دا كلام الفريق صلاح في الفيديو الاصلي. يبدا من الدقيقة 3:07.
صلاح: ايوا حميدتي قال الزول دا يمشي السجن. دا حميدتي في الإجتماع. المذيع: ليه قال ليكم كدا؟ صلاح: ما بعرف. المذيع: شنو كان رايكم؟ صلاح: والله ما خلاص نحن بعد دا بقينا مجلس. بقى رأي الأغلبية بمشي بس أياً كان. الراي الشخصي هنا انتهى بقينا مجلس عسكري، راي الاغلبية بمش، مافي زول تاني بيقدر يقول رأي آخر تاني يعني.
09-07-2024, 09:46 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
بما إني طرحت الفيديو في بوست هنا اعتبر نفسي معني بهذا البوست الهتافي وجدته كده ولم أقم بالتزوير او التعديل في محتواه انت بدل اللف والدوران ده ما تقول عديييل قاصدني انا
09-07-2024, 09:53 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: بما إني طرحت الفيديو في بوست هنا اعتبر نفسي معني بهذا البوست الهتافي وجدته كده ولم أقم بالتزوير او التعديل في محتواه انت بدل اللف والدوران ده ما تقول عديييل قاصدني انا
المقصود البوست وليس شخصك. ولا يوجد لف ولا دوران، ورابط البوست المقصود موجود في المداخلة الثانية وقد كتبتها وانزلتها قبل مداخلتك هذه.
السؤال في عنوان خيطي هذا موجه للذي زور وذلك بغض النظر عن ما إذا كان المزور هو صاحب البوست الذي نشر الكذبة والفيديو المزور او من نقل عنه. عموما الوست لم يذكر مصدر الكذبة والفيديو المزور
.
09-07-2024, 10:07 PM
كمال عباس كمال عباس
تاريخ التسجيل: 03-06-2009
مجموع المشاركات: 18028
ياحافظ حتي المقطع الغير مزور او المعدل كارثة. ويكشف ا"ن اغلب المجلس " الاغلبية عبار عن قطيع ينقاد لحميدتي ويتحكم فيه وتنحني جباهم له !!
جاء يكحلها فعماها !!
والواقع ان مجمل التسجيل يفضح ويكشف فقر وبوس المجلس العسكر فكريا وثقافيا ومهنيا وحسا وطنيا هذه العصابة العسكرية تكشف حجم المؤامرة التي تعرض لها الجيش وأبان وبجلاء
انه تخطيت رتبة العقيد او ربما ان وصلتها
فأنت إذا أما كوز ومؤدلج وأما فاسد " يمسك عليك الكيزان هذا اما ضعيف القدرات فقير الإمكانات لا يخشي منه
حثالة وعصبة من الجنرلات كانت تأتمر بأمر الكوز صلاح قوش وتنقاد له وحثالة كان يتحكم فيها عسكري جربندي مثل حميدتي عصابة دمر الجيش وأضعفته لصالح الجنحويد ! لا امل في نصر او حسم عسكري او تفاوض من مركز قوة يمكن ان تاتي علي يد هذه القيادة الكسيحة والتي ينقاد لها الجيش بحكم التراتبية!
09-07-2024, 10:11 PM
كمال عباس كمال عباس
تاريخ التسجيل: 03-06-2009
مجموع المشاركات: 18028
وللأسف هذه العصابة لم تكن تنوي او تسعي لسجن راس الحية - واس الفساد والاستبداد البشير وتسعي لابقائه معززا مكرم رغما عن انوف الثوار حتي قام حميدتي بمهمة سجنه رغما عنهم وطبعا اعتقد انه قد فعل ذلك كمزايدة وتكسب
09-07-2024, 10:11 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
لم أطلع على مداخلتك الفوق مداخلتي الفوق دي قبل ان ارسل مداخلتي أغلاه - المهم .. كويس انك قعدت تفحص بوستاتي ..وفرحان لقيت شغلة من مافي عارفك ما بترضى في كيزانك ديل
Quote: المهم .. كويس انك قعدت تفحص بوستاتي ..وفرحان لقيت شغلة من مافي عارفك ما بترضى في كيزانك ديل
حيدر يا أخوي أنا ما متشاكل معاك، ولا في شي شخصي بيني وبينك. أنا اتابع ما يكتب في المنبر بقدر ما أقدر وأقرأ بوستاتك ومداخلاتك كما أقرأ للآخرين. أنا ما مقاطعك وطبيعي أقرأ بوستاتك إذا صادفتني وأثار إهتمامي موضوعها.
