لكن الكلام جاب الكلام وغلبنا من سيرتك نقيف : *دكتورة هبة (وزيرة مالية حكومة حمدوك) * وحمدوك
Post: #2 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 04:11 PM Parent: #1
35
Post: #3 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 04:11 PM Parent: #2
Post: #4 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 04:15 PM Parent: #3
الترجمة على الشريط:
Post: #5 Title: Re: ما عندى دخل فى بلاد الآخرين Author: Zein Abdalla Date: 08-08-2024, 05:04 PM Parent: #3
سلام هدى حاولي فهمينا الموضوع شنو في الأول ..يعني تعملي لينا مقدمة. لم افهم العلاقة بتاعة (هبة) برقم 35. حكاية المخابرات المصرية شالت ١٠ مليون دولار كاش من البنك الجنب المطار وادوها لترمب لحملته الانتخابية. هل من المعقول انهم يشيلوا ١٠٠ كيلو دولارات ويشحنوها يودوها امريكا والCIA ما جايبة خبر وترامب يشيلها ويقسم فيها كاش لحملته الانتخابية خارج النظام البنكي. يعني زي عمايل تجار المخدرات. غايتو الكلام دا اذا فيهو أي شيء من الحقيقة فالكلام دا خطر علينا، فما بعيد محمد عثمان الشيطان يشيل شنط الدولارات ويرشي معظم رؤساء العالم المؤثرين. المهم، شنو الهببته (هبة)... اوع تكون شالت ٣٥ مليون دولار. البعرفه عنها انها مش حرامية وطريقة حياتها تختلف عن السودانيين ومتحررة في تفكيرها وممكن تعيش في أي بلد اوروبية مثل اهل البلد.
Post: #6 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 05:33 PM Parent: #5
Quote: سلام هدى حاولي فهمينا الموضوع شنو في الأول ..يعني تعملي لينا مقدمة. لم افهم العلاقة بتاعة (هبة) برقم 35. حكاية المخابرات المصرية شالت ١٠ مليون دولار كاش من البنك الجنب المطار وادوها لترمب لحملته الانتخابية. هل من المعقول انهم يشيلوا ١٠٠ كيلو دولارات ويشحنوها يودوها امريكا والCIA ما جايبة خبر وترامب يشيلها ويقسم فيها كاش لحملته الانتخابية خارج النظام البنكي. يعني زي عمايل تجار المخدرات. غايتو الكلام دا اذا فيهو أي شيء من الحقيقة فالكلام دا خطر علينا، فما بعيد محمد عثمان الشيطان يشيل شنط الدولارات ويرشي معظم رؤساء العالم المؤثرين. المهم، شنو الهببته (هبة)... اوع تكون شالت ٣٥ مليون دولار. البعرفه عنها انها مش حرامية وطريقة حياتها تختلف عن السودانيين ومتحررة في تفكيرها وممكن تعيش في أي بلد اوروبية مثل اهل البلد
سلام دكتور زين ~ *حأعمل بمسألة "كل زول يلعب فى خشم بيته"😀
نمسك الموضوع واحدة واحدة: 35 = 34 + 1 = 35 لكن رئيسكم السابق مرزق ، عملوا ليه حماية يمكن يتخارج من الجريمة رقم 35 ، تبقى مجرد scandal *المهم أنا بس نقلت الكلام بحسب ما جاء فى الواشنطن بوست ، بلادكم دى إلا تمشوا فيها تحت الحيطة *أظنها الاسم الصحيح bribery ما سرقة - والله إعلم *الجماعة من جهات السودان رشواتهم ما دولارات ، رشواتهم ذهب عديل من دم الشعب السودانى - عارفين الشغلانية شديد
……… *هبة محمد على ، اطلاقا ما قلت عليها حرامية ، الحصل انهم لقطوا دولارات (دم الفقراء) من السودان دفعوها لترمب قالوا تعويض 🤷♀️ عشان يرفعوا اسم السودان من قائمة الدول الداعمة للإرهاب ! - بجيب ليك البوست كان فيه نقاش للموضوع دا
