Post: #1
Title: كمالا هاريس و عودة لمتابعة الانتخابات الامريكية
Author: جلالدونا
Date: 07-23-2024, 06:32 PM
06:32 PM July, 23 2024 سودانيز اون لاين
جلالدونا-USA
مكتبتى
رابط مختصر
(adsbygoogle = window.adsbygoogle || []).push({});المرشحة الرسمية للحزب الديموقراطي
|
Post: #2
Title: Re: كمالا هاريس
Author: خضر الطيب
Date: 07-23-2024, 06:42 PM
Parent: #1
سلام حبيبنا جلال
قمة الروعة كمالا هاريس اتمني أنها تفوز و تكون في سدة الحكم
امس اتكلمت بصورة مدهشة ادهشت الحضور
فليذهب ترامب إلى مذبلة التاريخ
|
Post: #3
Title: Re: كمالا هاريس
Author: جلالدونا
Date: 07-23-2024, 06:51 PM
Parent: #1
السيرة الداتية
الميلاد ولاية كاليفورنيا مدينة اوكلاند 1964
الاصول لاتينية هندية افريقيا
خريجة قانون جامعة كاليفورنيا
اول مدعي عام لنفس الولاية
اول امرأة من اصول لاتينية اسيوية تفوز بمقعد مجلس الشيوخ
اول امرأة من اصل افريقي هنجي لاتين تترشح لمنصب نائب الرئيس
|
Post: #4
Title: Re: كمالا هاريس
Author: جلالدونا
Date: 07-23-2024, 06:59 PM
Parent: #3
Quote: قمة الروعة كمالا هاريس اتمني أنها تفوز و تكون في سدة الحكم
امس اتكلمت بصورة مدهشة ادهشت الحضور |
.... ح تفوز ,,,
و علي قول عمّك عمر البشير
حصل انا كضّبت عليكم
|
Post: #6
Title: Re: كمالا هاريس
Author: جلالدونا
Date: 07-23-2024, 08:04 PM
Parent: #5
في اول ظهور لها في ميلووكي ولاية وسكنسون
ثقة كبيرة
شخصية قويةطشّرت عن انيابها
و هبشتو هي ملفي التحرش الجنسي و التهرّب الضريبي
لكن ما يهم انها كشفت عن ميول بسارية في حديثها عن الكبقة الوسطى و الفقر
و الرعاية الصحية وتحسين اوضاع كبار السن
و ده خط بيرني ساندرز الذي يحظى بالاحترام الكبير من الشباب الامريكي
اتوقّع ظهوره مع الدعم الكامل لها
|
Post: #7
Title: Re: كمالا هاريس
Author: جلالدونا
Date: 07-25-2024, 03:56 AM
Parent: #6
في حين انها اشارت الى انها ستضع كل خبراتها القانونية
لمحاكمة ترامب في قضيتي التهرب الضريبي و التحرّش الجنسي
هاجمها مستر فانز نائب الرئيس المرشح بانها لا تلد .. CHILDLESS ...
طليقة زوجها و أم اولاده تطوّعت للدفاع عنها
كتلت ليهم الدش
الافلاس في اسوأ معانيه
اخيرا قال ترامب: I'm not going to be nice
الهبشة حرقتو شديد
و في انتظارو
|
Post: #8
Title: Re: كمالا هاريس
Author: خضر الطيب
Date: 07-25-2024, 06:50 AM
Parent: #7
نعم حبيبنا جلال
هي ذكرت انها كانت مدعي عام وترامب مجرم و متهم ب٣٤ تهمة
من ضمنها تهم جنسية ومتزوج استربتيسا هو بلا شك شخص داعر
وخاسر طالما النحس بريمة المريسة داعم له
تحياتي
|
Post: #9
Title: Re: كمالا هاريس
Author: جلالدونا
Date: 07-27-2024, 01:58 PM
Parent: #8
تعرف يا خدر
عجبني شديد استغلالا لي اجتماعها مع نتنياهو كدعاية انتخابية
كنائبة رئيس المفروض تحضر اجتماعو مع بايدن لكنها لم تفعل
بعد اجتماعها المفروض في التنوير الصحفي يظهرو الاتنين
لكن ظهرت وحدها
و طقطقتو في موضوع غزّة
بالنسبة لي بريمة عادي ممكن تجرجرو المحكمة بتهمة التحريض علي القتل
و ما القتل العادي حق زول كتل زول
التحريض غلى الابادة جماعية
جرائم ضد الانسانية
الاغتصاب
التهجير القسري
خليهو يقرا دي
It is a felony under federal law to intentionally “solicit, command, induce, or otherwise
endeavor to persuade” another person
to engage in a crime of violence
against a person or property. 18 U.S.C. § 373. Many states have similar laws.