لأنو ما عندي شي شخصي تجاهك ما عندي ليك رد يا حيدر على وصفك للبوست بالهتافي ولا على تقريرك بإني عندي كيزان. وبرضو ما عندي تعليق على اتهامك لي بعدم الشغلة. أنا ما متشاكل معاك ولا عندي خصومة معاك، وحتى لو عندي خصومة فأنا أحاول بقدر ما استطيع أن لا افجر في الخصومة.
هدف البوست واضح ومذكور في اول مداخلة.
09-07-2024, 10:14 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
هو في مزوراتي اكثر من صاحب البوست رماني من قبل بما لم أقله وعصرت عليه حتى إعتذر اليوم عامل فيها لقى صيد ثمين وعاوز يسَدى اول بوست اطالعه له هذا البوست .. اغلب وجوده هنا في مداخلات في بوستات الاخرين يعني لما ربنا هداك تفتح بوست تقوم تعمله عن البوست الذي ابتدرته انا .. ده نسميهو شنو يا مولانا الغفلة المهم ... طز فيك وفي كيزانكك وفلولكم
09-07-2024, 10:24 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
سلام كمال عباس الهدف من التصحيح في خيطي دا هو نشر الحقيقة كما هي ومحاربة التزوير بغرض تشويه الحقايق. أنا أعتبر أن حكمك على الفريق صلاح عبدالخالق حكم مؤسس على حيثيات حقيقية. والجيد فيها أنك توصلت لنفس الحكم على الفريق صلاح عبدالخالق بناءاً على حيثيات حقيقية. بمعنى آخر لا توجد حوجة للتزوير والكذب حتى نصل لحقيقة ضعف المجلس العسكري وضعف قدرات افراده.
صادفني فيديو الفريق صلاح عبدالخالق قبل مساء أمس وشاهدته وبحثت له عن فيديوهات اخرى وشاهدتها. في رأيي أن الفريق صلاح الخالق محدود التفكير جداً، قد يكون طيار جيد ولكن ليس له أي مهارات او قدرات خارج طيارته.
09-07-2024, 10:29 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
مداخلتي الجبتها دي يا حيدر من بوست محذوف واشكرك جزيل الشكر إنك جبتها. رغم إنها خارج موضوع البوست ورغم إنك جبتها كموضوع لمشكلة لكن والله فرحت بيها ولازم اشكرك عليها.
09-07-2024, 10:47 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
Quote: الخلاصة حميدتي قال البشير يمشي السجن وقد كان وين التزوير؟
التزوير ما في إنو حميدتي قال شنو. التزوير في ما قاله صلاح عبدالخالق عن استجابته لما قاله حميدتي. الفيديو المزور وضع على لسان صلاح عبدالخالق أنه قال مافي زول يقدر يقول كلام تاني بعد كلام حميدتي. بينما ما قاله صلاح عبدالخالق ليس كذلك.
صحيح أن حميدتي شخصية مؤثرة في المجلس العسكري وله كلمته التي ينقاد إليها بقية المجلس ولكن ليس بالطريقة التي يعكسها الفيديو المزور. من المهم جداً أن نستمع لما يدلي به اعضاء المجلس العسكري بدقة وذلك يساعد في القراءة التاريخية لتلك الفترة.
