مصر يا أم جمال .. أم صابرْ

10:02 AM August, 25 2024

سودانيز اون لاين
مصطفى نور-امريكا نيوجرسي
مكتبتى
رابط مختصر

مصر يا أخت بلادي يا شقيقةْ يا رياضاً عذبة النبع وريقة
.. يا حقيقة ..
مصر يا أم جمال .. أم صابرْ ملء روحي أنت يا أخت بلادي سوف نجتث من الوادي الأعادي
مصر بلد طيبه وشعبها شعب ذو صبر جلد والمصرى يجتهد ويعمل بكد وجهد وتفانى وتنطبق عليهم اذا عمل احدكم عمل قليتقنه … ويعطي العمل والوظيفه حقها أياً كانت…… …!!
وينتهى اليوم وتجد ذلك الانسان من كد واجتهد عالى الهمه طيب النفس جميل الروح ( تعلو محياه الابتسامه وينطبق على الانسان المصرى حديث الرسول صلى الله عليه وسلم تبسمك فى وجه اخيك صدقه ) ويتم ويختم اليوم على طاولة ( ضمنه مع الاصدقاء )
ويتعايش الشعب المصرى مع كل من يزور او يعيش ومن اتي لمصر سوى كان تاجرا او طالب او انسان تقطعت به السبل فى بلاده نتجيه الحروب فتجد السورى – والسودانى – واليمنى – والعراقى – والفلسطينى – والطلبه من جميع دول العالم الافريقى والاروبى …!!
والاتسان المصري انساان شعله من النشاط و و فيه النزعة القومية وحب مصر سمه من سمات كل مواطن مصرى وشعب مسالم لقد صدق الشاعر الفلسطينى »
جمال حمدان زيادة
عندما كتب قصيده مصر الكنانة
… حَاوَلْتُ أُدْرِكُ سِرَّ مِصْرَ , وَنِيْلَهَا
احْتَرْتُ فِيْ أَمْرِيْ , وَتَاهَ دَلِيْلِي
إِنْ غِبْتُ عَنْهَا . لاَ تُفَارِق مُهْجَتِيْ
حَتَّىَ أَعُوْدَ إِلَىَ ضِفَافِ النِّيلِ
فَإِذَا أَتَيْتُ , فَمَا أُقَاوِمُ سِحْرَهَا
وَتَخِرُّ أَرْبَعَتِيْ مِنَ التَّبْجِيْلِ
قَارَنْتُ مِصْرَ بِغَيْرِهَا , فَتَدَلَّلَتْ
وَعَجِزْتُ أَنْ أَحْظَىَ لَهَا بِمَثِيْلِ
مَا السِّرُّ مِصْرُ ؟ فَمَنْ سِوَاكِ لِعَثْرَتِيْ
هَلْ مِنْ سَبِيْلٍ فِيْ شِفَاءِ غَلِيْلِيْ ؟
لا أقول كلامى هذا عن فراغ وانا اعيش بين ظهرانيه ارض مصر لسبعه سنوات لم ارى الا الخير والموده والاحترام …
فنحن ( كما قال الشاعر صلاح احمد ابراهيم )
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
وأنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ تعالى
يا مريه:
ونحن فى السودان أصحاب الأرض البكر والنيلين والجريف واللوبيا وريحه الدعاش وملوك امدر انتوا كيف امسيتوا ونحن الطابيه المقابله النيل
وأهل عز ووفاء ….!!
نقع الف مره وننهض مره اخرى …!!
في كل شبر من الوطن الخير الكثير والمطر الوفير والكرم والشهامه وليس بيننا عاق ولا قليل مروة ….وانجبتنا طيبه الذكر امدرمان
وهذا هو حالنا فى انتظار الفرح والفرج من المولى القدير
( اليوم حرب وغداً امرا )
نقاوم من اجل الوطن حتى اخر قطره و لانركع الا لله سبحانه وتعالى ولا نقنع بما دون النجوم
نحن في الشدة بأس يتجلى
وعلى الود نضم الشمل أهلا
ليس فى شرعتنا عبد ومولى
قسما سنرد اليوم كيد الكائدين
وحدة تبقى على مر السنين
قلب إفريقيا بوعي نابض
حل منا بالجنوب الناهض
منعة الغاب بليث رابض
قدما هي كانت جنة المستعمرين
ما لهم منها تباروا خائفين
نحن أبناء ملوك في الزمان
