والله يا محمود الموضوع ما حسادة لكن الزول طلع اشتر بجد الابيرانس مهم يا محمود و الأهم منها الكاريزما الزول دا حسسني انو نظراتو مرتبكة و بستجدي المذيعة انها ما تتقل عليهو
الله يكون في عون السودان إذا في طفابيع ذي المعتوه دا بتكلمو في الشأن السوداني تعرف دا لو عملو ليهو البدرة في قسم الميكاب كان حتكون مأساه بعد الجبيهو من الوكر العايش فيهو المسكين لجهلو ما عارف انو في قسم للميكاب في القناة يعني حتي المذيعات مفروض تجي مستحمية وبس والله مسخرة عشان كدة يا محمود اول ظهور ليك في قناة التاسعة دخلت صوت بس إنت زول كويس 😂 احترمت نفسك بجد
09-01-2024, 06:15 PM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
خضر الهطلة، الأن جيل جديد لنج .. يخرج من كل فج عميق .. يخرج للعلن .. من حلفا، من الدمازين، من جنوب كردفان، من جنوب دارفور، من مليط أقصي شمال دارفور .. ومن ود شريفيي أقصي شرقنا الحبيب . ومن دار المجانين في أقصي شمال كردفان ..
هؤلاء هم وجوه شعبنا .. المتعدد ثقافياً وتراثياً وأثنياً .. وجغرفيناً .. هؤلاء هم قادة المستقبل .. بالله يا هطلة .. أنظر خالد عجوبة .. ود قلبا .. كيف يقود الأشاوس ليدحر الفلول ... سودانا إن لم ينجب غير خالد عجوبة لكفانا فخراً إن حواء السودانية أنجبت .. خالد ترك الدعة وحياة الراحة .. ليمتشق سلاحه .. أهل نيالا حينما قاد خالد عجوبة إحد محاور أقتحام فرقة نيالا .. قالوا القائد عجوبة زول عفن .. ما بكسكس للوراء .. رامى قدام بس حتى النصر ..
الفاشر جاها بلاء أسود لو خالد عجوبة ألتحق بالقوات المحاصرة المدينة ..
وها هو ول أبا سماعين كحل الشيخات، يدافع عن مواقف الأشاوس بحرارة .. وللعلم ول سماعين، والسيادي محمد التعايشي ول أبا عبد الرازق الطالب (عضو سابق معنا هنا) كلهم أحفاد الخليفة التعايشي ..
أنطلقت ثورة الهامش .. يا الهطلة، أبحث عن ربيع عبدالمنعم، الفاضل منصور، ود برلين، الفارسة ريهام، وملاك .. تجدهم خاجيين ليك الفلنقايات خج في الميديا .. ردم صاح.
فجر الخلاص قرب ..
بريمة
09-01-2024, 06:25 PM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
يا حيدر ياخ ما تفضح جهلك خليها مستورة الجبتهم ديل بعملو في دعاية للنوع دا من أحذية الرياضة في شكل وردة الموضوع غير ما تفكر انت أو تعتقد.. دا شغلنا سعادتك 😂
09-01-2024, 06:30 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28867
اصلا لو ما قلت كده ما بتكون خضر دائما انت صاح والاخرين غلط ده كل المرقت بيهو من البوست (حذاء وزيت رجوع وعرق) ومان قلت ليك شنو .. موضوعك أصلا ما يكون موضوع البوست
09-01-2024, 06:42 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28867
Quote: الجبتهم ديل بعملو في دعاية للنوع دا من أحذية
طيب الدعاية دي كان ممكن تكون بملابس عادية برضو كما درجوا على ذلك لسنوات طويلة لما يصوروهم بالـ full suit القصد واضح .. انه الحذاء ده ممكن يتلبس مع اللبسة دي برضو ويصبح موضة كما هو حاصل الان دي حاجة شوفة عين ما خبالات يا معلم - المهم حاول تعرف لي الزول صاحب الصورة الثانية ووين واقف (على فكرة .. الصورة ليست دعاية لحذاء) يا ابو العريف انت (وجه ميت من الضحك) :)
09-02-2024, 12:46 PM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
نعم يا حيدرنا اول مرة تقول جملة سليمة أنا وكل أفراد الشعب السوداني الذين تم نهب امتعتهم واحتلال بيوتهم و اغتصاب نسائهم وتشريدهم اذاً انحنا صاح وكل خاين لوطن وداعم للجنجويد سينال دعوات هولاء المساكين وستنالوا عقابكم في هذه الدنيا قريبا بإذن الله
09-02-2024, 04:33 AM
adil amin adil amin
تاريخ التسجيل: 08-01-2002
مجموع المشاركات: 39161