Post: #7 Title: Re: ما عندى دخل فى بلاد الآخرين Author: حيدر حسن ميرغني Date: 08-08-2024, 05:58 PM Parent: #6
ريط جميل يا هدى بين الإنبراشتين . أقرع ونزهى (الاثنين) على قول المثل المصري المعنى ( الشخص محدود الإمكانيات الذي ينفق ما لديه حتى يقول الناس أنه كريم)
Post: #8 Title: Re: ما عندى دخل فى بلاد الآخرين Author: Mahjob Abdalla Date: 08-08-2024, 06:23 PM Parent: #7
سلام استاذة هدى, دخلت قبيل و لقيت البوست مشفر, قلت ما تبقى فينى حقت خضر مع سيمون و ترمب. قلت بنتنا هبة برضها تكون شاركت في الاولمبياد و ادت ترمب بالجنبة الفيها الدهب و كدا. المهم الصورة وضحت
Post: #9 Title: Re: ما عندى دخل فى بلاد الآخرين Author: حيدر حسن ميرغني Date: 08-08-2024, 06:32 PM Parent: #8
Quote: قلت بنتنا هبة برضها تكون شاركت في الاولمبياد
محجوب 😂 😂
Post: #10 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 09:35 PM Parent: #9
حيدرنا سلام~
من البوست دا فى صورة - دكتورة هبة ونصر الدين عبد البارى وعمر قمر *نصر الدين ووزير المالية الامريكى جلوس يمضوا *الدفع والتطبيع !
من داخل البوست كان تعقيبى
Quote: تحياتى العزيزة دكتورة نعمات~ أمونة طوالى تقول للجماعات "ناشطين" ، أنا فى نظرى الوزراء والمجموعات الجابوهم وقتها من خارج السودان "معظمهم" ولاءهم للمجتمع الدولى وبنكه وصندوقه. وحأفضل أبدًا زعلانة من التعويضات القلعوها من خشم أطفال الشعب السودانى ، مع ملاحظة إنه المتهمين ما سودانين وناس حمدوك ومنو ومنو ما كلفوا نفسهم يقولوا لا ما بندفع عايزين محكمة عادلة ونجيب محامين ونشرح وجهة نظرنا بالعكس دكتورة هبة قالت استعجلوا لقطوا القروش ، طبعا قبل بتاع المافيا رجل الأعمال ، ريئس الغفلة فترته ما تخلص. 335$ مليون دولار! والقتلة الكيزان قتلوا الشعب السودانى وهربوا أموال السودان فى حساباتهم خارج السودان ، ونحن الشعب المسكين ندفع تعويضات عن نظامهم! وكمان ترمب قال حتى ال 700 مليون إعانة السودان زى باقى الدول أيام الكوفيد، قال يدفعها تعويضات لناس سبتمبر 11، كويس إنها ما شالوها. وهسه القروش محرومين منها بعد قلعوا قروشنا وكان إبتزاز ليس إلا لإنه الإرهابين لسه قاعدين - أمروا الجماعات الولاءها للمجتمع الدولى أدفعوا عشان نشيل إسم البلد الإسمها من قائمة الدول الراعية للإرهاب وما علينا بالإرهابين (دا منطق شنو دا!)- طوالى حمدوك وهبة وغيرهم نفذوا عشان يختوها فى سيرتهم الزاتية "رفعوا السودان من قائمة الدول الراعية للإرهاب😀) …فقيد الأمة جون قرنق قال فيما ما معناه إنت كان ما أديت فرصة ما فى زول بيطلع فى رأسك (كتبتها بتصرف)
Post: #11 Title: Re: ما عندى دخل فى بلاد الآخرين Author: هدى ميرغنى Date: 08-08-2024, 09:42 PM Parent: #10
Quote: سلام استاذة هدى, دخلت قبيل و لقيت البوست مشفر, قلت ما تبقى فينى حقت خضر مع سيمون و ترمب. قلت بنتنا هبة برضها تكون شاركت في الاولمبياد و ادت ترمب بالجنبة الفيها الدهب و كدا. المهم الصورة وضحت
محجوبنا سلام~
*هبة أدتهم بكل السذاجة "وبيع البلد" وتجويع وإفقار الشعب السودانى بالحتة الفيها الذهب والدولارات …