ابيت الكلام المغتغت

05:58 PM August, 31 2024 سودانيز اون لاين
علي دفع الله-سنار
مكتبتى
رابط مختصر
وفاضي وخمج نتابع

كلنا حضور ومشاهدة للساعات الاولى قبل اندلاع الحرب والجميع وصل لقناعة تامة انه هناك حرب اتية لا محالة ......... تحرك الحريصون لوقف التصعيد ونجحوا لدرجة كبيرة في خفض روح التصعيد وكونوا لجنة لتباشر مهام للتهدئة ........

ولكن ،،،،،،،،،

نواصل

السؤال العاوز اجابة ضرورية منو المستفيد من الحرب
الدعم السريع ام الكيزان

الدعم السريع هم الكيزان
والكيزان هم الدعم السريع

وحقيقة الحرب أنها بين الجيش والكيزان

ما ذكرته أنا هو الكلام المغتغت نفسه
وأما ما ذكرته أنت فهو الغطاء الكاذب نفسه
الذي ينشره إعلام المليشيا بمعاونة تقزم

ذكر هذه الحقيقة الصادق المهدي قبل سقوط النظام بسنوات
وتم سجنه حينما قال بأن الدعم
السريع تم تأسيسه أصلا لصد القوات المسلحة
عن أي طموح في الانيحاز للشعب وثوراته ضد الأنظمة السمولية

الدعم السريع لا زال يتبع للكيزااان

سلام عزيزنا
علي دفع الله
وعودا حميدا

عندي راي يمكن لا يعجب كثر
في هذا الخط او ذاك

هو الكيزان ناس كرتي هم من أطلق الرصاصة الاولي

صحيح ان الجنجويد كان يحشدون ويتسلحون ويعدون العدة والعتاد
ليس لرحلة صيد او نزهة
وانما لتحقيق اجندتهم. والهيمنة والسيطرة

وصحيح انه كان هناك تململ. في الجيش. من تمدد الجنحويد وتنامي قوتهم بفضل تمكينه بواسطة الكيزان. وتقويته بواسطة البرهان!
وقد بدأ الجيش يعد ببط ء
والجنحويد يستعدون
لمعركة وحرب كان قيامها حتمي

ولكن
وبعض توقيع البرهان. علي الإطاري والذي. كان يري انه يضمن دمج الدعم السريع في الجيش
ثم نكوص برهان وكباشي عن الإطاري
وتهديد الكيزان بالحرب ان وقع الإطاري

ونظرا لحقيقة انو البرهان غير مضمون ويمكن
ان يعود ويستجيب للضغوط ويعود للاطاري

قام الكيزان بالاستعجال. واشعال الفتيل
قطعا للطريق امام العودة للاطاري

الكيزان. ناس كرتي هم أطلق الطلقة الاولي ووقوف الحرب عبر التفاوض ليس في مصلحتهم
وهم لايمانعون بل يسعون لعودة حميدتي لحضنهم كما ظلت سناء احمد تدعو وترجو

سلام عزيزنا
علي دفع الله
وعودا حميدا

عندي راي يمكن لا يعجب كثر
في هذا الخط او ذاك

هو الكيزان ناس كرتي هم من أطلق الرصاصة الاولي

صحيح ان الجنجويد كان يحشدون ويتسلحون ويعدون العدة والعتاد
ليس لرحلة صيد او نزهة
وانما لتحقيق اجندتهم. والهيمنة والسيطرة

وصحيح انه كان هناك تململ. في الجيش. من تمدد الجنحويد وتنامي قوتهم بفضل تمكينه بواسطة الكيزان. وتقويته بواسطة البرهان!
وقد بدأ الجيش يعد ببط ء
والجنحويد يستعدون
لمعركة وحرب كان قيامها حتمي

ولكن
وبعض توقيع البرهان. علي الإطاري والذي. كان يري انه يضمن دمج الدعم السريع في الجيش
ثم نكوص برهان وكباشي عن الإطاري
وتهديد الكيزان بالحرب ان وقع الإطاري

ونظرا لحقيقة انو البرهان غير مضمون ويمكن
ان يعود ويستجيب للضغوط ويعود للاطاري

قام الكيزان بالاستعجال. واشعال الفتيل
قطعا للطريق امام العودة للاطاري

الكيزان. ناس كرتي هم أطلق الطلقة الاولي ووقوف الحرب عبر التفاوض ليس في مصلحتهم
وهم لايمانعون بل يسعون لعودة حميدتي لحضنهم كما ظلت سناء احمد تدعو وترجو

