كتب هاشم بدرالدين -مسرحية تحرير وتأهيل وإعادة تدمير مستشفى الدايات

01:48 PM August, 11 2024

سودانيز اون لاين
زهير ابو الزهراء-السودان
مكتبتى
رابط مختصر

مسرحية تحرير وتأهيل وإعادة تدمير مستشفى الدايات


زف لنا إعلام دولة بورتسودان خبر ما أسماه تحرير مستشفى الدايات بأمدرمان بعد 15 شهرا من إحتلال الدعامة له. وأطلقت المنصات الإعلامية للدولة الامنية فيديوهات تبين الحالة المزرية التى وصلها المستشفى خلال فترة ال 15 شهر الماضية (والثلاث عقود التى سبقتها). فيديو قناة البلد كان بتاريخ 28 يوليو 2024.
فى يوم الخميس 8 اغسطس 2024 ظهر لنا لفيف من وكلاء البرهان، الوالي ووكيل وزارة الصحة والمدير التنفيذى لمحلية أمدرمان بصحبة نفر من الدايات وإداريي المستشفى لا يزيدون على عشرة أشخاص، محاطون بعشرات الأمنجية بمختلف المسميات (اللجنة العليا للاستنفار، تنظيم المقاومة، الإسناد المدنى، اللجنة العليا للطوارئ).
تمت مراسم الافتتاح بما فيها من خطب ونحر ذبائح وعزف سلاح الموسيقي بادائهم الرائع وزيهم الأحمر المتميز، ووقف شخص فى منتصف العمر يرتدى روب العاملين فى الحقل الصحى يلوح بيديه طربا مع نغمات اللحن الخالد (مبروك عليك الليلة يا نعومة).
تم الحفل البهيج فى فناء المستشفي، ولم نحظى بمشاهدة اى لقطة لعنابر أو غرف عمليات أو مكاتب المستشفى الذى كان الحفل بمناسبة إعادة تأهيله. وحرمنا من مشاهدة آخر معجزات دولة الجبهجية (إعادة تأهيل أحد أكبر المستشفيات فى السودان فى عشرة أيام فقط) ولم يوضحوا لنا ما هو التأهيل الذى يحتفلون به وكيف تم واين هم الفنيون والعمال الذين قاموا به ومن اين جاءوا بالمواد والمعدات بهذه السرعة وفى ظروف الحرب. واين هن النساء الحوامل وغير الحوامل فى المدينة الائي اجتهدت حكومة بورتسودان فى التعجل بتأهيل المستشفي لخدمتهن.
أمدرمان مدينة مهجورة والوصول إلى منطقة مستشفى الدايات لا يتم الا تحت حماية مسلحين.
من خبرتنا المتواضعة فى الحياة شاهدنا ان إفتتاح المستشفيات أهم ما فيه عرض تصميم المستشفى الداخلي وما يحتويه من أجهزة ومعدات طبية وأسرة واثاث ونظافة.
لكن وللأسف بعد يوم واحد من الاحتفال خرج علينا اعلام بورتسودان بقصة قصف الدعم السريع لمستشفى الديات الذى جرت فيه آخر المعجزات، ونشروا لنا صور الخراب والدمار والغبار من ذات الغرف والأماكن التى حرمونا من مشاهدتها بعد إعادة تأهيلها (فى عشرة أيام) وتزويدها باحدث الأجهزة والمعدات.
الدمار الذى صوروه قديم منذ بداية الحرب. وفى سنوات الإنقاذ العجاف انهار النظام الصحى فى البلاد بسبب تقليص الإنفاق على الصحة والتعليم وتخصيص 80% من ميزانية الدولة للأمن و(الدفاع بالنظر) ففى دولة الشريعة الحفاظ على كراسي الحكم مقدم على صحة المواطن وتعليمه ورفاهيته، ومستشفي الدايات لم يكن استثناءا فقد طاله الخراب والدمار، ومع انتشار المشافي الخاصة لم يعد يتردد عليه غير النساء الأشد فقرا من أطراف العاصمة رغم أنه لا يقدم أى خدمات مجانية، ويعمل به بعض صغار الأطباء وأطباء الامتياز بقصد التدريب فى نساء الفقراء. ومن يُصلح مادة للتدريب (حيا وميتا) غير الفقراء.

