كيف الكلام ده ؟

09:01 AM August, 13 2024

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

بحسب تصريح رئيس وفد الحكومة ابو نمو : الوفد الأمريكي جاء بمبدأ (take it or leave it)
في حيثيات رفض الحكومة للمشاركة في “جنيف”
واشنطن تمسكت بوجود وسطاء ومراقبين و مسهلين ترفضهم الحكومة (دولة الإمارات العربية المتحدة)
أكدوا ضرورة تنفيذ مقررات منبر جدة الموقع في مايو 2023، إلّا أنهم فشلوا في توفير أي ضمانات أو آلية أو فترة زمنية للتنفيذ.
رغم أنهم قبلوا بوفد ممثل للحكومة السودانية بدل الوفد العسكري حسب الترتيب السابق، إلّا أنهم أصروا على وفد عسكري بقيادة رفيعة لو قررت الحكومة الذهاب إلى جنيف
(أقبلك هنا في جدة بوفد ممثل للحكومة، وأقبلك هناك في جنيف بوفد عسكري)
-
يا امريكا انتي مجرد "راعي" .. عاوزة تبقي سيد "القطيع" كيف يعني

في إعتقادي أبو نمو أفضل من يقود فريق التفاوض . رأي شخصي
ليس لموقف حركته من الحرب ، وإنما لتمتعه بمهارات التفاوض التي إكتسبها كمنتمي لحركة مسلحة
(عادة ما تقوم الحركات المسلحة في كل مكان بتدريب نخبة من منتسبيها على فن التفاوض)
الوفد الحكومي يتكون فريق ولواء ومقدم من الجيش، (هم من قادوا مفاوضات جدة في كل جولاتها)
يضم الفريق أيضا دبلوماسي هو سفيرنا في الرياض، ثم لواءا من المخابرات، بالإضافة إلى مستشار قانوني من وزارة العدل.

Quote: إلّا أنهم أصروا على وفد عسكري بقيادة رفيعة لو قررت الحكومة الذهاب إلى جنيف

يجيبوهم ليكم من وين ؟
عساكر الجيش ناس ضرب نار بس ..
إذا كان عاوزين كباشي وياسر العطا شخصياً ديل بتاعين تعازي وفاتحات ومراسم تنصيب رؤوساء وملوك

ود الحلمان كيف؟ ما بغطي؟ ولا قريب غطا؟
الجماعة فرحانين بالصفقة والترحيب الحار من الشعب الرواندي بزيارة ود الحلمان، لا كمان ديل قالوا الترحيب الحار من الروانديين إن دلّ على شيء فإنّما يدل أن المعني هو الرئيس الفعلي لما تبقى من سودان.
خلي الأمريكان يلموا ليهو شوية صفاقة في جنيف والأمور بتظبط.

لك التحية
كسرة:
شايفك جليت نهائي باريس، ولا ما فيهو سماح يستحق!

واوو .. دي ما إيدك في رقبتك لازم تمشي. أو كما يقول البقارة إما تشرب وإما نكسر قرنك! يعنى المسالة لوي زراع عدييل. زرة حاج إبراهيم شرق القاش.

--------------------------
والأشاوس زارنهم في أرض الواقع ... نجوس that is what they get

بريمة

هلا تبلدي

Quote: الجماعة فرحانين بالصفقة والترحيب الحار من الشعب الرواندي بزيارة ود الحلمان، لا كمان ديل قالوا الترحيب الحار من الروانديين إن دلّ على شيء فإنّما يدل أن المعني هو الرئيس الفعلي لما تبقى من سودان.

ياخي الكومندان ده استقبلوه بدون علم
" لعدم امتلاكه شرعية تمثيل الدولة ، أو ربما لأن عضوية السودان مجمدة في الاتحاد الافريقي" كما قال مجاهد بشرى

-
نهائي باريس .. شغلني شاغل بس

Quote: دي ما إيدك في رقبتك لازم تمشي

الظاهر ناوين على كده يا مان
شغل حقارة عديييل

البرهان عايز يحرق كرت مناوي علي ابو منو علي ابو المشتركة حيث أن مناوي جلط برهنة بانهم حكومة ومشتركة وفلنقايات ووورجغك، ، فقام برهنة رسلوا ولمن وصل للسعودية بعض الروايات تقول اصلا الوفد الاميريكي ما جلس مع ابو نمو هذا،، وقالوا ليهو جيب لينا رئيسك البرهان، وحاول عمك يحاجج وانا وانا..الاميركان تاني عاادو ليهو للكلام بشكل واضح..ارجع جيب البرهان دا كلامنا take it or leave it
وهذا يفسر غضب مسؤول العمال السابق بشركة الراحجي السيد ابو نمو وزير المعادن الان...

Quote: الاميركان تاني عاادو ليهو للكلام بشكل واضح..ارجع جيب البرهان دا كلامنا take it or leave itوهذا يفسر غضب مسؤول العمال السابق بشركة الراحجي السيد ابو نمو وزير المعادن الان...

ول أبا محمود، الجماعة عصروهم! .. في وجهة نظرك ماذا يتوقع أن يفعل الفلول وفلنقاياتهم؟

أنا غايتو ما شايف لهم أي بصيص أمل إلا يذهبوا .. وإلا الهمام حميدتي يكون حصد كل الميداليات .. ذهبية وفضية وبرونزية.

بريمة

سلام حيدر وضيوفك الكرام

فى تسجيل اليوم بخصوص الموضوع لمحمد لطيف

ياريت تجيبه فى البوست

فيه شرح كافى ووافى

لزنقة الكيزان زى ما قال بريمة

تحياتى

شكرا مهيرة

في انتظار تعليقات بلابسة وبلوباسات المنبر😂 علي م بشري.