في زول بتوقع عبقري زي، انشتاين يعمل، الحركة دي https://dcars.net يا خضر البرنامج ده سياسي، يحتاج يعرف الناس، الوعيًوالرؤية البحملا الشخص مش شكلو ولبسو وجذمتو انت دايما تفتش الحاجات البتشبهك رغم تحفظي، يا سمعة من فضائيات الخليح لكن راديو دبنقا احسن ليك تخاطب السودانيين، واهلك في،دارفور الخليجيين ديل، ما ناس، حقً لا هم لا المصريين والسوداني، الواعي، بالجد بزعجهم والسوداني، الواعي، هو البقدم بضاعة سودانية نظيفة ويعرف بي، ديل الاستاذ، محمودًوفكره د جون قرنق، وفكره وحسنين ومشروعو ورسالة ابراهيم منعم منصور وحاجات كثيرة لانه معظم مهرجين فضائية الجزيرة والحدث اتحولو لي، فضيحة انت زول جيدً حرب دتش فيلا فرانس 24 سيًجي، تين الصينية ونقطة حوار الانجليزية يا سمعة واختا الحرة واعلام العرب،الجرب، الذي، لا يوقظ فكرة ولا يهذب، شعور، مدور، بينا 5 سنة حاصل فارغ رايك شنو يا خضر البطة في صورة انشتاين دي؟؟؟؟ فكنا، من جذمتو وبنطلونو الناس بتهتم بفكرك، وعيك، مش، شكلك، ولبسك الا لمن تكون زول فارغ تحية لاسماعيل بريمة الكوز قرد، الموز، نشوفك بتين في، الحرة غايتو خالك جقود، ما فايت راديو دبنقا شبر
09-01-2024, 07:35 PM
محمود الدقم محمود الدقم
تاريخ التسجيل: 03-19-2004
مجموع المشاركات: 12897
مافي أي هارد فيلنقلز بس وسع صدرك أنا ما بفهم كل شيء و مافي زول في الدنيا دي بفهم كل شيء خليني في فهمي البسيط دا علي حسب تقديرك في البوست بتاع محمود المحذوف انت قلت أنا مجرد كاميرا مان والبوست عندي محفوظ و محمود بالتأكيد قرا مداخلتك و مداخلتك كانت اجهل مداخلة اقراها في حياتي يا شفيف اولاً أنا ما كاميرا مان لأني كنت علي علم بانو مهمة الكاميرا مان حتنتهي في المستقبل لأنو الآن كل كاميرات الاستديوهات والقنوات المحترمة بتشتغل بالريموت و بتتوزع بصورة ثابت في الاستوديو الإخباري بالتحديد يبقي انحصر شغل المصورين في التصوير الخارجي فقط لو لاحظت في نقل المباريات بكون في كاميرا مربوطة في حبل فوق وحتى في الأولمبياد كمان في كاميرات كمان شغالة بالروموت الفرق يا شفيف انو الفرق بين الإذاعة والتلفزيون هي الكاميرا وليس الصوت لأنو هو قاسم مشترك وبرغم ذلك تختلف البرامج التلفزيونية عن البرامج الإذاعية كان في سابق العصر والأوان عندنا دورة تدريبية عملوها لينا بروفيسورات أمريكان قال البروفيسور لو استمعت للبرنامج التلفزيوني من غير مشاهدة الشاشة يعتبر البرنامج دا إذاعي ضل طريقو للتلفزيون لأنو الصورة بتكمل الصوت إنت يا كافي البلا بتشاهد ليك ستين سنة ما فهمت أهمية الكاميرا للتلفزيون.علي الطماطم و عليك الدكوة انت يا شفيف بتمتلك قدر من الجهل لو وزع علي أهل الأرض جميعا لكفاهم لحد جدهم العاشر،أنا عارف انو العبارة دي أبدا ما شفيفة الشي التاني وهي دليل دامغ علي هذا الجهل في زول عاقل بدعم عصابة الجنجويد؟ انتو في المنبر دا كلكم خمسة وأنت الوحيد الدافن دقن خجلان من شنو؟ خجلان لأنك عارف البتعمل فيهو غلط و غلط كبير بالله دفعولك كم عشان تقلبا دم؟ ما حاشاركك في جنيه بس بيني و بينك قول لي ،والعاقبة عندكم في المسيرات الونانة و ان عدتكم عندنا و الباقي اظلم
09-01-2024, 10:42 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28867
Quote: انت يا شفيف بتمتلك قدر من الجهل لو وزع علي أهل الأرض جميعا لكفاهم لحد جدهم العاشر
عاجبني فهمك يا سيد المفهومية ياها فرمالتك "الجهل" وانت طبعاً بروف في الفهم والباقين خلف الله حمد شوف كم مرة كررتها في البوست ده بس .. خليك من البوستات التانية بقت لازمة في كل مداخلاتك بعدين ياخي عمري ما حجلت من شيء عملته في حياتي .. جنجا بالباب العديل وما ناكرها . اخجل من شنو ؟ والدعم السريع جايي من السماء ولا جبتو انا ؟ اكبر عسكري في جيشك كان بقدم فروض الطاعة والولاء لحميدتي
09-01-2024, 10:24 PM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
