سيارتنا ... اموالنا ... مكيفاتنا ... مراوحنا ..... ملابسنا... حتي الابواب والشبابيك ....حتي تمديدات الكهرباء داخل البيوت ، سحبت منها الاسلاك ... حتي سراميك الارضيات تم خلعه .....
بيوتنا اصبحت عن جدار واقفة ... هولاء هم المحظوظون .
تعساء الحظ ، نزلت " دانة " ودمرت الجدار الواقف .
هناك من تهدم بيته بالكامل واصبح كومة من التراب .هذا هو الاسؤأ حظا ....
......... علي الرغم من ذلك ، يعود يوميا من الداخل والخارج ، المئات من المواطنيين ، لاسباب مختلفه .
08-30-2024, 07:09 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
" مصر " *******. طوعا او غصبا . من نجح وحصل علي كرت " العار " من المفوضية ، بعد صراع وعراك ، وانتظار يماثل صبر ايوب ، وذله ومهانه ... ومن وضعه حظه العاثر امام " حملة ضبط الاجانب " ، يتم شحنه لمعبر " ارقين " او " حلفا " . خصوصا الذين وصلوا " مصر " بالتهريب .
ليبيا . **** التي تشهد نشاطا في الذهاب ، وندرة في الاياب هذه الايام ، رغم ان كثيرين لقوا حتفهم في الصحراء ، الا ان الهجرة مستمرة ...
السعودية . ****** كثيرين نجحوا بالوصول " زيارات عائلية " بعد " خراج روح " وتعب وسفر عبر دول متعددة ، وخسائر مالية كبيرة . حتي وصلوا بسلام . سكنوا مع ذويهم وشكلوا ضغطا اضافيا عليهم . منهم من حالفه الحظ ووجد عملا وحول الزيارة الي اقامة ، ومنهم من ينتظر ....
08-30-2024, 07:12 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
قطر ***** من يمتلكون قيمة شراء الاقامة نجحوا ....لكنهم تفأجوا بعدم الحصول علي عمل ، او الراتب غير مجزي .منهم من جلس ، ومنهم من خرج لا يلوي علي شئ ......
الامارات ****** جزء كبير قدم " لاقامة الكواراث " ونجح . ومنهم من فشل . الزيارات العائلية كانت متاحة ، لكن غير محبذه ، لان الامارات غالية ، خصوصا السكن .بالرغم من ذلك هناك الكثيرين موجودين باي من الصفتين السابقتين .
اثيوبيا . ****** الدخول والحصول وتجديد الفيزا شهريا مكلف ، والحصول علي الاقامة له شروط من ضمنها الزواج باثيوبيه ....اللاجئين في المناطق الحدودية تعرضوا لانتهاكات ، والبعض فقد ارواحهم . ورجع جزء والباقي منتشر في الغابات دون هدي .
ارتريا ***** منطقة " ترانزيت " ، الاستقرار فيها ، رغم انه سهل . لكن صعب التأقلم والعيش هناك فهي دولة شبيهة بالسودان اقتصاديا ، او اقل .تشاد .*****تعج بمعسكرات اللجوء ، والموجودين هناك يعانون الامرين ." ندعو لهم بتيسير امرهم " .
دولة جنوب السودان . **************** يستضيف جنوب السودان حوالي 330,000 لاجئ (معظمهم من السودان)، وفيه مليونا شخص من النازحين داخلياً بسبب النزاع وانعدام الأمن ، فالوضع صعب للغاية ومعقد .
رواندا . ****** مرت بنفس مامررنا به ، ونجت .كثيرين مننا توجهوا الي هناك ، منهم من توفق ، ومنهم مايزال يحاول وينتظر ...
اما باقي الدول الافريقية المحيطة بنا مثل : افريقيا الوسطي ، ويوغندا ، والكاميرون ، والنيجر ، ونيجيريا . فهي نفسها دول تصعب المعيشة فيها ، حتي لاهلها . فهي خيار غير محبذ ولاينصح به .
دولة عمان ، في الفترة الماضية كانت دولة عبور للسعودية ، لكن تخلف الكثيرين هناك ، ادي لقفل الباب ... .....
السؤال . بعد كل هذا السرد : ثم ماذا بعد ؟؟
08-30-2024, 07:23 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
رغم ان الاجابة صعبه ، لكن الامر مرهون بحسب الشخص نفسه ، فهناك من لديه مقدرة علي التكييف مع الوضع الجديد خارجيا ، وهناك من لايستطيع . .....
