Post: #2 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 06:01 PM Parent: #1
غادر دنيانا الفانية مغبونا على الوطن الجريح ..
لا نستكثره على خالقه .. و لكنه مات محسورا على وطن مغتصب ..
إنا لله و أنا اليه راجعون ..
رحمك الله يا صديقي يا رجل يا إنسان ..🥲
Post: #3 Title: Re: و رحل هاشم صديق .. اخر الفرسان في بلدنا Author: بدر الدين الأمير Date: 11-09-2024, 06:03 PM Parent: #2
يالنهر احزانا المتدفق وداعا هاشم صديق
Post: #5 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 06:11 PM Parent: #3
رحل هاشم يا بدر ..
رحل رجل من أنقى و اشرف من ولدت حواء السودانية ..
هاشم ود آمنة ..
و يفقد السودان فرسانه واحد تلو الآخر
Post: #6 Title: Re: و رحل هاشم صديق .. اخر الفرسان في بلدنا Author: نافع الكوماوي Date: 11-09-2024, 06:15 PM Parent: #2
له الرحمة والمغفرة والعتق من النار أحر التعازي لك أخي وأستاذي قباني ولكل محبيه وأسرته
Post: #4 Title: Re: و رحل هاشم صديق .. اخر الفرسان في بلدنا Author: زهير ابو الزهراء Date: 11-09-2024, 06:04 PM Parent: #1
أحر التعازي لك ولاسرته وألكل عشاق شعره ولكل أهل السودان في رحيل هذا الرجل الانسان والشاعر العظيم
هاشم صديق هو واحد من أبرز شعراء السودان، الذين تركوا بصمةً لا تُمحى في الأدب السوداني والشعر الشعبي، ويُعد من قامات الشعر العربي الأفريقي. وُلد في منتصف القرن الماضي، وارتبط اسمه بالأغنيات الثورية والأشعار التي تعبر عن هموم الشعب السوداني وآماله وأحلامه. كتب العديد من الأعمال الأدبية والأشعار التي تميزت بعمقها وقربها من الحياة السودانية. كان صديق شاعرًا للناس، أحب بلده وأهلها، وأفنى عمره في كتابة القصائد التي تخاطب الوجدان الشعبي. وقد تعاون مع العديد من الفنانين السودانيين، حيث كانت كلماته تتسم بالروح الشعبية والنضال، مما جعلها تُردد على ألسنة الناس لسنوات طويلة.
قصائده ارتبطت بروح الشعب وأحلامه، وكتبتها يدٌ محبة للسودان بترابها وأهلها وثقافتها. كان هاشم صديق شاعرًا ينتمي لوجدان بلده، يحمل في حروفه لحن الثورة والسلام، ويسكن في قلوب السودانيين بكلماته التي حفرت ذاكرتهم الجماعية.
مرثية في رحيل هاشم صديق
رحلتَ يا شاعرَ السودانِ حُزنًا ومجدًا وأسلمتَ الروحَ للفجرِ، بعد عُمرٍ وحَدّا
يا من حملتَ بينَ السطورِ عطرَ الترابِ ومددتَ أجنحةَ الحرفِ بين الشِعرِ والخطابِ
كنتَ نبضًا في وجداننا، صوتَ الشُعبِ حملتَ همومه وأنت بين الحرفِ والقلبِ
يا هاشمَ الشعرِ، قل لي: أين صدى صوتك؟ رحل لكنّه باقٍ، كالمطرِ، في كل بستانِ
ستبقى خالدا، وسألتقيك بين السطورِ في القصيدةِ، في القلبِ، في ضحكةِ الأحرار
Post: #7 Title: Re: و رحل هاشم صديق .. اخر الفرسان في بلدنا Author: عبداللطيف حسن علي Date: 11-09-2024, 08:00 PM Parent: #4
تعازينا لك ولجميع افراد الشعب السوداني في فقده للانسان النقي القامة والمرهف هاشم واحد من ايام الحزن المقيم فينا لاكثر من ٣٥ عاما
Post: #8 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 08:26 PM Parent: #7
Quote: أحر التعازي لك ولاسرته وألكل عشاق شعره ولكل أهل السودان في رحيل هذا الرجل الانسان والشاعر العظيم
التعازي لكل الشعب السوداني ..
رحم الله هاشم .. ____________________________________
جواب مسجل للبلد ..
Post: #9 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 08:31 PM Parent: #8
Quote: له الرحمة والمغفرة والعتق من النار أحر التعازي لك أخي وأستاذي قباني ولكل محبيه وأسرته
البركة فينا و فيك يا كوماوي يا جميل ..