صديقي العزيز كمال عباس سلامات يا اخي
كلامك صحيح ودا كان واضح في رمضان 2023 الكيزان كانوا ما عندهم خيار غير الحرب وحشدوا لها وارغوا وازبدوا وعماوا كل مافي طاقتهم لهذه الحرب ولكن قراءاتهم كانت خاطئة ومستعجلة وكانوا على قناعة تامة انو الحرب لن تدوم على الاكثر اسبوعين ولكن هم كذلك قراءة خاطئة دوما
في نفس الوقت الدعم السريع ايضا كان بتجهز للحرب وبعدما اشعل الكيزان الشعلة الاولى للحرب كانت مؤشر لدمار الوطن وكان يمكن ان تكون جدة الاولى حامية للوطن والمواطن من النزوح واللجؤ والموت والدمار ولكن يظل الكيزان في نهمهم من الانتقام من المواطن وجات جدة منامة واخيرا جنيف نفس التعنت والكره للشعب السوداني لا قادرين يحسموا الحرب بشجاعة ولا عاوزين اعملوا سلام شجعان والوطن يئن تحت كل الظروف الصعبة
الكيزان هم سرطان السياسة السودانية والدعم السريع الذي خرج من رحمهم هو ايضا سرطان والضحية المواطن
حرب تافهة وعبثية

منتصر عبد الباسط
والدسدسة والكلام المغطط وفاضي

منتصر عبد الباسط ونظرية ربع كوب من الحقيقة والباقي هواء

ايوة صحيح انو
الجنجويد صناعة كيزان
وايوة صحيح ان كثيرا من عناصر وكوادر الكيزان بالدعم السريع
وإيوة صحيح ان نهج الجنجنويد هو نهج الكيزان وهم من برمجوهم

وايوة صحيح انو الجنحويد استهدفواالمدنين والابرياءوالعزل

ولكن
البرهان نفسه كوز
وقد كان رييس المؤتمر الوطني في احد مدن الغرب
وكان يردد شعار الاخوان المسلميين امام الدفاع الشعبي

نعم الجنحويد كصناعة وبرمجة وكثيرا من العناصر كيزان
ولكن تضاربت مصالحهم مع التنظيم الأم للكيزان مما أدي. لانحيازهم وبعضا من قيادة الجيش من الكيزان
للثورة كسلوك انتهازي وسعي لمكسب خاص بهم

شفت يا نتصر مما تجيب الدعاية الكيزانية القميئة البتحاول تقول ان تقدم هي سبب الجرب طوالي برمي طوبتو عارف لي شنو لان تقدم لاخر لحظة كانوا حريصين انو الحرب ما تقوم مش لاني بقدس تقدم فكريا وسياسيا انا ضد سياسة تقدم ايامها الكانت في الحكم وانتقدناها ولكن المثل بقول اخوك كان كرلبيتو خاف الله فيه تقدم ليست جزء او مسبب للحرب الفهلوة الكيزانية بضخها الاعلامي انو الحرب سببها تقدم ثبتت للعامة او شبه لهم ان تقدم هي سبب الحرب وتم اعتقال اي ديسمبري مؤمن بالثورة هي الخلاص سواء كان جذري او لجان مقاومة او تقدم فما تخمني بالغطاء الكاذب مافي اكذب واحقر واتفه من سرطان العصر الكيزان صانعي الجنجويد ..
مودتي واحترامي

سلام علي دفع الله وعوداً حميدا

Quote: انا ضد سياسة تقدم ايامها الكانت في الحكم وانتقدناها

تقدم متين كانت في الحكم؟
الكانت في الحكم هي قحت، صحي هم الاتنين ياهم نفس البوكسي بس ركبوا ليهو لوحة جديدة،
لكن ناس تقدم ما قاعدين يرضوا يقولوا عليهم كدا.

أما عن دورهم في الحرب،
قحت اصغر شأناً في أن تكون اشعلت الحرب واقل قدرة من أن تمنع الحرب وتقدم اضعف من أن تساهم في وقف الحرب.

مولانا حافظ او كما قال صديقي سابقا المستنير ازيك يا اخي
تقدم وقحت نفس الفكر ونفس المدرسة
قحت او تقدم لم تشعل الحرب اما دورهم في وقف الحرب نختلف او نتفق قدموا قدرتهم بصورة جادة ولكن تعنت كرتي وجماعتو المتعطشة لمزيد من دماء السودانيين لم ترو بعد
وشغالين عقاب للشعب الذي لفظهم في ثورة ديسمبر ولكن انا على ثقة تامة لن يقبل بهم الشعب حتى ولو كتائبهم البرائية هزمت الجنجويد
كن بخير

https://youtube.com/shorts/riMW7R3ca1g؟si=4E966TVHPU0x2owI

يقرأ هذا الفيدو باستحضار الكذبتان السمجتان
بأن الدعم الصريع اعتقل الكوزين محمد الجزولي
والكذاب أنس عمر

قحط ثم تقزم
ظلت منذ مساء ١١ ابريل ٢٠١٩م وهي تتبنى نهج الكيزان
وطبقت كل برامجهم وخططهم ببلاهة وغباء منقطع النظير!!!
والأن تدافع عن الكيزان باستماتة
وجعلت منهم ابطال يجاهدون لحماية المواطن السوداني
من حثالة عرب الشتات
حتى صار صاحب البوست اليساري
يستشهد ويستدل على دعواه بكوزنة البرهان
بكلام الكوز امين حسن عمر يا للعجب!

