الفلهمة الدينية

Quote: التعالي والتباهي الديني، أو ما يمكن وصفه بـ "الفلهمة" في الثقافة السودانية، يشير إلى ممارسة دينية حيث يتظاهر الشخص بالتدين والتقوى بشكل يفوق المستوى الطبيعي، بغرض إظهار نفسه في صورة الشخص الورع والمميز دينياً. هذه الممارسة غالباً ما تُعنى بإظهار التدين بصورة خارجية أمام الناس بدلاً من أن تكون انعكاساً لإيمان حقيقي داخلي.

Quote: علم التأثيل أو الأثالة (بالإنجليزية: Etymology)‏ هو علم يبحث عن العلاقات التي تربط كلمة بوحدة قديمة جدًا تعد هي الأصل (الأثْلة). بالمعنى القديم، هي البحث عن المعنى الأصلي والأولي للكلمة، وهي عملية لغوية تعتمد المقارنة بين الصيغ والدلالات لتمييز الأصول والفروع

Quote: oSerptonds69t22M1c18118214am700044,72 uau51fmt25a1hm481f 1y8 · الفلهمة : - هي حالة تلبس مصطنعة مشاترة .. تختلف باختلاف المتلبس ماديا واجتماعيا وثقافيا .. وبالطبع هي حالة نفسية ناتجة عن نقص او توهان ذاتي ..! - الفلهمة .. يمكن ان نقول انها "مرض إجتماعي" - واضح من محاولة التعريف اعلاه انني لا اعرف "الفلهمة" .. لكنني اعرف "المتلفهم" جيدا - الفلهمة دي الليلة انا "بنكرها حطب" ..! - ما الذي يدعوني للفلهمة ؟ مقوماتها ذاتها ماعندي ..! - مقومات الفلهمة ..؟! - ماهي مقومات الفلهمة ..؟ - مقومات الفلهمة ده موضوع براهو .. داير ليهو "كيس نبق" - "كيس نبق" دي في ناس اصحابي كده بكونوا استغربوا فيها ..! - بيقولوا سردار ده غلط .. اصلا بكون داير يكتب "كيس تمباك" - التمباك ذاتو عمل ليهو "عزة" ..! - عزة .. "بعين مكسورة" - التمباك ذاتو "اتفلهم" فينا الايام دي الكيس بقي ولا برضي بالجنيه سعرا ليهو ..! - النبق ذاتو .. ما برضي بي سعر اقل من "جنيهين" ثمنا لي اقل كمية منو ..! - النبق ذاتو عمل ليهو "عزة" وبقي يتفلهم علينا - النبق بعد ما حتوه في الحفلات والرحلات .. دخل قاموس السياسة - الصادق المهدي ايام ملاسناته السياسية مع الترابي قال .. "الترابي داير يحصل لقيط النبق" - والنبق ما صدق دخولو "عالم السياسة" .. طوالي "دق سستم" الفلهمة ورفع القزاز وبقي غالي - النبق عرفناهو .. التمباك مالو ..؟ - المتلفهم ظااااااهر .. من بعيد بتعرفو .. من مشيتو .. من سلامو .. من كلامو .. من لبسو ..! - المتفلهم بتعرفوا من موبايلو ..! - عندنا حبوبة لينا كده الله يرحمها كانت بتعرف المتفلهم من ريحتو - بتشمو ليك الفلهمة دي شم .. مبالغة ..! - الحاجة واضحة ومادايرة شرح - في ناس بعرفوا المتفلهم من عربيتو .. المتفلهمين الزي ديل نحنا ما بنعرفهم بنسمع بيهم سمع بس .. نحنا ناس مواصلات ساي .. عشان كده بنعرف ناس فلهمة المواصلات والشوارع العامة .. والمطاعم الشعبية وستات الشاي .. وناس حدائق حبيبي مفلس - فلهمة ناس حدائق حبيبي مفلس دي دائرة ليها بوست خصوصي .. خاصة بعد سوروها وعملوا ليها رسوم دخول ..! - اعتقد ..! - واعتقد هذه مبنية علي عدم معرفتي بـ"الفلهمة" - اعتقد ان "الفلهمة" انواع .. وبما انني لا اعرفها طبيعي جدا ان لا اعرف انواعها .. لكن سمعت بـ"الفلهمة العوراء" .. وبما انو في "فلهمة" عوراء فهذا يعني ان هنالك فلهمة غير "عوراء" - لا يمكن بالطبع ان نطلق عليها "الفلهمة" السليمة" او "الفلهمة الصحيحة" لاننا بهذا الوصف نكون قد اقررنا بإيجابيتها .. وهي قطعا غير ذلك ..! - الفلهمة "العوراء" ارتبطت بشيل البطارية في "القمرة" - عبارة "شيل البطارية" فيهو اشارة لعدم الرؤية .. لذلك يتم "شيل البطارية" للاستعانة بها .. "العور" .. " بفتح العين" هو احد اسباب عدم الرؤية بنسبة 50% ان كانت العين الاخري سليمة ..! - الا انه والثابت اصله ان السبب في "عدم الرؤية" هو الظلام .. لذلك يتم الاستعانة "بشيل البطارية" لتبديد هذا الظلام ورؤية الاشياء ..! - هذا هو الامر الطبيعي - اما "شيل البطارية" والقمر ساطع ومتكمل .. فهذا شذوذ .. فسره قائل المقولة المشهورة بانه "فلهمة" "الفلهمة العوراء وشيل البطارية في القمرة" - اعتقد ..! - واعتقد هذه أتت بها عبارة "شيل البطارية" الواردة في المقولة .. والذي لولا وردوها لاستبدلنا كلمة "اعتقد" بكلمة "بالتأكيد" - اعتقد ان عبارة "الفلهمة العوراء" اصلها "الفلهمة عورة" - والعورة دائما ما يحرصون علي إخفائها وعدم اظهارها للناس .. علي اعتبار انها "عورة" ولا يجب للاخرين رؤيتها ..! - وبالتأكيد "الفلهمة" علي العموم هي ليس شيئا حميدا يجب ان يراه الناس ويعرفه .. هذا عند من يمقتون "الفلهمة" وينتقدوها .. وبالتأكيد ايضا هم محقون في هذا الفهم - إلا ان من يتعاطي هذه "الفلهمة" يري عكس ذلك .. فهو يؤمن بها ويحبها لانها .. "وهذا شعوره" بالتأكيد .. لانها تضفي عليه "هيبة" وتضيف له "النواقص" فيري اكتمال شخصيته ويشعر بعزتها فيزهو متبخترا مختالا .. وهذه الاشياء هو يري لابد ان يراها الاخرين فيه .. لانه يشعر انها احد الاسباب التي تجلب له احترام الناس وتقديرهم وانهم سيشيرون اليه بالبنان .. لذا فانه يعمد علي "شيل البطارية" ..! - اعتقد ..! - واعتقد هذه لابد منها هنا لربط الحديث - اعتقد ان "شيل البطارية" هذا ليس بالضرورة ان يكون "شيلا" حقيقيا في كل الاحوال ..! - واكيد انت فاهمني يا صديقي العزيز ..!! تعريجة : - هذه "الفلهمة" التي انتقدناها ووصفناها بانها مرض اجتماعي ... الا انها تجعل "المتفلهم" يبدو سعيدا .. متبخترا .. لسان حاله يقول "يا دنيا ما فيك الا انا" - رغم كل ماذكرناه إلا ان هذه "الفلهمة" بها شيئا ايجابيا .. وهي منحها الشعور بالسعادة لهذا الشخص المتفلهم ..؟ - إذن "الفلهمة" فعلت ما عجز عنه الاخرون ..! - لو وجدنا نحن ومن هم حولنا "السعادة" فإن "الفلهمة" لن تجد مكانا بيننا ..! - لا اريد بذلك ان اضع "الفلهمة" و"السعادة" في كفة واحدة .. ولكنها احد اسباب البحث عن السعادة .. وإن كانت زائفة ..! :

Quote: الفلهمة عايزة جهاز كمبيوتر التلفون مابساعد بس تنتهي الحرب واجد كمبيوتري قاعد عشان نوريكم فلهمة ابولستك