سلام محمود شاهدت البرنامج كامل للأسف كنت عارف و متأكد انو إسماعين بدرة حيجيب العيد و قد كان كل المتحدثين اتكلموا عن طريقة وصول المساعدات و الموضوع دا أنا ذكرتو قبل مؤتمر سويسرا قال المعتوه الجنجويد دا انو الجيش ضرب كبري الحلفاية و كوبري المنشية ومستشفى الضلعين اتأكد تماما انو المذيعة سفهتو تماما و ركزت مع بقية الضيوف لان جل اهتمامهم كان عن موضوع الإغاثة هذا المعتوه سمعه سيي مفروض حتى لو لم يكن يعلم موضوع الحلقة المشارك ليها شنو؟ المهم فضح جهلو بغبا لا يحسد عليه و الدليل انو المنتج قال للمذيعة اتجاهلي الغبي دا وركزي مع المختصين لا حول و لا قوة إلا بالله
09-02-2024, 01:11 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: اتأكد تماما انو المذيعة سفهتو تماما و ركزت مع بقية الضيوف لان جل اهتمامهم كان عن موضوع الإغاثة هذا المعتوه سمعه سيي مفروض حتى لو لم يكن يعلم موضوع الحلقة المشارك ليها شنو؟ المهم فضح جهلو بغبا لا يحسد عليه و الدليل انو المنتج قال للمذيعة اتجاهلي الغبي دا وركزي مع المختصين
خضر الهطلة، ها داك الفيديو فوق، أنت كذبت كذب صراح .. يا أخي لولا الفيديو قدامنا كنت ح تقول شنو؟
ول أبا سماعين هو من أدار الحوار .. وأظرف ما في الفيديو .. ثبت زولكم المدافع عن العساكر تب .. لما ما قادر يمشي قدام ولا وراء .. طقطقوا طقطيق عجيب .. لدرجة الشخص حاول شيئ غريب .. رقد في الكرسي إلي الخلف ونظر لول أبا سماعين بطرف عينه .. بصورة غريبة .. هذا النظرة علماء السيكولوجي يقولون لا تخرج من أثنين إما إعجاب شديد أو أنك تحتقر الشخص بصورة مقززة .. تقيمى كلام ول أبا اصابه في مقتل .. وقارب أن يخرج من طوره.
لاحظ حينما قال له أسماعين ليس هناك شرعية للبرهان إلا بالأمر الواقع .. فقال الرجل الأمر الواقع في حد ذاته شرعية .. ثم قال سماعين إذا خرجتم من هنا وأنا قلت لا أخلي الكرسي هل هذا يجعل الكرسي ملك لي؟ هنا تسابقت المضيفة مع المصري لأنقاذ الرجل ولم يقل كلمة من بعد ..
ونرجعك لنقطة ثانية، هى المعابر التى ضربها الجيش .. والمستشفيات .. برضوا سماعين وضب فيها الرجل .. ولو مشينا لحديث سماعين عن أن قائد الجيش لا يريد حواراً .. وقال تستمر الحرب 100 عام .. برضو سماعين كسّر فيها الرجل كسير الفخار .. أختلف سماعين مع بتاع الأمم المتحدة بوجوب فصل المسار الأنسانى وأخراجه من المسارات السياسية وغيرها .. وجعله يفرض فرضاً من المجتمع الدولي .. المصري رفض وقال لا يمكن تفرض شيئ .. يجب أن يكون الأمر inclusive لكل المسارات .. الأقرب من ذلك حينما قال بتاع الجيش .. المسار مشي من جدة وإلي جنيف ثم القاهرة .. سماعين برضو حسمه وقال ليس هناك مسار جاء القاهرة فقال الرجل أتنكر أن المندوب جاء مصر؟ سماعين قال له جاء لكن لمقابلة وزير الخارجية الأمريكي وليس ببسب فتح مسار في القاهرة ..
الحوار دا غير سماعين ما عنده أي طعم .. أنت براك راجع الحوار و بأمانه وشوف براك ..
بريمة
09-02-2024, 01:24 AM
ترهاقا ترهاقا
تاريخ التسجيل: 07-04-2003
مجموع المشاركات: 9450
عادي يا خدر... انا في عرسي لبست فل سوت مع كدارة اما جيدرنا ده و معاهو دينا خالد الاتنين نتاج حقة... حقة دي بضم الجاء و تشديد القاف .. عطرون و تمباك باودر و هاك يا عجن و تطلع بي كيس صعوت ماركة حيدينا سف و شايك في كباية بيرماكس عجبني الظهور بي شنب هتلر
09-02-2024, 05:23 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
ما عارف القناة كيف اختارت ضيوفها للحلقة، لكن اسماعيل غير مناسب لموضوع الحلقة وموضوع الحلقة غير مناسب لاسماعيل. الحلقة عن ايصال المساعدات الانسانية والمفترض في الضيوف التخصصية وعدم الانحياز السياسي. اسماعيل دخل الحلقة بأجندة سياسية واضحة وكان خصماً على موضوع الحلقة.