البرهان يا غبيانين لو كان كوز وبحقق في مصالح الكيزان
الكوز أمين حسن عمر زعلان ليه
ههههههههههه
خبااااااارو قلب بقى شيوعي يعني
هههههه
غايتو يا قحاتة
عندكم ذكاء تحسدو عليهو
هههههه

البرهان كوز ومن ينكر كوزنته
فهو كوز
امين حسن عمر بتاع الساعة كم ؟
الحقيقيةً والواقع.
هي ان برهان. كان. ريس
الموتمر الوطني في احدي بلدات غرب السودان

وبرهان
كان يردد
شعار الاخوان المسلميين بتاع
الله غايتنا والرسول قدوتنا و و
وكامل الشعار امام قوات الدفاع الشعبي
والكلام دا مسجل في فيديو

البرهان
كوز
ولكنه مضطرب ومهزوز وضعيف يمكن ان يستجيب للضغوط ويركع ويتنازل
ومع هذا ومع كوزنته يلعب لصالح ورقه ويسعي للكرسي - وان اختلف مع هذا وذاك وهو خلاف كيزان في داخل الحوش الواحد
غازي صلاح الدين كوزولكنه مختلف مع امين حسن عمر والسنوسي كوز ولكنه مختلف مع الاثنين ومع كرتي

عموما

برهان

بتاعك دا محرم وخاين

وهو من قوي الجنحويد ومكنهم ومنحهم المواقع العسكرية واضعف الجيش لصالحهم
وهو من شاركهم القتال بالوكالة باليمن والاعتداء علي الأبرياء والعزل. في دارفور
والان
برهان

الان
وجوقته مجرد قيادة كسيحة
تواصل الانسحاب. والانكسار وتترك الأبرياء والعزل فرائس لوحوش الجنحويد

تقصد البرهان كوز منشق؟
طيب ماشي
عايزنك تذكر لينا الكيزان الانشقو مع البرهان
أذكرهم لينا ؟

منتصر عبد الباسط
ليس بالضرورة
ان يكون للبرهان. تيار واتباع من الكيزان لإثبات كوزنته
وهذا. مع الأخذ بالاعتبار. وجود تيار كيزاني يدعم البرهان ويحرضه علي استمرار الحرب ويسنده
مع وجود تيار كيزاني
يهاجم البرهان علنا في قناة طيبة وغيرها
ويتهمه هو عمل علي" انحراف " حميدتي وتقويته وعدم التحكم فيه
وتيار آخر
يعلنها. ان جنح حميدتي وجنحو هم للسلم - فان عودة حميدتي للكيزان وعودة الكيزان لحميدتي والتحالف معا هو المطلب وهو ماقالته سناء احمد وغيره

والمنطق الكيزاني انو حميدتي كان تمام التمام قبل الثورة. ولكنه اصبح شيطانا بعد الثورة بعد اتباعه لرفقة السوء
حميدتي وبحسب المنطق الذي يسعون لتسويقه
ماكان كعب قبل الثورة. وانما اصبح الان
مع انو حميدتي من يومه كعب ورسول موت ودمار

منتصر يا صديقي علي الحلف عملت لي زغللة ما عارف اجيك بي وين شايت ساي محل ما ترسي تمسي يا سيدي انا والصديق كمال عباس ما قحاتة ولا تقدم نحن جذريون لو عاوز شرح بشرحا ليك.
اختلفنا مع قحت وهي في الحكم لاسباب منطقية بس هم كبرو راسهم وعملوها شغل مكايدة سياسية لحدت ما الفاس وقعت في الراس وانفضت الشراكة علي أسوأ سيناريو يا سيد منتصر المسميهم بي عرب الشتات المرتزقة ديل نحن الوقفنا ليهم وعريناهم زمن كلن الارزقية الكيزان التاااافيهين بهللوا ليهم وبكبروا ليهم تعرضنا للتنكيل من هؤلاء الجتجويد قي فض الاعتصام والايام التي تلته ولا ننسى المحرك الاساسي لمجزرة للقيادة الكيزان الهسي ا عاملين فيها بجاهدوا في معركة الكضب المسما بمعركة الكرامة فشنو خطنا واضح لا للحرب ونعم للمحاسية ولازم تقيف لان المواطن هو الحلقة الاضعف في هذه الحرب العبثية
بجيك لموقف شخصي حصل لي انا بوريك تفااهة الكوز وتجييرو للاحداث لمصلحة خاصة بي دائرته الشريرة