09-07-2024, 10:46 PM
كمال عباس كمال عباس
تاريخ التسجيل: 03-06-2009
مجموع المشاركات: 18028
استغرب حقا ان يسهر الخلق ويختصم علي قول المتنبي بسبب صلاح عبد الخالق !! طعمو شنو ونفرو شنو؟ مجرد قاتل للثوار
والحقيقةً انو كل هذه العصابة العسكرية. لاتملك اي مقومات او قدرات. حتي علي مستوي الاهلية والتأهيل العسكري ومايتبعه من انتماء قومي ومهني وحس وطني ناهيك عن القدرات الفكريةوابثقافية
ومن شهد شهد حديثا لنميري او ابوالقاسم. بعد الخروج من العسكرية تنتابه كيف. تحكم هولاء يوما في مصير البلد ؟ ونفس الشي عن البشير وبكري وو
ضعف وركاكة وتهافت وعجز عن التعبير
بينما تجد نقد او الصادق او حتي الترابي " العفين دا" وهم التسعين في حالة تماسك فكري وقدرة علي التوصيل والمخاطبة. وتوقد الذاكرة
بينما العسكري وبمجرد ان يخلع الرداء العسكري. فانه يتحول لمسخ شائه. يثير الشفقة والرثاء
وحتي حينما كان الواحد عسكري لا تسعفه قدرات ومقدرات ذاتية معتبرة " مجرد روح هتافي " لا اعمم ولكن هذه هي انطباعاتي فصلاح عبد الخالق قبل خمسة سنوات. كان من الناحية المظهرية والخطاب والتواصل اقل سوء مما كان عليه قبل ان يتعري من بذته العسكرية
09-07-2024, 10:54 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
اساله بالله عليك يوم متين انا ناقرت لي عضو هنا او دخلت بوستاته بهدف التخريب وتشتيت فكرته حتى لو كانت خطأ المشكلة الواحد يجيك في بوستك ويتداخل بصلف بعيداً عن الموضوع المطروح تطرده من بوستاتك .. يمشي يتجمجر ويورجغ عنك مع اني ما عندي الحق في منع اي احد من التداخل ده شغل اصحاب الغرض ومن يناكفون بالوكالة
09-07-2024, 11:02 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: استغرب حقا ان يسهر الخلق ويختصم علي قول المتنبي بسبب صلاح عبد الخالق !! طعمو شنو ونفرو شنو؟ مجرد قاتل للثوار
أختلف معك تماماً يا كمال. أنا أرى أهمية كبيرة جداً في توثيق كل اقوال الذين كان لهم اسهام ايجابي او سلبي في فترة الثورة وما بعدها. صلاح عبدالخالق وبقية المجلس العسكري كان لهم تأثير مهم جداً في مجريات الاحداث، لذلك أنا مهتم جداً بالاستماع إليهم وإلى كل حديث يدلون به. بعض ذلك لمعرفة ما كان مستتراً وبعض ذلك لقراءة شخصيات ومستوى الذين تصدوا لتلك المهمة.
09-07-2024, 11:04 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
Quote: مداخلتي الجبتها دي يا حيدر من بوست محذوف واشكرك جزيل الشكر إنك جبتها. رغم إنها خارج موضوع البوست ورغم إنك جبتها كموضوع لمشكلة لكن والله فرحت بيها ولازم اشكرك عليها.
جلبتها مخصوص عشان أعطي من يطلعون على البوست خلفية لطريقة تفكيرك المريض ما كل مَطلع للبوست بالضرورة يعرف عنها شيء .. لازم ادرعها هنا
09-07-2024, 11:20 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
ياحافظ الجماعة كلامهم غير مرتب. وأقرب. للهضربة. والعارضة يعني لايحمل اي قيمة توثيقية. يعتد بها وعشان كدة قلت انو نقد او الصادق. او حتي الترابي كان يوصلون افكارهم.ذكرياتهم. بصورة مرتبة ومتماسكة
09-07-2024, 11:26 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
تمام يا حيدر مرحب بيك والبوست بوستك طبعاً طالما هو فرعي لبوست افتتحته أنت اخد راحتك.
من جانبي مافي أي شي شخصي تجاهك. معرفتي بيك محدودة جداً في نطاق ما تكتبه هنا من آراء اتفق أنا مع بعضها وأختلف مع بعضها. حدثت بيننا مشادة في احد البوستات، اعتذرت أنا عنها في ذلك الزمان وحزنت في وقتها لردة فعلك ولكن اقسم بالله تجاوزت ذلك ولا أحمل الان تجاهك أي شعور سلبي ولا ايجابي. أنا لا اتعقبك ولا ابحث عن سواقطك. أنا اقرأ بوستاتك كما قراءتي لبوستات الآخرين. كان من الممكن أن انزل تعليقي على تزوير الفيديو في نفس بوستك ولكني احترمت رغبتك في عدم التداخل في بوستاتك. حاولت ان اتجنب حتى البوستات التي تتداخل فيها وذلك ايضا احتراما لرغبتك. ولكني لم استطع السكوت على الفيديو المزور ولو كنت استطيع لفعلت.