\
|
Post: #10
Title: Re: كمالا هاريس
Author: جلالدونا
Date: 08-07-2024, 02:51 AM
Parent: #9
و اليوم اهدت الشعب الامريكي قائدا عصاميا فذا
ابن مزارع من ريف نبراسكا
خدم من سن السابغة عشر في الحرس الوطني و لمدة اربعة و عشرين سنة
اثناء خدمته اكمل تعليمه الجامعي ثم معلما بالمدارس الثانوية
تلاتة وظائف لو ما فلفلوك فيها شديد ماب تشتغل فيها لو كسرت رقبتك
سائق بص المدرسة
سائق شاحنات البترول و قطاع البترول عموما
المعلم
في تقديمها له قالت: يحدث فقط في امريكا
ابن مزارع و ابنة مهاجرة يمثلان الطبقة الوسطى يشقان طريقهما نحو البيت الابيض
ما بين اعلانه بالامس و تقديمه في احتفالية بنسلفينيا
جري استبيان سريع
%71 لا رأي لهم فيه
%19 يؤيدونه
و بعد خطابه اليوم الجميع يتكلّم عنه
بحديثه عن الحلم الامريكي
|
Post: #11
Title: Re: كمالا هاريس
Author: جلالدونا
Date: 08-11-2024, 02:18 AM
Parent: #10
بجانب صراع الرئاسة هناك معركة كسر عظم على المستوى التشريعي نواب / شيوخ
مجلس الشيوخ
الاغلبية الضئيلة للديمقراطيين تغري الجمهوريين بخوض المعركة
اللعب تقيل بالنسبة للديموقراطيين في ولايات حمراء صوتت لترامب و ولايات حمراء صوتت لصالح بايدن في الانتخابات السابقة
و ولايات تاريخيا ديموقراطية فاز الجمهوليون ببعض مقاعدها
الولايات هي
1/ مونانا 2/ تكساس 3/ فلوريدا 4/ اوهايو
المجموعة دي ولايات حمراء بحسب الانتخابات السابقة و يركّز عليها الديموقراطيون للحفاظ على مقاعدهم فيها
1/ ميري لاند 2/ ميتشجان 3/ بنسلفينيا 4/ نيفادا 5/ وسكنسون 6/ اريزونا
و المجموعم دي صوتت لصالح بايدن في الانتخابات السابقة و يخوض الحزب معركة للحفاظ علي مقاعده فيها على اقل تقدير
او زيادة غلته فيها خاصة ولاية ميري لاند
|
Post: #12
Title: Re: كمالا هاريس
Author: جلالدونا
Date: 08-23-2024, 05:43 AM
Parent: #11
و قبل لحظات اجتتمت جلسات المؤتمر الديموقراطي
المؤتمر و بأيامه الاربع لم يكن حدثا يحدث كل اربع سنوات لتسمية الرئيس المحتمل و نائبه
انما كان احتفائية تاريخيةلم تحدث في مسيرة الدلموقراطية الامريكية
فالتسمية كانت لاول امرأة سوداء لعائلة مهاجرة
لامرأة تملك قدرة هائلة على التحديفي خطابها الذي استنر لنحو 35 دقيقة
هبشت كل اطياف المجتمع الامريكي
كبار السن .. الاطفال ... الاسرة ,, المرأة .. الطبقة الوسطى ,,, في التعليم و الصحة و العمل و الانجاب
و اشارت لمجموعة مشاريع التشريعات القانونية التي تحقق ذلك
خارجيا الصين اوكرانيا روسيا و غزّة كانوا حاضرين بقوة بي خطابها
الخطاب في مجمله رؤية متكاملة لاربع سنوات قادمة ان فازت
و ترامب كان حاضرا
و اتهبش في اخطر نقطة
فبعد ان اعلن بعض الجمهوريون عن ندمهم لاخنيار نائبه فانس
تجاوز ترامب الامر في فعاليته و اصبح يتحدث عن نفسه
حتي ظهر فبدو لامرأة في استطلاعات الرأي تتحدث عن ترامب
قالت تلك المرأة جملتها التي اصبحت شعار من شعارات الحملات الانتخابية
He always talks about himself, never talks about America
الشيء الدي اجبر كبار الجمهوريين بمطالبته بترك الحديث عن هارس و نفسه و التحدث حول مشاريعه الانتخابية
شي بالجنبة كده و انجاوات زوجها
اول رجل ابيض يترشح لمنصب ال second gentle man
اول رجل يفوز بالمنصبالان اصبح اول رجل يترشح لمنصب ال first gentle man
فهل يتحقق حلمه في الجنتلة
الا ان اهم اشارة في خطابها بعض رسائل لترامب و عناوين مناظرتها القادمة معه
|
Post: #13
Title: Re: كمالا هاريس
Author: علي عبدالوهاب عثمان
Date: 08-23-2024, 12:17 PM
Parent: #12
الحبيب جلالدونا تحياتي ياجميل
بوست في غاية الروعة
تنوير عن الانتخابات.. صدقني حتى
قنوات الاخبار لم اتباع كما في البوست
ارجوك واصل لأنك عايش التفاصيل
متابعين
|
Post: #14
Title: Re: كمالا هاريس
Author: Mahjob Abdalla
Date: 08-23-2024, 01:38 PM
Parent: #13
| Quote: اول رجل ابيض يترشح لمنصب |
سلام جلال,
اول رجل ابيض و اول رجل يهودى يترشح لمنصب الجنتلمان الثانى و الاول. يعنى ضارب اربع عصافير بحجر واحد.
