اجمل خطاب غرامي صادق

09:45 AM August, 23 2024

سودانيز اون لاين
مصطفى نور-امريكا نيوجرسي
مكتبتى
رابط مختصر

*أجمل ﺧﻄﺎﺏ ﻏﺮﺍﻣﻲ ﺣﻘﻴﻘﻲ :*
ﻣﻦ ﺩﺍﺭ ﺍﻟﻮﺛﺎﺋﻖ من عام 1962
ﺍﻟﺸﻤﺎﻟﻴﺔ - ﻣﺮﻛﺰ شندي - ﻗﺮﻳﺔ الشقالوة ...
ﺧﺎﻟﻲ ﺍﻟﺤﺎﺝ ﺍﻟﺨﺪﺭ ﻭﺩ ﺍﻟﻔﻀﻞ
ﻭﻣﻨﻪ إﻟﻰ ﻣﻴﻤﻮﻧﺔ ﻳﺠﺪﻫﻢ ﺑﺨﻴﺮ -
ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ (1962-6-11)
ﺇﻟﻰ ﻣﻴﻤﻮنة ﺑﺖ ﺍﻟﺨﺪﺭ - ﻭﺭﻕ ﺍﻟﺴﺪﺭ ..
ﻋﺎﺷﻘﻚ ﻃﺸﺎ ﻭﻭﺩﺭ .. ﺿﺮﺏ ﺍﻟﺒﻨﺎﺩﺭ
ﻋﺸﺎﻥ ﻳﺠﻴﺐ ﺍﻟﻤﺎﻝ ﻭﻋﺎﺭﻓﻚ ﺭﺍﺟﻴﺎﻫ
ﻋﻠﻰ أﺣﺮ ﻣﻦ ﺍﻟﺠﻤﺮ ..
ﺳﻼﻡ ﻟﻴﻜﻲ ﻭﻟﻠﻨﺎﺱ ﺍﻟﺒﺮﻳﺪﻭﻛﻲ ..
ﻭﺍلبيكچنوﻛﻲ يطيروا ﻓﻲ ﺑﻠﺪ ﺍﻟﻠﻪ ..
ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ ..
أﻣﺎ أﻧﺎ أﻥ ﺳﻌﻠﺘﻲ ﻣﻨﻲ ..
ﻻ ﺗﻨﻘﺼﻨﻲ ﺷﻲ ﺳﻮﻯ ﺭؤياكي ..
ﻣﻦ ﻳﻮﻣﻲ ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ ..
ﺳﺎﻓﺮﺕ أﻧﺎ ﺍﻟﺠﺘﺔ ﻭﻗﻠﻴﺒﻲ ﺧﻠﻴته
ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ ﺍﻟﻤﻌﻠﻖ ﻓﻲ
ﻣﺮﻕ ﺩﺍﻧﻘﺘﻜﻢ .. ﻋﺸﺎﻥ ﻛﻞ ﻣﺎ ﺗﺠﻲ
تختيلك ﺑُﻘﺮﺓ ﻟﺒﻴﻨﺔ ﺗﺰحيه ﺑﺸﻴﺸﻲ
لغادى ﻭﺗﻄﺮﻳﻨﻲ .. ﺗﻠﻮﻟﺢ فيه ﻫﺒﺎﻳﺐ
ﺍﻟﻐﻲ .. ﺳﻴﺪه ﻳﻄﻤﺶ ﺑﺎﻟﺒﻨﺎﺩﺭ
ﻭﺷﺎﻭﻳﺎﻫ ﻧﺎﺭ ﺍﻟﻐﻲ ..
ﺍﻣﺎ ﺑﻌﺪ :
أﻓﻴﺪﻛﻢ أﻧﻲ ﻭﺻﻠﺖ ﺍﻟﺨﺮﺗﻮﻡ ..
ﻭﺭﻛﺒﺖ ﺍﻟﺘﻜﺴﻲ قلتلو ﻭﺩيني
ﺍﻟﺴﺠﺎﻧﺔ ﻋﻠﻲ ﻧﺎﺱ ﺧﺎﻟﻲ ﺍﻟﺒﺸﻴﺮ ..
ﻭﺻﻠﺖ ﺍﻟﺒﻴﺖ ﻟﻘﻴﺖ ﺍﻟﺴﺘﺮﺓ ﻣﺮت
