بعد غياب عامين .. عودة للوطن القديم سودانيز اون لاين

01:27 PM November, 14 2024

سودانيز اون لاين
ابوحراز-
مكتبتى
رابط مختصر

تحية من يمين القلب إلى شماله
لكم جميعا في كل اصقاع الدنيا
وبعد غياب نسأل الله أن تكونوا فيه جميعكم بخير
ونسأل الله أن لايكون قد جف مدادنا
وسط كومة من الأحزان
يمر بها الوطن الجريح

عودا حميدا يا حبيب
عساك و كل الاهل بالف خير
نورت
اخوك بدران

مرحب حباب أبو حراز اخوى

كيف العيال وست النفر

جيداً جيت

تحياتي

ابو حراز من سدنة الحوش
من الحرس القديم جداً
من الناس الجملت المكان لسنوات
مرحب بيك يا مواطن
وعوداً حميداً

تحيتي اخي واهلابيك وعودا حميد

اخي زهير
تحياتي وتقديري
وشكرا على حسن الاستقبال

عزدة جيدة مرحبا بك

اخي باسط
اتمنى ان تكون عودة بها فايدة لكم ولنا
تغييرات كثيرة في المنبر
كنت مجرد قاري طيلة فترة الغياب

تحياتي حيدر
وشكرا على رفع المعنويات
فارق العمر بيني وبينك في سودانيز ليس كثيرا
انا سبقتك ب ٣ سنوات
لكن شايف في عزوف من عجايز سودانيز
أين ذهبوا
وهل لازال سودانيز بنفس ذلك البريق
ام بدا ينطفي ؟؟؟

رسالة ترحيب إلى الأخ أبوحراز
مرحبًا بك، الأخ العزيز أبوحراز، في موقع سودانيز أون لاين! 🌟
بكل فرح وسعادة نرحب بعودتك إلى مجتمعنا. لقد اشتقنا لحضورك الجميل وكلماتك الرائعة التي تثرينا دائمًا. عودتك تضيف لنا البهجة والأمل، ونتطلع لرؤية مساهماتك الثمينة والتفاعل معك مجددًا.
أنت جزء لا يتجزأ من هذا المكان، ووجودك هنا يمنحنا شعورًا بالدفء والانتماء. نتمنى أن تكون دائمًا بخير وسعادة، وأن تجد في موقع سودانيز أون لاين بيئة مريحة ومحفزة لإبداعك وأفكارك.
بكل الحب والاحترام، نرسل لك أحر التحايا وأطيب الأمنيات. مرحبًا بك مجددًا بين أهلك وأصدقائك، ونتمنى لك وقتًا ممتعًا ومفيدًا في هذا الموقع الرائع.

مع أطيب التحيات،
مصطفى نور

تحياتي اخي مصطفى
وشكرا لكلماتك الرقيقة
والتي تركتني في قمة النشوة
وفي حضيض التواضع
اقلامنا قد جفت
واصبحت بلا وميض
ولكن الأمل كبير في الله
بأن نعود كما كنا
نحتاج ل آلاف الجرعات من فاكسين الحلم
عسى ولعل أن تقتل كل بكتيريا الاحزان
وتعمل على معادلة كيمياء الجسد

مرحبا دكتورة مهيرة
عساك بخير
قلنا نعملهم ( ستات النفر )
لكن والله مع الحرب دي
النفر الواحد ما تلم فيهو
مرتك معاك في حوش النازحين
مرات أسبوع ماتشوفها
قال ست النفر قال

تحياتي محمد بدر الدين
غياب طويل لكنكم في القلب

مرحب بالأخ أبو حراز

الرجل الظريف..

حمدا لله على السلامة..

وأسعد الله أوقاتك أينما تكون.

