المات منو يا ناس ؟ طلعتو زيتنا

01:45 PM September, 20 2024

سودانيز اون لاين
النصرى أمين-كالغرى, كندا
مكتبتى
رابط مختصر

قاعدين على اعصابنا
متوترين و مقلقين...
يمر عليك خبر وفاة ...
كاتب النعى يشيل و يشكر فى صفات الفقيد
و يحكى عن ماضيه
و انا كالاهبل احاول المستحيل اعرف المات منو ؟
هل من الاهل ؟ من الأصدقاء؟ من الجيران ؟
و زولنا شغال ..عشرين سطر و لم يفصح عن اسم الميت
و ينهى مقاله الطويل بلا اله الا الله...

قلنا خلاص ..نقرا التعليقات ..احتمال احد المعلقين يذكر اسم الميت.!!
تلاته الف تعليق و السر الغامض لم يخرج للعلن




يا ناس كفاية والله يقينا ما بنستحمل

طبعا الكلام ده خارج حيطان منبر بكرى...
تتفشى الظاهرة بكثافه فى الفيسبوك
و احيانا فى تويتر او منصة اكس