عزيزنا
علي دفع الله
نعم اختلفنا مع قحت والان نختلف مع تقدم
في الشراكة والوثيقة والاطاري واتفاق جوبا
وأخطاء الفترة الانتقالية

ونعم حقت وحتي بعد الحرب ارتكبت اخطاء سياسية واخلاقية كبيرة محل حسمها هو الصراع السياسي. وحلقات التنوير والعمل الجماهيري حتي لابتصدرو شانا ثوريا ويكتفو بالجلوس في الكنبة. الخلفية لقوي الثورة

في حين قيادة الجيش
والكيزان
والجنجويد
ارتكبو الخيانة والغدر
وفظائع الجرم

نعم قحت لم تشعل الحرب وليس من مصلحتها ولازالت اري ان ناس سلك وود الفكي من مصلحتهم انهاء الحرب. مما يعيد برهان وحميدتي وقوي قحت لصدارة المشهد كشركاء
وغلطان المرحوم وعفي الله عما سلف
وانها ما كان. كان فتنة أشعلها الشيطان


الكيزان. هم في تقديري من اشعلوها
وصراخهم. قحت. قحت
وتقدم تقدم

هو اكبر من استهداف لقحت وخليفتها تقدم
استهداف قحت جاء باعتبارها. الحلقة الأضعف في جدار الثورة والأسهل من حيث تلمس سلبياتها وأخطاءها

الكيزان. وفي الحقيقة يستهدفون الثورة ذاتها ويستهدفون قواها الحية والثوار
ويسعون لتصفيتها
‏
وما ‏ حل لجان لجان الثورة واستبدالها بلجان كيزانبة والفرمانات التي اصدرها. الولاة الكيزان تقف خير شاهد


نعم لقحت اخطاء في التقدير وخصوصا في ايام الحرب الاولي. حيث ركزو علي معطي ان الكيزان واغفلو فظائع الجنحويد وانها كانت تضغط علي برهان عبر مكاوته بحميدتي ورضوخه المزعوم للسلم

ولكن علي علاتها. تفوق ايجابا " الكيزان والجنحويد وقيادة الجيش بشهور ضوئية

ولكنه تقبع الي الخلف قوي الثورة وخط الثورة بسنوات ضوئية
هي ليست علي حد سواء. مع قالو الشراكة ولا تواثق
والجنحويد ينحل وما تدي قفاك للعسكر العسكر ماب يصونك
ونعم
علي دفع الله
اننا نقول. لا لاستمرار الحرب
ولكن. لا بتاعتنا تختلف عن
لا الجنحويد للحرب والتي تاتي من واقع المزايدة والتكسب السياسي
وتختلف عن لا. للحرب. بتاعت من يسعي لكرسي وشراكة مع القوي المتصارعة الان

Quote: وهذا. مع الأخذ بالاعتبار. وجود تيار كيزاني يدعم البرهان ويحرضه علي استمرار الحرب ويسنده مع وجود تيار كيزاني يهاجم البرهان علنا في قناة طيبة وغيرها

يعني تقصد هناك تيار كيزاني ضد الحرب؟
وتعتبر البرهان هو من تسبب في الحرب وليس الدعم السريع
ومن هؤلاء الكيزان أمين حسن عمر؟

منتصر
قلنا أنا هناك تيار كيزان
يدعم برهان ويسنده ويحرضه علي الاستمرار في الحرب
وهناك. تيار كيزاني. وهم ايضا مع استمرار الحرب ولكنهم يهاجمون البرهان ويصفون بالضعف والعجز عن قيادة الجيش ويخشون. ان يستجيب للضغوط ويذهب لمائدة التفاوض. ويزايدون عليه بانه هو من خرب الجنحويد
وهناك تيار كيزاني
مع التفاوض والاتفاق. !!
ولكن كيف ؟

تفاوض. كيزاني مع حميدتي. تفاوض يتجاوز الثورة وقوي الثورة والبرهان وقيادة جيشه
ولسانهم ان عجزنا عن العودة للسلطة عبر بندقية برهان والرهان فلنعود للحكم والتحكم عبر ربيبنا وصنعيتنا حميدتي !!