09-07-2024, 11:34 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
احترم رأيك بانه مزور لكن كان بإمكانك أن تبتدر بوستك دون إيراد رابط البوست الذي افترعته انا .. مجرد توضيح من عندك عن التزوير المقصود لكن جلبك لرابط البوست تبعي يوضح مقصدك تماماً ما عاوزة تزاكي وحركات قرعة منك
09-07-2024, 11:43 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
دي برضها نتيجة يا كمال ومفيدة جداً في تشخيص الخلل الذي مرت به الثورة بدقة اكثر وتفاقم حتى وصلنا لما نحن فيه وفي كيفية الإستفادة منه في معالجة غيره. هنالك الكثير الذي يمكن التعليق عليه في حديث صلاح عبدالخالق وهنالك الكثير الذي يمكن قراءته عن طريقة تفكير العساكر ورؤيتهم للثورة وللشعب. مثلاً استخدام صلاح عبدالخالق لكلمة "ملكي" وملكية" ووصفه لحميدتي بأنه "ملكي" بقصد التقليل منه. وأيضاً طريقة صلاح عبدالخالق في عرض رأيه بأن عوض ابنعوف ما كان يستجيب للشعب بالإستقالة. لاحظ أن صلاح عبدالخالق استخدم كلمة الشعب هنا،، وأي شخص قليل الحصافة لن يستخدم كلمة الشعب ولكن سيستخدم كلمة تقلل من مقدار من طالبوا عوض بالتنحي.
أنا مهتم بمثل هذه الأشياء اكثر من اهتمامي بسرده للأحداث.
09-08-2024, 00:06 AM
جلالدونا جلالدونا
تاريخ التسجيل: 04-26-2014
مجموع المشاركات: 9880
ولله ما عندي خبر المخاشنات بين العزيزين حيدر و حافظ الا في هذا البوست لكن طال ما ده الحاصل اظنه كان بالاجدر بالاخ حافظ ان يأتي بالتسجيلين المزوّر و الحقيقي و يشير الي بداية التزوير بالدقيقة و الى الكلام الحقيقي برضو بالدقيقة بالمناسبة بصرف النظر عن التزوير مناوي عندو فيديو مع المذيع احمد طه اقر فيهو ان من كان يحكم السودان فعليا قبل الحرب هو حميدتي امنيا و عسكريا و طال ما هو ده الحال بيقى القولان بالنسبة لي واحد و رأي اغلبية شنو يصبح كذبة كبيرة اخير منها التزوير ... من ناحية انو تثبيت للحقيقة الغائبة حيدر ياخي خلّي صدرك واسع و كان شايف مولانا غلت عليك امسحا في وش الحوثي عادل
Quote: لكن كان بإمكانك أن تبتدر بوستك دون إيراد رابط البوست الذي افترعته انا ..
ولو ما اوردت الرابط كنت حأرد بشنو على مداخلتك التي قلت لي فيها
Quote: انت بدل اللف والدوران ده ما تقول عديييل قاصدني انا
؟ أيوا يا حيدر بالواضح أنا البوست دا فتحتو رد على بوستك الموجود رابطه فوق وجبت الرابط لتوضيح ذلك. وأرجو أن تفهم أن الرد على بوستك وليس عليك. الأمر ما فيهو أي جانب شخصي تجاهك.
مهم جداً برضو يا حيدر تقرأ العنوان بتمعن، إذ أنه استخدم الف واو الجماعة بعد الافعال. وفي ذلك أن المخاطب ليس شخصك بل جهة غير معلومة بالنسبة لي. وارجو أن تنتبه إلى أنني لم أرمي أي اتهام بالتزوير على شخصك.
يا حيدر اتمنى أن تتجاوز المشكلة التي حدثت بيننا وتبعدها تماماً من تفسيرك لأي كتابة اكتبها أنا. اقسم بالله أنا لا أتشرف أن تكوني عندي شكلة معاك ولا يشرفني أن اقعدك في علبك كما فعلت أنت وقعدتني في علبي. وثق أن قعادك في علبك ليس من اهدافي لأنه يزيدني شيء.
تعال نكبر همومنا شوية بدل شكلة فارغة بيناتنا.
09-08-2024, 00:32 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: كان بالاجدر بالاخ حافز ان يأتي بالتسجيلين الكزوّر و الحقيقي و يشير الي بداية التزوير بالدقيقة و الى الكلام الحقيقي برضو بالدقيقة
بالضبط دا العملتو أنا. أنا جبت الفيديو المزور وبما أن الفيديو المزور مجتزأ فهو مطلوب كله دون تحديد فقرة زمنية منه. وجبت الفيديو المزور واشرت لبداية الفترة المقابلة للفيديو المزور بالدقيقة والثانية.