وعندما تغنى ام كلثوم ( اغدا القاك ) ( نتذكر الهادى ادم ) وشهاده من سيده الغناء ام كلثوم عن السودان وعن اهل السودان شهادة من هى فنانه مصر الاولى كانت تتربع لسنوات ..😍
وعندما يكتب الشاعر ( عباس محمود العقاد ) ويغنى الدبلوماسي كابلى المثقف المطلع … ويغنى
ﺷﺬﻯ ﺯﻫﺮ ﻭﻻ ﺯﻫﺮ
ﻓﺄﻳﻦ ﺍﻟﻈﻞ ﻭﺍﻟﻨﻬﺮ
ﺭﺑﻴﻊ ﺭﻳﺎﺿﻨﺎ ﻭﻟﻰ
ﻓﻤﻦ ﺃﻋﻄﺎﻓﻚ ﺍﻟﻨﺸﺮ
ﻭﻫﺬﺍ ﺍﻟﻨﻮﺭ ﻳﺒﺴﻢ ﻟﻲ
ﻋﻦ ﺍﻟﺪﻧﻴﺎ ﻭﻳﻔﺘﺮ
ﻭﺃﻧﻈﺮ ﻻ ﺃﺭﻯ ﺑﺪﺭﺍﹰ
ﺃﺃﻧﺖ ﺍﻟﻠﻴﻠﺔ ﺍﻟﺒﺪﺭ
علاقه مصر والسودان لاتخطئها عين ولا يعمى عنها الا من كان ليس له لابصر ولا بصيره نيل واحد ودين واحد ولغه واحداه وعن النيل وماء النيل اتذكر قول الشاعر عمرو بن كلثوم عندما قال
ونشرَب - إن وردنا الماء - صفوًا ** ويشرب غيرنا كدرًا وطينا
كانما يتحدث عن شعبى مصر والسودان
الشاعر المصرى الرائع ابراهيم ناجى وفى شعره حلاوه وسلاسة لا تخطئها العين والأذن…عندما غنى له زيدان ابراهيم
***
داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعه وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع
ومصر وحكومه مصر من فتحت القلوب بدفء قبل الحدود وقبل المعابر وقبل المطارات لكى تكون الامن والامان لكل السودانيين فى ايام الحرب العصيبه شكرا حكومه مصر وشعب مصر
وعندما يتحدث اغلب الناس من المصريين عن السودان فحديثهم ينم عن اختلاط الشعبين والمصاهره والتجاره
وهناك كثير الزيجات الناجحه بين البلدين و على درجة عالية من النجاح والستر والاحترام منهم على سبيل المثال السرقدور ولاعب المريخ والزمالك السابق نوح ادم والفنان ابراهيم خان والرئيس انور السادات حيث كان فى السودان والد الرئيس المصري السابق محمد أنور السادات مع فريق طبي مرافق للجيش الإنجليزي المصري في عمل إداري وفي التمريض وفي الترجمة أيضاً.
كان معروفاً آنذاك بمحمد الساداتي، في حامية عسكرية تزوج والد الرئيس السادت وانجب الابن محمد أنور عام 1918 وسافرت امه من السودان مع زوجها إلى مصر في رحلة صعبة وصفها السادات في مذكراته بأنها رحلة الموت؛ كان اسمها أم سترين بِت خير الله ود عبد الحق من منطقة يقال لها الكواهلة قنتو بجوار واحة البشيري في نواحي باره،.
لذلك نحن فى السودان نعتبر مصر هى السودان والسودان هو مصر لانتوقف كثيرا فى ذلك ( نحن اخوان )
هناك مظلمه من الاهل الشعب المصرى فى الاونه الاخيره
أن هناك من يريد ان يصطاد فى الماء الصافى وليس العكر ويعكر صفوء الناس فكثرت ( المهاترات ) وهناك فئه تتظلم ( وانى اعتذر ) …والمقوله تقول
لأنه يجب على كل سودانى(لا يستقيم الظل والعود أعوج)
ان يكون سفيرا للوطن الجريح وان يضمد جرح الوطن الغائر حتى يطيب وذلك بان يكون فى غايه الاحترام والادب فى ووطن ومع شعب لم ولن يبخل عليك بما لديه من انسانيه وخيرات وطيبه وموده وواحترام فى حين قفلت كل الدول الاخرى الباب والحدود فى وجهك ..…
لكن سوف نظل ونذكر الاخوه السودانين والجاليه السودانيه وكل سودانى بقوله ( يا غريب كن أديب ) هي الحل …وهى الكلمه التى يجب ان نتذكرها فى كل لحظه
( وهناك القوله الانجليزيه المشهوره …( احترم نفسك ليحترمك غيرك ) …وهذا معادله ليست صعبه )،
هكذا يجب ان يكون السودانى الذى يمثل الشعب الطيب ….!!
