المؤسس

03:19 AM November, 12 2024

سودانيز اون لاين
Hasheem Karouri-امدرمان
مكتبتى
رابط مختصر

في الاول كان كويس ، وساهم بقوة لعودة السودان مره اخري للمجتمع الدولي ، عبر رفع العقوبات وخلافه .

وعمل " ثمرات " والناس استبشرت خير .

القشه القصمت ظهر الموسس . لقاءه بكبير المتمردين ، وعقد اتفاق وتحالفات معه . ( هذه لن تغتفر عند كثيرين ) .
تسعي المجموعه اياها . لاحضار قوات امميه . ( لو جات بعرفوا حاجة ) .




كنت كويس ياعمك . لكن الحاشية مابتريح ،،،،،،

🛑مجلس الامن 💪

♦️تم رفض مقترح حمدوك ومجموعة قحت الارهابية بفرض عقوبات وحظر طيران علي السودأن

♦️تم رفض طلب حمدوك بنشر قوات احتلال دولية لعدم الحوجة لذلك

♦️بريطانيا قامت بتخفيض مشروعها الي حث الاطراف علي الالتزام ببنود اتفاق جده وفتح ممرات انسانية للمنظمات ولخروج المدنيين

♦️بريطانيا طالبت المليشيا بعدم مهاجمه المدنيين ومناطقهم

♦️بريطانيا حثت الحكومة السودانية بتمديد فتح معبر ادري وفتح معبر اخر علي حدود جنوب السودان

♦️حكومة السودان طالبت مجلس الامن بادانة جرائم المليشيا وحاضنتها السياسية وتسمية الطرف الذي يقوم بقتل ونهب المدنيين

♦️مندوب السودان طالب مجلس الامن بفرض عقوبات علي الاطراف الدولية التي تدعم المليشيا الارهابية والعمل علي ايقاف الدعم الخارجي المقدم بواسطة الامارات وعبر تشاد وعدد من الدول الافريقية
#قحت_لاتمثلني
#حمدوك_لا_يمثل_السودان
#مليشيا_تقدم_تستبيح_الجزيرة
#الامارات_تقتل_السودانيين
#الدعم_السريع_منظمة_إرهابية
#انتفاضة_تحرير_الجزيرة

#قحت_لاتمثلني
#حمدوك_لا_يمثل_السودان
#الامارات_تقتل_السودانيين
#الدعم_السريع_منظمة_إرهابية


سنقاتلكم حتي اخر واحد منا ،،،،،،

Quote: في الاول كان كويس ، وساهم بقوة لعودة السودان مره اخري للمجتمع الدولي ، عبر رفع العقوبات وخلافه .

بل العكس بعد الخلاص من حكم الكيزان
كان أي رئيس غير حمدوك بأي مستوى متوسط
قادر أن يحقق أضعاف ما حققه حمدوك على مستوى العمل الخارجي
والدولي والأممي وحمدوك على المستوى الداخلي والاقتصادي كان أسوأ
من سيىء
مع أنني كنت متحمس له وكنت مفتكر هو الحل
الله يحل عليهو غضبو وسخطوا
لكن منذ الوهلة الأولى لحظة أداء القسم و اختياروا للوزراء
وقال عايزين نسبة أكبر للنساء في الحكومة
سقط في نظري وعلمت بسطحيته وانعدام مهنيته
وأنه اجتر محاصصات الكيزان

كيفك يامنتصر . لك التحيه .

طبعا بالنسبه للناس ، والاوضاع الكانت فيها البلد بعد سقوط المؤتمر الوطني . وجوده كان " بريق امل " . لكن بعدين بقي يلخبط و " ويساير " في الجماعه .

سقوطه الكبير كان عندما صافح " الملعون " .



حقبه وولت ،،،،،،،

سلام هاشم ومنتصر
الإشكال المجموعة دي، رغم دعمنا لها، ما قدرت تملأ الفراغ وتحافظ على مكاسب الثورة وتطلعات عامة الناس
في إعتقادي انهم ركنوا إلى أن الأمور آلت لهم بمفردهم ، وانه ولن تكون هناك تهديدات لهذه المرحلة الهشة وأخذوا يتسابقون في المنافكات حتى تشتت جهودهم
بالفعل حمدوك كان يمضي بخطى حثيثة نحو ما هو مطلوب منه ، لكن بكل صراحة القوى التي كانت حوله تسببت في ضياع كل شيء
ويجب ألا ننسى أن أعداء الثورة عملوا أيضاً على إجهاض هذه التجربة القصيرة بالذات العسكر والحركات المسلحة وإلى حد ما الدعم السريع رغم مساندته للتيار المدني في بداية الامر

مرحب . د . حيدر . المحترم .

يادكتور حتي فترته كانت هشه . " لم يستطيع الحفاظ علي مكتسبات الثورة " . واضاعها بسهولة ، لضعف شخصيته .
عارفك حتقول لي العسكر والكيزان ووو الخ . !


المهم الرجل كان مكبل . وهذا ليس مكانه . " مع انه مفروض يكون في موقع اخر . " يبدع " فيه ويكون افضل . فهو ليس " رجل مصادم " .
( وهناك البقاء للاقوي ) !!



الزمن متسارع ولاينتظر احد . بعد مرحلة نهاية اسطورة الجنجويد . سيكون الوضع افضل . ( هنالك مليون مؤسس لم ير النور بعد ) ،،،،،،

سلام الاحباب،
معقوووول، لسه ما عرفتة الحاصل، شنو في، السودان من 2019-2025
هل حمدوك سايح فرنسي
ما عارف السودان والبرنامج الوطنية في، السودان
البتنفع مع السودانيين غير ايتام الترابي، انقلاب، 1989- وبعاعيت، مايو1969
سبب، بلاوي، السودان من الاستقلال
قحت1 + حزب، الامة قحت2 الموز، وايتام حفتر، والسراج
هل هم القوى، السياسية الوحيدة في، السودان 2019
طيب، فيً، نفس، الوقت 2019
كان في، تحالف، كاودا، الميرغني، الحلو وواضح وبرنامجو واضح، استمرار، لرؤية الحركة الشعبية الاصل، والدولة الديمقراطية الفدرالية الاشتراكية المدنية المفروض يكونا السودان من 1955
طيب، كان في ايضا، الجبهة العريضة حسنين
علم ورؤية ودستور، انتقالي، 2019 زي، الورد
ما شافهم المؤسس، بالله
ياخ حمدوك ده سمبك وهو عارفً نفسو بسوي فيً شنو،
لا عنده رؤية ولا ارضية فكرية
هو وشلة الامارات دلالين، المشروع، الاماراتي، المفضوح، من، 2019 ووصلونا، الي حيث حطت رحالها، ام قشعم
بس خلي، بكوري يفتح الاررشيف، ويجدد، المنبر، العام
عشان ارفع ليك بوست، الحصة نظافة 2019 وتشوف
منو الكان اوعي، وانظف، في، السودان في، 2019
ما هي، الدول، التيً،نهبت دهبً السودان
https://dcars.net