Quote: مناوي عندو فيديو مع المذيع احمد طه اقر فيهو ان من كان يحكم السودان فعليا قبل الحرب هو حميدتي امنيا و عسكريا و طال ما هو ده الحال بيقى القولان بالنسبة لي واحد و رأي اغلبية شنو
ايوا يا جلالدونا القولان بالنسبة ليك ممكن يكونوا واحد إذا كنت تبحث عن إجابة لسؤال: هل كان حميدتي مسيطر على الرأي في المجلس العسكري ام لا؟
ولكن هنالك أسئلة أخرى قد تجد لها إجابات مختلفة حسب ما إذا اعتمدت التسجيل الأصلى كمصدر او التسجيل المزور كمصدر. مثلاً أنا فهمت من المقتبس من مداخلتك أعلاه أن مناوي عالم ومقر ومعترف بأن حميدتي كان هو الحاكم الفعلي للسودان طوال الفترة ما قبل الحرب بما فيها الفترة التي كان فيها هو جزء من الحكومة. وهنالك من يبحث عن إجابة لسؤال: هل كان اعضاء المجلس العسكري عالمون ومقرون ومعترفون بأن الرأي الأوحد هو رأي حميدتي؟ قد لا ترى أهمية للسؤال ولكن غيرك قد يرى أنه سؤال مهم ويحتاج إلى إجابة. الفيديو المزور قد يعطي إجابة خاطئة
09-08-2024, 01:20 AM
جلالدونا جلالدونا
تاريخ التسجيل: 04-26-2014
مجموع المشاركات: 9880
يا حافظ انا اشرت للحساسية بينك و الاخ حيدر و مع اقرارك بن هذا البوست رد عليه فهما كان صفاء نيتك و حسنها همن حق حيدر انو يصل للفهم العبّر عنّو هنا الاشكالية هنا يا مولانا
Quote: هل كان حميدتي مسيطر على الرأي في المجلس العسكري ام لا؟
نعم الاجابة مهمة بالنسبة لي و عشان كده من المهم الرجوع لبعض التسجيلات و الوقائع للاجابة على هذا السؤال عشان كده بقترح عيك و الاخ حيدر التوقّف الى هنا و اعادة كتابة العنوان الى مجلس السيادة الانتقالي خفايا و اسرار .... المجلس بشقيه عساكر و مدنيين ,,, او اي اسم اخر تختاره و علي يقين ان كل اجابة على سؤال تطرح مجموعة من الاسئلة و اديك البنفت دي لماذا اختطف الجنجويدي ملف السلام و ساقو لي اديس ابابا ثم الي جوبا و منها الي السلام روتانا الخرطوم بالمناسبة رئيس لجنة السلام كان عضو المجلس الاستاذ صديق تاور عن حزب البعث العربي ده مجرد استنتاج من الفيديو الحقيقي و تصريح مناوي على الجزيرة مباشر ف شنو... يا ريت البوست يمشي في الاتجاه ده و دامت المودة بينك و بين الاخ حيدر
09-08-2024, 01:55 AM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
مولانا الطبي لك تحياتي و لحيدرنا الجنجويدي بالمناسبة يا مولانا الزبون دا تبعي وهو مرتاح معاي فخليهو لي برتبو ليك كما ينبغي 😂 تعرف انت بس لو جبتا الفيديو بتاع المخلوق الاسمو عبد الخالق دا بدون اللنك بتاع حيدرنا كان لعبك حيكون قانوني لكن صراحة انت اتجاوزتا القانون و اديت الجنجويدي دا فرصة ذهبية .ما مشكلة يا حبيب البينكم ان شاء الله تصفى و ترجعو احباب مرة تانية رغم الخلاف و الاختلاف الواضح بيناتكم بالمناسبة هو حاسي بالازمة الوضع نفسو فيها مافي زول بتداخل في بوستاتو غير بريمة المريسة و محمود الجغم ومرات انا فخليهو لي انا تحياتي ليكم الاتنين
09-08-2024, 05:55 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 34314
Quote: يا حافظ انا اشرت للحساسية بينك و الاخ حيدر و مع اقرارك بن هذا البوست رد عليه فهما كان صفاء نيتك و حسنها همن حق حيدر انو يصل للفهم العبّر عنّو هنا
أنا لما فتحت البوست دا لم أكن مهتم بما سيفهمه حيدر ومازلت غير مهتم. ولحيدر كامل الحرية في أي فهم يصل إليه وله كامل الحرية في التعبير عن فهمه والبوست مفتوح له ومرحب به. ورغم أنه غير مستهدف بالبوست إلا أنني عند تداخله لم اتجاهله واوضحت له أنه يبني مداخلاته على افتراض غير صحيح عن نواياي.