وعندما يتحدث الشعب المصرى فى الشوشال مديا عن الظواهر السلبيه للسودانين فى مصر فهو يبعث برسالته
الى كل من يعيش من السودانين فى ( الفيصل ) و ( عتبات بولاق ) وجوه ( عين شمس ) ( وأرض اللوا ) والدقى والمهندسين ..إلى أسوان وفى العجمى الاسكندريه
( وزى ماقال الشاعر عوض ابوالعلاء
فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح
دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح
وانا لاانكر ان لدينا الكثير من السودانيين من ليس لديهم الذوق السليم عندما يقول الجهلاء منهم ( نحن عايشين بحقنا ) ولا تهتموا اخوانى الشعب المصرى انهم يقولون منكر من القول …!!
وهناك الظواهر الكثيره السالبه من بنى جلدتنا افرزتها الحرب اللعينه وظهر تجارب الحروب وظهر من باعوا الوطن وظهر من الخونه والعملاء الكثيرين
وظلم الاقربون أوجع … 😥
( الشى الاكيد ان الاحترام متبادل بلا شك )
واعلموا يا اهلى اهل مصر ان الانسان السودانى انسان كريم غدرت بهم الحرب وصاروا فى مهب الريح والامواج وشكرا لكم كنتم لنا بر الامان
نسال الله ان تهدى النفوس وان نتبادل الود والعهد 🙌
ونسال الله ان تنتهى الحرب بعدها نعود للوطن بذات الشوق والحنين …!!
عندما تلتقي ذكريات ( القاهرة ) مع الخرطوم التى هبت فى فى جنح الدجى …
بأمسيات العزيزه الما بتسال عن ظروفنا حبيبتنا ( امدرمان ) سنعود وستعود السودان والخرطوم …!!🥰
وقتها يكتمل عندنا الفرح ويزغردن ناس امنا وهذا هو حال الوطن الجريح بين هذا وذاك حتى عودة الامن والامان وتعود اسراب الطيور المهاجره من كل فج عميق للوطن
ومصر ظلت تفتح أبوابها للسودانيين في كل زمان ومكان
بكل حب وترحاب …!!
وتفتح القلوب والبيوت والشقق والمدراس حتى تنجلى غيمة وكابه الحرب وتزول عتمه المنظر
والسودانى يدخل الى مصر وهو كله ثقه بان فى بلاد اجمل ماقيل عنها ( اهبطوا مصرا فإن لكم ما سألتم ) )
السودانيون اناسا طيبين خاضوا اللهيب وأجبرتهم الحرب على يكونوا ضيوف مصر لتكون لهم الامن
هناك الرابط المقدس بين السودان ومصر تاريخ ونيل ومصير وكل سودانى عندما غادر السودانى وهو مكسور القلب باكى العين حزين الفواد …
الكل يتذكر قول سيدنا يوسف لى اخوته (ادخلوها بسلام امنين
وشيخنا البرعى يوكد امن وامان مصر وينشد ويقول
ويـا صـاحِ هِـمَّـنـا لـزيـارة اُمـنـا مـصـر الـمـؤمّـنـا بـأهــل الله..!!
….
ستعود الحياه فى الوطن الغالى ( بقاء الحال من المحال ) والكل سوف يعود للقريه الخضراء وللوطن الغالى للبناء
وسترد العافيه فى بدن الوطن الجميل بمشيئة الله
ونحن في السودان.. نهوى اوطانا
ان رحلنا بعيد.. نطرى خلانا
نطرى جلساتنا في ضفاف النيل
والسواقي تدور.. في سكون الليل
القماري تعيد لحن كالتنزيل
والوتر يشدو.. والطبيعة تشيل
النغم مفرح.. والحبيبة تميل..
توحي الحانا
نطرى نجوانا.. وحبنا العذري
والوفاء معروف فينا من بدري
تلقى فوق أمدر.. في ربوع بحري
العواطف دين.. والجمال فطري
تلك أوطانا..
وحبها الخالد يجري في دمانا 🥰
مصر والسودان التقاء وجمال مثل لقاء النيلين في المقرن
وتحية من القلب لك مصر وحكومه مصر وشعب مصر