الذي يستطيع ، فليوفقه الله ويسهل امره . اما الذي لايستطيع ، فالخيارات لديه محدودة .
مقابلة المصاريف في بلد لاتعرف متي تنتهي اقامتك فيه ، شى صعب . وحتي الممولين من الاهل والمعارف والاصدقاء . لن يصرفوا عليك ابد الدهر . فهم ايضا لهم ظروفهم ومنصرفاتهم ومسؤلياتهم الخاصة ...... .
حتي الانسان نفسه منا ، لايقبل ان يعوله شخص اخر ، ويدفع له قيمة ايجار منزله ، ومصاريف تعليم ومدارس ابناءه . فهذا شئ يصعب القبول به . ........
الامر صعب ومعقد جدا ، لذا لايمكن التعميم ، فالخيارات هنا اصبحت شخصية . البعض يقول ( الدانه ولا الاهانة ) . والبعض ينتظر ويأمل في فرج قريب من الله ، والبعض توكل وقفل راجع .
فاختار انت ايهم يناسبك .
08-30-2024, 07:27 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
الوضع في الداخل بالطبع غير أأمن نسبه كبيرة ، فمن المتوقع في اي لحظة سقوط دانه علي راسك ، حتي لو انت نائم ، وقد تتعرض اثناء سيرك في الشارع لطلقة طائشة ، او سقوط طلقة مضاد مثلا .
( اؤكد ان هذا الكلام لاينطبق علي كل الولايات ) فهناك ولايات أأمنه ، لكنها لاتناسب الكثيرين ، فطريقة العيش والحياة نفسها مختلفة عما تعودنا ، ولا تناسب البعض . ( والبعض تجاوز هذا الامر وتعائش ) .بل ان كثير منهم اسس عمل او مشروع ، وسكن خاص به ، ولا نيه ولارغبة له بالرجوع لسكنه الاصلي مرة اخري .
القايمين علي الامر ، يحاولوا بذل كل جهدهم لتوفير العودة للناس ، لكن سرعان مايتم هدم انجازاتهم .
مازال الخيار شخصي ،،،،،
08-30-2024, 07:45 AM
adil amin adil amin
تاريخ التسجيل: 08-01-2002
مجموع المشاركات: 39161
هل سالت نفسك ليه الناس ما عايزة ترجع؟؟ هل، السودان فقير ام منهوب هل، القوى السياسية الهسة دي، مؤهلة لادارة السودان، وموارده المهولة لصالح الشعب هل انت عارف ان جل الدول التي نزح لها السودانين هي، نفس الدول، الناهبة للسودان ومع ذلك يعرقلو السلام، والديمقراطية في، السودان هل تعرف ان الامم المتحدة قناع الامبريالية القبيح لا تخدم الشعب، السوداني، وتتسول باسمه هل تعرف ان المشروع بتاع الابادة في، السودان والتجريف، بالجنجويد، والقصف الجوي الهدف، منه تفريغ السودان واستبدالهم بقوم اخرين، وتفكيكه لي 5 دول الحل، نرجع للقوي الديمقراطية الحقيقية. الدينية والسياسية والاجتماعية البتمثل الشعب، فعلا ونفرض الحل، العايزنو نحن للخارج وده مشروح في، 10000 بوست، هنا، وموثق وقلنا ليك، البرهان ده لازم يمش كاودا ويفعل، حلف الختمية مع الحلو، ويراجع رؤية حسنين ويرجع المؤسسات لو ما عايز، الجنجويد وقحت كمان يزح من الكيزان السفلة والقوم النجس والقتلة والفاسدين الكشح حلتم الترابي ومات انا في الخارج ترجع الاقاليم والمؤسسات، وتجي، الصين تعمر السودان برجع طوالي باقرب طيارة او قارب، موت لاني في، اليمن قعدت فيها ما فيه الكفاية يرجعو لينا الاقاليم بس والعاقبة للمتقين.
