B] قالت مصادر قريبة من قيادة الجيش إن السلطات نقلت الرئيس السابق عمر البشير وعدد من قيادات النظام السابق إلى استراحة سد مروي.
وكانت سلمى عبدالرحيم محمد حسين، أبنة وزير الدفاع السابق، الفريق أول ركن عبدالرحيم محمد حسين، كشفت عن تدهور صحته.
وقالت إن والدها عانى من وعكة صحية شديدة الأسبوع الماضي ونتيجة لإصابته بأمراض مزمنة مثل الضغط والسكري و القلب، كانت المضاعفات صعبة، وقد أوصى الأطباء بنقله إلى مستشفى يوجد به ما يحتاجه من عناية طبية.
Post: #2 Title: Re: نقل البشير و عدد من لقيادات نظامه الى إست Author: Mahjob Abdalla Date: 09-20-2024, 06:22 PM Parent: #1
فتح الجرة, طلع الجن و بعد ده جارى بعيد بعيد من استراحة لاستراحة. لو ما قلبو ميت كان يقعد في كافورى و يتمنى تجيهو دانة طائشة عشان يكفر ذنبه الذى اغترفه.
Post: #3 Title: Re: نقل البشير و عدد من لقيادات نظامه الى إست Author: حيدر حسن ميرغني Date: 09-20-2024, 07:14 PM Parent: #2
بقى مثل المومياء ينقلوه من مكان لمكان سيخلده التاريخ كأكثر زول تسبب في دمار البلد بإنقلابه المشؤوم على نظام ديمقراطي بتحالفه مع الكيزان ، وإختطاف الجيش الوطني لصالح تنظيم فاسد
Post: #4 Title: Re: نقل البشير و عدد من لقيادات نظامه الى إست Author: هدى ميرغنى Date: 09-22-2024, 04:00 PM Parent: #3
عشان كدا الجنجويد لسه يقولوا عليه بدلا عن المخلوع - السيد الرئيس 😀
Post: #5 Title: Re: نقل البشير و عدد من لقيادات نظامه الى إست Author: السر عبدالله Date: 09-22-2024, 04:28 PM Parent: #4
وبعد ده كله يقولوا الجنجويد بيحاربوا في الفلول ... وهم الفلول ذاته .... والله غالب ...
Post: #6 Title: Re: نقل البشير و عدد من لقيادات نظامه الى إست Author: Nasr Date: 09-22-2024, 08:32 PM Parent: #5
يدلعوا فيهم ويرحلوهم من مستشفي خمسة نجوم لمستشفي خمسة نجوم وهم القتلة المجرمون مبتدرو الفتنة التي تحرق ارض السودان الآن وهناك أطفال في عمر الزهور يموتون من الجوع أو بالدانات او مشردون في المنافي والملاجئ حول العالم الكيزان لا أخلاق ولا حتي أحساس بألام الناس طالما الدولة أطلقت سراحهم من السجن بتعهد علي ان يسلموا أنفسمهم عندما يكون ذلك ممكنا مهتمين بيهم كدا ليه ؟؟؟؟ يفكوهم عكس الهواء يخارجوا نفسهم براهم وللا لازم يعملوا كدا عشان يعرفوهم كيزان مجرمين فاسدين!!!!