لو كان للدعم السريع مدفعية بعيدة المدى بهذه الدقة لقصفوا بها المهندسين والسلاح الطبي. ومن اين يقصفوها اصلا ! ولماذا لم يحدد جيش الفلول الجهة التى قصف منها الدعم السربع المستشفى وهو يقول إنه يسيطر على كل امدرمان القديمة.
السؤال الأهم هل الدايات هو المستشفى الوحيد فى امدرمان المتوقف عن العمل! كل المستشفيات متوقفة بما فيها مستشفى امدرمان الرئيسي فلماذا تركوه مهجورا ينعق فيه البوم وذهبوا لتأهيل مستشفى الولادة كما يزعمون ام لأن الغرض هو دعاية سياسية كما قالت أحد المتحدثات فى فيديو أن مستشفى الدايات له قيمة معنوية وسياسية. فمدير المستشفى زعم فى بداية الحرب ان الدعامة هجموا علي المستشفى واحتلوه ليبرر هروبه من مكان عمله وواجبه الإنساني قبل المهني وتركه للنزيلات و المريضات والدايات وحدهن فى المستشفى. وتحولت كذبة المدير إلى مادة يجترها إعلام بورتسودان المأجور.

هاشم بدرالدين
السبت 10/8/2024

سلام ابو الزوز
كل المستشفيات الموجودة في العاصمة المثلثة خارج الخدمة تماما وتم نقل معداتها المهمة الي شندي وعطبرة وربورتسودان وبتم تحويل االحالة من الطبيب الي تلك المشافي خارج الخرطوم
حدوته ضرب مشفي الدايات من قبل الدعامة هناك روايات كثيرة تقول ان من قام به هم كتائب الخراء وكتائب العبط الخاص، والهدف من وراء ذلك ارسال رسالة للبرهان بان لا يذهب الي جدة باعتبار ان الدعامة لسه بدمرو في البنيات التحتية علي اساس انو في بنيات تحتية اساسا
ورسال رسالة ايضا من الدواعش الي المجتمع الدولي بان الدعامة لسة شغاليين قصف في مستشفي الدايات.
طيب ما الجيش قصف مستشفي كتم قسم الولادة والنساء نيام والجيش قصف مشفي نيالا مستشفي بابنوسة ومستشفي شرق النيل؟؟؟ كيزان ملاعيين...

يا محمود تحياتي والله كلامك حقيقة بس من يعي الحاصل

يا محمود تحياتي والله كلامك حقيقة بس من يعي الحاصل

Quote: ونشروا لنا صور الخراب والدمار والغبار من ذات الغرف والأماكن التى حرمونا من مشاهدتها بعد إعادة تأهيلها (فى عشرة أيام) وتزويدها باحدث الأجهزة والمعدات.

Quote: كل المستشفيات الموجودة في العاصمة المثلثة خارج الخدمة تماما وتم نقل معداتها المهمة الي شندي وعطبرة وربورتسودان وبتم تحويل االحالة من الطبيب الي تلك المشافي خارج الخرطوم

يا محمود بالله احترم عقولنا شوية
كلامك دا مجافيا للحق والحقيقة، المعدات لو هزوا التربيزة ساكت بتتكسر وما تنفع ،الجنجويد دخلوا كل المرافق دى والدانات تاخ تراخ
*تجئ تقول شالوا المعدات سالمة وكمان شغلوها فى مستشفيات وعزلت مدن بعينها !

*صحى الجنجويد شالوا معدات المصانع وكان قريبة تكون شغالة فى أفريقيا الوسطى ، بس معدات طبية بعد تدمير المستشفيات دى مستحيل تطلع سالمة
*والمضحك الأخ زهير فى إنحيازه شديد اللهجة ، جاء يؤمن على كلامك🤷‍♀️

* أتمنى مولانا ما يشوف كتابتك دى، عن نقل المعدات الطبية …😀

[B
]يا هدي قيل التعليق الفطير دا أسالي العارفين بالأمور علي الأرض والمشكلة الان في أشياء انتو مصرين أنها ما بقت و هي حقيقة والواقع كمان في مستشفيات نقلت بالكامل الي الشمال
غير محولات الكهرباء حديثة تم تحويلها لمناطق أخري ديل ما سرقوا من العاصمة بس نقلوا الأشياء الي مناطق أهلهم ومصالحهم وما خيانة بل أعمار لتلك المناطق بما لا تملك من خيرات العاصمة

أصحوا من المناصرة العمياء وكونوا واقعيين بالله والتخريب من كلا الجانبين يا السماحة حاصل أنظري بفهم للواقع

أولا يا زهير أبعد من نوع الكلام دا "تعليق فطير" وغيره …
*ما عايزة أمشى معاك فى السكة دى وأقول ليك انت أفضل تعمل لقاءات بتعرف تتكلم أحسن من غرفك دا

