Post: #2 Title: Re: حول العالم (أغنية) Author: Omer Abdalla Omer Date: 09-20-2024, 05:18 PM Parent: #1
يا هبيب! ياخي لماذا لا يكون عندنا سلام عشان نبدع زي باقي العالم دا! شكرا لك على هذه النافذة الجميلة.
Post: #3 Title: Re: حول العالم (أغنية) Author: خضر الطيب Date: 09-20-2024, 06:11 PM Parent: #2
روعة يا محجوب قمة الروعة روعة بلا حدود اختيار موفق طبعاً النوع دا من الغناء مع الالات الوترية مبالغة مشكور يا عزيزي
Post: #4 Title: Re: حول العالم (أغنية) Author: Mahjob Abdalla Date: 09-20-2024, 06:24 PM Parent: #3
Quote: ياخي لماذا لا يكون عندنا سلام
يا هبيب دكترو عمر, نحن لسة في منو الاسمح و منو جنى كافيار و منو جنى ملوحة و كول.
Post: #5 Title: Re: حول العالم (أغنية) Author: Mahjob Abdalla Date: 09-20-2024, 06:28 PM Parent: #4
Quote: اختيار موفق
سلام خضر, ياهو ندخل المنبر و لا شئ يعلو فوق صوت الجغم و الموت. بتخيل فى هذه اللحظة اتكتلو 11 شخص (future football players) امهر من مارادونا و بيليه و امبابى. راحو المبدعين و بقينا نحن
Post: #6 Title: Re: حول العالم (أغنية) Author: Yasir Elsharif Date: 09-20-2024, 06:32 PM Parent: #2
يا سلام منتهى الروعة
سلام يا محجوب والسلام موصول لك يا أخي عمر عبد الله عمر
كتبت عبارة "سوف نغني للسلام" في محرك البحث قوقل فجاءني:
صوت سلام الحرب البينا مابنخرب |فرقة ام السلام | اغانى سودانية كادقلى
اغنية قالوا لى انساه | فرقة ام السلام | اغانى سودانية كادقلى
بالله شوفتو الروعة دي!!!!
Post: #7 Title: Re: حول العالم (أغنية) Author: Mahjob Abdalla Date: 09-20-2024, 08:40 PM Parent: #6
Quote: يا سلام منتهى الروعة
سلام د. ياسر, شكرا لمرورك الكريم و اهو ابداع عروس الجبال لا يقل عن ابداعات نيو ورلينز و بلاد السامبا. " />" target="_blank">اغنية حول العالم
Post: #8 Title: Re: حول العالم (أغنية) Author: محمد بدرالدين Date: 09-21-2024, 11:17 AM Parent: #7
ولدنا الحبيب الاستاذ محجوب تحايا و محبة و لباقى الاخوة الكرام سينتشر السلام و سنغنى .. باذن الله و لان السلام من اسمائه الحسنى .. تغنى قامتنا الفنان الضخم المرحوم صالح ولولى عن السلام مفندا اهميته و كان وقتها عن الجنوب الحبيب .. و تم تسجيل الاغنية الأُمنية ف التلفزيون القومى ارفقها لكم متمنيا ان يسود السلام و الامن ارجاء المعمورة مودتى و تقديرى
Post: #9 Title: Re: حول العالم (أغنية) Author: Gaafar Ismail Date: 09-21-2024, 06:18 PM Parent: #8
الأخ الحبيب محجوب وضيوفه الكرام تحية طيبة
يا ســـــــــــلام روعـــــة تستحق الإشادة
تحياتي ووافر احترامي
Post: #10 Title: Re: حول العالم (أغنية) Author: Mahjob Abdalla Date: 09-22-2024, 07:55 PM Parent: #9
الاخوة بدرالدين و جعفر اسماعيل, شكرا لمروركم الكريم. دعواتنا ان يعود السلام الى بلادنا و ان يكون سلاما ابديا. مع الحروب يتوقف الابداع و تعم التفاهات فى الانتاج العلمى و الادبى معا او كل مجالات الحياة. الان كل التفكير مشغول بما يجرى في السودان. حتى فى هذا المنبر قليل من مواضيع الابداع و كثير من غثاء ضرب طبول الحرب و كأنها لم تبدأ بعد. الله يهون.
Post: #11 Title: Re: حول العالم (أغنية) Author: محمد بدرالدين Date: 09-23-2024, 08:31 AM Parent: #10
Quote: و كثير من غثاء ضرب طبول الحرب و كأنها لم تبدأ بعد
ألم و وجع.. وخز بالابر ..تعرف يا حبيب زمان و نحن صغار ف حلفتنا ..و كل اولاد دفعة يسمى بالنوبية ( بوتى) يلعب لوحده يعنى مستحيل تلعب مع الاكبر منك او تقعد معاهم... و احيانا كنا نقعد على مقربة غير بعيدة من الاكبر مننا و خصوصا بالليل و هم يحكوا عن السينما و الافلام و الحكاوى .. و كنا نلصق اذاننا بالارض ليكون السمع جيدا .. المهم .. دائما بالعصر او قبليه بشوية الكبار بينادوا اتنين مننا نمشى ليهم و يامروننا ان يحمل كل واحد منا حفنة تراب ف يده .. و نقف فى وجه بعض و يبتدوا فى ف التحريض ( حريشى بالنوبية) مثلا بدران قال ما بيخاف من اسماعيل و التانى يقول لا اسماعيل حيكفت بدران و .. و .. و يقول القوى فيكم حيحكش التراب ف وجه زميله و نسرع انا يا اسماعيل بكشح التراب ف وجه الاخر و يبدأ ( الشكلة ) و الضرب و الكبار يضحكوا فينا و علينا و ... الخ و سبحان الله ف المساء نكون انا و اسماعيل كما كنا اصحاب اصحاب ... ناسنا كانوا يحرضونا للتسلية و الترفيه... و قليل من ضرب لبعضنا البعض ربما نجد لهم العذر ..لان ادوات او وسائل ترفيه و تسلية لم تكن موجودة لكن ما بال ناسنا الان !! و المسالة قتل و نهب و تجويع و دمار !!
كما قلت الله يهون .. و عشان ما نطلع من خيط البوست نرفق اغنية من الزمن الجميل للفنان الذرى الموديل