يا ألف مراحب بالقلم النحرير

يا سلااام
ابو حراز الحميل
كميات من الأشواق يا دفعه
نتمني نتطمن علي اصحاب الحوش قدامي المؤسسين كلهم

Quote: تحياتي 3bdo يا سلااام ابو حراز الحميل كميات من الأشواق يا دفعه نتمني نتطمن علي اصحاب الحوش قدامي المؤسسين كلهم شكرا على رفع المعنويات ولكن أصبحنا والجمال نسير في خطين متوازيين الجمال في ام رداديح وابوحراز في ام سكاليب

يا سلااام
ابو حراز الحميل
كميات من الأشواق يا دفعه
نتمني نتطمن علي اصحاب الحوش قدامي المؤسسين كلهم

مرحبا يا صاحب القلم الجميل

منور

هناك عودة مرتقبة لمن جملوا المكان بخفة طلهم وكتاباتهم الرشيقة

ا

تحياتي اخي حيدر

Quote: هناك عودة مرتقبة لمن جملوا المكان بخفة طلهم وكتاباتهم الرشيقة الأفلام الرشيقة هي الأخرى تصاب ب متلازمة الترهل كم نتمنى أن تعود كل الأقلام ل تمنحنا هي الأخرى جرعات من لقاح الرشاقة

صلاح موسى
تحياتي
أتت مرة بنت الجيران الصغيرة
وقالت لي
امي قالت ليكم ادونا الصحن
قلت ليها المدام غير موجودة
ولكن انتي لو تعرفي صحنكم ممكن تدخلي المطبخ وتاخذيه
وبالفعل دخلت وأخذت الصحن
وسبحان الله أتت المدام في نفس اللحظة
وقالت لي كيف ترجع ليهم الصحن فاضي
وهذه واحدة من أجمل الصور التي رأيتها
المواعين لاترجع فارغة للجيران
حتى صحوننا حينما نرسلها تاتينا بكل ما في السودان من خير
اها يا عمك
قلنا ما نرجع ليك صحنك فاضي
تحياتي لك
صحون دي لغير الناطقين بها هي ( اطباق الاكل )
مرة واحدة سودانية اتصلت على قناة العربية
وقالت ليهم نحن بنعمل ( الملاح ) بطريقة كويسة جدا
اها ناس القناة كلهم قعدوا يسالوا فيها
ملاااااح يعني شنو ؟؟؟؟

مرحبا اخي بكري
انت الأجمل
شكرا لشعورك الجميل

تحياتي Nasr
القلم أصابه ما أصابه
ولكن حينما تلتقي ب قدامى المحاربين
تشعر بانفاس قلمك المتواضع تمتزج بانفاسهم
يحملونك إلى ماضي سودانيز العريق
واستصحابنا للماضي
هو من يمنحنا الجرعة الكافية للكتابة

مرحب اخي محمد عبد الله الحسين
وشكرا من الأعماق
ماتت فينا اشياء كثيرة
وحملت إلى مثواها الاخير
وكتبنا عليها الشواهد
كل من عليها فان
أصبحت متلازمة الحزن في كل بيت من الدرجة الرابعة
والابتسامة في وقتنا الحالي رغم انها أقوى من البتكوين
لكنها ماتت هي الأخرى
لكن رغم الجراحات والأحزان
تجد من يحول جراحاتك إلى نور مشع
ولكننا لازلنا نتشبث بالاحلام
وان نعود
وان نعود
وان نعود
لذكرياتنا التي دفناها في كل الزقاقات المعتقة
ومن يدري انها سوف تتخصب بانفاس البسطاء والابرياء
وتتحول إلى ملايين السنابل

اب حراز
تحية وسلام

الوطن القديم
الصديق النديم
والموئل الحميم

انتهى يا صاحبي
كل الرفاق والندامى والصحاب فارقو ورحلو
حتى نحن كمان بعدنا وبقينا بنتفرج ونستغرب ونستعجب
ومرة مرة لما يغلبنا السكات بنجي، زي جيتي دي ليك

المكان بقى عبارة عن مستودع لنقل الاخبار
لاحظ:
نقل الاخبار مش كتابة او نشر الاخبار

وعشان تتأكد ويكون البيان بالعمل

الآن وفي اللحظة الأنا بكتب ليك فيها دي
في الصفحة الأولى بس، حتلقى عدد اربعة وستين - 64 - موضوع منقول
والغالبية مقاطع فيديوهات منقولة