*تانى شئ ، وكأنك عايش بين بحرى -أمدرمان!
ما انت بس بتغرف من جهات منحازة واضحة، وتزعل شديد وتصبح ردودك عدائية لو زول قال ليك ثلث الثلاثة كم وتبدأ تنعت نعوت غير موفقة فى حق محاورك من نوع كلام فطير وغيره
*احترم عقولنا لو سمحت، لأنه ما عندنا طريقة نتجاوز بوستاتك التى لا يمكن "هشها" من غزارتها - ما فى طريقة ياهو لازم نفتح عدد منها حتى نقدر نمر نشوف باقى المواضيع فى البورد
*يا ريت تغرف من مواقع مختلفة عشان تعمل توازن

Quote: يا محمود بالله احترم عقولنا شوية

كلامي اصلا موجه للناس العندها عقول وانا غير مسؤول للناس البتداخل وما عندها عقول🤣🤣 اكثر من صديق اتصل بي وقابل اطباء في امدرمان قبل خمسة اشهر مضتت واخبرهم الاطباء بانهم نقلو معداتهم لشندي وعليهم ان يحضرو الي شندي لمواصلة العلاج
اتابع شخص يعاني من امراض الدم من ستة سنوات قبل شهرين الاخصائي المقيم بالخرطوم طلب منه ان يسافر الي عطبرة لان لا توجد معدات طبية وتم نقل بعض هذه المعدات خارج الخرطوم. عشرات الامثلة مبعثرة في منصة اكس لمن اراد
وعندما اقول معدات فانا لا اتحدث تلك التي يبلغ وزنها اطنان لا بل معدات سهلة التفكيك والتركيب وبتجيب فلوس...

يا هدي أفندي
من أسس حسن الخلق أن يتعامل الإنسان بأدب واحترام، دون تعالٍ أو تهديد. لكل شخص طريقته في التعبير عن نفسه،
ولكن يُفضل دائماً استخدام أساليب تهدف إلى البناء والتفاهم بدلاً من التصادم. نحن جميعاً نكن لك الاحترام والتقدير
ونأمل أن تأخذي ذلك بعين الاعتبار وتكوني واعية لما تكتبين.

سلام زهير
هاشم ذكر انه مافي صور للغرف بعد التأهيل
الظاهر لم يطلع على الفيديو الذي عرض هذه الغرف
بحاول ارفع الفيديو

Quote: كلامي اصلا موجه للناس العندها عقول وانا غير مسؤول للناس البتداخل وما عندها عقول🤣🤣 اكثر من صديق اتصل بي وقابل اطباء في امدرمان قبل خمسة اشهر مضتت واخبرهم الاطباء بانهم نقلو معداتهم لشندي وعليهم ان يحضرو الي شندي لمواصلة العلاج اتابع شخص يعاني من امراض الدم من ستة سنوات قبل شهرين الاخصائي المقيم بالخرطوم طلب منه ان يسافر الي عطبرة لان لا توجد معدات طبية وتم نقل بعض هذه المعدات خارج الخرطوم. عشرات الامثلة مبعثرة في منصة اكس لمن اراد وعندما اقول معدات فانا لا اتحدث تلك التي يبلغ وزنها اطنان لا بل معدات سهلة التفكيك والتركيب وبتجيب فلوس...

*انت زعلت يا محمود! (كتبت اسمك عشان ما تجئ تقول لى الكتابة دى موجهة لى)- ايوة موجهة ليك
*أولا عقل اصغر زول فى الشعب السودانى يوزن عقول كل الجنجويد أبو جلحة وكوز المؤتمر الوطنى مستشار الدعم السريع جهات لندن مثالا
لو ما طلبت منك تحترم عقول الشعب السودانى العظيم وترجع تقول انك ما قاصد المستشفيات ، كنت حتمررها عادى
…
طيب انت وصفك دا لعيادات وليست مستشفيات، طبيب أسنان مثلا عادى ممكن يرص عدة العيادة فى شنطته والكرسى فى عربيته أو البص وينزح خارج العاصمة
طبيب عيون يخت اجهزة الكشف فى كيس وينزح،أجهزة قياس الضغط عادى ، وممكن عدد من غير الأطباء تكون عندهم - عشان العندهم ارتفاع ضغط يوزنوا قبل وبعد شراب عصير الكركدى😀
#أجهزة العمليات والمعامل دى ياها راحت فى نص الخراب
#اما البتجيب فلوس دى يكون نشلوها ناس النهب المسلح ، ما عارفة يعملوا بيها شنو😀 التعقيم مهم شديد للأجهزة الطبية !
*كان النزوح إلى مدنى قبل احتلالها واحد من الأطباء النازحين طبيب قلب (ما حا أكتب إسمه عشان ما يلم فيه الكيزان بترول على ذهب يقتلوه) كان المرضى يرسلوا نتائج الفحص ليه فى مدنى حتى من خارج السودان ، طبعا الآن يكون تشرد

