Post: #2
Title: Re: صدقت يا شيخهم ..
Author: حيدر حسن ميرغني
Date: 07-27-2024, 06:01 PM
Parent: #1
جيبوا أولادكم = الإستنفار
|
Post: #3
Title: Re: صدقت يا شيخهم ..
Author: خضر الطيب
Date: 07-27-2024, 06:03 PM
Parent: #1
حيدرنا يا محيرنا
هذا الهالك هو من سن هذه السنة وهو كان سباقاً لهذه المقولة
وهو من حشد الشباب في حرب لا ناقة لهم فيها ولا جمل 🐫
وهذا الكلام قاله بعد الانفصال عندما تم رميه في الزبالة
الحمد لله ربنا خلص السودان من هذا الشيطان
السبب الخلاك تجيب فيديو قديم ذي دا هو كرهك لقوات شعبنا
المسلحة والتي لن تنال منها شعرة .يا ريت تكون منطقي شوية بس
ستظل قوات شعبنا المسلحة هي صمام الأمان لهذا الوطن
|
Post: #4
Title: Re: صدقت يا شيخهم ..
Author: حيدر حسن ميرغني
Date: 07-27-2024, 06:10 PM
Parent: #3
شكرا خضر
يلا اطلب الله وقوم لف كمان
|
Post: #5
Title: Re: صدقت يا شيخهم ..
Author: حيدر حسن ميرغني
Date: 07-27-2024, 06:20 PM
Parent: #4
قلنا زمان نعم الجيش جيش البلد ، لكن لسه بعقيدة كيزانية بحتة بحتة
للان يرتهن قراره لحفنة من شرذمة الاسلاميين ..
|
Post: #6
Title: Re: صدقت يا شيخهم ..
Author: خضر الطيب
Date: 07-27-2024, 06:26 PM
Parent: #5
Quote: شكرا خضر
يلا اطلب الله وقوم لف كمان |
حيدرنا اليومين دي يبدو انو هرموناتك مرتفعة شوية
هسي أنا قلت حاجة؟ ما تتحسس
|
Post: #7
Title: Re: صدقت يا شيخهم ..
Author: محمود الدقم
Date: 07-27-2024, 06:28 PM
Parent: #6
الاسكرين شوت اعلاه من لايف للمعتوه عبدالرحمن ع.ر.ص.ي.ب.
|
Post: #8
Title: Re: صدقت يا شيخهم ..
Author: كمال عباس
Date: 07-27-2024, 06:33 PM
Parent: #3
سلام خضر الطيب كتبت
Quote: السبب الخلاك تجيب فيديو قديم ذي دا هو كرهك لقوات شعبنا
المسلحة والتي لن تنال منها شعرة .يا ريت تكون منطقي شوية بس
ستظل قوات شعبنا المسلحة هي صمام الأمان لهذا الوطن |
مع إنو أنا مع الجيش كمؤسسة وكغبش وشرفاء ومع جيش وطني ومهني واحد وإنهاء وجود كافة المليشيات ..إلا أني أقول إنو الجيش بوضعه الحال مشوه ومخترق ـ قيادته كسيحة وهو فوق هذا مستغل بواسطة الكيزان لتحقيق أجندتهم
ـ والجيش تاريخه في حروب دارفور والجنوب غير مشرف
والجيش إنساق وراء قيادته للإنقلاب وتقويض الثورة
والجيش قد إغلق بوابته وطرد المعتصمين الذين دخلو ثم جلس يتفرج علي المجزرة وتصفية الثوار أمام بواباته مما دفع الثوار لرفع شعار ماتدي قفاك للعسكر العسكر ماب يصونك
والجيش شارك في فظايع دارفور مع الجنجويد والجيش ذهب يقاتل بالوكالة باليمن ـبينما ترابه محتل بواسطة دول أجنبية وسيادته منتهكة
واليوم ينسجب ويترك الأبرياء والعزل فرائس للحنجويد وعجز عن القيام بواجباته في حماية الأرواح والممتلكات
إذا الجيش بهذه الكيفية ليس هو صمام أمان ولهو بحارس مالنا ودمنا
يجب معرفة العلة والخلل ثم العمل لعلاجه بدلا من دفن الرؤوس في الرمال في الرمل وتمجيد الفشل
هذا الإخفاق هو مايدفعنا لمواصلة المناداة بإصلاح الجيش جذريا نهج ـعقيدة
وممارسة وإبعاد مفسديه وكيزانه وقيادته الكسيحة
إصلاح والبناء علي شرفائه لاحله وتسريحه أو إحلال المليشات محله
...
|
Post: #9
Title: Re: صدقت يا شيخهم ..