Quote: مع الأخذ بالاعتبار. وجود تيار كيزاني يدعم البرهان ويحرضه علي استمرار الحرب ويسنده مع وجود تيار كيزاني يهاجم البرهان علنا في قناة طيبة وغيرها

طيب لو أثبتنا لك أن تصريحات أمين حسن عمر وكلامه
بهذا الفيدو الذي رابطه بالأسفل
الذي يفهم منه دعمه للحرب ضد الدعم السريع !
ماذا بقي إذا من الأسباب ليكون ضد البرهان ؟!
بما يجعله يقول ليهو أنت كوز مثلما أن كوز
كما هو لسان حال القائل الهو أمين حسن عمر

https://youtu.be/OW1i3BB7jNI؟si=Lp8AScn4vzDbuSCnhttps://youtu.be/OW1i3BB7jNI؟si=Lp8AScn4vzDbuSCn

https://youtu.be/OW1i3BB7jNI؟si=Lp8AScn4vzDbuSCnhttps://youtu.be/OW1i3BB7jNI؟si=Lp8AScn4vzDbuSCn

يبدو الموقع رافض تنزيل الفيديوهات من اليوتيوب بالجوال

سلام علي و الشباب
الحرب دي نتاج انقسام حاد بين الكيزان بدأ بالمفاصلة مع الترابي و تمدّد
حتى وصلنا للوشضع النحنا فيهو الان و ستمدّد ان نحن ظللنا نعالجها بي نفس العقلية السياسية القديمة
بعد المفاصلة تماما ظهرت حركة العدل و المساواة و نواتها قوات الدفاع الشعبي
فرد كيزان الوطني بصناعة الجنجويد بقيادة موسى هلال ثم حميدتي
ثم لاحقا تم تغيير اسمه الي حرس الحدود الي الوضع الحالي
ف شنو
حركة جبريل متروسة كيزان
الجنجويد متروس كيزان
الجيش متروس كيزان
شوفو كيزان الوطني قاعدين وين و كيزان الشعبي قاعدين وين
الحرب دي كان ممكن تقيف من احداث اليوم الاول
لكن المطلوب كان وأد الثورة اولا و عودة الكوز للحكم
بس مطامع الطرفين .... و الطرفين هنا ليست شعبي و وطني ...
زيد عليها كوز الشمال و كوز الجنوب و كوز الغرب و كوز الشرق
ده الجاب لغة الكراهية و العنصرية و دونكم الاسفير و اديكم مثلين
الريبع
عبد الرحمن عمسيب
الاتنين كيزان بس بينهما ما صنع الحدّاد و الخلفية مناظقية للاسف
يبقى الحرب دي بين كوزين دي حقيقة ساطعة
يا الكوز يا تفتيت البلاد و ان شالله يحكموا بورتسودان بس
المنطق بيقول انو اي معالجة للامر بطريقة ايدلوجيا ما قبل الحرب فاشلة لا محالة
دايرين فهم جديد و فكر جديد لادارة الازمة
و للاسف لا يوجد هذا الفكر في ساحتنا الان الا عند تقدّم
تقدم ليست قحت الثانية كما يتصوّر اخونا منتصر و لا وارثة لها
تقدّم بدأت من مؤتمر صحفي لرجل سوداني واحد منذ اليوم الاول للحرب
اعلن فيه موقفه من الحرب و سعيه الحثيث لايقافها
و تطورت فكرته بتواصله مع كل احزابنا السياسية للسعي معه لتحقيق
هدفه الذي يهم كل سودانية و سوداني
فمسألة نعت تقدّم و تقزيمها يا هو نفس الفكر الحارب قحت و سعي في اضعافها
اتفهّم تماما الموقف ده ما قبل الحرب سعيا لتقاسم الاحزاب نصيبا من الشاعر
حين كان هناك دولة و مؤسسات نظام حكم
الان نحن بلا دولة و الطبيعي لا مؤسسات و لا حنى شارع تكبّر بيهو الكوم
الهدف الاسمى الاوحد هو استعادة الدولة و ده لا يتم الا بمنتوج فكري سياسي جديد لا علاقة له بالقديم
استعادة الدولة
تمكين الحكم المدني
جيش واحد
و القضاء العادل الحازم
بعد داك ان شالله يحكمنا الجن الكلكي طال ما جابو صندوق الانتخاب

Quote: بعد داك ان شالله يحكمنا الجن الكلكي طال ما جابو صندوق الانتخاب

الزبدة في سطرك الأخير دا
قحط رفضت الاحتكام لصندوك الانتخابات رفضا باتا
ومن ورائهم الكيزان بدعم قوي جدا لكن خفي
ودا الجاب الجن الكلكي لحميدتي ولكل عاقل
على قلة العقلاء وندرتهم في هذا الزمان
وحميدتي كان عشمان في صندوق الانتخابات يجيبو
بأن يشتري الناس بالدهب والقروش
راجع تصريحات حميدتي الموجهة تحديدا للقحاطة
يهدد ويتوعد فيها بالحرب مما أجبر البرهان لعمل معه
ما يسمى بالانقلاب في اكتوبر ٢٠٢١
ما يوصل لحقيقة ان القحاطة
سبب هذه الحرب

كضبا كاضب يامنتصر
الحرب من أشعلها هم الكيزان ناس كرتي
ومن واصل في ايقاد نارها هم
الجنحويد وكيزان الجيش