Quote: عشان كده بقترح عيك و الاخ حيدر التوقّف الى هنا و اعادة كتابة العنوان الى مجلس السيادة الانتقالي خفايا و اسرار .... المجلس بشقيه عساكر و مدنيين ,,, او اي اسم اخر تختاره و علي يقين ان كل اجابة على سؤال تطرح مجموعة من الاسئلة
لما شاهدت واستمتعت إلى لقاءات الفريق صلاح عبدالخالق اندهشت من محدودية تفكير الرجل والبساطة التي يعبر بها عن تفكير سطحي وساذج ومنغلق على ذات متضخمة. فعلاً محتاجين قراءة عميقة ومكثفة للفترة الإنتقالية وللشراكة مع مثل هؤلاء العسكر وما يحملونه من افكار ضيقة لا تفهم عن حقوق المواطنين. قراءة قد تساعد على اجابات للأسئلة التالية: هل كان من الممكن التكهن بما ستؤول إليه الشراكة قبل الدخول فيها؟ هل كان من الممكن خلال الشراكة التعامل مع عساكر المجلس بطريقة مختلفة للوصول إلى نهاية مثمرة للفترة الإنتقالية؟
Quote: لماذا اختطف الجنجويدي ملف السلام
حسب المتوفر لدي من معلومات ان الحركات المسلحة هي التي رفضت التفاوض مع المدنيين واصرت على التفاوض مع الشق العسكري. ربما لأنهم كانوا كلهم يشاركون مناوي نفس الفكرة في أن الحكام الفعليين آنذاك هم العساكر وعلى رأسهم حميدتي.
09-08-2024, 11:59 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2950
السلام عليكم .. و محبة للاخوة جلالدونا و خضر /جابرى الخواطر الف شكر .. كسرة هناك فيديو ايام الثورة للفريق صلاح قال فيه انا اكعب من حميدتى هل يمكن ربط كلامه و موضوع الفيديو .. و ان حميدتى كان هو المسيطر (احد احبابى و معارفى المقربيين جدا من اجتماعات المجلس مع ق ح ت ذكر ان حميدتى اذكاهم... عذرا مولانا سارفق الفيديو المعنى للفريق صلاح..... و خلونا نتذكر ايام الامل و الامانى و الطموح و التخيلات بدولة مواطمة و نجاح الثورة start=17" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen>" target="_blank">start=17" tit...l />
مودتى و تقديرى
09-08-2024, 05:10 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6468
المحترم الأخ العزيز مولانا حافظ سلامات، والتحايا للجميع~ الاستماع لهذا اللقاء حقيقى painful وممل من شدة دلاهة وسذاجة المتحدث والمحاور ***المفارقة عندما يتحدث عن التأمين- تأمين شنو -هذه الحرب كشفت أن السودان هو آكثر بلد فى العالم غير مؤمنة ! ***قال الشعب ما عارف وأشار لكمية السلاح والمسلحين - الشعب كان عارف جدا وما سكت ،وحتى قصر الصداقة بالخرطوم بحرى لما ملاه الجنجويد معدات حربية قبل أيام من هذه الحرب اللعينة الشعب ما سكت…
ملاحظات من الفيديو المرفق: *يبدو أنهما معرفة وهنالك عدد من الحضور بما فيهم أبناء المتحدث حيث آشار لوجودهم فى الغرفة حيث الحوار ، وتواجدهم كان فى ساحة اعتصام القيادة. *عند إشارته للشهيد محمد صديق ووالده *حقيقة مسكين الشعب السودانى ناهيك ان يحاول يحكمه مثال هؤلاء وناس حميدتى+البرهان وغيرهم وغيرهم ، كون وجودهم فى نص الشعب السودانى فى حد زاته قاسية شديد
فى هذا الجزء (الفيديو المرفق) تحدث : *فكرة انحيازهم للشعب إبتدرها صلاح قوش …طبعا كان ذاك الإنحياز مجرد خدعة مميتة للشعب السودانى، فكرتها تسابق للسلطة … *تحدث عن ضرب عربة حميدتى من طايرة وكان فى الأيام الأولى من الحرب، وواصل فى تفاصيل الضربة والمستشفى وزيارة دكتور "فضيل" 👿 او فريق طبى برئاسة الدكتور "فضيل" -القرابة والقبيلة ! *ورجغة كثيرة لكن كان لازم على الإستماع معرفة نواياهم ، رغما إنه عمائلهم تترجم مقدار وعيهم وسؤ نيتهم …
هنا الفيديو:
09-08-2024, 05:45 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
سلام مولانا،، بالنسبة لنواياك انا لا اعلم عنها شيء لكن عنوان البوست أراه غير موفق،، كان استفسر حيدر عن بواطن ودوافع البوست بتاعوا،، وليس الشوت ضفاري كدا طوالي.. ركز يا مولانا ركز 🤣
09-08-2024, 05:56 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
Quote: تعرف انت بس لو جبتا الفيديو بتاع المخلوق الاسمو عبد الخالق دا بدون اللنك بتاع حيدرنا كان لعبك حيكون قانوني لكن صراحة انت اتجاوزتا القانون و اديت الجنجويدي دا فرصة ذهبية .ما مشكلة يا حبيب البينكم ان شاء الله تصفى و ترجعو احباب مرة تانية رغم الخلاف و الاختلاف الواضح بيناتكم بالمناسبة هو حاسي بالازمة الوضع نفسو فيها مافي زول بتداخل في بوستاتو غير بريمة المريسة و محمود الجغم ومرات انا فخليهو لي انا تحياتي ليكم الاتنين
بقيت ازرط من الطقشة.