|
Post: #15
Title: Re: كمالا هاريس
Author: جلالدونا
Date: 08-24-2024, 02:25 AM
Parent: #14
Quote: بوست في غاية الروعة
تنوير عن الانتخابات.. صدقني حتى
قنوات الاخبار لم اتباع كما في البوست
ارجوك واصل لأنك عايش التفاصيل |
تسلم اخونا علي و اعزّ الله مقامك
و ما دام يا هو ده كلامك ... سمح يا سمح
نواصل لي ما بعد الخامس من نوفمبر
خريطة الانتخابات الامريكية تلقاها تحت مع توضيح ليها
و كمكلك هرسلك ترمب تمربكك
|
Post: #16
Title: Re: كمالا هاريس
Author: خضر الطيب
Date: 08-24-2024, 03:42 AM
Parent: #15
Quote: بالنسبة لي بريمة عادي ممكن تجرجرو المحكمة بتهمة التحريض علي القتل
و ما القتل العادي حق زول كتل زول
التحريض غلى الابادة جماعية
جرائم ضد الانسانية
الاغتصاب
التهجير القسري
خليهو يقرا دي
It is a felony under federal law to intentionally “solicit, command, induce, or otherwise
endeavor to persuade” another person
to engage in a crime of violence
against a person or property. 18 U.S.C. § 373. Many states have similar laws.
|
طيب يا جلال الموضوع دا جاهز ما تخلصونا من الطفبوع دا
|
Post: #17
Title: Re: كمالا هاريس
Author: جلالدونا
Date: 08-24-2024, 09:27 PM
Parent: #16
Quote: سلام جلال,
اول رجل ابيض و اول رجل يهودى يترشح لمنصب الجنتلمان الثانى و الاول.
يعنى ضارب اربع عصافير بحجر واحد. |
هلا اخونا محجوب عليك الله شوف كيمان الحظ دي
قام من نومو لقا كوموزين اخونا داك
قام من نومو برضو طلع مستنير
|
Post: #18
Title: Re: كمالا هاريس
Author: جلالدونا
Date: 08-24-2024, 09:32 PM
Parent: #17
| Quote: طيب يا جلال الموضوع دا جاهز ما تخلصونا من الطفبوع دا |
هلا خضر
المعطى الساسي الاول في هذا البلد بيقول
طال ما الجنجويدي رافع جلابيتو خلونا نحلبو لي الاخر
دي سياسة البلد دي و في النهاية راجيهم مصير القاعدة
و تشوف الجىدباى ده خلف القضبان
|
Post: #19
Title: Re: كمالا هاريس
Author: جلالدونا
Date: 08-30-2024, 01:01 AM
Parent: #18
على بعد ساعة من الان و على قناة ال CNN
كمالا هارس ولتز في لقاء هام و يعتبر الانطلاقة الحقيقية الاولي في مسيرتها
عادة هذا النوع من اللقاءات هو هبش كل القضايا طاخليا و خارجيا
اوكرانيا حاضرة
غزّة حاضرة
ملف الهجرة و حماية الحدود حاضر
و الاهم هو جيب المواطن الامريكي أهمّ الحضور
غايتو نحضر و نشوف
|
Post: #20
Title: Re: كمالا هاريس
Author: جلالدونا
Date: 09-07-2024, 03:33 AM
Parent: #19
state of the race
-----
ان تعلن مجموعة من كبار موظفي الجمهوريين الدين عملوا في ادارة
فترة ترامب السابقة تصويتهم لصالح هارس فالامر يعتبر عادي
ثم بعدهم تعلن ليزا ابنة ديك تشيني تصويتها لصالح كمالا هارس برضو الامر عادي
لكن ان يعلن ديك تشيني وزير الدفاع في زمن ادارة بوش الاب ثم نائب الرئيس
لدورتين رئاسيتين في زمن بوش الابن فالامر جد مختلف
و عنوان ازمة بين ترامب و حزبه
بدأها الراحل جون ماكين عضو مجلس الشيوخ عن ولاية اريزونا و الدي اوصى بأن لا يحضر ترامب مراسم جنازته
ترامب الان خرج من المحكمة و عبر تصريح متلفز قال اصلو ما هبشتها
لا اعرف لماذا تطاردني
|
Post: #21
Title: Re: كمالا هاريس
Author: خضر الطيب
Date: 09-10-2024, 10:03 PM
Parent: #20
هذه الليلة كمالا هاريس و المعتوه ترامب
|
Post: #22
Title: Re: كمالا هاريس
Author: جلالدونا
Date: 09-11-2024, 01:47 AM
Parent: #21
يا خضر
المناظرة دي غير في شروطها
مع عدم جضور مشاهدين داخل الاستوديو هنا الشرط الاهم
دقيقتين لاجابة السؤال
دقيقتين للمنافس على الرد
دقيقة للتعقيب
و هنا المحك
القدرة على ادراة التلاتة دقائق
و دقيقتين الرد هو العامل الحاسم في هذه المناظرة
و ح تشوف الكتير من الامتعاض على وجه ترامب
|
Post: #23
Title: Re: كمالا هاريس
Author: جلالدونا
Date: 09-11-2024, 04:03 AM
Parent: #22
في لغة الجسد تفوقت
في الكنتاكت آى
في الحيوية
عكسه الذي دخل في حالة تصنيم غريبة
و في تصنيمه لنفسه
احتمى برئاسته السابقة