Author: حيدر حسن ميرغني
Date: 07-27-2024, 06:42 PM
Parent: #8
يا كمال ناس خضر ديل اول حاجة بشوفوا صاحب البوست منو (وليس موضوع البوست) ويجو بالردود الجاهزة حتى لو كان بوست تعزية 
معقول يا خضر كلام الترابي ده ما بصلح للوقت الراهن؟
ياها العقلية التي بتدير الجيش منذ ان ادلجوه قبل اكصر من 30 سنة
البرهان الكان مساعد الياي بتاع جيش الكيزان في محارق دارفور ياهو اليوم اترقى ويقود الجيش
|
Post: #10
Title: Re: صدقت يا شيخهم ..
Author: حيدر حسن ميرغني
Date: 07-27-2024, 10:04 PM
Parent: #9
عيالهم في تركيا وماليزيا وقطر وعاوزين يضحوا بعيال الغلابة
لعنة الله على كل كوز
|
Post: #11
Title: Re: صدقت يا شيخهم ..
Author: خضر الطيب
Date: 07-28-2024, 01:57 AM
Parent: #10
Quote: إذا الجيش بهذه الكيفية ليس هو صمام أمان ولهو بحارس مالنا ودمنا
يجب معرفة العلة والخلل ثم العمل لعلاجه بدلا من دفن الرؤوس في الرمال في الرمل وتمجيد الفشل
هذا الإخفاق هو مايدفعنا لمواصلة المناداة بإصلاح الجيش جذريا نهج ـعقيدة
وممارسة وإبعاد مفسديه وكيزانه وقيادته الكسيحة
إصلاح والبناء علي شرفائه لاحله وتسريحه أو إحلال المليشات محله
... |
مرحب اخونا كمال عباس
اتفق معك تماما بان اغلب قادة الجيش هم من بقايا الكيزان وأدلجة الجيش كانت من أهداف الكيزان
لضمان استمرارهم في الحكم لمدة ثلاثين عاما لكن اعرف عدد من كبار الضباط هم من دفعتي لاعلاقة
لهم بالكيزان و لا ينتمون لاي حزب هم ضباط مهنيين احبوا الجندية و يعملون لصالح الوطن وهم وطنيين حتي النخاع
أنا لما كنت في التلفزيون في السنة الأولي لمجيء هذه الشرزمة هل كنت كوز؟ ابداً فقط كنت مهني وولائي للتلفزيون
كان بسبب حبي لهذه المهنة و معي عدد كبير من الزملاء و الزميلات ليس لنا أي انتماء غير الانتماء لهذا العمل وبعدها
سعينا لإيجاد فرص عمل في نفس المجال خارج السودان وتحقق هدفنا و لله الحمدالبعض لكن البعض منا كانت لديه
أسبابه للبقاء في السودان لظروفه الخاصة كذلك بعض ضباط الجيش وغالبية جنوده كذلك
نحن الآن نواجه عدد من الاعدا لا اعتقد ان الجيش واحد من هولاء الاعدا
عليه تماسك الجبهة الداخلية في هذه المرحلة الحرجة يصبح واجب علي كل فرد حتي لا ينزلق الوطن في منزلقات
يصعب علي الجميع تداركها المرحلة يا عزيزي حرجة حرجة
تحياتي
|
Post: #12
Title: Re: صدقت يا شيخهم ..
Author: حيدر حسن ميرغني
Date: 07-28-2024, 07:26 AM
Parent: #11
العسكري طارق كيجاب موجهاً حديثه للمستنفرين
|
Post: #13
Title: Re: صدقت يا شيخهم ..