09-08-2024, 09:18 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: تعرف انت بس لو جبتا الفيديو بتاع المخلوق الاسمو عبد الخالق دا بدون اللنك بتاع حيدرنا كان لعبك حيكون قانوني لكن صراحة انت اتجاوزتا القانون و اديت الجنجويدي دا فرصة ذهبية
بالعكس يا خضر عشان البوست دا يكون قانوني أنا كان لازم اشير لمصدر الفيديو المزور. الاشارة للمصدر الغرض منها الاعتراف بناقل الفيديو وحقه الأدبي. كمان الاشارة للمصدر تساعد القراء في فهم سياق البوست والفيديو، وتمكنهم من متابعة المداخلات ذات الصلة في البوست الاصلي. ومن ناحية اخلاقية لم أجد مبرر للتخفي ،، طالما أنني شاهدت الفيديو في بوست حيدر وقصدت الرد عليه فلماذا اخفي ذلك؟ ولو رجعت للمداخلات الاولى حتلقى حيدر تداخل في البوست واصفاً له باللف والدوران قبل أن يقرأ مداخلتي التي كتبت فيها المصدر. وأنا ما شايف أي مبرر لرد الفعل القام بيهو حيدر في البوست دا ولم اكن اتوقعه.
المهم: مؤسف جداً أن يتحول بوستي دا لنقاش الشكلة الفارغة البيني وبين حيدر.
09-08-2024, 09:40 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: كسرة هناك فيديو ايام الثورة للفريق صلاح قال فيه انا اكعب من حميدتى هل يمكن ربط كلامه و موضوع الفيديو .. و ان حميدتى كان هو المسيطر
في اللقاءات التي شاهدتها لصلاح عبدالخالق، اظهر الرجل في عدد من ردوده احتقاره للمواطنين المدنيين وعدم تحفظه لاستخدام العنف لقمعهم. حميدتي رغم أنه كان خصيماً للثوار وقام بعدد من المحاولات لتحويل الثورة عن مسارها تارة باحزاب الفكة وتارة بالإدارات الاهلية، إلا أنه في المقابل وفي كثير من خطاباته اظهر بعض الاحترام لحقوق المواطن. لا شك عندي أن حميدتي كان في تفكيره ومهاراته السياسية متفوق على صلاح عبدالخالق وامثاله بمئات السنين الضوئية وربما بسبب هذه القدرات اضافة لقدرته المالية كان هو صاحب الرأي الأعلى.
09-08-2024, 09:51 PM
كمال عباس كمال عباس
تاريخ التسجيل: 03-06-2009
مجموع المشاركات: 18028
سلام حافظ بشيرًقبل ان يدخل معلقا ديباجة أعجبني " متجاهلا مغزي المداخلة طبعا "علي مداخلتك الاخيرة ! اقول انًو حميدتي. لايقرن الأقوال بالأفعال !يتحدث عن الحرص علي الأرواح وعلي المدنين والتحقيق في الانتهاكات بينما قواته تواصل الانتهاكات يتحدث عن وقف الحرب والركون للسلامويوسع في نطاق الحرب حميدتي كان ذئب يقود قطيع من فئران المجلس العسكري وانو طلاوة اللسان. ونعومة الحديث قد تكون تعبير عن خداع وتزييف. لواقع المتحدث ودمويته وفساده !