مع تحياتى
ودالانصارى

ول أبا مصطفي نور
سلامات

Quote: ودالانصارى

من يكون هذا؟ .. هل هو إسم لك؟

بريمة

Biraima M Adam
الف مرحب اخى بريمه
عساك بخير
ونعم انا مصطفى نور ودالانصارى لقب الوالد عبدالرحمن الانصارى وهو معروف بااسم الانصارى عليه رحمه الله تعالى

الاخ مصطفى
لك مني كل الود والاحترام
مصر
هي الاقرب
وهي افضل الجيران خاصة لمعالجة نتائج الحرب
ولكن نتوقع الافضل
والأمثل

قرقرقرقرقرقر!!
"العبيد اااااهم"!!!!

البواب قال "البيه" هو الاقرب قال!!

قول واحد يا "عم عبدو":

عزيزي القارئ،
كما تنباءنا منذ سنين، اللحظة الحاسمة في تاريخ صراع البقاء او الفناء، قادمة لامحالة!!
شوفو زي ديل بقولو في شنو، وصاحب هذا الخيط "مشتبه به" بالنسبة لينا، قبل نار الفتنة الحالية الاشعلوها مخابرات الخديوية من يومو السجل هنا، ولاجديد هنا!
ظاهرة هكذا عمالة لاحفاد الغزاة في اوساط الجلابة تحديدا اي امثالي، متفشي كالنار في الهشيم، نعم هؤلاء بالالاف الان، للاسف!!!

الأمير الكوشي
تحياتي قد لا تعرف مصطفي انت هو صديق وأخ ودفعة دارسة ولا تحسبن أنه غير قادر علي الرد عليك ولكن نقول لك بقول رحابة صدر (قيمة الإنسان ليست بأصوله العرقية أو بتمجيد أو كراهية أي عنصر تحت الشمس.
إنما تكمن قيمته الحقيقية في الإنسانية التي يحملها في قلبه، وفي احترامه وتقديره للآخرين، بغض النظر عن اختلافاتهم العرقية أو الثقافية. نحن نحب أرضنا ونفخر بها، ولكن من أصول الأدب واللياقة أن نحترم الآخرين ونعترف بفضائلهم.
الاحترام المتبادل والاعتراف بالفضل للآخرين هو ما يعزز التفاهم والتعايش السلمي بين البشر. في النهاية، ما يميز الإنسان هو أخلاقه وسلوكه، لا لونه أو عرقه.)
نحن في أزمة نتعامل مع الشيطان للخروج من هذا الازمة
كن كما عهدناك مفتاح خير ولطف لا علينا أو الضعفاء منا أخي عرفت يا كوشي الكلام