Quote: الغلت مشيت على مجلس منطقة بحري قابلت مدير الحسابات الله يرحمو اسمو اخمد بقادي احمد كل ما لقيتو منّو انت فال انت في المكان الغلت طيب امش وين تمس المجلس المقابل موقف بحري شمال الموقف البجيهو عشان امشي الدروشاب ما كان في لافتة تقول مجلس منطقة شرق النيل لكن في لوحة منصوبة تقول مجلس ريفي الخرطوم و بي تاريخ شنو وضع حجرالاساس ابراهيم عبود دي شنو اللخبتة دي يا زول خش اول زول لاقايك اسألتو وين الحسابات ساقني و دخلت مكتب المرحوم احمد ابشر حمزة زول لابس جلابية من اولاد شمبات من تحت نضاراتو السميكة و بعد ما كتب في خطاب التعيين امش قابل مدير شئون العاملين اسمو احمد الخضر احمد له الرحمة و المغفرة من اهل امدرمان و منها للشعراني زين العابدين له من الله الرحمة و المغفرة بس كمان الشعراتي ده قصة تانية استقال من الخدمة وخلف والده عليه رحمة الله في السحادة و ده بعد خروجي من الوطن نرجع لي موضوعنا جيت راجع لى استاذي احمد ابشر حمزة مدنقر في الورق رفع وشو و نضارة القراية قاعدو في ارنبتي نخرتو تعال بعد اسبوع الكلام ده تحديدا 8/8/1981

Quote: الله يرحم من ذكرت والرحمة والمغفرة للأخ والصديق الشعراني زين العابدين.

Quote: العندو دين ما بسرق البلد العبادو موحدين العندو دين ما ببني قصرو العالي فوق جوع الغلابة المسلمين العندو دين ما بسمي أعداء الوطن جند الوطن والحادبين العندو دين ما بسمي ابناء الوطن البقولو الحقيقة المرة خونة ومارقين

Quote: قراءتي للذكريات التي كتبتها أخي جلالدونا أيقظ فيني نوع غريب من الإحساس والمشاعر..يمكن أن تسميه"الشغف" خلال الساعتين الماضيتين كنت أكتب وأبحث عن كلمة الشغف من عدة نواحي ورجعت لكتابات سابقة لي عنها...وتناسلت عنها موضوعات ذات صلة آخرها موضوع يتعلق باللغة والدلالات .. بالتالي قررت فتح بوست مطول يشمل كل هذه الموضوعات..

Quote: وبي قال الرسول ديما ببدا كلامو الزول كان كتل كيفن بصح إسلامو

Quote: دخلت الخدمة المدنبة اغسطس 1981 اذكر و قتها يا صديق جيت شايل خطاب التعيين من وزارة المالية القاعدة في شارع النيل معنون الى مدير شئون العاملين الي مجلس منطقة شرق النيل بالغلت مشيت على مجلس منطقة بحري قابلت مدير الحسابات الله يرحمو اسمو اخمد بقادي احمد كل ما لقيتو منّو انت فال انت في المكان الغلت طيب امش وين تمس المجلس المقابل موقف بحري شمال الموقف البجيهو عشان امشي الدروشاب ما كان في لافتة تقول مجلس منطقة شرق النيل لكن في لوحة منصوبة تقول مجلس ريفي الخرطوم و بي تاريخ شنو وضع حجرالاساس ابراهيم عبود دي شنو اللخبتة دي يا زول خش اول زول لاقايك اسألتو وين الحسابات ساقني و دخلت مكتب المرحوم احمد ابشر حمزة زول لابس جلابية من اولاد شمبات من تحت نضاراتو السميكة و بعد ما كتب في خطاب التعيين امش قابل مدير شئون العاملين اسمو احمد الخضر احمد له الرحمة و المغفرة من اهل امدرمان و منها للشعراني زين العابدين له من الله الرحمة و المغفرة بس كمان الشعراتي ده قصة تانية استقال من الخدمة وخلف والده عليه رحمة الله في السحادة و ده بعد خروجي من الوطن نرجع لي موضوعنا جيت راجع لى استاذي احمد ابشر حمزة مدنقر في الورق رفع وشو و نضارة القراية قاعدو في ارنبتي نخرتو تعال بعد اسبوع الكلام ده تحديدا 8/8/1981 و نواصل يا باشا (

Quote: 2017 عدت للسودان يا سادتي و المناسبة وفاة الوالدة لها من الله الرحمة و المغفرة بأذن و ارادة منه منها شفت عضو المنبر عثمان عووضة وزارني للتعوية محمد المسلمي و التقيت بشقيقه علي و لمتنا جلسات في مطعم اولاد امدرمان شفنا فيها صلاح الزبير و حاجات كتيرة مع عووضة و العتود يوم ما نادانا اخونا الراحل الي رحمة مولاهو ياسر الشهير ب كبس انتقل للدار الاخرة في يونيو 2023 في مصر و تم دفنه هناك انا و هو و صلاح اخوكم الكبير مصاب بي سرطان الدم و هو ذاتو ما عارف الحاجة دي كل شهر بيعمل عملية تغيير دم انا لله ياخ صاقعة و وقعت اس قدرنا ترتيب حاجاتنا