ولو لقيت وقت ممكن تشوف باقي الصفحات كمان

كتبنا كتير جدا هنا وفي مواقع تانية عن الظاهرة الغريبة العجيبة دي
وما لقينا ليها تفسير والله

لكن ما بنسكت والله ولا بننسحب ونشوف تعب ومجهود اتنين وعشرين سنة يضيع وينتهي ويتلاشى في الهوا
من سنة 2002 لما سجلنا بأسامينا المستعارة

زمان كان عينك ما تشوف الا النور
والآن عينك ما تشوف الا النقل

باختصار
منبر سودانيزاونلاين تقريبا بقى "قروب سودانيزاونلاين"

بالله اخد ليك جولة صغيرة كدا في المكان وشوف بنفسك

الدوام لله

العزيز أبوحراز
عودا حميدا
حقيقة المنبر يحتاج الى من يعيد إليه بريقه القديم

تحياتي
عبدالله جعفر

تحياتي ابو حراز وعودا حميدا

عودا حميدا ابوحراز نورتا المنبر ونتمني إقامة طيبة

مرحبا بعودتك اخ ابوحراز

تحياتي اخي محجوب
اغلب المشاركين ما شاء الله من قدامى المحاربين

Quote: مرحبا بعودتك اخ ابوحراز

تحياتي اخي محمد نور
المنبر يحتاج الى فرمتة واعادة ضبط المصنع

Quote: عودا حميدا ابوحراز نورتا المنبر ونتمني إقامة طيبة

تحياتي ابوجهينة

Quote: تحياتي ابو حراز وعودا حميدا ماشاء الله عليك لازلت صامدا وقلمك ينبض بالحياة الا زلت بالسعودية ؟؟

تحياتي اخي عبد الله جعفر

Quote: العزيز أبوحراز عودا حميدا حقيقة المنبر يحتاج الى من يعيد إليه بريقه القديم تحياتي عبدالله جعفر

اشكرك كتير
لكن ذكرتني عمك دكتور عبد الحي
شطح شطحة كبيرة وقال
الحرب دي أتت لتعيد للحركة الإسلامية بريقها
الجماعة تاني رجعوا لينا للنور والضوء
غايتو يا عبد الله السودان بالجد محتاج رقية شرعية
تحياتي لك ونسأل الله أن نكون من الذين يعيدون للمنبر بريقه

Quote: اب حراز تحية وسلام الوطن القديم الصديق النديم والموئل الحميم انتهى يا صاحبي كل الرفاق والندامى والصحاب فارقو ورحلو حتى نحن كمان بعدنا وبقينا بنتفرج ونستغرب ونستعجب ومرة مرة لما يغلبنا السكات بنجي، زي جيتي دي ليك المكان بقى عبارة عن مستودع لنقل الاخبار لاحظ: نقل الاخبار مش كتابة او نشر الاخبار وعشان تتأكد ويكون البيان بالعمل الآن وفي اللحظة الأنا بكتب ليك فيها دي في الصفحة الأولى بس، حتلقى عدد اربعة وستين - 64 - موضوع منقول والغالبية مقاطع فيديوهات منقولة ولو لقيت وقت ممكن تشوف باقي الصفحات كمان كتبنا كتير جدا هنا وفي مواقع تانية عن الظاهرة الغريبة العجيبة دي وما لقينا ليها تفسير والله لكن ما بنسكت والله ولا بننسحب ونشوف تعب ومجهود اتنين وعشرين سنة يضيع وينتهي ويتلاشى في الهوا من سنة 2002 لما سجلنا بأسامينا المستعارة زمان كان عينك ما تشوف الا النور والآن عينك ما تشوف الا النقل باختصار منبر سودانيزاونلاين تقريبا بقى "قروب سودانيزاونلاين" بالله اخد ليك جولة صغيرة كدا في المكان وشوف بنفسك الدوام لله

