حللة…….. يحل وسطك عربى ما قادر على تاريخ الجيش السودانى اسود يا جاهل الله يلعن الانقاذ والبشير
Post: #9 Title: Re: الغزالة… Author: علي دفع الله Date: 09-30-2024, 11:33 AM Parent: #8
استاذة ه هدى سلام الحرب دي اصلا ما حا يحسمها الجيش ولا الدعم السريع حا يتطاحنوا كدة سنينا عددا و حا نفققد اكتر مما فقدنا في الارواح والمال وفي النهاية حا يقعدوا ويديروا سلام بي رعاية اجنبية ويتصوروا ويرفعوا الايادي حرب عبثية كوز علي جنجويدي كلهم قتلة
بالله شفت المستشار دا زعلان ومفترى كيف! *قال للأستاذ أحمد طه -تجينى فى محلى 😀 ودا دليل على عقلية الامتلاك والسلبطة عندهم *ما عرفته قاصد "بمحله" دا قناة الجزيرة ولا الجهاز المتصل منه على القناة!
Quote: حللة…….. يحل وسطك عربى ما قادر على تاريخ الجيش السودانى اسود يا جاهل الله يلعن الانقاذ والبشير
تحياتى وسلامى أختى العزيزة أميرة~ مستشار الجنجويد دا وجماعته مفترين بطريقة ما عادية *قال الحرب ياداب بدأت - الدمار الحصل دا كله وأنهم بحسب كلامهم محتلين يوم 70% وعزت الماهرى وصلها أكثر من 90% من ولاية الخرطوم. *شفنا سلوك الإحتلال عيانا بيانا وقالوا يدافعو عن نفسهم 🤷♀️رغما انها يرددوا فيها من اليوم الأول وتاخ يهجموا على مناطق ما فيها غير مدنين مسالمين… *وبعد دا المحيرنى فى واحدين يضاروا ليهم فى عمائلهم !
Quote: استاذة ه هدى سلام الحرب دي اصلا ما حا يحسمها الجيش ولا الدعم السريع حا يتطاحنوا كدة سنينا عددا و حا نفققد اكتر مما فقدنا في الارواح والمال وفي النهاية حا يقعدوا ويديروا سلام بي رعاية اجنبية ويتصوروا ويرفعوا الايادي حرب عبثية كوز علي جنجويدي كلهم قتلة
سلامى واحترامى أخى أستاذ على~ أتفق معاك فى كثير مما كتبته ……………………………… * لكن الحرب دى ما عبثية *"حرب عبثية" قالها الدلاهة أول يوم فى الحرب أظنه لفحها من مصطلحات الحرب فى اليمن الكان فيها هو وجنجويده مرتزقة ملتزمين - تحت المراقبة والحراسة - يعنى لم يمارسوا قمة الفساد الاضافي الذى صاحب الحرب الطاحنة المدورة فى السودان *الحرب دى مفاصلة من أجل السلطة والثروة ونهب موارد وأراضي السودان -تنازع بين فريق واحد "كيزانى+جنجويدى " انقسم - *الحلف جهّزهم بالأوامر والإرشادات من دول الإقليم مدعومة من الكفيل الأعظم وبكل المعدات الحربية وغيرها وتدريبات وتوصيات … *قبل الحرب بفترة بسيطة كانت ڤاغنر تدرب فى قوات الدعم السريع عيانا بيانا فى نص عاصمة السودان - قالوا تدريب على كيفية قمع التظاهرات👿! *والكيزان يتبسموا ساكت ، كانوا فاكرين جنجويدهم لن ينقلبوا عليهم … ****ملاحظة الروؤس الكبيرة من الكيزان والجنجويد قاعدين وعايشين تحت حماية بعضهما البعض *والكيزان والمجرمين آفراد جهاز الأمن (أمثال جاموس) ، انقسموا بين الفريقين
*الحرب دى مدورها "حلف" واحد - يدى النقارة عصا ويدى المناحة وصا (طبعا الحقوق محفوظة) *الحلف الاقليمى الدولى يشيل مال وموارد الشعب السودانى ويمول الجانبين بكل أنواع آلات الموت والدمار *ولما خلاص يوصل السودان للضعف المطلوب - ينهرهم ، تعالوا اتفاوضوا
***فى النهاية الحرب دى سيوقفها الشعب السودانى بإرادته ولن نرفض التعاون مع المجتمع الدولى بشرط التعامل معنا بندية
Quote: الحقيقة، هذه هي المرة الأولى التي أسمع فيها هذا الكلام وأقول: إن الحرب بدأت في لحظة واحدة في كل السودان بما في ذلك الفاشر، وأنت سيد العارفين أن قائد قواتك أبو شوك أصيب في الفاشر داخل الفرقة السادسة مشاه بالضبط تمام العاشرة صباحاً يوم ١٥ أبريل ٢٠٢٣، عندما دخلها وهو يحمل كلابيش بيده اليسرى والبندقية بيده اليمنى طالباً من قائد الفرقة تسليم القيادة، بقوله قد دقت ساعة الصفر وهو قادم من مقر الوالي الذي أكد له تسليم الولاية مما كلفه أن يقوم بعناية الغزلان الموجودة داخل مقار سكن الوالي حتى يعود من القيادة.
