Post: #1
Title: صوروا القصة معسكرين هل انت مع الجيش او مع الجنجويد زى الفى حق وباطل؟ راشد عبدالقادر
Author: Nasr
Date: 08-14-2024, 05:42 PM
05:42 PM August, 14 2024 سودانيز اون لاين
Nasr-Los Angeles
مكتبتى
رابط مختصر
صوروا القصة معسكرين هل انت مع الجيش او مع الجنجويد زى الفى حق وباطل؟
راشد عبدالقادر
14 August, 2024
حاولوا يصوروا القصة معسكرين هل انت مع الجيش او مع الجنجويد زى الفى حق وباطل؟
لا بالله
الموضوع هل انت مع الحرب ولا مع السلام والتحول الديمقراطى
كل القصة انتقال ديمقراطى او لا انتقال ديمقراطى
عملتو انقلاب باوامر اسيادكم لمنع التحول الديمقراطى واتكاتلتو وقت توزيع الغنيمة والارجل منو وسيد الشى منو
ما عندنا بيكم شغلة افجخو بعضكم ان شاء الله تكملوا للاخر ..
فى الاخر ما فى مليشيا بتحكم دولة وما فى جيش فضلت ليه هيبه او قدرة على انقلاب
وسخ يقاتل وسخ وعفن يقاتل فى عفن ومجرمين مع بعضيكم..
كان مع الجيش ولا مع الجنجويد ياكم شى واحد وسوا والاتنين باطل..
الاتنين واحد..
#حرب_التفاهة
#حرب_عبثية
|
Post: #2
Title: Re: صوروا القصة معسكرين هل انت مع الجيش او مع �
Author: Hafiz Bashir
Date: 08-14-2024, 07:22 PM
Parent: #1
منو هم يا نصر الصوروا القصة معسكرين مع الجيش او مع الجنجويد؟
|
Post: #3
Title: Re: صوروا القصة معسكرين هل انت مع الجيش او مع �
Author: Nasr
Date: 08-14-2024, 08:50 PM
Parent: #2
أسأل راشد
أو أقول ليك
خليها بالنية
|
Post: #4
Title: Re: صوروا القصة معسكرين هل انت مع الجيش او مع �
Author: محمد حيدر المشرف
Date: 08-15-2024, 05:53 AM
Parent: #1
الم يأن للشعب السوداني ان يدرك الحقيقة كاملة الٱن ؟
ماذا يريد المرء أكثر من شواهد الحقيقة الماثلة تماما امام ناظريه افلا يعقلون ؟
هذه الحرب لا تخصنا .. لا تخص اجيالنا القادمة .. لا تخص احلامنا بوطن شامخ وطن عاتي . لا تخص ثورتنا الماضية لمٱلاتها في نهاية المطاف
ما بخصنا هو السلام .. هو ايقاف الحرب ...هو منع الجوائز السلطوية عن اطرافها .. تجفيف عمقها الاجتماعي .. نزع شرعيتها .. تقشير (موزها) المسموم بجبريلها ومناويها وتوم هجوها ومبارك فاضلها وكلهم .. كلهم يا الله ..
هذه حرب الغاء ثورة ديسمبر وكانها لم تكن ..
هذه حرب دولة الانقاذ .. بحزب الانقاذ .. باكاذيب الانقاذ .. بطفابيع الانقاذ وكائناتها ذات الرؤوس المربعة البليدة والعيون الناضبة .. بكل المعاني السافلة للانقاذ .. بكل انحطاط الانقاذ .. بكل ما حوت الانقاذ من البذاءة و الفساد الاخلاقي والجريمة المتظمة
بالانقاذ مجراها وللانقاذ مسراها .. مبتداها الانقاذ وخبرها الانقاذ وسيرورتها الانقاذ ..
وأين بلفها الٱن ؟
عند الانقاذ بفضلكم ايها الاغبياء
لمتين الناس تكون مغيبة ذاتيا ؟ .. صم بكم عمي عن الحقيقة ؟
حتفوقو متين قبح الله وجوهكم اجمعين ..
|
Post: #5
Title: Re: صوروا القصة معسكرين هل انت مع الجيش او مع �
Author: محمد حيدر المشرف
Date: 08-15-2024, 05:55 AM
Parent: #4
تحياتي نصر
نقلتها من صفحتي في الفيسبوك
|
Post: #6
Title: Re: صوروا القصة معسكرين هل انت مع الجيش او مع �
Author: Nasr
Date: 08-15-2024, 04:56 PM
Parent: #5
في ناس كانوا مصريين وملحين أنه يغرغروا لينا نظرية المر والأمر منه
النطرية التي تقول أي الجيش كعب لكن الدعم أكعب
الجيش مر لكن الدعم أمر منه ونحن ناخد المر ونخلي الأمر منه
(أظن أن مؤلف النظرية هو ع ع إبراهيم والله أعلم)
لكن إذا كانت المسألة حق وباطل
وأقتنعنا أنه الإثنين باطل
فمافي باطل أحلي شوية من الباطل التاني
هنا التقييم نوعي ولا مجال للمقاربات الكمية
كلهم باطل
نقطة سطر جديد
|
|