هل يحتاج اردول لجواز تشادي للهرب إلى فرنسا؟

11:57 AM August, 19 2024

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

يا مجاهد .. جوازه السوداني عيبه شنو؟
بإمكانه يقدم بجوازه السوداني للحصول على التأشيرة بالطرق المعروفة
لو على Bank Statement بكون عنده ما يلبي الشرط ده وزيادة
غايتو المرة دي جبتها واسعة شدبد
يمكن ده يكون واحد يشبهه
او مشى إلى هناك بصحبة صديق
المهم أحسن الظن ..

ثم " الجواز التشادي ما عندو أي ميزة لدخول فرنسا.. زمااان لغوا موضوع الحصول على التأشيرة عند الوصول بالنسبة لحاملي جوازات السفر التشادية"
-
المهم .. ركز على التسريبات الصوتية .

السلام عليكم استاذ حيدر
ع ذكر جواز السفر... معليش نكسر شوية دون الاخلال بموضوع و هدف البوست
الان هناك سودانيون حتى الجد العشرومية
ليس لديهم جوازت و لا اوراق ثبوتية
لان الحكومة الحالية رفضت اعطائها لهم
الانتهى جوازه رفضوا التجديد
يعنى اصبحوا بدون.. و معلقين ف الهوا
و منهم المتواجد خارج الوطن
و عندهم اسر و اولاد بالمدارس و
السودانيين محنهم كتيرة
بسبب حكامنا الذين لا يفرقون بين الاختلاف ف الفكر و الرؤية
و لا يعرفوا خطوط حمراء و خضراء
و لا كلنا اخوان ف الوطن.. بس فهمهم دة عاوز يشيلنى من الحكم

اكاد اجزم بان سيدنا و حبيبنا رسولنا الكريم لم يتاذىء من كفار قريش
مثلما تاذىء السودانيون من حكامهم...
الله يهون القاسى
مودتى و تقديرى

تحياتي أخي حيدر وضيوف الا كارم
تعرف الان أغلب قيادات الحركات التي تعمل مع الجيش ليهم جوازات غير سفر سودانية وبعض السياسيين القصة بقت عادي بالقروش يعملوا هويات جديدة
ولكن أين يذهبون من الله