من ناحية حوار، اسماعيل كان افضل من توقعاتي، أنا حسب تصنيفي لجنجويد المنبر، محمود الدقم هو افضل كاتب جنجويدي واسماعيل ومحمد آدم هم اضعف كتاب الجنجويد.
من ناحية المظهر، الجزمة السبورت غير مناسبة مع الفل سوت للظهور بها في مثل هذا البرنامج، قد تكون مناسبة إذا ظهر بها المغني طه سليمان مثلاً في حلقة غنائية. الفنان او المغني يريد أن يظهر بمظهر المتمرد علي التقاليد وأنه مع التغيير الابداعي. السياسي يريد أن يقول بمظهره أنه يحترم التقاليد وأنه يدعم التغيير بطريقة رشيدة وبحذر كافي.
09-02-2024, 05:35 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12897
سلام خضر بالنسبة لملابس الاستاذ اسماعين ما عايز اتوقف فيها كتير فهي اكثر من رائعة ومتناسقة ولو لاحظت نفس لون البدلة موجودة عند بعض الضيوف لكن بالوان متفاوتة، وكما قال عادل امين خلينا نركز في طرح اخونا اسماعين وانا اعتبر ان اسماعيل في هذه الحلقة كان رمانة البرنامج تماما فقد كان هادئا للاخر والهدوء في اللايف في قناة تعتبر من اكبر القنوات الاخبارية علي مستوي العالم العربي فهذا شيء اكثر من ممتاز اسماعيل ايضا كان ممسكا بنقاط محددة وقد قتلها بحثا ولاسيما نقطة المعابر ومعبر ادري الذي يسيطر عليه الدعم السريع بعد ان شرد منه اكثر من 300 عسكري سوداني نحو العمق التشادي اسماعيل ايضا تحدث بجلاء في نقطة من هو الذي يعيق الحل ووصول المساعدات للمحتاجين في السودان ويسعي لاطالة الحرب، واشار اسماعيل بكل وضوح للبرهان العايز يكاتل تاني لمئة عام مما حشر الضيف السوداني الاخر في الزواية الضيقة بقية النقاط تحدث عنها اخونا بريمة بتفصيل واسهاب. ما اريد قوله هنا خلينا ننزكز في المضمون بشكل مباشر وانا اري هحومك علي اخونا حيدر غير مبرر، فحيدر كل ما قام به هو جلب صور لاشخاص يرتدون احذية رياضية مع بذلة كاملة وهذا شيء اكثر من طبيعي ويحدث مع مشاهير كثير وليس في الامر باس وحيدر ايضا له بوستت كثيرة جدا ينتقد فيها الدعم السريع وهي متاحة ومبذولة. شكرا للجميع..
09-02-2024, 08:00 AM
Zein Abdalla Zein Abdalla
تاريخ التسجيل: 10-30-2023
مجموع المشاركات: 427
اسماعيل كان يتحدث بوضوح وهدوء ويبدو انه كان على استعداد للاجابة عن كل الاسئلة وكان مقنعآ . ضعف الكوز حافظ الامين ومحاولته تبرير كلام البرهان عن استمرار الحرب لمدة ١٠٠ عام وقصف الجيش للكباري والمستشفيات، اظهرت الدعم السريع بانه هو الساعي لوقف الحرب وايصال المساعدات.
09-02-2024, 11:53 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1896
تعليقات بسيطة على مشاركة الأخ إسماعيل عبد الله في الحلقة.
• مظهر الأخ إسماعيل مقبول، ولا أعيب عليه لبس الحذاء الرياضي، فالعالم يتغيّر والموضة تتبدّل. يظهر بعض المذيعين والمذيعات في بي بي سي الإنجليزية، على سبيل المثال لا الحصر، بأحذية رياضية في برامج سياسية أو شبه سياسية.
• ربما اختار الأخ إسماعيل الحذاء الرياضي من باب نشدان الراحة، أو التمرُّد على المألوف تأثرًا بالشعور بأنه ما زالاً شابًا، أو ربما اعتقد أن الكاميرا في الأستديو لن تُظهِر الضيوف بكامل هيئاتهم. على العموم، أستبعد أن يكون الأمر متعلقًا بالشتارة، وأرى أن موضوع لبس الحذاء الرياضي ليس مهمًا، ولكن لو كنت مكانه ما لبسته لئلا ينصرف الناس عن رسالتي إلى مظهري.