الشاهد انها حطمت الصنم
دي خلاصة المناظرة
|
Post: #24
Title: Re: كمالا هاريس
Author: خضر الطيب
Date: 09-11-2024, 04:06 AM
Parent: #23
بالضبط يا جلال تقريبا ترامب بقى بعيد
|
Post: #25
Title: Re: كمالا هاريس
Author: جلالدونا
Date: 09-11-2024, 04:28 AM
Parent: #24
| Quote: بالضبط يا جلال تقريبا ترامب بقى بعيد |
يا خضر
اخر اربعة دقايق وخصصة دقيقتن لكل منهما
هارس تحدثت عن خططها لمستقبل المواطن الامريكي
هو خصصها للهجوم على برنامجها بدلا عن طرح رؤيته
حتى في موضوع افغانستان ما قراهو صاح
افغانستان محاددة لروسيا جنوبا
و اوكرانيا شمالا
تحطيم روسيا بعد تخطيم الاتحاد السوفيتي
خلم امريكي
البليد ما عارف حتى الخطط الاستراتيجية الامريكية هي شنو
المسألة بالنسبة له تلفون بس
|
Post: #26
Title: Re: كمالا هاريس
Author: خضر الطيب
Date: 09-11-2024, 04:36 AM
Parent: #25
كلامك سليم يا جلال
بس هي كمان ما كانت واضحة في موضوع اعمار غزة
هل ستكون على حساب المواطن الامريكي؟
على حسب علمي انو قطر هي من تقوم بالاعمار
للمرة الرابعة لتستعين بهؤلاء الارهابيين و التابعين لهم
لتنفذ اجندتها في الدول العربية
|
Post: #27
Title: Re: كمالا هاريس
Author: جلالدونا
Date: 09-11-2024, 04:57 AM
Parent: #26
يا خضر
الحديث كان عن اليوم التالي في حرب غزة
اليوم التالي ده بعد الهزيمة الساحقة الماحقة لحماس و من يحكم غزة بعد زوال حماس
النبرة الامريكية الان العودة لحل الدولتين
العودة لحل الدولتين استجابة لشغل الشياب الامريكي
الجامعات الامريكية و من اليوم الاول لعودتها للدراسة
دخلت في مظاهرات ضد سياسة اسرائيل و دعم امريكا لها
موجة التغيير تنحدر و ده المسكوت عنه حاليا
لكنها ستكسح و لو بعض حين
|
Post: #28
Title: Re: كمالا هاريس
Author: جلالدونا
Date: 09-20-2024, 02:16 AM
Parent: #27
حولاااااا
مرشح حاكم كالورانيا الشمالية الجمهوري البلاك مارك روبنسون
في تصريحات و تغريدات
العبودية ما سيئة و لازم ترجع
انا اسود نازي
و يعجبوك ناس القوالات
كمية صور و تسجيلات بينو و بين ترامب
مصافحات و ابتسامات و احضان
هسي ترامب طلع عشان يكب الزوغة من تغريدات النازي الاسود
الشغلة الان جرس و اتعلّق في رقبة ترامب
|
Post: #29
Title: Re: كمالا هاريس
Author: جلالدونا
Date: 10-11-2024, 04:52 AM
Parent: #28
كمالا ترتّب اوراقها جيّدا لهزيمة ترامب بدكاء لا قبل له به
في قضية الاجهاض كسب جولتها بعد ان اعلن ترامب لا بد من عقوبات للمجهضات
في موضوع الهجرة خسر المكسيكان الدين اسقطوه في نيفادا و اريزونافي ما يهم غزّة
و ميتشجان ذات ال 16 صوت انتخابي كسبت تماما اصوات الولاية
المتابعون للاخبار
منذ اندلاع حرب غزة و وزير الخارجية يصول و يجول
الان الحرب تتمتدد و شملت لبنان و ايران
هل سمعتم له ذكرا
هاريس الان من تحكم امريكا
مع وعد ان يكون البوست متابعة للانتخابات الامريكية
|
Post: #30
Title: Re: كمالا هاريس
Author: جلالدونا
Date: 10-24-2024, 01:27 AM
Parent: #29
كمالا هاريس
و على بعد اقل من اربعين دقيقة
و على قناة سي ان ان
في خطاب انتخابي موجّه للناخبين المتأرجحين في الولايات المـتأرجحة
و كانت قد ظهرت يوم امس و وصفت ترامب بأنه مشروع هتلر جديد
|
Post: #31
Title: Re: كمالا هاريس
Author: خضر الطيب
Date: 10-24-2024, 06:36 AM
Parent: #30
مرحب جلجل
اتمنى خسارة فادحة لهذا المعتوه ترامب
وطالما بريمة المريسة بدعمو فبلا شك
انتهى منو لانو مافي نحس غير هذا البريمة
يا عزيزي يكفي انو كمالا كانت اول مدعي عام
في ولايتها فالحقير ترامب في امرن ضيق
تحياتي
|
Post: #34
Title: Re: كمالا هاريس
Author: جلالدونا
Date: 10-29-2024, 10:18 PM
Parent: #33
اذا اخذنا الاولايات المتأرجحة باللون الكاكي و هي
ويسكنسون ___ WI ___ 10
بنسلفينيا ___ 19___ PA
متشجان______ 15_____ MI
نورث كارولينا 16 ___NC
جورجيا ______ 16____CA
اريزونا _______11____AZ
نجد ان اصوات هذه الولايات يساوي 93 صوتا
واذا اخذنا الولايات المضمونة للحزبين الازرق و الاحمر باستبعاد الولايات الموصوفة ببتميل الى لالونين الاحمر الفاتح و الازرق الفاتح