واصلا ما كان في خلاف حول الفترة الانتقالية ومدي الفترة الانتقالية والمحكومة بالوثيقة الدستورية
من سعي لتمديد الانتقالية هو المكون العسكري الذي تحالف مع حركات جوبا

ولكن دعنا من هذا كل

برهان. وحميدتي. قاما بعمل انقلاب علي الثورة وشريكهم المدني
وبهذا اصبحت قحت خارج معادلة الحكم والسلطة
من كان يحكم ويتسلط هو المكون العسكري
وبعدها اندلع الصراع بين طرفي المكون العسكري. وكان الكيزان هم حملة الحطب
دم الشعب السوداني

مسؤليته واقعة علي الكيزان والبرهان والجنحويد
وكلهم كيزان بدرجة او اخري
ومنتصر وامثاله من المطلبين للعسكر تقع عليهم مسولية الدم المراق

منتصر وبكل وقاحة وقوة عين
يبري الكيزان والجنحويد والبرهان ويرميها علي قحت

منتصر عبد الباسط
يبري الكيزان
والجنحويد
والكيزان
من وزر اشعال الحرب
زاعما بأن حميدتي كان عاوز ياتي عبر الديموقراطية وصندوق الاقتراع ولكن قحت هي من رفض الاحتكام للصندوق
علما بان امد ومدي الفترة الانتقالية التي حكمتها نصوص الوثيقة التي وقع عليها حميدتي وبرهان
في الوثيقة ثم في اتفاق جوبا

وبرهان هو من بادر بانقلاب اكتوبر ٢٠٢١ وشاركه حميدتي بعد ان تنصل برهان عن تداول قيادة مجلس السيادة
ولم يذكر الانقلابيون بان انقلابهم جاء بسبب مماطلة قحت في اجراء الانتخابات

ثم وبعد هيمن المكون العسكري علي السلطة منفردا. وأبعد قحت لما يقارب عامين
لماذا لم يجري انتخابات. ولماذا لم يجيز قانون انتخابات وتكوين لجان انتخابات
بل لماذا عجز حتي عن تكوين حكومة تدير البلاد وتمهد لانتخابات ؟

انت يامنتصر
تبرر الكيزان والجنحويد والبرهان
كما بررت لهم مجزرة القيادة العامة

انت شريك معنوي لهولاء وتقع عليك التبعات الاخلاقيةرلتزيين باطلهم

منتصر عبد الباسط
يبري الكيزان
والجنحويد
والكيزان
من وزر اشعال الحرب
زاعما بأن حميدتي كان عاوز ياتي عبر الديموقراطية وصندوق الاقتراع ولكن قحت هي من رفض الاحتكام للصندوق
علما بان امد ومدي الفترة الانتقالية التي حكمتها نصوص الوثيقة التي وقع عليها حميدتي وبرهان
في الوثيقة ثم في اتفاق جوبا

وبرهان هو من بادر بانقلاب اكتوبر ٢٠٢١ وشاركه حميدتي بعد ان تنصل برهان عن تداول قيادة مجلس السيادة
ولم يذكر الانقلابيون بان انقلابهم جاء بسبب مماطلة قحت في اجراء الانتخابات

ثم وبعد هيمن المكون العسكري علي السلطة منفردا. وأبعد قحت لما يقارب عامين
لماذا لم يجري انتخابات. ولماذا لم يجيز قانون انتخابات وتكوين لجان انتخابات
بل لماذا عجز حتي عن تكوين حكومة تدير البلاد وتمهد لانتخابات ؟

انت يامنتصر
تبرر الكيزان والجنحويد والبرهان
كما بررت لهم مجزرة القيادة العامة

انت شريك معنوي لهولاء وتقع عليك التبعات الاخلاقيةرلتزيين باطلهم

مرحب علي دفع الله
كيفك وكيف سنار والحرب هناك
ها أنت قد أبتدرت حوارا مفيدا سيساهم في تنمية وترقية وعي جديد ضد الحرب
ومع السلام وبناء دولة سودانية جديدة
فما تغيب كثير
تعال رغم المشاكل والجهجهات

مرحبا صديقي نصر
سنار ضاقت علينا من هلافيت الحركة الاسلامية غادرناها مكرهين لحين رجوع الى الوطن

الحرب الدايرة الان في السودان زيما قلت قبل الضحية فيها المواطن والمنتصر خسران مافي خيار غير تحكيم صوت العقل والجلوس للمفاوضات
لانو المواطن حيلو اتهد
الكيزان مصرين يخربوها ويقعدوا علي تلها حا يجي بلبوسي اهبل يقول لي الجنجويد برضو شغالين خراب اي نعم الاتنين ازفت من بعض لكن عمليا الجنجويد قالوا ما عندهم مانع للجلوس طيب في الحالة دي السايق البلد للدمار منو اكيد الكيزان
ويا ليت قادرين يحسموا الحرب (رازة وهواشة )
لا سايقين حرب زي الجيوش ما بتحارب
ولا عاوزين يعملوا سلام شجعان
الكوز هو السرطان الابتلي بيه جسد الوطن
#لازم-تقيف