• بدا عليه التوتر والاضطراب والتجهُّم وزوغان العين والشرود في البداية؛ غالبًا بسبب رهبة الكاميرا الناجمة عن حداثة العهد بالمشاركات التلفزيونية، لكنه انطلق مع مرور الوقت. وأعتقد أن هذه الرهبة ستزول تدريجيًا، وستتحسّن مهارته في التواصل بالعين بكثرة المشاركات.
• لو كنتُ مكانه لركّزت على إبراز المآسي الإنسانية وحرص الدعم السريع وجهوده فيما يتعلّق بتخفيف معاناة المواطنين، بدلاً من التركيز على الجوانب السياسية وإلقاء اللوم على الجيش، لأن فكرة البرنامج استنادًا إلى منطلقات القناة في تقديري هي الترويج لأهمية التفاوض واستمالة المشاهدين إلى تغليب خيار الذهاب إلى التفاوض على أساس أنه المخرج الوحيد والحلّ السريع لهذه الكارثة الإنسانية، وخاصةً في ظلّ تمنُّع الجيش والضغط الذي يمارسه الدعم السريع عليه للجلوس إلى طاولة التفاوض. كان على الأخ إسماعيل أن يستصحب أن فرص طرح النقاش السياسي المحض في القنوات التلفزيونية متاحة أكثر من فرص تناول الجوانب الإنسانية.
• سيطرت عليه فكرة الانتصار على الصحفي في الضفّة المقابلة، وأعتقد أنه نجح في معظم الأحيان في حصره في خانة المدافع.
• حاول استدرار تعاطف الضيفين الآخرين واستمالتهما بالإطراء عليهما، وهذه نقطة تُحسب له في إطار تكتيكات الحوار.
• على العموم، أتفق مع الأخ حافظ في أن مشاركة الأخ إسماعيل في الحلقة أفضل بكثير من كتاباته، وأعتقد أنه سيتطوّر في هذا الجانب إذا استمر فيه، لكنه سيواجه معضلة عدم اتساق الشخصية والمواءمة بين الظهور الرزين والمتّزن في القنوات الفضائية والكتابة المتطرّفة في وسائل التواصل الاجتماعي.
09-02-2024, 12:44 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
دي اول مرة اسمع بالصحفي حافظ الامين. بحثت ولم اجد له أي كتابات سابقة ولا لقاءات غير هذا اللقاء. هل هو كوز معروف اصلاً؟ أم تم استنتاج أنه كوز من خلال هذا اللقاء؟
09-03-2024, 07:32 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12897
Quote: تعليقات بسيطة على مشاركة الأخ إسماعيل عبد الله في الحلقة.
• مظهر الأخ إسماعيل مقبول، ولا أعيب عليه لبس الحذاء الرياضي، فالعالم يتغيّر والموضة تتبدّل. يظهر بعض المذيعين والمذيعات في بي بي سي الإنجليزية، على سبيل المثال لا الحصر، بأحذية رياضية في برامج سياسية أو شبه سياسية.
• ربما اختار الأخ إسماعيل الحذاء الرياضي من باب نشدان الراحة، أو التمرُّد على المألوف تأثرًا بالشعور بأنه ما زالاً شابًا، أو ربما اعتقد أن الكاميرا في الأستديو لن تُظهِر الضيوف بكامل هيئاتهم. على العموم، أستبعد أن يكون الأمر متعلقًا بالشتارة، وأرى أن موضوع لبس الحذاء الرياضي ليس مهمًا، ولكن لو كنت مكانه ما لبسته لئلا ينصرف الناس عن رسالتي إلى مظهري.
• بدا عليه التوتر والاضطراب والتجهُّم وزوغان العين والشرود في البداية؛ غالبًا بسبب رهبة الكاميرا الناجمة عن حداثة العهد بالمشاركات التلفزيونية، لكنه انطلق مع مرور الوقت. وأعتقد أن هذه الرهبة ستزول تدريجيًا، وستتحسّن مهارته في التواصل بالعين بكثرة المشاركات.
• لو كنتُ مكانه لركّزت على إبراز المآسي الإنسانية وحرص الدعم السريع وجهوده فيما يتعلّق بتخفيف معاناة المواطنين، بدلاً من التركيز على الجوانب السياسية وإلقاء اللوم على الجيش، لأن فكرة البرنامج استنادًا إلى منطلقات القناة في تقديري هي الترويج لأهمية التفاوض واستمالة المشاهدين إلى تغليب خيار الذهاب إلى التفاوض على أساس أنه المخرج الوحيد والحلّ السريع لهذه الكارثة الإنسانية، وخاصةً في ظلّ تمنُّع الجيش والضغط الذي يمارسه الدعم السريع عليه للجلوس إلى طاولة التفاوض. كان على الأخ إسماعيل أن يستصحب أن فرص طرح النقاش السياسي المحض في القنوات التلفزيونية متاحة أكثر من فرص تناول الجوانب الإنسانية.