للديموقراط 201 صوتا و يحتاجون الى 69 صوتا لحسم المعركة مع ملاحظة ان الحزب فاز بها كلها
بل زاد بالفوز على ولاية ساوث كارولينا و هي من مضمونات الجمهوريين
و للجمهوريين112 صوتا و لو فازوا بكل المتأرجحات دي يعني محتاج يفوزبكل الولايات التي تميل لهم و عدد اصواتها 97 صوتا
ايرتفوا باصواتهم الى الى 209 و يحتاجون الى 61 صوتا للوصول لقم الفوز
الديمقراط عدد اصوات المصمونات مع اصوات اللون الازرق الفاتح يساوي 236 صوتا و يحتاجون الى 34 صوتا للوصول للرقم السحري
المهمة سهلة للحزبين و ذلك اعتمادا على ؤاي الناخب في القضايا المطروحة من الجانبين على ساحة الانتخاب
|
Post: #35
Title: Re: كمالا هاريس
Author: جلالدونا
Date: 10-30-2024, 04:41 AM
Parent: #34
نجي للقضايا المطروحة اما الناخب في الساحة الانتخابية
شأن داخلي و شأن خارجي
في الشأن الخارجي عدة ملفات
الصين
حرب اوكرانيا روسيا
حروب اسرائيل
كوريا الشمالية
و ندرج ديل كلهم الى حساسية الامن العالية عند الناخب الامريكي
____
الصين
____
الظاهر الان ان المواجهة اقنصاديةو الصراع صراع هيمنة علي الاسواق و ميزان تجاري
و واضح جدا ان الصين هي الكاسبة
امريكا اكبر سوق للمنتجات الصينية
ترامب في حملته يشدّد على فرض ضريبة علي الواردات الصينية
وده فيه اهلاك لجيب الناخب
في حين هارس تعمل علي تخفيض الضرائب حتى على مستوى المنتج المحلي
المنظور الان الحرب ظاهرها اقتصادي لكن باطنها عسكري الى حين اوانها
|
Post: #36
Title: Re: كمالا هاريس
Author: جلالدونا
Date: 10-30-2024, 07:33 PM
Parent: #35
Quote: ويسكنسون ___ WI ___ 10
بنسلفينيا ___ 19___ PA
متشجان______ 15_____ MI
نورث كارولينا 16 ___NC
جورجيا ______ 16____CA
اريزونا _______11____ AZ |
سقطت من غير قصد ولاية نيفادا NV بعدد ستة اصوات
و بحسب استطلاعات الرأي لقنا CNN قان هاريس تتفوق علي ترامب بقارق كبير في متشجان بنسبة 48% 43%
في وسكنسون نالت 51% و لترامب 45%
اما مي بنسلفينيا لكل منهما 48%
المحللون الامريكان يعتمدون في تحليلهم على ان الفارق الكبير في الاستطلاع يعني فوز المرشح باصوات الولاية
انها الان علي بعد 9 اصوات للوصول لرقم الفوز 270
|
Post: #37
Title: Re: كمالا هاريس
Author: جلالدونا
Date: 11-01-2024, 10:41 PM
Parent: #36
الاجهاض
تخفيف اعباء المعيشة
غيرا من شكل هذه الانتخابات تماما
لم تعد انتخابات بين حزبين
بل بين نساء و رجال امريكا و السبب الاجهاض كقضية اساس و جيبهم كعامل تفضيلي
نسبة النساء اكثر من الرجال في التصويت المبكر في كل الولايات
مما يشير الى ان السيدة هارس هي صاحبة البيت الابيض لاربع سنوات قادمة
|
Post: #38
Title: Re: كمالا هاريس
Author: هدى ميرغنى
Date: 11-03-2024, 05:27 PM
Parent: #37
|
Post: #39
Title: Re: كمالا هاريس
Author: جلالدونا
Date: 11-03-2024, 08:26 PM
Parent: #38
شكرا الاخت هدى على جلب هذا الفيديو
استدعاء تاريخ و نضالات المرأة ده ما ساكت
ده بيهو اكتملت حلقة تحشيد المرأة ضد ترامب
عشان كده قلت فوق
الانتخابات المرة دي غير
حملتها الانتخابية تعمل بتكتيك التغلغل خاصة مع الشباب المصوتون لاول مرة
امس كان عندها فعالية في اطلانطا جورجيا
و بدأت المخاطبات بالمشاهير كالعادة
ثم صعد اخر متحدث
شافع صغير لا يعرفه غير زملاءه في المدرسة و اولاد حلّتو و اسرتو
قدّم نفسه بأنه طالب ثانوي عالي
و عدّد اسباب تصويته لها ثم ختم
و الان اقدّم لكم رئيستنا القادمة
و التصفيق المدوّي المتواصل
متأكد تماما انو التصفيق ده ما كان ليها
بل ليهو هو
لانها دي علاقة تربوية اساسها التحفيز و تتكرر سنويا في كل مدارس امريكا و مراحلها
هنا التحفيز لكل انداده و الناخبون الجدد للتصويت لصالح كمالا
غايتو لعبوها صاح
|
Post: #40
Title: Re: كمالا هاريس
Author: السر عبدالله
Date: 11-03-2024, 09:46 PM
Parent: #39
غايتو يا جلالدونا اذا ترامب فاز جهزوا شنطتكم عشان تغادروا أمريكا
حتى ولو عندك جنسية أمريكية، الا اذا انت مولود في أمريكا ما بيقدر يطردك .