*تحياتي مصطفي لك والاسرة الكريمة

يا ابو الزوز:
كيف بواب، سفرجي احفاد الغزاة هذا، طلع صاحبك، رحتا بايع طوالي، فقط لانو فردتك؟
عجبي!
في وكت زي ده، أو رغم انف الحصل والحاصل زي ده يسوي ع الناصر "واختا" بلادي لمستعمريه مستعبديه عبر القرون؟
معليش، انتا زيو عندك ولاء غريب جدا للمصريين، ولاجديد هنا!!
ما البرهان دي طريقة تفكيرو مش؟!
هل صدفة الماسكين السودان المصري من امثال كرتي بالوكالة هم بوابين الخديوي حسن البنا؟
هل صدفة ياهم الزيك أو زي فردتك ده، البدعو لفصل الشمال وضمو لي مصر الخديوية؟
عوووع!

يا كوشي له الحق مصطفي فيما يعتقد أو يكتب وعليك فقط ان تفند كلام قيل أو كتب ما عندك أكثر من كدا
و نحن عبيد أولاد عبيد عندك احسن من كدا شنو لينا
وكن أعقل من انت عليه أيها الكوشي صاحب العرق السامي

*طز والف طز في كل أثنية تدعي انها ذات الدم الأزرق وأنها الأعظم في بر السودان كلنا أصحاب الأرض والحقوق
كوش كانت وانتهت حتي العرق الكوشي العظيم انقرض

قوم لف

يا ابو الزوز:
طيب "عم عبدو" صاحبك ده، "هاوس نقا" الارناؤووط، البديهو الحق يدلق الجواهو هكذا من خنوع شنو لولا انو فردتك؟

يعني هو عندو الحق حتي في وكت زي ده، يطرش الجواهو فقط لانو فردتك، أما نحنو فلا؟

مش كده؟

البقول فيهو انا ده، مجرد مقدمة لتعرية طريقة تفكير هذا المشبوه، لانو هذا مستفذ بالنسبة لينا وطيران ذات جيش محمد علي باشا مؤسس مصر الغزاة الان الان بقذف بي براميل المتفجرات لذات الابرياء، مش في كريمة أو شندي فوق، وانما في ديار "الغرابة"، اهل التعايشي، مفجر اكبر ثورة علي نطاق اليابسة ضد اختا بلاد صاحبك ده، حصريا، ناس علي كرتي!!
اصبر بث، للجايهو، فردتك ده!
جاييك لي نفاقك ده، عن العبودية!!

عندي سؤال واحد، يا مصطفي،النور
هل قرات رسالة ابراهيم منعم منصور
للبرهان وحميدتي 2020

هل تعرف الدور، الرخيس، والخسيس، للمخابرات المصرية في، السودان
وتصفية الساسة السودانيين
من الصاغ صلاح سالم لدمبلاب
https://dcars.net

يا اخونا مصطفي،
الدنيا عملو لي، فحص دي ان ايه طلعت مصر مش امها
ده ما وقت الكلام ده مع احترامنا
لحبك لمصر من ناحية ثقافية
لان مصر السياسية والاقتصادية. زي، اازفت
مع السودان

عزيزي القارئ:
عشان تعرف خطورة مثل هكذا عفن وعي استرقاق، حايم بيهو المشبوه ده، صاحب هذا الخيط، اعلمو منظومة فلول الخديوي حسن البنا، نعم ناس كرتي، الان الان ساعين يجيبو جيش الدفتردار، نعم جيش ع الناصر، للسودان تاني من أول أو جديد، باسم "فض الاشتباك" ما بين مليشيات دويلة الجلابة، نعم الجنجويد وكتائب البرا!!

نعم ديل هم ذات البدعو لفصل الشمال علنا!!

نعم ناس الممصر سليل الباشبوذغ عمسيب، دعاة "عذبة البيه" أو دويلة النهر!!

اقرو الطراش الفوق ده، انطلاقا من المدخل ده عشان يقع ليكم الحاصل الان الان!

https://sudaneseonline.com/board/515/msg/1724402080.html

الاخوان مصطفى وزهير المصريين فيهم الطيب والخبيث لهذا من المستحيل ان يوصفوا جميعهم باخوة بلادنا وسياساتهم الرسمية خير دليل على ذلك افتحوا الرابط الفوق

Quote: مصر يا أخت بلادي

:

Quote: يا شقيقةْ

:

تحت!