مات هاشم يا كوماوي .. و كل يوم يموت فينا مبدع .. و يبقى القبح و الدم و الظلم و القهر ..
هاشم صديق .. شرف الكلمة ..
Post: #10 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 08:36 PM Parent: #9
سيدفن هاشم غدا الاحد في مقابر بني ياس في ابو ظبي .. حسب افادة ابنه قصي ..
Post: #11 Title: Re: و رحل هاشم صديق .. اخر الفرسان في بلدنا Author: عثمان حسن المتعارض Date: 11-09-2024, 08:51 PM Parent: #1
لا حول ولا قوة إلا بالله اللهم تقبله بالرحمة والغفران والعتق من النار أحسن الله عزاءكم يارب البقاء لله
أين توفي وأين دفن ؟
Post: #12 Title: Re: و رحل هاشم صديق .. اخر الفرسان في بلدنا Author: خضر الطيب Date: 11-09-2024, 09:20 PM Parent: #11
لا حول و لا قوة إلا بالله والله يا قبة يا صديقي اول ما شفتا اسم البوست وقبل ما أشوف اسمك تأكدتا انك كاتب البوست يا لوفاءك للأصدقاء خالص تعازي لك و لاسرته الصغيرة و الممتدة بامتداد الوطن المكلوم بهذه الحرب اللعينة و بغياب النجوم في هذا الوقت الكئيب وهذا الوطن المكلوم لن تعيش النجوم يعيش فقط أمثال هولاء الطفابيع من الساسة الخونة و الجنجويد من أمثال هذا البريمة و محمود الدقم و حيدر ميرغني و زهير عثمان و الذين يتباكون الآن بدموع التماسيح وهم اكبر داعم للقتلة و الحرامية استاذنا هاشم و غيره لا يعيشون و لا يتعايشون في الوحل مع هولاء الطفابيع وا حزني على الوطن و علينا يا هاشم لك الرحمة و المغفرة وخالص التعازي للأخ قصي
Post: #13 Title: Re: و رحل هاشم صديق .. اخر الفرسان في بلدنا Author: حيدر حسن ميرغني Date: 11-09-2024, 09:33 PM Parent: #12
Post: #14 Title: Re: و رحل هاشم صديق .. اخر الفرسان في بلدنا Author: يحي قباني Date: 11-09-2024, 09:53 PM Parent: #13
فقدناك و المغارة ضُلُمّة .. و نحن على ضهَب ماشين قطيع من رجرجة و هتّيفة شعراء و مخبرين و هلُما
مع السلامة يا هاشم أزهري محمد علي
Post: #15 Title: Re: و رحل هاشم صديق .. اخر الفرسان في بلدنا Author: حيدر حسن ميرغني Date: 11-09-2024, 10:18 PM Parent: #14
المعذرة ود قباني تعود هذا المعتوه شتمنا في بوستات الاخرين حتى لو كان بوست تعزية صادق تعازينا في وفاة شاعرنا الكبير
Post: #16 Title: Re: و رحل هاشم صديق .. اخر الفرسان في بلدنا Author: Yasir Elsharif Date: 11-10-2024, 00:38 AM Parent: #15
نسأل الله أن يرحم الشاعر العظيم هاشم صديق ويحسن إليه ويحسن في فقده عزاء الأسرة والأهل والمحبين. تعازينا الحارة.
إنا لله وإنا إليه راجعون
Post: #17 Title: Re: و رحل هاشم صديق .. اخر الفرسان في بلدنا Author: عاطف رميتي Date: 11-10-2024, 02:02 PM Parent: #16
إنحنيت بي كُلي لي جرحاً بنافح ولي وطن فوق للمصالح ولي صباح وردي الملامح ولي قلُب أخضر مسامح ولي سلام إيداً نضيفة
ياحزن قلوبنا على وطني ومبدعي بلادي
رحمك الله ياشرف الكلمة
Post: #18 Title: Re: و رحل هاشم صديق .. اخر الفرسان في بلدنا Author: Yasir Elsharif Date: 11-10-2024, 02:28 PM Parent: #17
مكارم بشير ورائعة هاشم صديق "النهاية" وتفاعله فيها
Quote: النهــــــــــــــاية كلمات : هاشم صديق ألحان و أداء : سيد خليفة ،،،،، يوم في يوم غريب فيهو الشمس لمت غروبها و سافرت بانت نجوم متفرقة زي الدموع في خد حبيب ودّع حبيبتو السافرت و الليل ضفائر حزنو مداها الألم زي التقول عارف النهاية القاربت و الكون حزين .. خايف الهجير شاف الربيع غابت شهورو و هاجرت شفت الفريق ضامي الفرح فى دار حبيب ضميتو في قلبي الحنين ماتت خطاي ضاع الأمل و إحترت في خوفي الدفين عاينت و لقيت الحبيب في عرشو في تاجه الحزين حولو العيون فيها الفرح بس الفرح في عيونو ما قادر يبين و الدمعة في عيونو بتودِّع طيف حبيب خلاهو لي غدر السنين "" ،،،،، و إشتقت لي طيف الدموع و مشيت طريق اسمو المصير ودعت زهرات الأمل و رجعت لي ألمي الكبير حسيت شعور الراهب السار السنين مشتاق يفتش ليهو دير و لامن تعب سالت دموعو علي الدرب خاف الأمل .. كره المسير يا حبي عيش كلمات خطاب من الحبيب كان النهاية حرفو الدموع سطرو النحيب و الحسرة كااااااااااااانت و الحسرة كانت فيهو غاية خلاني اغرق في المصير و انا لسه عايش في البداية أندم علي الحلم اللي راح و أطفي الشموع و أبكي النهاية
Post: #19 Title: Re: و رحل هاشم صديق .. اخر الفرسان في بلدنا Author: Yasir Elsharif Date: 11-10-2024, 03:01 PM Parent: #18
وهنا يكشف هاشم صديق سر "النهاية"... يا سلام ياخي ناس صنعوا وجدان الكثيرين.