وسمعته باضاني هذا التصريح منه في التلفزيون :"
قال : في أول يوم لي في المكتب اذا تم انتخابي رئيسا فإن مليون اجنبي من المقيمين
إقامة غير شرعية في الأراضي الأمريكية سيغادرون أمريكا، ،وفي خلال فترة رئاستي
فإنني سوف اطرد ٢٠ مليون اجنبي من المقيمين إقامة غير شرعية وكذلك الآخرين.."
..وطبعا هو قاصد بالآخرين المقيمين إقامة شرعية حتى ولو عندهم جنسيات...
وطبعا الناس بيفتكروا ان العندهم جنسيات أمريكية ترامب ما بيقدر يطردهم ...
لكن هو بيقدر لانه بصفته رئيس عنده السلطة التنفيذية يقلع الجنسية من اي شخص يتهم
بالخيانة العظمى ويعمل شئ ضد مصالح أمريكا..وهو عشان عنصري يمكن أن يتهم اي اجنبي
بهذه التهم...الا اذا انت مولود في أمريكا ما بيقدر يطردك لكن ممكن يسجنك مدى الحياة ..
|
Post: #41
Title: Re: كمالا هاريس
Author: جلالدونا
Date: 11-04-2024, 02:04 AM
Parent: #40
هلا اخونا السر و شاكر تشريفك البوست
البلد دي حقيقة بلد القانون و اي اجراء مخالف للقانون اصفر قاضي في أي ولاية ممكن يوقف هذا الاجراء
الكلام ده حصل في بداية رئاستو السابقة
فعلا اصدر قرار بترحيل كل المقيمين غير الشرعيين بس القرار هبش شريحة منهم
ديل القدموا طلباتهم لادارة الهجرة لتوفيق اوضاعهم
قاضي من مدينة سان فرانسسكوا اصدر قرار بوقف ترحيلهم
قانون الهجرة و الجنسية اتعرض لاول و اخر اضافة تعديلية و كانت قبل ألغاء الرق
و ما يعرف بتعديل الارض و الدم و هو اجراء لتقنين اهلنا البلاك
الارض اي انسان يولد علي الاراضي الامريكية حتى و لو والديه اقامتهم غير قانونية
الدم شخص مولود خارج الاراضي الامريكيةو والديه او احدهما يحمل الجنسية الامريكية
اها ديل يستحيل تنزع عنهم الجنسي
نجي لي حالتي كمثال لا انا لا زوجتي و لا اولادي فينا من هو مولود في الاراضي
لكن داي اوضح دي
نفس الشروط البي موجبها حق الاقامة هي شروط منح الجنسية مع اضافات كده
وهي نفسها البتسقط عنّك الجنسية
تعدد الزوجات
الحزب الشيوعي
المنظمات الارهابية
الكذب في المعلومات دي
اما الاضافات دي جرائم مثبتة في ملفك القضائي
و دي فيها ما يوديك السجن و الى سنين طويلة و بعده الطرد من البلد لا تشفع فيها جنسية او اقامة
ضرب الزوجة و الابناء يمنع الجنسية لكن لا يلغي الاقامة و اذا حصل بعد نيل الجنسية لا يمكن اسقاطها
غير كده حدّو معانا الشروط الاخدنا بيها الاقامة و الجنسية
و دي بيحددها القضاء و ليس هو
شغلو ده زي بياكلو الكلاب بياكلو الكدايس
غير انو افقده شريحة من الناخبين و لو تعامل بعقلانية مع ملف الهجرة لكسبهم و لفاز
|
Post: #42
Title: Re: كمالا هاريس
Author: السر عبدالله
Date: 11-04-2024, 03:46 AM
Parent: #41
شكرا على الرد الوافي والكامل ..
وهو فعلا كان اتخذ مثل هذا القرار في فترة رئاسته السابقة ،ولكنه في تلك
الفترة كان فقط يستهدف المقيمين اقامة غير شرعية وخاصة المكسيكان
والافارقة والعرب والمسلمين ،ولكنه لم يصرح انذاك انه سيطرد مليون اجنبي
في اول يوم له عند جلوسه في المكتب البيضاوي في البيت الابيض ،
ولكنه قال هذا التصريح الان وخلال بدء حملته الانتخابية قبل شهرين،،،
واذا فاز في الانتخابات واصبح رئيس فتاكد يا جلالدونا انه سيبذل كل ما في
وسعه لتنفيذ وعده....
|
Post: #43
Title: Re: كمالا هاريس
Author: جلالدونا
Date: 11-04-2024, 06:35 PM
Parent: #42
نعم قال ذلك لكن ...