*قريبنا طبيب نزح خارج العاصمة، جاءه مريض شاب صغير ووالدته ، بعد الكشف كلمه الطبيب انه يحتاج عملية ، المكان الوحيد وقتها مدنى (قبل الخراب)- لكن تصلوها كيف المشكلة
الأم ردت على الطبيب بنمشى ما عندنا مشكلة - نحن أصلا مع الدعم السريع 😈وقد كان وصلوا مدنى وكمان تواصلوا من مدنى مع ذاك الطبيب "المُشرد" خارج العاصمة لمساعدتهم فى الحجز للعملية !

Quote: يا هدي أفندي من أسس حسن الخلق أن يتعامل الإنسان بأدب واحترام، دون تعالٍ أو تهديد. لكل شخص طريقته في التعبير عن نفسه، ولكن يُفضل دائماً استخدام أساليب تهدف إلى البناء والتفاهم بدلاً من التصادم. نحن جميعاً نكن لك الاحترام والتقدير ونأمل أن تأخذي ذلك بعين الاعتبار وتكوني واعية لما تكتبين.

يا زهير أفندى أنا بتعامل معاك بكل الاحترام والود الممكن وانت الذى بدأت العدائيات ..
*لن اجاريك بنفس لغتك العدائية ، لكن عندى المقدرات لتوصيل القصد مع حفظ حدود الاحترام بيننا.

وين العدائيات كلمة فطير ما هي لشخصك أنت انما للطرح الذي طرحت تفهمي الامر جيد

ولا تعاملي ولا نتعامل كل واحد في حدوده أرجو ذلك
والختام سلام

ا

Quote: انت زعلت يا محمود! (كتبت اسمك عشان ما تجئ تقول لى الكتابة دى موجهة لى)- ايوة موجهة ليك *أولا عقل اصغر زول فى الشعب السودانى يوزن عقول كل الجنجويد أبو جلحة وكوز المؤتمر الوطنى مستشار الدعم السريع جهات لندن مثالا

لا بالعكس انا مندهش فقط اما بقية المداخلة اعلاها ، ابجلحة وكوز ومؤتمر وثني ولندن ..الخ Out Of Context
-لا انا اقصد المستشفيات وليس العيادات الخاصة، ولا حتي المستشفيات الخاصة، يعني مثلا مستشفي الاطباء الذي قصفه الجيش لو ان مالكه قام بشحن المعدات الطبية الي شندي او عطبرة فهذا شيء طبيعي ومفهوم، وكذلك اصحاب العيادات الخاصة سواء كانت اسنان او عيون او اي تخصص اخر ، لكني اتحدث عن نقل وسرقة معدات مستشفيات اخري وسحبها الي مناطق اخري.

هذا فيديو المستشفى بعد اعادة تأهيله
هاشم بدر الدين عليه اعادة النظر في حديثه حول صور الغرف
من الدقيقة 1:23

