اليوم أول مرة أسمع الأغنية دي وأقرأها فاسمعوها واقرأوها معي
Quote: مزيكة الحوارى كلمات محمدالمهدى عبدالوهاب مانى غرقان فى التمنى ولانى سارح بالأمانى زارنى خاطراً ... بلّ شوقى .. وإحتوانى النخل إتلاقى .. غنى وردد النيل الأغانى النجوم لامع بريقة الورود النايمة .. فاقت عطرت كل الجزاير بى رحيقة الندى الراقد بفوقــا صفّقت جنحاتو غنت .. لى هواي ********** دقوا مزيكة الحوارى رقصوا البنوت .. أعرضوا النخل زايد فى عرضو .. وفى علاهو.. البيوت غرقت وراهو وبرضو زايد فى علاهو يحكى للدنيا الجميلة سر ثباتو .. وسر بهاهو ***************** ضى عيونك يا بنية يضوى من بلداً بعيدة تحملك لينا الغمامة وتكتمل للروح .. نشيدة وفى الدروب اللّيك تودى بنسرج الخيل العنيدة والحزن من نور عيونك يلبس الفرحة الجديدة **************** وأنا راكب يا مراكب لا الرياح توقف خطايا لا الجبال .. تحجب رؤايا ست شموس الكون منايا ليك مسافر ... ومن كتير الزاد .. مسافر بى غنايـا نوصل الشمس البعيدة نبقى عيدة ... نزرع الحب البيوقد لى النهاية للنهاية للنهاية
Post: #2 Title: Re: مصطفى سيد أحمد جنن الغنا جن دي كانت وين ال� Author: خضر الطيب Date: 08-22-2024, 11:21 AM Parent: #1
والله يا غوث رجعتنا للزمن الجميل السهرة دي كانت بمناسبة فوز فريق الموردة بكاس السودان كانت من إخراج الزميل عصام الصايغ في التمنيات وكتها أنا كنت حي 😁
Post: #4 Title: Re: مصطفى سيد أحمد جنن الغنا جن دي كانت وين ال� Author: Yasir Elsharif Date: 08-22-2024, 11:46 AM Parent: #2
تسلم يا سيدنا الخضر
وشكرا لك
الشريحة التالية سجلت قبل عدة سنوات في برنامج أصوات وأنامل مع أخينا الفنان والشاعر الجمهوري العوض مصطفى ولكنها رفعت من الأخ سيمباتكو مؤخرا في يوتيوب.. القصيدة الأولى من هذه الشريحة عن الغربة التي عانى منها الشاعر الرحيل المر
القصيدة الثانية في رثاء الفنان مصطفى سيد أحمد
Post: #3 Title: Re: مصطفى سيد أحمد جنن الغنا جن دي كانت وين ال� Author: Yasir Elsharif Date: 08-22-2024, 11:28 AM Parent: #1
كاظم عمر قال في الفيس "الأُغنية الحنغنِّيها يوم نرجع بيوتنا 💔💔"
رد عليه عثمان رحمة الله "ِان شاءالله ترجعوا سالمين تامين لامين ويتم تعمير السودان بمارشال عالمي ."
Post: #5 Title: Re: مصطفى سيد أحمد جنن الغنا جن دي كانت وين ال� Author: Yasir Elsharif Date: 08-22-2024, 11:59 AM Parent: #3
وهذه الشريحة أيضا من برنامج أصوات وأنامل.. قصيدة "راجع ليك"
Post: #6 Title: Re: مصطفى سيد أحمد جنن الغنا جن دي كانت وين ال� Author: خضر الطيب Date: 08-24-2024, 11:30 AM Parent: #5
التحية ليك يا غوث و للشاعر المجيد العوض مصطفى ولبرنامج اصوات وانامل