البلد دي من ناحية القوانين في تلاتة حاجات
التشريع الاجازة التفويض ... التلاتة ديل بيحكموا العلاقة بين المشرّع و الرئيس
الاجازة دي مشاريع يقدمها الرئيس للكونقرس لا جازتها و العمل بها
اها ده قانون و ده يمكن ألغاهو بأمر تنفيذي
مثال لدلك اوباما كير و الاتفاق النووي الامريكي الايراني تم ألغاءهما في اول خمسة دقايق من ادائه اليمين
برضو في قضية معينة ممكن يتبناها الكونقرس و يرفعها للرئيس للعمل بها
اها هنا الرئيس عندو حق الفيتو و الاعتراض عليها و تلقائيا لا يعمل بها
اديك مثال تاني
السيدة هارس اعلنت عن مشروع امتلاك اسر الطبقة المتوسطة للبيوت بدل الايجار
الاموضوع ده عشان يتم لا بد من اجازته من الكونقرس و عادي ممك الرئيس البعديهو يلغيهو دكن الرجوع للكونقرس
التفويض و ده حالة واحدة اعلان الحرب على دولة
التشريع ده حق دستوري تقرر فيهو جهتان فقط القداء و الجهاز التشريعي
فالزول ده معروفة نواياهو العنصرية تجاه من هو ليس ابيض
ياخي ده ما بعيد يكون عندو راي في اسياد البلد الهنود الحمر
|
Post: #44
Title: Re: كمالا هاريس
Author: جلالدونا
Date: 11-04-2024, 06:47 PM
Parent: #43
ولاية ايوا
فاز بها ترامب في انتخابات 2016 و 2020
فوق ألمحنا الى ان هذه الانتخابات تحولت الى سباق بين الرجل و المرأة
الولاية ... الفاقعة ... الحمار الاناخر استطلاع للرأي يظهر تقدم هارس على ترامب بفارق تلاتة نقاط
للولاية 6 اصوات من المجمع الانتخابي
|
Post: #45
Title: Re: كمالا هاريس
Author: خضر الطيب
Date: 11-05-2024, 02:04 PM
Parent: #44
صباح الخير بتوقيتكم جلال
بالله كفينا شر المعتوه الاسمو بريمة المريسة النحس دا
و منتظر تحليلك المنطقي و الصادق للانتخابات
تحياتي
|
Post: #46
Title: Re: كمالا هاريس
Author: جلالدونا
Date: 11-05-2024, 02:11 PM
Parent: #45
ابواب الاقتراع تم فتحها في بعض الولايات
مفتاح خسارة ترامب و مشكلته الرئيسية خسارة ولايتين من المضمونات
احتمال خسارة ايوا وارد بقوة
|
Post: #47
Title: Re: كمالا هاريس
Author: جلالدونا
Date: 11-05-2024, 03:10 PM
Parent: #46
حضور عامل التقييم الشخصي
في سؤال لاحد الناخبين البيض
لماذا لم تصوّت لصالح ترامب
انه يتصرّف كطفل و بداهة لا يصلح و لا يصح ان يكون رئيسا
|
Post: #48
Title: Re: كمالا هاريس
Author: muntasir
Date: 11-05-2024, 04:41 PM
Parent: #47
| Quote: اول رجل ابيض يترشح لمنصب ال second gentle man |
وكلينتون ياخ لو كان هيلاري فازت 😂
|
Post: #49
Title: Re: كمالا هاريس
Author: جلالدونا
Date: 11-06-2024, 00:18 AM
Parent: #48
هلا منتصر و خدر
كلينتون كان رئيس ياخ ما المفروض يشغل اي منصب تاني
بعدين صاحبك كبرشديد ياخ
بريمة يا خدر راس مالوا بس منة مضمونات الجمهوريين يتقلبن
ظلال القلبة الان تغطي ثراث ولايات
ايوا ساوث داكوتا و ايداهو
|
Post: #50
Title: Re: كمالا هاريس
Author: جلالدونا
Date: 11-06-2024, 00:22 AM
Parent: #49
بدء ظفور النتائج الجزئية
انديانا 11 و كنتكي 8
تقدم للجمهوريين على مستوى الرئاسة و الشيوخ و النواب
الولايتان من مضمونات الجمهوريين
ترامب 19
|
Post: #51
Title: Re: كمالا هاريس
Author: السر عبدالله
Date: 11-06-2024, 00:39 AM
Parent: #50
ستف عفشك يا جلالدونا ...
النتائج الأولية بعد قفل بعض الصناديق تشير إلى تفوق ترامب على هاريس ..
ولكن في امل ...وننتظر لغاية نهاية التصويت...
