اعتقال حلاق سوداني والنظر في ترحيله من مصر بعد مصادرة أمواله!!!

05:36 AM September, 07 2024

سودانيز اون لاين
زهير ابو الزهراء-السودان
مكتبتى
رابط مختصر

القاهرة

شهدت منطقة الشيخ زايد بالجيزة جنوب مصر واقعة غريبة، حيث نشر حلاق سوداني لافتة على محله، تضمنت خريطة للسودان تضم حلايب وشلاتين . فثار المصريون
وقالوا ان الامر يعد تدخلا في الامن القومي لان المنطقتين تتبعان لمصر!!
وحسب معلومات المتداولة فإن مواطنين مصريين تقدموا ببلاغات ضد الحلاق الذي يدعى بنان عبد الماجد، بسبب اللافتة التي اعتبروها إهانة وتحديا لبلادهم.
فعمدت أجهزة الأمن إلى إلقاء القبض عليه، حيث يجري التحقيق معه حالياً. ويواجه تهماً عديدة قد تنتهي بمصادرة محله وترحيله للسودان .
وذكر ناشطون ان الحلاق عبد الماجد نشر قبيل توقيفه اعتذارا على صفحته في فيسبوك معربا عن خالص أسفه للمصريين وأزال اللافتة والخريطة متعهدا بعدم تكرار فعله الذي أثار غضب بعض المصريين.
وكان المواطن السوداني وشقيقه وأسرتيهما قد وصلا البلاد قبل شهرين. وقام عبد الماجد بفتح صالون للحلاقة في مدينة الشيخ زايد، واستعان بحلاقين سودانيين لمساعدته في العمل.
وبدأت القصة بأن طلب الحلاق من صاحب مكتب تصميمات تصميم لافتة للمحل مدون عليها الخدمات التي سيقدمها، وعليها خريطة السودان.
لكن فور أن وضعها على المحل قوبلت بغضب وثورة من قبل جيرانه في المنطقة. وتقدم الحلاق فورا باعتذار لجيرانه وأكد لهم أنه لم يقصد الإساءة لمصر أو المصريين على الإطلاق.
ونشر تدوينة على صفحته بفيسبوك قدم فيها اعتذاره وأزال اللافتة التي أثارت الأزمة لكن كل ذلك لم يرض الجمهور المصري والشرطة !

وهو السودان ذاته وينو لغاية ما هو يفكر في حلايب وشلاتين ؟
السودان في طريقه نحو التفكك والتمزق بسبب أطماع المغول والتتار
وبسبب أطماع إقليمية ودولية ..وبسبب أطماع دويلة الشر ..

يعني لازم كل سوداني صاحب محل تجاري يضع خريطة السودان في اللافتة عشان يتكسب من شغله
من حق المصريين يرحلوه لأن الموضوع عندهم اصبح تحدي .. هذه الحادثة تكررت كثيرا وليس هناك من يتعظ
عقيلة عجيبة

كلامك سليم يا حيدرنا
والله الناس لو احترمت نفسها ووضعها المتردي يكون احسن
ياخ انحنا لما جونا اخواننا السوريين في ناس كانوا بعتبروهم
غذاة رغم انو كان عندهم استثمار نعم اغلب استثمارات السوريين
كانت خدمية و هي أضعف أنواع الاستثمارات في أي بلد لأنو أنواع
الاستثمار تلاتة وهي الصناعية و الزراعية و الخدمية
يبقي بالتالي استثمار اخونا الحلاق دا استثمار خدمي مصر
ما بتستفيد منو كمان يقوم يجيب ليهم خريطة حلايب و شلاتين؟

Quote: ياخ انحنا لما جونا اخواننا السوريين

نفس الكلام ده يا خضر قالوه المصريين عن السوريين
لا شفنا ليهم حفلات وهجيج وقعاد قهاوي وخروج بملابس غير لائقة .. ياخي في المترو في واحد لابس عراقي
تصدق ديل جلهم ناس بل بس

حلاق قليل أدب ، عنطظة في الفاضي

انت زول عاوز تاكل عيش .. مالك ومال حاجة جيشك ما قدر يرجعها
العجيب انه يكررون نفس احاء من سبقوهم في هذا السلوك
بكرة تسمع واحد تاني جغموه لنفس السبب
انه كوكب السودان العجيب

اتوقع انو الحلاق ما عندو ادنى معرفة بالنزاع الداير حول حلايب ولا جايب خبر.
وقد ما يكون حتى انتبه لشكل الخريطة في اليافطة،
عمك قال يعمل خريطة السودان عشان يعلن إنو حلاق سوداني وبس.
والرسام العمل اليافطة برضو قد تكون ما عندو معرفة،
وياها الخريطة الشافها في السودان وبيعتبر اضافة اللولوة في الحدود الشمالية الشرقية نوع من دقة الرسم وفنياته وجمالياته.

مفروض يجلد ٥٠٠جلدك لانه قاصد اكيد دا كوز ههههه

Quote: اتوقع انو الحلاق ما عندو ادنى معرفة بالنزاع الداير حول حلايب ولا جايب خبر. وقد ما يكون حتى انتبه لشكل الخريطة في اليافطة، عمك قال يعمل خريطة السودان عشان يعلن إنو حلاق سوداني وبس. والرسام العمل اليافطة برضو قد تكون ما عندو معرفة، وياها الخريطة الشافها في السودان وبيعتبر اضافة اللولوة في الحدود الشمالية الشرقية نوع من دقة الرسم وفنياته وجمالياته.