08-30-2024, 08:14 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
ومايحدث من تشرد جماعي في الداخل والخارج هو من اثارها . ايقاف الحرب ياعادل يحتاج " ارادة " . اجتهد الكثيرين لايقاف الحرب . لكن المشكلة ان ايا منهم كان يضع مصالحه اولا ، ولاتهمهم الشعوب . .............. نهاية الحروب والمعارك لاتكون بالدعاء فقط . لابد من اجرأأت ملموسه علي الواقع . ........... انا متابع ماتخطه انت هنا من زمان ، وهو مقترح جميل ، لكنه كما قلت لك يحتاج " ارادة " لتحقيقه ، وتحقيق غيره . .......... العالم كله اصبح بركة كبيرة من الدماء ، ولاندري ماهو القادم ،،،
تحياتي،،،
08-30-2024, 08:46 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
علي من تنوح؟ ومن من تنوح؟ 35 عاماً سرقة في ثروات الشعب السودانى من قبلكم أيها الكيزان وفلولكم والأن تزرفون دموع التماسيح علي اللبن المسكوب!!
الثورة الكبري بقيادة الهمام محمد حمدان دقلو وبواسل أشاوس الدعم السريع ماضون في أقتلاعكم من جذوركم ..
معركة أبناء الشعب السودانى الأحرار .. ضد الظلم والبغي والعدوان الذي يمارسه الكيزان وفلولهم .. قد أشتعلت وأشتد أوارها، ولن يستطع أحد إخمادها إلا بوصولها لنهاياتها المنطقية التى تحتمها أحلام شعبنا السودانى في كل ربوع وطنا الحبيب.
تمايزت الصفوف وأنحاز الشرفاء وكل ذو ضمير حي إلي صف معركة شعبنا الصابر ..
وحدة صف أبناء شعبنا من جنوب سودانا الحبيب إلي أقصي شمالنا ومن شرقنا إلي غربنا .. هى وحدة صف ضرورية وحتمية لتقصير أجل الخراب والدمار الذي يمارسه الفلول وأذيالهم ..
حان الوقت أن تتوحد الصفوف .. وترص السواعد من أجل كسر كشوكة الفلول ..
لا تتأخر أخي السوداني الأبي .. لا تفوتك المعركة المصيرية لطرد الكيزان والفلول الذي خربوا سودانا لأكثر من 35 عاماً ..
شردونا في فيافي الأرض .. أضاعوا زهرة شبابنا في اللهث من مهجر إلي أخر بحثاً عن مأوي .. ووطننا يمثل سلة غذاء العالم .. كدسوا ثروات أرضنا في أيديهم .. وبنوا بها القصور الشاهقات .. ونهبوا أموال شعبنا وأودعوها في البنوك الخارجية يقضون بها إجازاتهم ونزههم ونزواتهم .. وصلوا حتي سرقة إغاثة شعبنا المنكوب ..
أهلكوا الزرع والضرع وحصدوا الأرواح بالطائرات من أجل بقائهم في السلطة ..
أخي، السودانى أينما كنت .. أحس بألمك وما ألم بك ..وأحس بمعاناتك .. فلا يخدعنك الفلول الذين خدعونا 35 عاماً .. ألتحق بمسيرة شعبنا الظافرة بإذن الله .. وقدم ما أستطعت .. جاهد، قاوم، لاوي من أجل مستقبل آمن لصغارك وأبناء شعبنا .. أبداً لا تستسلم للفلول وخطابهم الممجوج الذي خدرونا به 35 عاماً والأن يعودن بنفس الخطاب الممجوع الدوغمائي الذي فصلوا به جنوبنا الحبيب ..
ويسقط الكيزان وفلولهم .. والتحية لأشاوس الدعم السريع في الميدان والتحية لأشاوس الدعم السريع الذين يخوضون معركة الدبلوماسية والتحية ل "تقدم" .. ومن خلفها الديسمبريون ..