والله يا جلال يا صديقي اخر كلمة في مداخلتك الدسمة دي (استعادة الدولة) هي النفاج الوحيد الممكن يجمع كل ماهو حادب وبحب الوطن المكلوم الاسمو السودان
يا جلال اي يوم زيادة في الحرب ببعد بين ابناء وبنات الوطن دونك الهجمات العنصرية من الجميع
ان لم نتادى للوطن كل على طريقته لن نجد وطن يلمنا وحا نموت في الشتات
ليست نرجسية او ضعف انا في قمة الحزن من الوضع الان وما بعدو الوطن في مهب الريح
كل امنيتي انو الكوز ولو مرة واحدة يحس بي حاجة عظيمة اسمها الوطن
اخخخخخخخخ يا جلال من الضاع والحا يضيع
الله في

Quote: الزبدة في سطرك الأخير دا قحط رفضت الاحتكام لصندوك الانتخابات رفضا باتا ومن ورائهم الكيزان بدعم قوي جدا لكن خفي ودا الجاب الجن الكلكي لحميدتي ولكل عاقل على قلة العقلاء وندرتهم في هذا الزمان وحميدتي كان عشمان في صندوق الانتخابات يجيبو بأن يشتري الناس بالدهب والقروش

يا منص انت قاعد تتكلم عن السودان ولّ بلد تانية
بحت كانت محكومة بوثيقة. ستور حددت مواعيد الانتخابات

Quote: محكومة بوثيقة. ستور حددت مواعيد الانتخابات

حددت ماذا؟!
هل هي حددت مواعيد لبداية التجهيز للإنتخابات ؟؟؟؟؟
لأنه الذي علمته يقينا بأنه لم تتم ولا خطوة واااااحدة
في اتجاه التجهيز للانتخابات
ولاحتى محاولة تكوين مفوضية للانتخابات !!!!!!!!!!!!
طيلة عامان قحطيان فكان شغل طرشان وعميان
تهدم ولا ثمة بنيان!!!
وأكبر كذبة كانت تسميتها فترة إنتقالية
لأنه لم يكن هناك أي محاولات للإنتقال
التي لا يكون إلا بالتجهيز للإنتخابات
ثم انجازها

Quote: سنار ضاقت علينا من هلافيت الحركة الاسلامية

أولا الأخونجية ليسوا حركة اسلامية
إلا عند الملاحدة والجهلة
فقط حركة اجرامية
مثلها مثل حثالة اليسار الوجه الآخر من الإجرام
ثانيا من هم الإخونجية الجيش أم حثالة وجرب الصحراء؟!
الذين كونهم الإخونجية

قرفنا من اسلوب الونسة باسم السياسة
خليكم جادين وصريحين ومباشرين ودقيقين
وصادقين شوية

اوووووووووووووو مين علي ود دفع الله ايه النور دا .
ثم سلامات يامواطن والف حمدالله علي السلامة الظهور
يا اخي قبل الحرب فتشتك فتيش واتصلتا عليك في رقمك النهايتو 776 كم مرة لكن مافي رد.
يا اخي اخبارك ان شاءالله انت والاسرة بخير؟

غايتو يا اخوي علي انت حظك دا حظ عجيب.
من عذاب وسجون حكومة المؤتمر الوطني الي الوقوع في انتهاكات مليشيات القتل السريع والجنحويد.
الله يكون في عونك ياصديق
لو نفس رقمك داك شغال بتواصل معاك ان شاءالله
تحياتي

سلام اخ على دفع الله و نتمنى تكونو بخير في سنار.
قبل بداية الحرب ب يومين او ثلاثة, بتذكر كتب الاخ كمال عباس فى احدى البوستات ما معناه "الوضع محتقن جدا و لو فى زول بالغلط رمى سيجارة, ممكن تولع" و فعلا هذا ما حصل و ظنى انهم مجموعة كيزان من قامو بأشعال الشرارة الاولى. حميدتى اصلا دايرها تولع و جاهز لكن ما عايز الطلقة الاولى تجى منو. البرهان و جبشو ما كان عايزين الحرب لانهم عارفين ما جاهزين ليهو و هم على علم بمقدرات الدعم السريع, ليسو كالخبراء الاستراتيجيين الكانو بتكلمو عن الحسم في سويعات.
في مجملو, الحرب كانت حتمية لانو وضع الـ 70 سنة المايل, وصل الى نهاياته

