعوا في حوش تابع للكهرباء جمب مستشفي التجاني الماحي ) .

عربيتي " لانسر " 2004 . اشتريتها منذ فترة قبل الحرب ب 3 مليار . اليوم دفعوا لي فيها 9 مليار كاش . 😁 .

قصة عجيبة ،،،،

اللانسر حقتي بسموها هنا " بومة " . المفروض يسموها طاوؤس 😁

جنت براغش علي نفسها .. أنت عارف الشفشافة يقرأوا البوست دا ويجوك في البيت ..

-----------------------
عييييييييييييك موديل 2004م؟؟ .. يا أخي دي هنا أسبيرات ما بشتروها!

بريمة

Quote: جنت براغش علي نفسها .. أنت عارف الشفشافة يقرأوا البوست دا ويجوك في البيت .. ----------------------- عييييييييييييك موديل 2004م؟؟ .. يا أخي دي هنا أسبيرات ما بشتروها! بريمة

حتتنا دي مافي زول بقدر يدخلها . جيش ي عمك ....

نعم موديل 2004 . نحنا في السودان ياحبيب . " الليلة شفت مورس من زمن جدي ، وماعارف موديلها بصراحة . لكن ماشة ومدورة ، وصوت مكنتها مابتسمع وجايين يبيعوها او يقايضوا بيها .😁

شفت نحنا ناس مساكين كيف ؟
وراضين بالقسموا لينا الله . علي الرغم من ذلك حسدتونا علي نعمتنا دي وجيتوا كسرتوا البلد . لكن حنبنيه تاني وبكون افضل من الاول انشاء الله .

وقبل كل ذلك . الحساب ،،،،،

Quote: اشتريتها منذ فترة قبل الحرب ب 3 مليار . اليوم دفعوا لي فيها 9 مليار كاش

برضو ما تفكها يا هاشم
9 مليار دي حالياً اخير منها الـ 3 قبل الحرب
اديها صنة برضو

مرحب د . حيدر


اكييد ما حاابيعها . لانو الفترة الجاية زي ماقلت سوف يزيد السعر اكثر .
ننتظر ونشوف .




تحياتي حيدر ،،،،،