*جزء من رد ميناوى على خطاب جماعة الدعم السريع ، بفيديو حميدتى *الكيزان والجنجاكيزان (الحقوق محفوظة لمنتصر)- قصتهم مع الغزالة شنو😀
المستشار محمد المختار دا مزوراتى بدرجة تفوق الوصف *فاكر الناس زيهم مركبين مكنة "مسح" *السافنا المجرم قفل الموية كان وحرم منها المواطنين فى الفاشر وتبجح قائلا يجيبوا موية من بورتسودان! *المستشار المزوراتى لأنه عارف انها حتضاف لصحائف اجرامهم - فى لقائه الأخير وغضبه المعتاد قلب قصة الموية دى😳
الصدق سبق النكران: فى الفيديو الأول أعلاه - محمد المختار ، مستشار أساسي فى الدعم السريع *ملاحظة زى المملؤ بالزمبرك ، يهرج يهرج وتاخ البطارية تسقط أو المفتاح يقفل ، ظاهرة تسميع غريبة *بعد ذاك اللقاء الجزيرة أوقفت اى لقاء معه لمدة طويلة ، لما بقى رايق شوية قال
Quote: 33:49 انتم اول حاجه نحن نحن قوات الدعم السريع التي تاسست في 33:55 عام 2017 نعم قانون وهذه القوات عندما بدأنا حرب 15 ابريل انضم لها عدد كبير جدا 34:04 من اقاليم السودان المختلفه انضم لها السيد كيكل من وسط السودان انضم لها السيد……
Quote: عارفا يا استاذة هدى في ثقافتنا نحن جنوب ولاية النيل الابيض وقد اصبحنا الجنوب الجديد لجمهورية السودان بعد انفصال الجنوب الحقيقي
لمن واحد يجيب كضبة كبيرة يقول له المستمع لحديثه
الغزااااااالة
سلامى وإحترامى ، أستاذنا على~ شكرا جدا على المعلومة لأنها بالضبط دى فكرة البوست *حيث أن الجنجويد (الدعم/النهب المسلح السريع) * جد جد التزوير يجرى فى دمائهم *الصدق عندهم مجرد زلة لسان… *كما جاء فى حديث هذا المستشار “محمد المختار" قوله فى الفيديو المرفق فى مداخلة سابقة " ……وهذه القوات عندما بدأنا حرب 15 ابريل انضم لها عدد كبير جدا …"
تحياتى ، سلامى واحترامى يا شاعرنا المبدع أبو ذر~ *شكرا على الإضافة وكثير الشكر على رابط الخيط تبعكم (يُحفظ للأجيال القادمة) عشان ما تكون مآسى وقصص هذى الحرب اللعينة تُحكى لهم شفاهة كما حدث مع عمائل "الجهادية" … *حاولت أضيف فى خيطك المرفق ، لكن الأرشفة أخذت مجراها #التحية للدكتورة نعمات ، انقل واحدة من مداخلاتها هنا
Quote: سلام اباذر
سؤالك مهم جداً و كان و ما زال يدور في أذهان ضحايا الحرب.
ما هي العقيدة القتالية لمليشيا الجنجويد؟
ما هي دوافعهم للذهاب لليمن و قتل اليمنيين ؟
هي نفس دوافعهم لقتل السودانيين في الخرطوم و كردفان و
تصفية و إبادة السودانيين في دارفور.
كل جنجويدي مدرب على القتل و السرقة و الحرائق و إحداث
الفوضى مقابل دخل مغري جداً بالنسبة لهم.
خلف كل ما يحدث جهات داخلية و أقليمية و دولية استفادت
من الفوضى لأنها كانت تراقب و تتوقع و تخطط لمشاريعها