حبابك الصديق الجميل محجوب
والله حتمية الحرب اللعينة دي حا تودي الوطن الى المجهول لانو المنتصر فيها خسران كان ممكن يتجاوزوها لكن علي كرتي والقتلة شغالين بي نظرية يا فيها ياا اطفيهاا
الله غالب

صديقي عودو
انا بخير الحمد لله غادرت الوطن يا عودو ضاق علينا
برسل ليك رقمي في الخاص
تسلم كتير
اتمناك بالف خير

منتصر انت مرهق جداااااااااااا
كلك واري اللو
الاخوان حركة اسلامية
المؤتمر الوطني حركة اسلامية
المؤتمر الشعبي حركة اسلامية
كونهم مجرمين بالحيل كلهم مجرمين وقتلة واولاد ستين جزمة وحاج نور
دي لا حرب كرامة ولا حرب جلب الديمقراطية
دي حرب عبثية تاافهة

Quote: يتجاوزوها لكن علي كرتي والقتلة شغالين بي نظرية يا فيها ياا اطفيهاا الله غالب

تقصد كرتي هو الأدى الأوامر لقوات الدعم الصريع باقتحام مطار مروى ؟!
لأن هذه هي ضربة البداية للحرب
قبل مزاعم ما حدث في المدينة الرياضية

يا زول قدام بس وبل بس المافي شنو
علي كرتي عليه السلام لا يأتيه الباطل من اي اتجاه
هو الرجل المجاهد القوي الامين الذي قاد هو مجموعته السودان من 1989 الى 2024 الى المجد والتقدم والرقي والتحضر

كدة ظابط يا مونتي

كرتي مني خابرو إلا الكيزان كعبيييين
كعوبية بطالة
أعووووذ بالله

السيد. منتصر عبد الباسط
حقو. لما تكتب تركز علي الحقايق والوقائع
وماتكتب كلام ساي

الدعم السريع اقتحم مطار مروي بعد إطلاق الكيزان الرصاصة الاولي في المدينة الرياضية
معطيات
الدعم السريع حرك قواته. وعسكر علي بعد مسافة " كيلومترات من المطار - من الناحية الشمالية
في قطع ارض يملكها اشتراها عن طريق نسيبه عمدة الهواوير

معطي ثاني
الدعم السريع كان يتمدد في ارجاء كثيرة من السودان قبل الثورة وبعد الثورة منحه برهان. مواقع عسكرية وقواه ومكنه
والدعم السريع كان يحشد ويعد للسيطرة علي السلطة مش لمجرد تمارين رياضية او نزهة

والجيش بداء يستعد ببط للمواجهة
والمعركة كانت حتمية

ولكن
وحينما حاول البرهان التملص من الإطاري وتم الضغط عليه. خشي الكيزان ان يعود ويمضي في الإطاري
وقد هددوا. باشعال الحرب ان وقع الاطاري
في وقت تدخل فيه وسطاء لنزع الفتيل والتوتر
وهنا قام الكيزان بإطلاق الرصاصة الاولي في حرب لم يكن الجيش مستعدا بعد
ولم يكن الدعم السريع. جاهزا. - لانو كان يسعي لامتلاك طيران ومضادات

ولكن كل هذا لايعني ان حميدتي لم يكن ينوي الهيمنة فقد يعلنها. مرارا هو وينو الجيش ؟ هسي في جيش
والبلد دي مافي عسكري كارب قاشو وكارب
وكان الشرفاء
والثوار امثال علي دفع الله
يهتفون الجنجويد ينحل
ومافي مليشيا بتحكم دولة
وكان حميدتي والجنرالات وقتها يعدون اي هجوم علي الجنحويد هجوم علي الجيش
وكنا نرفض تقوية البرهان وحمايته لهم
ونقف ضد
مجازرهم والكيزان. في دارفور وغيرها
فاين كنت وقتها ؟
كنتو وين وين انتو كنتو ؟

يا صديقي كمال عباس سلام

في ناس فجاءة لقوا الدعامة ديل قدامهم وهاك يا سكليب ويا ادعاء وطنية
يا ناس ياهو الجنجويد ديل ليهم عشرة سنين عجاف قبل الحرب العبثية دي طايحين في البلد انتهاك
وكنا ننبه ونكتب ونصدر بيانات يا كيزان يا رمم الغول البتربوا فيه الجموه قبل يلتهمكم كانوا بتهكموا علي اي انسان بقول الكلام دا
و هسي نفس الناس الكانوا بمجدوا في الجنجا مطلعننا نحن مع الجنجا
ان شاء الله نموت زاتو قرفنا يا اخي
عندي بوست هنا سنة 2017 من التلفون ما بعرف اجيب الرابط عنوان ( https://sudaneseonline.com/board/500/msg/الفريق-طه-....اللواء-حميدتي...-1570020380.html}
عليك الله شوف البوست دا