عندي بوست " تم طبله " بسبب الدانات وتساقط الطائش . المهم .
اول حاجة يازهير . منو هو هاشم بدر الدين ده ؟
انشاء الله يكون بتاع الكراتية داك ؟؟
ثانيا : رغم اني لم اري حفل التدشين بعيني مباشرة . لكن شاهدت ذلك في تلفزيون السودان . ورايت الوالي . احمد عثمان حمزة وهو يتجول داخل المستشفي ووسط العنابر . ومما رايته اجزم ان المستشفي فعلا تم تأهيله ، وبه اجهزة جديدة ( اغلب اجهزة مستشفيات الولادة بتكون اجهزة اشعة واجهزة موجات صوتية ) ، ولاتحتاج لاجهزة متطورة جدا .
وللعلم مستشفي الدايات وقبل الحرب لم يكن ذلك المستشفي المتطور والخطير ." زرته اكثر من مرة قبل الحرب ، ولم يكن يرقي لذلك المستشفي " . معظم الحالات . كانت تكون ولادة طبيعة ، وتعتمد هذه علي القابلات . ام الولادات القيصرية فكانت قليلة ، ورغم ذلك لاتوجد غرف عمليات بذلك المستوي . فالمستشفي ربحي ، ويعتمد علي فترة اقامة الحامل بعد الوضوع . وغالبا لاتاتي الحوامل الا بعد الوصول لمرحلة الولادة تقريبا . وذلك تجنبا لاطالة فترة المكوث ، الذي يترتب عليه دفع اموال اكثر .
( ربما تكون هذه معلومات جديدة للبعض وقد تدهشهم ) . لكن هذا هو الواقع المرير . ليس في مستشفي القابلات وحده . بل في كل المستشفيات .
هذا من ناحية ان المستشفي تم تاهيله . اما من ناحية ان الجنجويد قصفوه . فهم فعلا استهدفوه وقصفوه باكثر من عشرة دانات . ومن ناحية من اين لهم تلك المدافع ذات الدقة العالية .( الامارات مابتقصر ) !! الله يقصر عمرها انشاء الله .
القصف تم براجمة صواريخ . تم تحديد موقعها بعد القصف ، ومن ثم تم تحيدها هي وطاقمها من النوير بالطبع .( اولاد ابوك ، لاتوجد لديهم قدرة او معرفة باستعمال الراجمات او المدفعية الاستراتجية " .

ايضا جاري تأهيل مستشفي امدرمان التعليمي بمبادرة من احد رجال الاعمال الذي تكفل هو واخرين بتأهيلها . كما توجد مستشفيات اخري تعمل في امدرمان بقدرات متواضعة . ورغم ذلك يقوم الجنجويد باستهدافها كل فترة .،،،

.......


هاشم بدر الدين ده لو كان قتل لينا الترابي المقبور . مش كان ريحنا ؟؟

Quote: سلام ابو الزوز كل المستشفيات الموجودة في العاصمة المثلثة خارج الخدمة تماما وتم نقل معداتها المهمة الي شندي وعطبرة وربورتسودان وبتم تحويل االحالة من الطبيب الي تلك المشافي خارج الخرطوم حدوته ضرب مشفي الدايات من قبل الدعامة هناك روايات كثيرة تقول

اهو يا محمود حيدرنا جاب ليك الفيديو كامل و المعدات موجودة
حتعتذر ولا عندك ملاواة و ملاوية تاني؟
مهما حاولتو تذييف الحقيقة تظل واضحة حاول احترم نفسك عشان ما تكون عبرة ذي جنجويدك

Quote: اهو يا محمود حيدرنا جاب ليك الفيديو كامل و المعدات موجودة حتعتذر ولا عندك ملاواة و ملاوية تاني؟ مهما حاولتو تذييف الحقيقة تظل واضحة حاول احترم نفسك عشان ما تكون عبرة ذي جنجويدك

النازييون الفاشيست الذين قصفوا مستشفي النساء قسم الولادة بكتم،، وقصفوا مستشفي نيالا ومستشفي الاطباء بالخرطوم ومستشفي بابنوسة وغيرها عليهم ان يعتذروا اولا لله وللعالم والشعب السوداني بعدين انا مداخلتي ليست مخصصة للدايات بتاع امدرمان، انا بتحدث بشكل عام، يعني مافي شيء بعتذر عنو اصلا، بقية مداخلتك لا تساوي حتي عفطة عنز..

أجيك من الآخر. بسبب حرب الجنجويد دي مات الآلاف من المواطنين ونزح أكثر من 7 مليون مواطن سوداني إلى مصر لوحدها (من دون سفر السنبك) وانت مهتم بسرير مستشفي وجهاز رنين مغناطيسي تم نقله إلى عطبرة !!!! في بشر انتقلوا بالكامل - آلاف المشردين على سبيل المثال: النازحين من سنجة والدندر لاذوا بالفرار الشهر الماضي لكسلا والقضارف وغرقت الملاجئ المؤقتة بالكامل نتيجة للأمطار الكثيفة وتحديدا المأوى في المدرسة الصناعية كسلا والميناء البري القضارف وهم الآن يفترشون السماء، لسع ما تكلمنا عن نازحين الجنينة ونيالا والفاشر وبابنوسة التي كانت آمنة قبل تغول الجنجويد عليها وتشريد بنات عمهم الآمنات..

تم المسح بسبب تكرار نفس المداخلة أكثر من مرة

قـــــــــــــــــــــــــــــدام

يعنى الدعامة محتاجين لى تشويهة سمعة مخير الله !