Quote: يا رياضاً

:

Quote: عذبة النبع وريقة

عزيز بشاشا:

لو ملاحظ كقاعدة السوداني ما بقول بغم عن البسوو فيهو احفاد الغزاة، اطلاقا!!!

لاحظ العينات اعلاه، من قنوات مصرية، نعم كلام مصريين!!

نعم مافي سوداني بفتح خشمو بي حرف واحد احد عن واقع امثالو عبر القرون، في ارض اجدادو هو، اي كمت الاضحت مصر!!

ياتري لماذا وهل ده صدفة؟

نعم كبديل لي فراشين الخديوي حسن البنا، جونا بوابين الخديوي ع .الناصر!!

نعم هيمنة مطلقة علي السودان المازال مصري، علي مستوي الوعي!

شئ يموخل بحق!!

في وكت زي ده، شوفو صاحب الخيط ده، بقول في شنو؟

قطعا الجو العام في المنبر، الخط العام هو الخلا هذا المخلوق وبمثل هكذا اريحية، يتغني بالخديوي ع الناصر يسوي "مصر يا ام جمال!!!

عييييييييييييييييييك!!

امنتو بامون!!

هل حصل واحد فيكم ياسودانيين سمع مصري يتغني يسوي:
سودان يا اب الامام المهدي، يا اب النجومي مثلا، ولما لا؟

Quote: قرقرقرقرقرقر!! "العبيد اااااهم"!!!

😂😂
مصطفى كيف حالك ياخ لعلك طيب

العبودية التي، يسوقها، الاعلام المصري، الرخيس
تركز، علي، اللون الاسود، وليس، الوضع الطبقي
عشان كده فلنقايات السودان من مخلفات الرق عندنا في، الشمال اولاد، السرارة وفي، المركز، بتمسحو بي الكريمات ويتقعرو باللغة العربية. ويقشرو بي، بضاعة مصر البايرة الناصرية والاخوانجية
ويرفسو الانصار والختمية والجمهوريين والحركة ال شعبية
انت شوف الزووول، الجاب، الزييت عديل، من 1955
من يحكم مصر، من بعد، فاروق هم سلالات مستعبدة من متختلف، الشعوب،
وهم لا خلقة ولا اخلاق ويهينو النوبة المصريين، والاقباطًوالصعايدة والبدو
شخصهم السيد، علي، الميرغني، وحدد لماذا سلوكهم متدنيً
ما بشبه حضارة وادي، النيل، في، مصر والسودان
https://dcars.net

من المهم أن نؤكد أن جميع البشر، بغض النظر عن لونهم أو عرقهم، هم عبيد لله وحده، ولا ينبغي أن يكون هناك شعور بالدونية بسبب لون البشرة أو الأصل. مفهوم العبودية لله ينفي أي شكل من أشكال التفرقة العنصرية، لأن العظمة تأتي من التقوى والعمل الصالح، وليس من اللون أو النسب.

في الإسلام، المساواة بين البشر أمر أساسي. الرسول محمد (صلى الله عليه وسلم) قال في خطبة الوداع: "يا أيها الناس، ألا إن ربكم واحد وإن أباكم واحد. ألا لا فضل لعربي على عجمي ولا لعجمي على عربي ولا لأحمر على أسود ولا لأسود على أحمر إلا بالتقوى." هذا يعني أن الله سبحانه وتعالى لا ينظر إلى اللون أو العرق بل إلى الأعمال والتقوى.

أما الحديث عن سلوك بعض الشعوب أو الحكومات، فهو موضوع مختلف. يجب أن نركز على العمل والتقدم بدلاً من الانجرار وراء الإساءات والشتائم. الارتقاء بالفكر والتوجه نحو ما هو نافع لنا جميعًا، كأمة واحدة تحت راية الإنسانية والإسلام، هو السبيل الأمثل لتجاوز هذه الخلافات السطحية.