• سيطرت عليه فكرة الانتصار على الصحفي في الضفّة المقابلة، وأعتقد أنه نجح في معظم الأحيان في حصره في خانة المدافع.
• حاول استدرار تعاطف الضيفين الآخرين واستمالتهما بالإطراء عليهما، وهذه نقطة تُحسب له في إطار تكتيكات الحوار.
• على العموم، أتفق مع الأخ حافظ في أن مشاركة الأخ إسماعيل في الحلقة أفضل بكثير من كتاباته، وأعتقد أنه سيتطوّر في هذا الجانب إذا استمر فيه، لكنه سيواجه معضلة عدم اتساق الشخصية والمواءمة بين الظهور الرزين والمتّزن في القنوات الفضائية والكتابة المتطرّفة في وسائل التواصل الاجتماعي.
سلام د.محمد صديق كلام موزون كامل مكمل لا تعليق عليه نقد موضوعي اتمني من الأخ اسماعيل قراته.. تسلم
09-02-2024, 12:38 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: من ناحية حوار، اسماعيل كان افضل من توقعاتي، أنا حسب تصنيفي لجنجويد المنبر، محمود الدقم هو افضل كاتب جنجويدي واسماعيل ومحمد آدم هم اضعف كتاب الجنجويد.
بريمة يا كيشة الفقرة كلها بادية ب"من ناحية حوار" وهي المعيار الاتبنى عليه التقييم. وبعدين يعني أنا لما قلت "اسماعيل كان افضل من توقعاتي" يعني بقى احسن بإنو غير قبيلتو ول منشأو ول جهتو؟
إذا إنت زعلان عشان ما جبت سيرتك في التصنيف، فداير اقول ليك أنا ما نسيتك لما جيت اصنف لكن عشان جنس كياشتك دي قصدت اهمشك.
09-02-2024, 01:42 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: أين شهدت المستنير محمد أدم في حوار حتى تقارن بينهم، هو وسماعين؟!!! هنا ح نصرف ليك واحد أختشي!
دي شنو العوارة والاسئلة البليدة دي يا بريمة؟ هو المنبر العام دا فيهو شنو غير حوارات؟ إنت اوعك تكون قايل الحوار دا إلا في التلفيزيون؟ لو بتفهم كان فهمت إني أنا اول حاجة قارنت بين اسماعيل كمحاور في حلقة البرنامج التلفيزيوني وبين اسماعيل كمحاور في المنبر هنا، حتى بعداك قارنت بينه كمحاور في المنبر هنا وبين بقية الزملاء.
عليك الله يا بريمة بعد حوارك البليد معاي دا، صنف نفسك وشوف موقعك وين.
09-02-2024, 02:34 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
يا ود ابا بريمة الاشوس حافظ بشير شغال بعقلية اركان النقاش بتاعت مدارس الثانوي العالي الزمان ديك، يا معانا يا ضدنا، يعني شخصي مثلا انتقدت وما زلت انتقد وسانتقد اي انتهاكات حصلت وستحصل في المستقبل من اي جهة كانت برضو الاشوس حافظ الموضوع دا لسع ما واقع ليه لي راسه قلنا وطالبنا بضرورة ان تاتي لجان تحقيق دولية تحقق في كل الجرائم الحدثت منذ 600 يوم وما قبلها سواء صدرت من الدعم السريع او الجيش ومليشياته وخاصة مقتل الوالي في الجنينة والمدنيين هناك والكلام انا كتبتو هنا دا، لكن الاشوس حافظ لسع بنظر لمواضعنينا منظار المليشيا علي ما يبدو. الفشغلة اعتقد سيكلوجية اقرب منها الي الموضوعية، بمعني كلما الدعامة هاجمو حلتك قريتك ومسحو بالفلول الارض الناس تكره الدعامة والعكس بالعكس *
09-02-2024, 02:50 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: يعني شخصي مثلا انتقدت وما زلت انتقد وسانتقد اي انتهاكات حصلت وستحصل في المستقبل من اي جهة كانت برضو الاشوس حافظ الموضوع دا لسع ما واقع ليه لي راسه
في عرفه الجنجويد لن يلدوا إلا جنجويدياً!!
أنظر شمل ول أبا المستنير محمد أدم، الذي أعلن هنا منذ عشرات السنين .. أنه تبرأ من القبيلة .. وأنه ينتمى إلي قبيلة الأنسانية ..
------------------------------- والغريبة ياتي بطل باهت .. ويضع الناس كلهم في pigeon hole .. مولاهم حافظ أبحث عن نظرية ال pigeonhole .. وشوف لو وقع ليك موقفك علي ضوئها ..!
بريمة
09-02-2024, 03:09 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
بريمة ياخي دا حوار ممل، عشان تفهم لازم تقرأ الكلام كلو وما تبتر الكلام من السياق.