بالله يا استاذ زهير أين المناصرة العمياء هنا في هذا البوست؟؟؟
المناصرة العمياء واضحة جدا هنا !!!
واحد الجنجو يد بنفسه اعترف انهم بيقصفوا ام درمان بمدافعهم الدقيقة
انطلاقا من الخرطوم بحري التي يحتلونها حتى الآن والدول منها سكانها
وارغموهم على الهروب إلى ام درمان سباحة وغرق منهم من غرق ووصل من وصل ..
والسؤال المنطقي الوحيد الذي قرأته في هذا البوست : لماذا لم يقصف الجنجو يد
وادي سيدنا وهي قاعدة عسكرية بدلا من قصف مستشفى؟وهم باعترافهم يملكون
مدافع حديثة ودقيقة تصيب الهدف من مسافات بعيدة.؟ وهذه المدافع الحديثة وصلت
من الدولة المعروفة ...
ولا ادري كيف يمكن نقل معدات طبية كاملة من العاصمة إلى الأقاليم ونحن بنشوف أنه
الزو ل الواحد براهو اذا عاوز يطلع من العاصمة يعاني كل المعاناة كي يخرج سالما فما بالك
وهو يحمل معدات طبية في شاحنات ...
اما حكاية تدمير البنية التحتية العاصمة فإن الصور والفيديوهات التي نشرتها وسائط اعلام الجنجويد
وهم يتبجحون بأنهم دمروا عاصمة الفلول فإنها تحدث عن نفسها ولا
تحتاج إلى شرح ...
وانا لا ألوم حميدتي أبدا على ما يفعله القادة الميدانيين في الجنجويد لان هؤلاء لا يتأمرون باوامره ولا يمكن
ابدا لحميدتي ان يأمر بتدمير العاصمة لانه حريص على سمعته الطيبة وبالفعل كانت له سمعة طيبة جدا قبل
الحرب اللعينة ولكن دول الشر الأربعة خدعته بمعسول الكلام والأماني المستحيلة طمعا في السيطرة على ثروات
الوطن الطبيعية وفي نفس الوقت حقدا على شعب السودان الطيب الكريم الحليم ..
واتق شر الحليم إذا غضب ...
والله غالب .

اشكرك اخي السر عبدالله علي المشاركة
هنا قضية هامة هي تهريب معدات المستشفيات من العاصمة هذا حدث #
لا أحد منا ينكر ذلك وأيضا استهجان ضرب المستشفيات من طرفي الحرب
دا مضمون الكلام ليس مناصرة لطرف

سلام زهير وضيوفك الكرام

السؤال المهم هو :-

كيف يقوم الوالى بتأهيل مستشفى ولادة

فى منطقة ما زالت غير آمنة أصلاً

وكم كانت ستكون الخسائر فى الأرواح

لو كانت العنابر الجديدة مليانة بالأمهات

والأطفال والمرافقين، دة غير الدكاترة والدايات

فعلاً تمثيلية سياسية سمجة


تحياتى

Quote: * أتمنى مولانا ما يشوف كتابتك دى، عن نقل المعدات الطبية …😀

شوفتو يا هدى وعملت نايم عشان ما داير اخرب علاقتي بالدقم.
عندي سماعة 3M Littmann صديقة عمر وعزيزة على جداً خليتها في نمرة اتنين.
عندي عشم الدقم يتوسط لي عند الجنجويد يخلوني امشي انقلها كمعدات طبية إلى عطبرة.

يا الدقم عارفك ما بتقصر.

يا مولانا يكون قلبك وجعك عديل من نقل عدة المستشفيات للصحارى تمصره فى بِشكِيرْها
*مع الإحترام للقدال فى علائه بتحريف كلماته "خوفى على المطر يمشى على الصحارى تمصره فى بِشكِيرْها"
* زمن الزمن أفضل (قبل الحرب) بعض المستشفيات من شدة انعدام الإمكانيات ، يعقموا معدات العملية ب"الحريق"

#تصحيح واجب كتبت فى مداخلة فوق طبيب القلب ، المعنى الصحيح طبيب "أمراض القلب"

مولانا حافظ
السماعة بتاعتك ،اذا قريب خالص ،بتكون وصلت افريقيا الوسطى او ليبيريا
واحتمال انجمينا ...

Quote: شوفتو يا هدى وعملت نايم عشان ما داير اخرب علاقتي بالدقم. عندي سماعة 3M Littmann صديقة عمر وعزيزة على جداً خليتها في نمرة اتنين. عندي عشم الدقم يتوسط لي عند الجنجويد يخلوني امشي انقلها كمعدات طبية إلى عطبرة. يا الدقم عارفك ما بتقصر.