بريمة
08-30-2024, 09:12 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12897
سلام مولانا هاشم لا يوجد ارحم وافضل من بلدك والحي الذي نشات فيه، والهجرة والبلد في امان ومستقرة صعبة، فما بالك لو كانت في ظل حروب لا تبقي ولا تذر، لكن يوما ما سوف يعود الشعب المشرد الي بيوته المهدمة وفي ذات الوقت حتي تتم العودة لابد من تصحيح بعض المفاهيم بعيدا من العواطف الجياشة. اولا- علينا الاعتراف بان الكيزان الملاعين هم من بداءو هذه الحرب وهم من اججوها في كل مناحي البلاد والعباد. ثانيا- خطاب الكراهية الذي بدا مع اول اسبوع في ابريل من العام الماضي من قبل الفلول والبلابسة عبر السوشيال ميديا وعلي راسهم الانحرافي وعبدالرحمن ############ي ب والنعجي مصطفي وغيرهم كان للاسف الشديد موجه فقط ضد فئات الجيش من دارفور وكردفان واتهامهم بالمحاباة وشتمهم وشتم تاريخهم واتهامهم بانهم اي عناصر الجيش السوداني من غرب السودان بانهم جاءو من تشاد والنيجر الخ/ هذا الامر ادي الي ان ينخرط الالاف منهم الي الدعم السريع. ثالثا- تقاعس الجيش والمليشيات الاسلامية من حماية مقارهم اولا وهروبهم من تلك المقرات الي تشاد وافريقيا الوسطي وجنوب السودان ومصر وتركيا، فكيف للمواطنين ان يعودوا الان-اختيارا- لامدرمان مثلا و الكثير من عناصر الجيش والمستنفرين شغالين شفشفة للان وهناك سوق كبير في صابرين للمسروقات؟؟ رابعا-المواطن ابن ادم مدني لا يفهم او يفقه في الحروب فلن يرجع في بيئة حرب، اذن علي البرهان وجيشه اما ان يحسموا المعركة ويطرودو الناس من البيوت التي احتلها الدعامة كما يدعي، او يذهب ويوقع سلام، او مصيره سوف يكون مثل مصير الرئيس اليمني الاسبق علي عبدالله صالح!!! اخيرا- الان ولان الكيزان يعلمون بانهم لن يرجعوا مرة اخري للسلطة وللابد فهم بدا بالمرحلة الاخيرة تحويل المعركة الي حرب عرقية اثنية وبالامس تم قتل وذبح 37 من قبيلة معينة في دارفور مقيمين بسنار تتراوح اعمار القتلي بين خمسة عشرة عاما وثمانين عاما دخلوا عليهم داخل منازلهم واطلقوا عليهم الرصاص في الراس هذا الفعل الشنيع ربما يجعل الالاف من مساجين الجيش في سجون الدعم السريع في خطر عظيم.. اذن لا حل الا الدفع في حل هذه المشكلة عبر الجلوس والتفاوض... تسلم
08-30-2024, 09:54 AM
adil amin adil amin
تاريخ التسجيل: 08-01-2002
مجموع المشاركات: 39161
غياب البرنامج الواعي من 2019 جاب الحرب لكن الحروب من 1989 سببا مشاريع مصر، المعنفة الاخوان المسلمين. والقوميين العرب ارادة للزول الجاهل لكن العميل عارف الحق وما عايزه زي الجنرلات بتاعين مصر، وجنجويد، الامارات، ومرتزقة الحركات المسلحة وقحت1 وقحت2 قلنا نقل المدينة الي الريف واستعادة الاقاليم وتجي تعمرا الصين قرية قرية مدينة مدينة بي ذهب، السودان المنهوب، ومفضوح كمان زول ما عنده ارادة قاعد في راس، الناس لي، شنو الدعم ده برضو كيزان بريمة ده كوزً قديم في، البوردً ودي حرب صفرية بتجيب تدخل، دولي، ما عندكم برنامج ترجعو لبرنامج الحركة الشعبية وحسنين 2019 نقطة سطر، جديد والناس ترجع اقاليما والما عنده محل بظهر
08-30-2024, 10:05 AM
adil amin adil amin
تاريخ التسجيل: 08-01-2002
مجموع المشاركات: 39161
طيب، موضوع البورد، العودة الطوعية طيب عندي برنامج عودة طوعية ترجع الاقاليم وفي كدباس الاقليم الشمالي الزريبة اقليم كردفان الطويلة اقليم دارفور الجزيرة ابا الاقليم الاوسط همشكوريب الاقليم الشرقي بالمشورة الشعبية في، الاماكن دي يبدا الحل، السياسي، والحل، الانساني، بجي براه، بدون تسوول، اعمار مدينة حلفا علي، احداث طراز، بمساعدة الصين لقفل ملف، النزاحين في، مصر، هسة دي دايرة ارادة ولي، مخ؟؟؟ الدهب الاتسرق من العبيدية والشمال بشركات الجيش والامن والجنجويد،، يكفي، لاعمار السودان كله يا كاروري، الناس، في، الساحة ديل لا عندهم مخ لا، وعي، لا ضمير، لا اخلاق ولا برنامج متسكعين ساكت والنزاع ده بلا معنا ولا هدف، ولا رؤية والشعب، ادمن، التنبلة30 سنة مع الانقلذ، ما عايز، يفكر، حتي في، تاهيل، نفسه، بنفسه الطاقة الشمسية مالية العالم والسودان في ظلام المهم العودة، الطوعية لازم يتحرك ال9 مليون بره 10 مليون، جوة في برنامج، واضح، واحد، قدامك هنا الما عايزه ان له معيشة ،ضنكا والرجز، ده بسبب، الاخوان المسلمين وبعاعيت مايو في، قحت، وهم، ما، بمثلو حاجة في، السودان
ما تشتغل بي بريمة ده شغال بالعدادً بريمة كوز، كبيزً،امريكي بتاع مرتزقة ساكت
08-30-2024, 10:36 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
Quote: ما تشتغل بي بريمة ده شغال بالعدادً بريمة كوز، كبيزً،امريكي بتاع مرتزقة ساكت
هل سمعت ب كرازاي، العراق؟ .. هسي أنت حدد موقفك، في صف الأشاوس أم في صف الأبالسة الكيزان والفلول؟
شوفت السودان دا نخلوه نار جهنم للكيزان .. ثم بعد طردهم، ينزل المطر وينبت العشب، والجرير والشعير والعنب ويخضر الزرع والضرع .. ويعيش الضبع والحمل في أمن وأمان من بعدهم.