Quote: وهذي النقطة .. نطيتها .. Quote: اسماعيل غير مناسب لموضوع الحلقة وموضوع الحلقة غير مناسب لاسماعيل.
أنا طوالي بعد الجملة الإنت اقتبستها دي وريت ليه إسماعيل ما مناسب لموضوع الحلقة وليه موضوع الحلقة ما مناسب لإسماعيل.
الحلقة عن المساعدات الإنسانية، والف باء تاء ثاء العمل الإنساني في مناطق النزاعات وتقييمه هو عدم اظهار الإحياز لأي من اطراف النزاع. واسماعيل له انحياز معلن من قبل تسجيل الحلقة ولم يكن بإمكانه إخفاء تحيزه المبني على خيارات سياسية مسبقة وغير مرتبطة بالمساعدات الانسانية خلال الحلقة لذلك هو غير مناسب لموضوع الحلقة.
هذا لا يعني أن اسماعيل غير مناسب للظهور في برنامج حواري ولكن الانسب للقناة أن تستضيفه في برنامج يناقش الجوانب السياسية للحرب.
دا كلامي
Quote: ما عارف القناة كيف اختارت ضيوفها للحلقة، لكن اسماعيل غير مناسب لموضوع الحلقة وموضوع الحلقة غير مناسب لاسماعيل. الحلقة عن ايصال المساعدات الانسانية والمفترض في الضيوف التخصصية وعدم الانحياز السياسي. اسماعيل دخل الحلقة بأجندة سياسية واضحة وكان خصماً على موضوع الحلقة.
بريمة ياخي عليك الله أسأل أسئلة شوية كدا تكون ذكية عشان يكون الحوار شوية جذاب.
09-02-2024, 03:19 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
أحسن تتدخل في شغل القناة؟ القناة قدمت ضيوفها بالصفات التالية: الأستاذ حفافظ الأمين .. الكاتب الصحفي. الأستاذ محمد الهواري .. الباحث في الشؤون الأنسانية في الأمم المتحدة. الدكتور حمدي عبد الرحمن .. أستاذ العلوم السياسية والدراسات الأفريقية. الأستاذ أسماعيل عبد الله .. الكاتب والباحث السياسي.
من أين جئت بأن الحلقة عن المساعدات الأنسانية .. ومضيفة البرنامج قالت: "أن مدخلنا للحقلة من بوابة الحالة الإنسانية" .. وليس الحلقة عن الحالة الأنسانية ..
مولانا حافظ، تحاملك واضح ضد الأخ إسماعيل .. هنا كلامك
Quote: اسماعيل دخل الحلقة بأجندة سياسية واضحة وكان خصماً على موضوع الحلقة.
هل تم تقديمة غير أنه كاتب وباحث سياسي؟ كيف يكون أختياره خطأ ..؟
بريمة
09-02-2024, 04:44 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
يعني القناة دي عشان جابت صاحبك الجنجويدي ود أبا إسماعيل بقت معصومة من النقد ولا شنو؟ يا أخوي أنا قلت رأي في البرنامج وفي الإعداد له واختيار الضيوف، وأنا عندي كامل الحرية في انتقاد القناة واختيارها للضيوف.
Quote: هل تم تقديمة غير أنه كاتب وباحث سياسي؟ كيف يكون أختياره خطأ ..؟
ونفرض القناة قدمته وقالت كحل الشيخات كاتب وباحث سياسي، هل كلام القناة مُنزل؟ هسه إنت إذا في قناة قدمتك وقالت عنك كاتب وباحث، أنا حأنتقد القناة وأقول ليهم باحث شنو؟ بريمة دا عوير ساي.
يحلنا الحل بلة
09-02-2024, 04:55 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
يا زول السؤال دا ما كويس في حقك. السؤال دا بيفضح تفكيرك وفهمك للحق والحرية في التعبير عن الرأي. لكن كمان نقول شنو؟ يا ها دي ديمقراطية الجنجويد الراجيانا.
09-02-2024, 05:58 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: من اعطاك الحق؟ يا زول السؤال دا ما كويس في حقك.
نوضح ليك: أنا ليس لدي الحق أن نقول لبكري العضو فلان شيل منه الباسورد؟ .. أنت قلتها .. وناس في المنبر فقدوا باسوردهم .. متذكرهم؟!
أحمد الله أنك أعتذرت .. وربما حاكمت نفسك لوحدك بتركك للمنبر فترة ثم عدت .. كان موقف كبير، ينم عن مسؤولة أخلاقية .. لأنك فهمت أن تدخلك كان سافراً ..
وسؤال من أعطاك الحق .. مفروض تسأله لنفسك وتجيب عليه .. لاحظ أنا لم اقل ليس لديك الحق .. لكن سألتك من أعطاك الحق؟ .. ربما أنت شغال معهم، ربما القناة تعطي القراء الحق في نقد أختيار المشاركين ..