ولكن الأمل ضعيف بعض الشئ..
|
Post: #52
Title: Re: كمالا هاريس
Author: السر عبدالله
Date: 11-06-2024, 00:41 AM
Parent: #51
والذي سيكسب ولاية بنسلفانيا حيكون عنده امل كبير في الفوز
|
Post: #53
Title: Re: كمالا هاريس
Author: جلالدونا
Date: 11-06-2024, 01:05 AM
Parent: #52
فيرمونت ستيت في جضرة مقام المرأة
نتائج نهائية
كنتكي
هارس .... 3
بريمة .... 8
|
Post: #54
Title: Re: كمالا هاريس
Author: جلالدونا
Date: 11-06-2024, 01:15 AM
Parent: #53
انداينا البتشبه بريمة
هدى ,,, 3
بريمة ... 19
|
Post: #55
Title: Re: كمالا هاريس
Author: جلالدونا
Date: 11-06-2024, 01:36 AM
Parent: #52
وست فرجينا تحت كرعين بريمة
هدى...... 3
بريمة ... 23
|
Post: #56
Title: Re: كمالا هاريس
Author: جلالدونا
Date: 11-06-2024, 01:43 AM
Parent: #55
في نورث كالورانيا
هدى سايقة بريمة باللجام
16 صوت
انا بجيب البرسيم ليهو
|
Post: #57
Title: Re: كمالا هاريس
Author: هدى ميرغنى
Date: 11-06-2024, 01:43 AM
Parent: #55
Quote:
Progressive Icon Bernie Sanders Wins Re-Election in Vermont
|
|
Post: #59
Title: Re: كمالا هاريس
Author: جلالدونا
Date: 11-06-2024, 01:52 AM
Parent: #57
ده من الرموز المضمونة يا ريت تتعلموا منه
يا هدى
مع انه يهودي ارجعي لي مواقفو تجاه نتن ياهو
النيو ليبرانQuote: | Quote: Progressive Icon Bernie Sanders Wins Re-Election in Vermont |
|
|
Post: #60
Title: Re: كمالا هاريس
Author: السر عبدالله
Date: 11-06-2024, 01:52 AM
Parent: #57
على حسب المؤشرات الأولية خلاص قنعنا من خيرا فيها ..وول ابا بريمة سيكسب ...وكمان ما معقولة ول ابا بريمة يخسر في السودان ويخسر في أمريكا .
ونقول لي ول ابا بريمة مبروك ..ويا جلالدونا ستف عفشك ......وممكن تحضر الكريسماس..لانه ترامب ما حيدخل مكتبه في البيت الأبيض الا يوم ٢٠ يناير القادم
..ولاحظ ان ول ابا بريمة عنده سبحتين
|
Post: #58
Title: Re: كمالا هاريس
Author: Biraima M Adam
Date: 11-06-2024, 01:47 AM
Parent: #55
ول أبا السر
| Quote: والذي سيكسب ولاية بنسلفانيا حيكون عنده امل كبير في الفوز |
3 ولايات وهى "إسونغ" أنتهى التصويت وبدأ الفرز:
ولاية بنسلفانيا
ولاية جورجيا
ولاية كارولينا الشمالية
ال exit polls لا تعطى أي مؤشرات لأي شيئ .. متخانقين تماماً ... dead heat
ماسكين الخشب والسبحة مدورة .. أنا عندي سبحتين ..
بريمة
|
Post: #61
Title: Re: كمالا هاريس
Author: هدى ميرغنى
Date: 11-06-2024, 02:00 AM
Parent: #58
Quote: ده من الرموز المضمونة يا ريت تتعلموا منه
يا هدى
مع انه يهودي ارجعي لي مواقفو تجاه نتن ياهو
النيو ليبران |
جلالدونا - أعيد ليك تانى - فكر قبل ما ترد على ، مش كلمتك فهمى يوزن أكثر من 74 مليون من الجماعة
*مالك ما شفت البوست خاصتى بأسم بيرنى ساندرس
|
Post: #62
Title: Re: كمالا هاريس
Author: جلالدونا
Date: 11-06-2024, 02:03 AM
Parent: #58
احونا السر
ياخي ليك مداخلتين و اهو هنا برد ليك
بريمة قاعد فوق بقل
وترامبو قاعد فوق صفيحة مولعة نار
خدمة لي هدي نحننو
ندى القلعة نمفع معاك يا بريمة ولّ نجيب ماما اميرة
|
Post: #63
Title: Re: كمالا هاريس
Author: جلالدونا
Date: 11-06-2024, 02:10 AM
Parent: #62
الانى
هدي .... 27
بريمة ,, 90
هدى و السر بجيكم بعد انتصار هدي
|
Post: #64
Title: Re: كمالا هاريس
Author: هدى ميرغنى
Date: 11-06-2024, 06:30 AM
Parent: #63
Quote:
.... ح تفوز ,,,
و علي قول عمّك عمر البشير
حصل انا كضّبت عليكم |
هههههها
#كان كتبت ليك فى بوست سابق جدا -حأكلمك بعد النتيجة
#بدرى على بلدكم دى شديد، إنتوا فاكرين نفسكم أوروبا ولا نيوزيلاند
Hard luck
#خلوا روحكم رياضية
|
Post: #65
Title: Re: كمالا هاريس
Author: Biraima M Adam
Date: 11-06-2024, 08:54 AM
Parent: #64
المرآة كن فاس ما بتسكر راس
أنتهى الأمر الذي فيه تستفتيان! العبار بريمة فاز ..
بريمة
|
|