علينا جميعًا أن نعي أن العقلانية والانصراف نحو ما ينفع هو ما يميزنا كأمة تسعى للعدل والمساواة. تركيزنا يجب أن يكون على البناء والعمل المشترك، والابتعاد عن الخلافات العقيمة التي لا تؤدي إلا إلى التفكك والضعف.

من العجائب، وكابلغ دليل كيف حاسوب دماغنا الحالي ده مبرمج، نجد السودانيين بميزو ما بين امثال الخديوي ع.الناصر، والخديوي الدفتردار!!

نعم بنظرو لي ع الناصر ك"مصري"، اما المملوكي محمد علي "باشا" فبنظرو ليهو كاجنبي وهو مؤسس مصر الغزاة، بالنسبة لي اهلو، وهذا مضحك حد النحيب!!

نعم المصري ايا كان، ومن حيث حقائق التاريخ المجردة، يظل اجنبي، يظل وافد، يظل دخيل، ولايهم جانا احنا اهل الارض متين او من وين اطلاقا، اطلاقا!

هكذا احفاد الغزاة، من امثال المملوكي الدفتردار اضحو اشقاء امثال المك نمر!

كيف امكن هذا؟

وعي الاسترقاق!

نعم قرون العبودية!

وكنتيجة اخر الاخبار، انو مخابرات الخديوية هي الفجرت محادثات جنيف، وهم اصلا من اشعلو نار هذه الفتنة والي الثانية!!

ابشع نموذج، مثال، لهكذا وعي استرقاق هو العار، السبة، الرقيع، الوضيع، البرخان بواب، سفرجي السيسي!

دعكم من البرهان:
الي اين لجاءت حفيدة الامام المهدي، البتقول علي ابن محمد علي باشا، وزير خاجية الخديوية، "شقيقي" لاحظ الاكبر بالالف واللام!!

نعم حتي ال المهدي، دي نظرتم لابناء "الترك" لاحظ، دعك من ال الميرغني!!

ياساتر!!

لاحظ عزيزي القارئ، زي كلامنا ده، ممكن يكلفك حياتك، علي ايدي المخابرات الخديوية!!

نعم ممكن عادي يغتالوك غدرا، لمجرد انك قتا زي كلام بشاشا ده، كرد فعل ورصد، لحقائق تاريخ مجردة مثبتة، وانا عارف بقول في شنو عن معرفة من جوا، الجوا!

اذن ماصدفة استهتار، ضحك، استحمار، استغنام، حتي المصري، كفرد، دعك من الدويلة المصرية، للسوداني وعقليتو، الفي نظرم ساذج، غبي، وهذا اعترف كسوداني انو مثبت وحقيقة للاسف!!

يكفي نموذج القصيدة العار اعلاه، بتاعة كيف مصر الغزاة "رياضا عذبة، النبع وريقة" ل"العبيد اااااهم" كما هتفو في ميدان كورة، مش ميدان معركة تحرير حلايب!!

تخيلو عقلية كهذه، ومصر الغزاة هي الحولت السودان الحالي الي اكبرة مزرعة استعباد لي بشر، في تاريخ البشرية كلها، "وفغن" للكتاب والسنة، وبواسطة دولة الخلافة الاسلامية ذات نفسها، لي مسلمين افتراضا!

الما القي القبض عليه من السودانيين ليباع كما اي قطعة اثاث، في زمن التركية ظلا يعمل سخرة حياتو كلها، لمصلحة مصر "الشغيغة"، لتسديد فواتير بناء قناة السويس!!

رسالة من حافظ بشير كبير كهنة آمون إلى الامير الكوشي بشاشا

إلى اميرنا الكوشي في كتاباته الباذخة بنكهة الرمال الذهبية على شواطيء الساحل الغربي وظلال الجبال في كالفورنيا.
لو أنك كنت من سكان اللاماب بحر ابيض ليلة أن غزاها الجنجويد، هل تراك كنت ستكتب كتابة بطعم الإنشيلادا والنبيذ الكالفورني،
أم تراك ستكابس البصات المتجهة إلى القاهرة؟

بالمناسبة يا أميرنا الكوشي رسوم الإقامة في اثيوبيا 500 دولار امريكي شهرياً لأسرة مكونة من 5 افراد.