أنا أفتكر ظهرت لك حقيقة الأمر .. وليس لي ما أزيد علي ما قلت.
بريمة
09-02-2024, 07:05 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: أنا ليس لدي الحق أن نقول لبكري العضو فلان شيل منه الباسورد؟ .. أنت قلتها.. وناس في المنبر فقدوا باسوردهم .. متذكرهم؟! أحمد الله أنك أعتذرت .. وربما حاكمت نفسك لوحدك بتركك للمنبر فترة ثم عدت .. كان موقف كبير، ينم عن مسؤولة أخلاقية .. لأنك فهمت أن تدخلك كان سافراً ..
وما حاقول ليك كضاب وحاحسن الظن واقول يمكن المدة طالت وانت نسيت. أبداً ما حصل قلت لبكري شيل الباسويرد من زول. الناس الفققدوا باسوردهم فقدوه بسبب مشكلة أنا كنت جزء منها وتم ايقافهم ولم يتم ايقافي. أنا توقفت عن الكتابة في ذلك الوقت إعلاناً لتضامني معهم وتعبيراً عن رفضي لقرار إيقافهم.
Quote: لكن سألتك من أعطاك الحق؟
الحق في حرية التعبير عن الرأي لا يُعطى فهو حق اصيل. وأي محاولة لتقيد هذه الحرية هي إعتداء على حق طبيعي اصيل.
09-02-2024, 07:35 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
حافظ بشير الاشوس كل حرف بكتبو في البوست دا بغرق لتحت في الوحول 🤣🤣 اللهم زد وبارك المهم بريمة جابا ليك من الاخر وعلي بلاطة علي كل حال اختلافي معك شيء طبيعي ويمكنك ان تضعني اينما شئت وفي اي تصنيف حيث انو كلامك دا اي زول بكتبوا ايضا.
09-02-2024, 09:32 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: Quote: كتب المدعو جلالدونا Quote: ####################
وهي من الواضح أنها كلمة خادشة أطالب بكري أبوبكر بإقاف المدعو جلالدونا من الكتابة في المنبر العام نهائياً وسحب الباسويرد منه.
يا بريمة البلادة الكبيتها في اسئلتك الفوق ديك كلها كوم وافتقارك لروح المرح والدعابة كوم تاني. lack of a sense of humor المداخلة الإنت مشيت افنيت كم ساعة من عمرك عشان تجيبها دي كانت رد على مداخلة جلالدونا التي يقول فيها
Quote: على ايام قطر البخار كانت وضيفة العطشجي مهمته مراقبة تزويد غرفة الاشتعال بالفحم الحجري البتقول عليهو ده اسمو سوّاق مناورة و ليس عطشجي و مشهور بى #################### المحطة
يعني بكري ابو بكر مالو ما بيعرف صعلـــــــــوق المحطة؟ ول حيوقف جلالدونا عشان قال صعلـــــــــــوق المحطة؟
المضيفة!!! 😂😂 بالله شوفو الخروف الحمري دا قال شنو عن المذيعة مضيفة قال مضيفة وين في طيران تاركو؟ أنا غايتو براحة كدة انجلط ليكم في المنبر دا من شدة جهل المخلوق بريمة المريسة دا طيب المعلومة دي للناس العندها مخ القناة هي التي تستضيف عن طريق منتج البرنامج ومنتج البرنامج بعد ما يحدد اسمائهم بطلب من منتج تاني مسماهو منتج المواعيد دا المسئول عن الاتصال بالضيوف المذيعة أو المضيفة 😂 الحمار عندو ضنب ليه ؟ لأنو حمار 😂
09-03-2024, 07:26 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12897
والله يا استاذ محمود اسماعيل ده لمن كان بيكتب كان افضل من ظهوره الباهت ده """"""""""""""""""""""""""""""""""""""""" هو في الحقيقة يا ساطورالمعتوه دا لا بعرف يكتب و لا بعرف يتكلم ياخ دا في الاستوديو وسط المشاركين كان ذي الضب الوقع في كنتوش المريسة في نهاية الحلقة و في أثناء ما هذا المعتوه بتكلم قطعت فيهو سوط وختمت الحلقة وفي العرف التلفزيوني المذيعة مستحيل تختم بالطريقة دي لكن المنتج أكيد قال ليها اختمي القرف دا لأنها عندها سماعة و ماشة علي توجيهات المنتج ممكن المنتج دا هسي يكون انجلط 😂😂
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمود الدقم
خضر الطيب
حيدر حسن ميرغني
Hasheem Karouri
Biraima M Adam
adil amin
ترهاقا
جلالدونا
Hafiz Bashir
Zein Abdalla
محمد صديق عبد الله
حامد عبدالله
فيس بوك
تويتر
انستقرام
يوتيوب
بنتيريست