Author: خضر الطيب
Date: 07-28-2024, 09:19 AM
Parent: #12
Quote: يا كمال ناس خضر ديل اول حاجة بشوفوا صاحب البوست منو (وليس موضوع البوست) ويجو بالردود الجاهزة حتى لو كان بوست تعزية
معقول يا خضر كلام الترابي ده ما بصلح للوقت الراهن؟
ياها العقلية التي بتدير الجيش منذ ان ادلجوه قبل اكصر من 30 سنة
البرهان الكان مساعد الياي بتاع جيش الكيزان في محارق دارفور ياهو اليوم اترقى ويقود الجيش |
يا حيدرنا يا محيرنا
أنا قاعد أشارك بوستاتك التانية سوا كانت رياضية أم ثقافية لأنو صدرك كان رحب
بعد بقيت مع الجنجا صدرك بقى مارحب والدليل علي ضيق صدرك خلافك مع مولانا الطبي
الغير مبرر الرجل تداخل بصورة سليمة مشيت انت جبتا ليهو مداخلة من بوست قديم وسرحتا
والرجل من حسن اخلاقه اعتذر ليك و عملتا رايح ورميت البوست وفتحت واحد تاني بعيد كل البعد
عن موضوع البوست داك أنا عارف أكل العيش صعب لكن قولي دفعولك كم ؟ ممكن ادخل معاكم في البرنامج
دا لو بتدفعو بالجنيه الإسترليني 😁
|
Post: #14
Title: Re: صدقت يا شيخهم ..
Author: محمد محمد قاضي
Date: 07-28-2024, 12:36 PM
Parent: #1
| Quote: بعد بقيت مع الجنجا صدرك بقى مارحب |
أظن وإعتقد حيدر متوازن ومعتدل في مواقفه ولا نري له تطرف مع أو ضد
Quote: أنا عارف أكل العيش صعب لكن قولي دفعولك كم ؟ ممكن ادخل معاكم في البرنامج
دا لو بتدفعو بالجنيه الإسترليني 😁 |
وهذا مالا يجوز وإن تم تغليفه بوجه ضاحك، بكرة الناس بتاخدها جد جد ويثبتوا هذا الباطل عليه
والله أعلم
لكم تحياتي ومعاكم مولانا الطبي ودام الود.
|
Post: #15
Title: Re: صدقت يا شيخهم ..
Author: حيدر حسن ميرغني
Date: 07-28-2024, 04:29 PM
Parent: #14
-
ود القاضي يا بلديات مشكور
خضر ده فـردة قديم رغم ورجغته دي
|
Post: #16
Title: Re: صدقت يا شيخهم ..
Author: خضر الطيب
Date: 07-28-2024, 05:02 PM
Parent: #15
Quote: وهذا مالا يجوز وإن تم تغليفه بوجه ضاحك، بكرة الناس بتاخدها جد جد ويثبتوا هذا الباطل عليه
والله أعلم
لكم تحياتي ومعاكم مولانا الطبي ودام الود. |
مرحب اخونا محمد قاضي بعودتك للمنبر
أنا علي يقين انو حيدرنا ماليهو علاقة بالجنجا ومواقف حيدر و الشهاده
لله مواقف من سنين طويلة واضحة و جلية ضد اخوان الشيطان وأنا ما محتاج
امشي مكتبتو واجيب الدليل علي هذه المواقف الناصعة
كلنا يا عزيزي بنعيش في ظروف بالغة التعقيد بسبب اخوان الشيطان وشيطانهم
الشرعي الجنجويد اهلنا في السودان هم المنكوين بنيران هولاء القتلة الحرامية
كون الناس تشك في إنسانية حيدر العاوز يشك يشك الناس شكو في الرسول
صلي الله عليهو وسلم
بقولو ما تخلي الناس تشك ولو شكو ما يتأكدو لكن لو اتأكدو بل راسك بس
اها هسي حيدرنا دا ما وصلنا مرحلة التأكيد اهو منتظرين مرحلة بل الراس
وأنا مابسيبو كان بقيت حي 😁
أنا يا قاضي ما بغلف الرسالة بي ضحكة أموري واضحة لكن بكون مستمتع
بالرحلة
تحياتي
|
|