يا مولانا شوف صاحبك عزت الماهري،، بيكون افضل 🤣

البيسمع كلام الاجهزة والتكنلوجيا السرقوها من مستشفى الدايات يفتكر الدايات دي زي مستشفى كوين شارلوت بلندن.
الدايات اكتسبت شهرة أو سمعة سيئة من زمن المنحطين الاتنين قائد سلاح الطيران الكيزاني والزول الاستراتيجي (اللواء بتاع مخابز الدقيق الثلاثين) القالوا للشباب القتلوهم في القيادة ليه جيتونا في محلنا كنتم تمشوا الدايات(الكلام دا قالوهو في التلفزيون). دا كلام ناس معفنين وسخانين متربين في ماخور الكيزان، والكضباشي عندما طلع من القبو بتاعه اول حاجة قالها ... تصوروا الجنجويد مشوا الدايات ويكرر في كلمة الدايات كأنها brothel.
قالوا اعدنا تأهيل المستشفى ولبسوا البدل وضبحوا التور. الكاميرا بتاعتهم صورت سراير بدون ملايات ومخدات وبدون فواصل بين السراير وفي باب خشبي بترباس يكون من زمن عملوا المستشفى في الخمسينات او الستينات من القرن الماضي. على الحيطة في مكنتين بتاعات تخدير وهم من المفترض يكونوا في غرفة العمليات ويبدو ان لا وجود لغرفة عمليات.
مستشفى الدايات شبيه بمن يحدثك عن عربته المرسيدس وتمشي تشوف المرسيدس تلقاها عربية كارو.
قبل الحرب في واحد ترليونير قالوا تبرع بسرير ولادة فعملوا ضجة اخبارية وجاب مريم بت الصادق المهدي تحضر الافتتاح وتلقي خطاب الافتتاح وتلفزيون السودان ينشر في خبر غرفة الولادة الحديثة التي اظن التكلفة بتاعتها في حدود الفين دولار...
الدعاية الكسبها الترليونير كرجل بر واحسان تساوي اضعاف اضعاف سرير الولادة الجابو.كله شغل كيزان في كيزان

فعلا يامحمود ده حال مستشفي الولادة بامدرمان . ودي الحقيقة المره .

الناس ، والدعامة ، وداعمي المرتزقة ، والناس من غير ساكنيها ، مفتكرين العاصمة دي جنة عدن .
كويس انك قلت بنفسك ، ووصفت حال المستشفي (رغم اني اعتقد ان حديثك فيه نوع من التهكم ) لكن ده الواقع . وانا اؤكد لك ان وضع وحال المستشفيات هنا ، كلها اسؤا مما تتخيل بكثير .

احكي لك قصه حدثت مع جارنا وانا كنت مرافقة قبل يومين بالظبط .
الراجل من دورنا كده وعندو التهاب وحمي وصداع كده ( طبعا اي التهاب هنا سواء كان في الدم ، او في الراس ) . علي طول بوصف لك الدكتور حقن " سامكسون " 😁 . وعادة ماتكون خمسة حقن او اكثر . حسب شدة الالتهاب . المهم كتب للزول خمسه حقن .
اول شى لازم تطلع خارج المستوصف لصيدلة خارجية لشراء الحقن ومستلزماتها " لاتوجد صيدليات داخل المستوصفات او المستشفيات . " !!.
بحكم ان الرجل جاري وكده . اخذت الروشتة ، وخرجت للصيدلية . طبعا كانك بتشتري من دكان او سوبر ماركت . كل شى بسعره . قد تجد مثلا الحقنه الفارغه هنا بسعر ، وتجدها في الصيدلية المقابلة بسعر اخر .
الروشتة مكتوب فيها عدد خمسة حقن + درب بندول. لكن انت لازم تشتريهم من بره وهي كالاتي :

5عبوات دواء " سامكسون" .
5 حقن فارغة
5عبوات محلول ماء مقطر .
عبوة بندول " بالوريد " درب يعني .
وصلة الدرب " Pendulum trail " .
فراشة ( Butterfly needle ) .
...
احضرت " الطلبية " بعد دفع مبلغ مقدر للصيدلية . ثم دفعت للمستوصف قيمة :
تركيب الفراشة 1500 جنية .
اعطاءك الحقنة الواحدة بالفراشة 1000 جنيه .
درب البندول 1500 جنية .
اقامة غرفه مؤقتة ( رغم انها ليست غرفه بالمعني المعروف . انما غرفة صغيرة مقسمة بفواصل او حتي اكون دقيق . مقسمه بستائر قماشية 4 اقسام ، والسرير عبارة عن نقالة ) . تمكث فيها لحين انتهاء الدرب وتغادر فورا . قيمة الاقامة المؤقتة 4000 جنيه .
ده غير مقابلة الطبيب العمومي في البداية 4000 جنيه .