Post: #20 Title: Re: و رحل هاشم صديق .. اخر الفرسان في بلدنا Author: عبداللطيف حسن علي Date: 11-10-2024, 06:24 PM Parent: #19
النهاية اظنها كتبت في مكي سنادة
Post: #21 Title: Re: و رحل هاشم صديق .. اخر الفرسان في بلدنا Author: عبداللطيف حسن علي Date: 11-10-2024, 06:28 PM Parent: #20
بمناسبة يوم ثقافي بكلية الطب جامعة الخرطوم.القي هاشم صديق قصيدته وكل الحضور كان منشغلا في وادي اخر..بعد نهاية القصيدة حضر شاب ووقف بأدب خلف هاشم وطلب منه نسخة من القصيدة ليلحنها ويؤديها وسط دهشة هاشم صديق وقد كان..سجلها واسمعها له بمعهد الموسيقي والمسرح : القصيدة التي لم يذكرها الكاتب عبدالماجد هي : حاجة فيك من حكاوي يحي فضل الله
Post: #22 Title: Re: و رحل هاشم صديق .. اخر الفرسان في بلدنا Author: يحي قباني Date: 11-10-2024, 07:05 PM Parent: #21
ازهري محمد علي في وداع هاشم صديق .. رحم الله هاشما ..
Post: #23 Title: Re: و رحل هاشم صديق .. اخر الفرسان في بلدنا Author: adil amin Date: 11-11-2024, 03:58 AM Parent: #1
رحل وترك وطن بحجم الفجيعة 😭😭😭😭😭😭😭 الله يرحم شاعر الملحمة وبقي مسيح الخرطوم ابوعركي البخيت الساموراي الاخير
Post: #24 Title: Re: و رحل هاشم صديق .. اخر الفرسان في بلدنا Author: Amira Hussien Date: 11-11-2024, 10:01 PM Parent: #1
يا حصان فك اللجام
يا حصان فرقع حوافرك في الظلط أنا وانت والكارو انسجمنا مع الهوان من غفلة في الزمن الغلط شاقين دروب أم در أمان كانت زماااان أم در أمان حسي الحريق نهش الشوارع والبيوت والميادين والدكاكين واليفط مافيش بشر بس الكلاب وارتال قطط ....................
شيتاً مخيف زلزال وبس زي التقول زارنا القدر شيتاً غريب شيتاً عجيب لا بيتفهم لا بترسم حتى الحروف أبت النقط ....................
يا كارو بس بشويش علي أنا زول مرضرض بالصدام أنا زول مجرح أنا زول مقطع بي سكاكين الكلام أنا زول مستف بالكدر أنا مرتين ضهري إنكسر ...................
يا كارو بس أحميني من حمى السفر ما داير أفوت أخلي الشوارع والبيوت لي (حميدتي) وللغجر ..................
وكيف يكون حتى السفر والمطار أصبح دمار والسكة ما عادت حديد سرقو الفلنكات والقضيب مافيش تذاكر أو قطر ..................
آآآآآآه يا وطن أديني بس حبة مروة عشان أقيف أسندني في عمر الخريف أديني بس حق الرغيف أديني بس ريداً سلام أديني بس حضناً نضيف أسندني تكّلني أنهرني ما تخليني لو لحظات أنوم أنا داير أعيش أنا داير أقوم أقطع رقاب (الجنجويد) أكتب سطور