هذا هو مشروع الخلاص الوطني .. ألتحق بمشروع الخلاص الوطنى ولا تتخلف ..
بريمة
08-30-2024, 11:09 AM
adil amin adil amin
تاريخ التسجيل: 08-01-2002
مجموع المشاركات: 39161
بريمة القحاتي، بقيت مهرج زي، القحاتة فرقك من، خالد سلك والشيوعيين واللغة الهتافية البائسة شنو انا حركة شعبية من 1988 مع مولنا الميرغنيً الاب، والابن لا عاجبني الفلول، ولا، الجنجويد الاثنين قوم نجس مجرمين بشاهدة الترابي، الكوز، من الغرب او الشمال كوز ما تخرب بوستات الكاروري عندك برنامج للعودة الطوعية ولي لا؟ انقرع انت وجنجويدك الشايفنو ده بفرتق السودان صامولة صامولة ما في ثورة من الغرب، لي، الشرق الثورة من كاودا لي، حلفا امش اقعد مع الحركة الشعبية شمال اولا عشان نعترف بيك سوداني،
08-30-2024, 12:03 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32988
لابد من التقدم خطوة للامام . الوقوف في خانة من سبب الحرب ، ومن اطلق الرصاصة الاولي وووو . كل هذا يجعل الناس تدور في حلقة مفرغة . البوست يخاطب شريحه عريضة من الشعب السوداني ، الذين لاذنب لهم فيما حدث ، وماسيحدث مستقبلا . جزء كبير من هولاء الناس المستهدفين بهذا البوست ، اصبحوا بين ليلة وضحاها في خبر كان . فقدوا كل شئ ، واصبحوا تحت الصفر تقريبا . عودتهم لديارهم صعبة ، لان تلك الديار لن يجدوها مثل ماتركوها . لكن لابد من العودة ، لانقاذ مايمكن انقاذه رغم انه لايوجد شى اصلا لانقاذه . بينهم اناس ، لم يطيقوا التشرد واللجوء لاماكن غريبة بالنسبة لهم ، لذا لابد من عودتهم او ارسال من ينوب عنهم لمعرفة مصيرهم .
رجوعهم حتمي ولو تعددت الاسباب ،،،،،
08-30-2024, 05:14 PM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
اكيد ما حاشتغل بيه ، وانا عارفو من زمان " كوز قديم ومصدئ كمان " . والورجغة البعمل فيها في البورد الايام عاوز ينفي التهمة ، ويعمل انو ( جنجويدي قح ) 🤣 . لكن مافي طريقة للنكران الارشيف موجود منذ تسجيله . .............. مشكلتوا مابسمع الكلام . انا عامل ليه " قفص " . قصدي بوست باسمه حتي لايتوه منو . طبعا هو بدخل بقرأ ومابعلق " عارفو جبان " 😁 . لكن في النهاية داك بيتو ، وفيه العضم واللبن 😁 القفص حقو ده لتعريته وسلخه في نفس الوقت عشان تاني مايجي يتفاصح قدام الناس ،،،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hasheem Karouri
adil amin
Biraima M Adam
محمود الدقم
فيس بوك
تويتر
انستقرام
يوتيوب
بنتيريست