ﺧﺎﻟﻲ .. اﺳﻜﺘﻲ ﻣﺎ ﺑﺘﻘﻮﻟﻲ ﺍﻟﺴﺘﺮﺓ
ﺍﻟﻤﻴﺤﻼﻧﺔ ﺩﻳﻚ .. ﺳﻤﻨﺖ ﻭﺑﻘﺖ
ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﻧﺎﻥ ﺍﻟﻘﺮﺍﺭﻳﺺ ..
ﺍﻟﻘﺮﺍﺭﻳﺺ .. أﻭﻝ ﻣﺎ ﺩﺧﻠﺖ ﺟﺎﺑﻮ
ﻟﻲ ﺻﺤﻦ ﻗﺮﺍﺻﺔ ﺑﻲ ﺩﻣﻌﺔ ﻓﻮﻗﺎ
ﻟﺤﻴﻤﺎﺕ .. ﻭﻧﺎﺱ ﺍﻟﺒﻨﺪﺭ ﻳﺎ ﻣﻴﻤﻮﻧﺔ
ﻛﻞ ﻳﻮﻡ ﺑﻴﻀﺒﺤﻮا .. ﻣﻮ ﻣﺘﻞ ﻧﺎﺱ
ﺑﻠﺪﻧﺎ ﻳﻀﺒﺤﻮا ﻣﻦ ﺍﻟﺴﻮﻕ ﻟﻠﺴﻮﻕ ..
(ﻭﺍﻟﻀﺒﻴﺤﺔ ﻳﺎ ﻋﻨﺰ ﻛﺒﻴﺮﺓ ﻳﺎ ﻋﻨﺎﻕ
ﻟﺪﻏﺎﻧﺔ) .. وشفتي ﻳﺎ ﻣﻴﻤﻮﻧﺔ ﺍﻟﻠﻤﺒﺔ
ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ ﻋﻼ
ﺍﻧﺘﻲ أﺻﺒﺮﻱ ﻟﻲ ﺑﺲ ﺍﻥ ﻣﺎ ﻋﺮﺳﺘﻚ
ﻭﺟﺒﺘﻚ ﺍﻟﺨﺮﺗﻮﻡ ﻭﺳﻮﻳﺖ ﻟﻚ ﺍﻟﺒﻴﺖ
كله لمبات ﻣﺎ ﺗﺪﻳﻨﻲ إﻳﺪﻙ ..
ﺗﻮﻟﻌﻲ ﻭﺗﻄﻔﻲ ﺳﺎﺍﺍﺍﺍﺍﻛﺖ ..
أﻋﺮﻓﻚ إﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ ﺍلأﺩﻳﺘﻴﻨﻲ
ﻟﻴﻬﻮ ﺧﺎتيه ﻓﻲ ﻗﻌﺮ ﺍﻟﺸﻨﻄﺔ ..
ﻛﻞ ﻣﺮﺓ أﻣﺮقه ﻭأﻋﺎينلو ﻭأﻃﺮﺍﻛﻲ ..
ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ
ﻭﻗﺎﻟﻮ ﺧﻼﺱ ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴﺺ ..
ﻭﺑﻌﺪﻳﻦ ﻳﺎ ﻣﻴﻤﻮﻧﺔ ﺑﻌﺪ ﺷﻬﺮﻳﻦ ﻛﺪﻱ ..
ﺭﺳﻠﻲ ﻟﻲ ﻣﻘﺎﺳﻚ .. ﺭﺳﻠﻴﻬﻦ ﻣﻊ
أﻗﺮﺏ ﺯﻭﻝ ﺟﺎﻳﻲ ﻣﻦ ﻃﺮﻓﻜﻢ ..
ﺭﺳﻠﻲ ﺟﻼﺑﻴﺔ ﻣﻦ ﺟﻼﻟﻴﺒﻚ ﻋﺸﺎﻥ
أﻗﻄﻊ ﻟﻚ ﺗﻼﺗﺔ ﺯﻳﻬﺎ ﻟﻠﻌﺮﺱ ..
ﻭﺭﺳﻠﻲ ﻟﻲ ﻓﺮﺩﺓ ﻧﻌﺎﻝ ﻣﻦ ﻧﻌﻼﺗﻚ ..
ﻋﺸﺎﻥ أﺷﺘﺮيلك ﺟﻮﺯﻳﻦ ﻧﻌﻼﺕ ..
ﻭﻓﻲ ﺍﻟﺨﺘﺎﻡ ﺳﻠﻤﻲ ﻟﻲ ﻋﻠﻰ ﺍﻟﻨﺎﺱ
ﻣﻦ ﺟﻢ ..
.............
ﻭﺩ ﻋﻤﺘﻚ ﻭﺧﺘﻴﺒﻚ
ﺳﺮ ﺍﻟﺨﺘﻢ ﻭﺩ ﺍﺑﺸﻮﺭﺓ

منقوول