الدرب طبعا ليوم واحد . لكن الحقن مرتين في اليوم صباح ومساء ( طبعا باقي الحقن انا اعطيتها بنفسي للرجل . وكنت احضر اليه صباح ومساء ، اقوم بفتح الفراشة ، بعد خلط الدواء مع الماء المقطر واعطيها له . وذلك بعد ان ركزت مع الممرض في كيفية فتح الفراشة واعطاء الحقنة ) طبعا حقنها يتم بطريقة معينه ، علي دفعات ، تحقن ثم تتوقف لدقيقة ، ثم تضغط مرة اخري ، لحين انتهاء المحلول .( غايتو السودان بقانا دكاترة ) 😁 . وده طبعا احسن ماتدفع يوميا 2000 جنية للممرض الذي يعطيك حقنتين في اليوم الواحد .
.....

شفت كيف يامحمود . ياهو ده السودان ، وده مستوصفاتنا .
مش حرام عليكم تدمروا المستشفيات ؟
* اليوم الثلاثاء ومنذ صباح الرحمن نتعرض لقصف مدفعي مكثف من الاشاوذ " طبعا نحنا كمواطنين بقت مافارقة معانا " تجييك دانة ، تجييك طلقة طائشة . برضو مامشكلة ، والناس ماشة وجاية عادي " حاجز الخوف انتهي وتلاشي من زمان " . بس معظم قصف اليوم كان علي مستشفي " النو " . وهو تقريبا المستشفي الوحيد الذي يستقبل يوميا مئات الحالات ، معظمها اصابات !!

عندنا ايمان كبير . ان ما اخطأك ، ماكان ليصيبك ، وما اصابك ماكان ليخطئك . وماشين نحنا علي كده .

السماء ذات البروج مكتظة ، ولو زادت واحد ولا عشرة مابتفرق كتير .،،،،،

فاشنو . انت. اشتغلوا شغلكم ، ونحنا بنشتغل شغلنا ،،،،،

Quote: شفت كيف يامحمود . ياهو ده السودان ، وده مستوصفاتنا . مش حرام عليكم تدمروا المستشفيات ؟ * اليوم الثلاثاء ومنذ صباح الرحمن نتعرض لقصف مدفعي مكثف من الاشاوذ " طبعا نحنا كمواطنين بقت مافارقة معانا " تجييك دانة ، تجييك طلقة طائشة . برضو مامشكلة ، والناس ماشة وجاية عادي " حاجز الخوف انتهي وتلاشي من زمان " . بس معظم قصف اليوم كان علي مستشفي " النو " . وهو تقريبا المستشفي الوحيد الذي يستقبل يوميا مئات الحالات ، معظمها اصابات !! عندنا ايمان كبير . ان ما اخطأك ، ماكان ليصيبك ، وما اصابك ماكان ليخطئك . وماشين نحنا علي كده . السماء ذات البروج مكتظة ، ولو زادت واحد ولا عشرة مابتفرق كتير .،،،،،ض

سلام مولانا
قصف المشافي والمراكز الطبية مدان، وانا شخصيا محمود دا طالبت او اقترحت وما زلت مقترحا بضرورة ارسال بعثة تحقيق من الجنائية الدولية في التحقق من هكذا جرائم ويبدو ان السيد القائد فريق اولا حمدان دقلو قرا كلامي😂😂 وفي خطابه الاخير الاسبوع دا قال ما عندهم مانع تب من اي تحقيق
من الجنائية الدولية يلا انت مطلوب تقنع لينا قائدكم المصباح ابوزيد حمزة ان يقبل ببثعة تحقيق.
ثانيا- تمنيت عليك تمشي شوية لقدام وتتحدث لينا عن قصف مليشياتكم وكتائبكم لمستشفي كتم قسم النساء والولادة ومستشفي نيالا ومستشفي بابنونسة ومستشفي مليط ومستشفي الاطباء بالخرطوم ومستشفي شرق النيل برضو لاكثر من ثلاث مرات..