Post: #1
Title: بالمناسبه.. (السودان) من سنوات طويله ما عنده جيش..راشد عبدالقادر
Author: Nasr
Date: 07-28-2024, 05:22 PM
05:22 PM July, 28 2024 سودانيز اون لاين
Nasr-Los Angeles
مكتبتى
رابط مختصر
بالمناسبه.. (السودان) من سنوات طويله ما عنده جيش
راشد عبدالقادر
27 July, 2024
بالمناسبه.. (السودان) من سنوات طويله ما عنده جيش
بس الناس كانت ما جايبه خبر عشان فى دبابير و عربات و سيادتو و سعادتو وشايفين الرتب داخله ومارقه.
الحاصل انه فى مليشيا (حزبية) من الافندية باموال الدوله فككت الجيش القديم و استولت على مكانه.
وكتار من الان بيتباكوا على الجيش (الحزبي) كانوا ساكتين و مشجعين للتدمير التم للمؤسسه دى طوال 30 سنه و ما شايفين فى مشكله..
و الان فى مليشيا قبليه من الاميين وبرضو باموال الدوله وبتأسيس و اشراف كامل من نفس الناس الكسروا و فككوا الجيش الاول.. لكن واضح المليشيا دى عندها فهم خاص بيها و خطط خاصه بقيادتا و اتمسكنت لامن اتمكنت..
الخلاصه لا داك نافع عشان نبكي عليه ولا دا نافع عشان نبكي عليه..
والاتنين ما بينفع يكونوا جزء من مستقبل البلد البيحلموا بيها الناس
الجيش ما رتب و مبانى و كلية حربية و هيكل ادارى
الجيش واجبات و معانى.
حماية البلد و حماية الناس و قبل ذلك حماية نفسو من تحويلو لمليشيا حزبيه و دا كله فشل فيه
مفترض نبكي على البلد كلها..
و نعرف انه الراجينا كتير
الراجينا كتير شديد
|
Post: #2
Title: Re: بالمناسبه.. (السودان) من سنوات طويله ما عند
Author: حيدر حسن ميرغني
Date: 07-28-2024, 05:28 PM
Parent: #1
سلام نصر
|
Post: #3
Title: Re: بالمناسبه.. (السودان) من سنوات طويله ما عند
Author: Nasr
Date: 07-28-2024, 07:13 PM
Parent: #2
مقطع من مقال راشد
Quote: الجيش ما رتب و مبانى و كلية حربية و هيكل ادارى
الجيش واجبات و معانى.
حماية البلد و حماية الناس و قبل ذلك حماية نفسو من تحويلو لمليشيا حزبيه |
|
|