لعناية النائب العام- الفاتح طيفور - كلمتين بالمختصر #

03:35 PM September, 10 2024

سودانيز اون لاين
زهير ابو الزهراء-السودان
مكتبتى
رابط مختصر

عناية النائب العام : الفاتح طيفور

كلمتين بالمختصر

حأتجاوز علمي بماضيك الإجرامي المفروض تتحاكم بيه محلياً ودولياً من أيام كنت (رئيس نيابة جرائم دارفور) في عهد المخلوع وطمسك لجرائم الإبادة والقتل والحرق والاغتصاب والتهجير .. علمي بماضيك علم يقين ، شوف عين وسمع أضان مافي زول حكى لي ، إتشاركت مع ضحاياك زنازين معتقل موقف شندي ونيابة أمن الدولة وسجن كوبر .. كل الماضي والحاضر القميء ده تعال مؤقتاً نتجاوزه ونعتبر نفسنا أولاد الليلة ..

أول حاجة عاوز أقولها ليك : (ربنا بسألك) لو ما عارف أعرف ، ولو ناسي أذكرك ، ولو مطنش حقو تلحق روحك ، لانه حتماً لا مفر ربنا عز وجل حيسألك وسؤال ربنا حاااار

تاني شيء .. بدل ما تطيع العينك وتحاول ترهبني وتسكني ببلاغات سياسية وهمية وتفتح في مواجهتي 11 مادة من موادكم الجنائية المستهلكة في إرهاب الخصوم زي 50 و 51 تقويض النظام وشن الحرب على الدولة .....إلخ
بدل الكلام الفاضي ده إبقى رجل قانون كلس جد جد ، جيب المنشورات الفي حسابي إطلع عليها ، حتلقى فيها مخالفات جنائية بالكوم .. قول لي يا هشام هاك ده قرار مكتوب مني أنا نائب عام السودان السلطة القانونية الأعلى في البلد أديتك حماية قانونية من النيابة العامة تجي معزز مكرم بورتسودان تمثل أمامي أو أمام وكيل النيابة فلان .. ناخد أقوالك في كل الكلام المنشور عندك ونشوف بيناتك وأدلتك عليه - وأنا موافق أحضر - لقيتني كاتب كلام ساي علقني في الشجرة القدام النيابة العامة ، بلني بل لمن راسي يسخن .. لقيت كلامي حقائق تشطب بلاغاتي وتبل كل اللصوص بدون إستثناء بإجراءات قانونية.

أها الرأي شنو . بتقدر ؟؟

#جنجويد_رباطة
#اي_كوز_ندوسو_دوس
#العسكر_للثكنات_والجنجويد_ينحل

ليهم يوم يا زهير
يوم يفر طيفور من جلده