الاخ الغالى زهير عثمان حمد
تحيه طيبه
احيانا نصمت لان اجوبتنا قد تقتلنا قبل ان تقتل الاخرين
أحسد الأطفال الرضّع، لأنهم يملكون وحدهم حق الصراخ
والقدرة عليه لاننى لا اجيد فن الصراخ فى الاطفال
قبل أن تروضنى الحياه تعملت ان اتجاهل ما لا ينفع من الكلمات والحروف الجوفاء الخاويه التى لاتعنى لى شيئا
عسى ان تعلِّمهم الحياه ان الصمت والسكوت من ذهب
لا تحسبن صمتي
ضعفا فاني لم اجد مايستحق كلامي والرد عليه ماكتبت يعبر عن راى انا مقتنع به وماتكتب انت يخصك انت وحدك
ولتعلموا ان صمتي لغتي فان لم تفهموا صمتي
فلن تتمكنوا من فهم كلامي واختلاف الراى رحمه من الله

Quote: لو أنك كنت من سكان اللاماب بحر ابيض ليلة أن غزاها الجنجويد، هل تراك كنت ستكتب كتابة بطعم الإنشيلادا والنبيذ الكالفورني، أم تراك ستكابس البصات المتجهة إلى القاهرة

شلوم ياحافظ:
اثيوبيا بغض النظر عن ماذا فعلت، تظل اختا بلادي الشغيغة بالغين، ولو لي انا "حبشي" وافتخر، وعمرنا ك"حبش" ما كانت هناك بينا حدود، ويكفي كما حكيت، كيف واحد من اهلي الاثيوبيين، القضيت شبابي معاهم في الخرطوم في السبعينات، راح عابي بنية عشان يفكها فيني لما قتا ليهو انا من السودان لانو ماصدق اطلاقا ما اكون من اثيوبيا!

هل تدري انو جدنا سيدنا بلال "الحبشي" كان من دنقلا؟

بالنسبة لي جنجويدك ياحفيد الزبير، حامل لواء مملكة الجلابة، فاين كان مثل هكذا زعيق، لما جنجويدك كانو ببيدو "الزرقة"؟

لو لي او كنتا في الخرطوم وهذا مستحيل، لما المخابرات الخديوية ولعت الفتنة دي، فكنتا حامشي دنقلا!
يالله!
اتمني اغمت الان وافتح والقي روحي في دنقلا، تقول لي مصر الغزاة؟

يا للعار!!

البودي واحد زي في ظرف زي ده، لاحفاد الغزاة شنو؟

هي ارض اجدادي، او كنتا بمشي هناك سنويا، وادورا معاهم يومي في الشوارع يومي، وهذا في الثمانينات!!

ليه؟

الذاكرة الجينية!

الامير الكوشي نعم "كيمو" ينتمي للاسرة 17 لوتعلم او ده كان اسم واحد من ملوك الاسرة دي "كيمو" استشهد واقف في الميدان في معركة شيكان ذاك الزمان، ضد الهكسوس نعم ناس "هكس" باشا!!

نعم جيناتي من الاسرة 17، نعم سليل "رماة الحدق" ماتنسي في دنقلا، بوابة الفيضان واخر المعاقل!!

تقولي شنو؟

البواب لاعق حذاء مستعبديه صاحب هذا الخيط، جاييك، فاركز!!

هذا فيديو لبلطجية يعتدون علي سوداني امام اطفاله
لو قدرت تكمل الفيديو للاخر فانت زول بتتحمل ...
https://x.com/i3sand/status/1827958152530210897؟t=mNM6wFHi41KQgOl1A1o0Pgands=19https://x.com/i3sand/status/1827958152530210897؟t=mNM6wFHi41KQgOl1A1o0Pgands=19