(عدل بواسطة كمال عباس on 09-08-2024, 09:54 PM) (عدل بواسطة كمال عباس on 09-08-2024, 10:05 PM) (عدل بواسطة كمال عباس on 09-08-2024, 10:11 PM) (عدل بواسطة كمال عباس on 09-08-2024, 11:19 PM) (عدل بواسطة كمال عباس on 09-09-2024, 00:39 AM)
09-08-2024, 09:57 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
Quote: هو حاسي بالازمة الوضع نفسو فيها مافي زول بتداخل في بوستاتو غير بريمة المريسة و محمود الجغم
خضر الظاهر صبرت عليك كتير لولا مداخلتك ال############ة دي ما تداخلت هنا مرة اخرى استحابة لطلب اصدقاء عزيزين ازمة شنو بالضبط ؟ هل نكرت شيء او تراجعت عن موقف محدد ممكن تجلبه هنا كدليل بعدين البوستات لا تقاس بمستوى التداخل فيها من عدمه مفتكر نوعية بوستاتك الاربعة الاخيرة الكنت البترفعها مع بعض بمداخلة مشابهة دقة واحدة مقياس لتداخل الناس في البوستات ايه يعني تداخل 10 او 20 وبلغ عدد القراءة ما بلغ .. عوارتك دي خلتك مرة تهرب من المنبر وتنزل للتعليقات اسفل البورد من نافذة الفيس بوك وتشتم الناس (للمنبر ذاكرة) والدليل قاعد وسيدو قاعد ومتابع لو عاوز اجيبوا ليك هنا بجيبوا خلينا في حالنا طالما ما بنتداخل معك في ما لا يخصنا .. صعبة دي
09-09-2024, 09:24 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
سلام اختي العزيزة هدى البوست دا مبني على مقولة نقلتيها إنتي عن الحزب الشيوعي
Quote: بدايات المخلوع عمر البشير وسيطرتهم ، قالوا ال ح.ش.س ، طلع بيان للشعب فى ما معناه الحاصل فى الواقع من هذا الانقلاب كعب شديد- **ما محتاج زيادة إرهاب بقصص غير مؤكدة ومؤثقة…
وكذلك حال صلاح عبدالخالق ما محتاج زيادة بتزوير فيديوهات وبترها.
وشكراً جزيلاً لإضافة الفيديو في الدقيقة 5:26 صلاح عبدالخالق قال: "لو كان انقلاب على كيفهم، إنقلاب دا ما بجيب الناس الداير يجيبهم، لكن طالما انحياز، القادة ديل لقوها ملح ساكت كدا،، لازم يختارونا." فكرة الغنيمة والتغنيم أظنها فكرة راسخة عند الكثيرين. السلطة كانت غنيمة ملح ساكت كدا بعد أن اسقط الثوار نظام الانقاذ. او هكذا كان فهم المجلس العسكري الذي اقتسم الغنيمة مع قحت.
09-10-2024, 08:36 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: سلام مولانا،، بالنسبة لنواياك انا لا اعلم عنها شيء لكن عنوان البوست أراه غير موفق،، كان استفسر حيدر عن بواطن ودوافع البوست بتاعوا،، وليس الشوت ضفاري كدا طوالي.. ركز يا مولانا ركز 🤣
اشكرك على عدم تفتيش النوايا وقراءة البوست بعيداً عن نوايا إفتراضية. عنوان البوست عبارة عن تساؤل عن لماذا تم تزوير الفيديو المرفق والبوست في بدأ بإثبات حالة التزوير ثم ترك النقاش للمتداخلين. والسؤال الذي في العنوان ليس فيه إتهام لشخص معين وإنما سؤال عام ولا هو موجه لشخص معين بل هو مطروح للنقاش. للأسف تمت شخصنة موضوع البوست ولم تتم مناقشة السؤال الذي في العنوان. هنالك بعض المداخلات الموضوعية التي تناولت موضوع الفيديو بعيدا عن الشخصنة واشكر المتداخلين على ذلك.
أتفق معك أن بوستي دا كان ممكن يكون مداخلة واحدة في البوست مصدر الفيديو للتنبيه على أن الفيديو مزور ومن ثم مناقشة سؤالي في نفس البوست مصدر الفيديو المزور. إلا أنني فضلت إحترام رغبة صاحب البوست مصدر الفيديو بعدم التداخل معه. ولا يوجد شوت ضفاري من جانبي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hafiz Bashir
حيدر حسن ميرغني
كمال عباس
bakri abdalla
جلالدونا
خضر الطيب
Biraima M Adam
محمد بدرالدين
هدى ميرغنى
محمود الدقم
فيس بوك
تويتر
انستقرام
يوتيوب
بنتيريست