شكرا مولانا ~
*أبصم 😀
كفيت ووفيت ، لك التقدير
جيت اقرأ ومستغربة من الهيجة فى الحلاق المسكين والرسام
*خريطة السودان الحقيقية :
*تختلف عن الخريطة الناقصة لخريطة السودان عند المصريين
*يعنى تاتى لو سودانى عايش فى مصر عايز يضع خريطة بلده حتى لو فى قلبه يمشى على المصريين يشيل منهم الخريطة الناقصة
**ضرورى ثم ضرورى : ينتبهوا كلما "تتقرم" منطقة من السودان وبحسب البلد العايش فيها يعمل تحديث لخريطة السودان
حتى لا يتم إذلاله فوق إذلال

المثل بقول يا غريب كن أديب
وواحد تاني قال دارهم ما دمت بدارهم فان لم تدارهم فارحل عن دارهم
في تجاوزات كتيرة بتحصل
قلت لي يا حيدرنا واحد لابس عراقي في المواصلات العامة؟
ماكان شايل معاهو قزازة عرقي ولابس سفنجة؟😂
كدا كان اكتملت الرصة

تعليقاتكم دائما لذيذة يا خدوري

Quote: قلت لي يا حيدرنا واحد لابس عراقي في المواصلات العامة؟ ماكان شايل معاهو قزازة عرقي ولابس سفنجة؟😂 كدا كان اكتملت الرصة

سلام حبيبنا زهير

و حبيبنا حيدروف

مرحب دكتور محمد عبد الله الحسين
السودانيين اين ما كانوا بشيلو حاجاتم معاهم ودي حاجة انت ككاتب عميق بالمناسبة انا متابع لكل ما تكتب
بس قبل ما تكتب عن الموضوع دا اسمع اغنية سعاد للدوش مع كابلي رغم ان كابلي عمل فيها تعديل بسيط
الغنا فيهو رسايل و الغنا رسالة و كتاب عمي الراحل الطيب محمد الطيب الانداية دا فيهو شغل عجيب لما كنت
بشتغل معاهو برنامج صور شعبية اهداني الكتاب دا بجد قربتو و حفظتو تماما ما عاوز اشرح ليك اكتر من كدة

عظيم تحياتي

شئ عجيب، غريب!!

معقولة بتهاجمو في سوداني زيكم وهو في وضع كهذا؟

اي طفل سمع القصة بعرف، الحلاق ده ماعندو اي صلة اطلاقا بماورد في الخرطة، ولاعلاقة لي طبيعة شغلو بما ورد في الخرطة، وهكذا رد فعل من جهاز دويلة احفاد الغزاة، في مواجهة نازح، لاجئ سوداني كنتيجة للفتنة الاشعلوها هم، يوضح يثبت، مدي الاستهتار، الاحتقار، لامثالكم من "اختا بلادكم" كما تهرفون، تهطرقون، وانا لا الومم اطلاقا!

كان ممكن يفتحو بلاغ، يودو محكمة، او يدو فرصة يدافع عن نفسو وبعد داك المحكمة تصدر قرارا، لو اصلا هكذا تصرف غير مقصود يستحق يستاهل مثل هكذا شطحي من جهاز الدويلة ذات نفسها في مواجهة فرد!

كان ممكن يقولو ليهو غير او نزل العلم ده، والسلام!!

هجومكم هنا، علي ضحية، مشرد، كما غيرو، شئ مقرف يدعو للطراش!!
عوووووع!!

Quote: كان ممكن يقولو ليهو غير او نزل العلم ده، والسلام!! هجومكم هنا، علي ضحية، مشرد، كما غيرو، شئ مقرف يدعو للطراش!! عوووووع!!

حبيبنا بشاشا سلامات
انت مرات بتحسسني انك جيت امريكا دي بوظيفة أمين عام للأمم المتحدة
أو علي اقل تقدير مندوب السودان الدايم لدي الأمم المتحدة
انت تركتا مملكة كوش وجئت كلاجئ و مشرد
هل يمكنك تجاوز قوانين البلد؟ الجهل بالقانون لا يعفي عن المسؤلية
وقع ليك؟

Quote: هل يمكنك تجاوز قوانين البلد؟

ياخدوري،

قوانين شنو ياخي؟

لو كده ليه ما ادوهو حقو يدافع عن نفسو بالقانون وبعد داك المحكمة تصدر قرارا، لو اصلا هم عندهم اعتبار لامثالكم، وهم بزعامة رفيقك العميل غوش، حفيد الزبير، المولعين الفتنة دي الشردت اهلنا، او جو بالملايين كلاجئيين لاحفاد الغزاة، مش للجنوب مثلا، وده كلو ملعوب مرصود، مخطط له سلفا، واهو امام الجميع الخطة نجحت، وكنتيجة مافي سوداني كقاعدة الان بفتح خشمو ولو بي حرف واحد احد، عن البسوو فيهو، فيهم، احفاد الغزاة!!

حتي هنا، اهو الركوع الخضوع للمصريين، رامين اخوكم في التراش!!

لو كان الحلاق ده سعودي مثلا كانو بعاملو كده؟

نسيتو المصري الاغتصب طفلة "سفرجية" ، قطعا من بعد القتل، او رماها في الشارع في التراش؟

هل ادين قضائيا ليعدم شنقا حتي الموت في مكان عام، ولا فكو بكل بساطة والسلام لانكم بايعنها حتي كافراد كسودانيين؟

استهتار احفاد الغزاة بكم عبر القرون ماصدفة، ماشي عابر، ولا الومم، والفاقع المرارة هو مثل هكذا خنوع ركوع سجود من قبلنا، نهاجم في الامارات ولكن مابنقول بغم عن احفاد الغزاة خوفا علي اهلنا هناك!!!

وكما قال دقنة الجسور، ما تكون بعتني بي رخيص...