تحياتي اخي ابوذر
كيف انت وهل لازلت بالسعودية مع بورداب جدة
أين السماني اساسي
قرشو
هشام شيخ الدين
وبقية العقد الفريد
والله سودانيز اون لاين بس يذكرك( المرة الراجلا ميت)
المنتدى اغبش
وجااااف جدا
وخالي من المحفزات
تدخل إليه وكأنك تدخل صيوان عزاء
اغلب البوردابيات لاوجود لهن
تماضر شيخ الدين صاحبة القلم الذهبي
ايزابيلا
روزمين الصياد
اسماء الجنيد
والمشاكسة تراجي
وبقية النساء الشامخات شموخ السنديان والارز والجبل الاشم
أين الخلطة السرية لسودانيز اونلاين
واين تلك النكهة التي تفوق نكهات البيك وكنتاكي وماكدونالد
الويكة شايفها كتيرة جدا
ماعارف ليه اللعنة دي في السودان بس
دايما يكون ماضينا أجمل بكثير من حاضرنا
ربما يستعدل المنتدى بعد نهاية الازمة دي
وتعود العصافير لتغني دون نوتة موسيقية
ودون ان يعزف وراءها بشير عباس
او حافظ ابراهيم
الا زلت تكتب الشعر ؟؟؟
انا حينما استقريت في السودان
واستمعت لبعض الفنانين والقونات
وسمعت أصواتهم التي تشبه صوت (طشت العدة الشايلو الهواء )
خالجني شعور قوي بالغناء
لكن لازال مشروع صوتي تحت التجربة داخل الحمام
قال بورداب جدة قال

مرحب بيك و الدار دارك

تحية اخي الزبير

لا تسألِ الدارَ عنْ من كان يسكُنها
البابُ يُخبرُ ان القوم قد رحلوا
ما أبلغ الصمتْ لمّا جئتُ اسألهُ
صمتٌ يعاتبُ من خانوه و ارتحلوا

يا طارق البابِ رفقاً حين تطرقهُ
فإنه لم يعد في الدار أصحابُ
تفرقوا في دروبِ الأرض وانتثروا
كأنه لم يكن انسٌ واحبـــــــابُ

أرحم يديك فما في الدارِ من أحدٍ
لا ترجُ رداً فأهلُ الودِ قد راحوا
ولترحم الدار لا تُوقظ مواجعها
للدور روحٌ كما للناس أرواحُ.
.

مكرر

مرحب استاذنا ابو حراز و سعيد بعودتك
و يا ريتك عودتك دي تفتح باب الكشر لكل الغائبين

العزيز ابوذر

Quote: لا تسألِ الدارَ عنْ من كان يسكُنها البابُ يُخبرُ ان القوم قد رحلوا ما أبلغ الصمتْ لمّا جئتُ اسألهُ صمتٌ يعاتبُ من خانوه و ارتحلوا يا طارق البابِ رفقاً حين تطرقهُ فإنه لم يعد في الدار أصحابُ تفرقوا في دروبِ الأرض وانتثروا كأنه لم يكن انسٌ واحبـــــــابُ أرحم يديك فما في الدارِ من أحدٍ لا ترجُ رداً فأهلُ الودِ قد راحوا ولترحم الدار لا تُوقظ مواجعها للدور روحٌ كما للناس أرواحُ.

الليلة ذكرتنا القصايد الصعبة بتاعت المدرسة الابتدائية
عارف كانت في قصيدة للدكتور عبد الله الطيب
بتقول شوينا السنبل النضري
على الجمري على الجمري
قصيدة شدة ما صعبة كلماتها زي اسبيرات التكتك

دي القصيدة التي جلدونا فيها جلد غير طبيعي
لأنها صعبة وما بتقدر تحفظها
اها طوالي الجماعة بقوموا يسجلوا في دفتر العيادة
مرة واحد التسميع كان ماشي عليه
والأستاذ معه السوووووط
المهم رفع يده
وقال للأستاذ انه تعبان وعاوز يمشي العيادة
الاستاذ قال ليه مامشكلة سمع لينا الفصيدة وامشي
قال للأستاذ
لكن الفايدة شنو طيب ؟