Post: #1
Title: بخيتة أمين تنتقد السودانيات في مصر و تكتب .. ” وفي كعابيش يتدخنن”
Author: زهير ابو الزهراء
Date: 07-19-2024, 11:42 AM
11:42 AM July, 19 2024 سودانيز اون لاين
زهير ابو الزهراء-السودان
مكتبتى
رابط مختصر
خيوط الحزن تلتف حول عنقي ، ورنين هاتفي لا يتوقف ، وسلاسل الرجاءات (عليك الله اكتبي وما توقفي) والحاصل شنو ؟
نقلوا لي ..
في شارع جدة يرتدون الملابس الخليعه والشفافه وشباشب السفنجة..
وفي المروة وعند محلات بيع السمك يتعالي صوت الطلبات دون اعتبار لمن سبقوا وقوفا في صف الانتظار (ومعاها عبارات عاوزين دكوه جامدة) ..
و في شارع شهاب (الشحدة وروشتات الأدوية الكذوبة ..
وفي شارع جدة بينما صبي في العاشرة من عمره وامام محلات البطاطش يهم بشراء حاجته إذ باخرين (يلفحون) ما بيده ، لكن كاميرات المراقبة فضحت السارق وهو من (عندياتنا
ده كلو هين ..
والقصة الأليمة التي يتداولها الناس عنا .. وبكل الأسف العميق ان حيا يطلق عليه (كعابيش) يقع في قلب مدينة الفيصل، حيث الأسر السودانية بما يفوق التعداد، تفتحت عبقرية ساذجة لفتح دكان لبيع الدخان للنساء، والدخان يغطي سماء الحي والشارع المكتظ بالناس والسكان والدكاكين ونساء السودان (بالصف)، والساعة بما يعادل (١٢٠ جنيه مصري) .
نحن في السودان نعشق الدخان ونمارسه في زقاق خلف البيت، او داخل حجرة او ركن قصي، لأنه أمر أنثوي ، ولما اشتد عدم احترامنا غربتنا، وعدم إحساسنا بمرارة الانكسار و ذله الغربة، وانكسار خاطرنا ، هل يعقل ان نتناسي مرارة المحنة و(الرماد في خشومنا) ، ونفكر في الدخان وكمان في الشارع ؟
نحن أمة مسلوبة الوطن ، منزوعه الرأي .. نحن أمة سودانية مهما قست علينا الحرب لن نهيل التراب علي تقاليدنا وأعرافنا ، بسبب غياب بصيرة بعض من رجالناوهم يرون الذي تمارسه بعض من أسرنا في غربة (بايخة) ..
نحن بلد يمتلك أفضل اخلاق وسيرة سمحة وسمعو باذخة وبيوت وحيشان ورجال ونساء واسماءنا مدونة علي قمر اربعطاشر) ..
أيها الرجال
أيها الإخوان
أيتها الأمهات
ايتها الاخوات العارفات
أرجو ان نقرا حروف (جرة قلم) هذه حتي لا ينفلت منا الزمام
ونريد العوده لبلادنا لتزدهي بنا جدايل التاريخ وتشتعل الأساطير بصمودنا وعزمنا وسماحة مسلكنا ، ونعود لأرض الجمال وعقود السوميت ومسابح الكهرمان ونفرح بالسودان ونلتقي الأحبة والجيران) .
|
Post: #2
Title: Re: بخيتة أمين تنتقد السودانيات في مصر و تكتب
Author: muntasir
Date: 07-19-2024, 04:12 PM
Parent: #1
السودان ناس تهرب من مدينة باحثة عن الأمان وتضطر الي الهرب منها مرة أخرى ويتركون معاقهم ومريضهم وتفر الأسرة ويهرب المرء من أبيه وصاحبته وأخيه والجنجا يدفنون المساليت أحياء يقتلون الأبرياء في بقاع السودان كلها وجيش يذبح أسراه وجنجويد يفعلون المثل ودماء تسيل لا اخلاق لا شرف وبعض الناس يرون الشرف في دخان النساء
|
Post: #3
Title: Re: بخيتة أمين تنتقد السودانيات في مصر و تكتب
Author: muntasir
Date: 07-19-2024, 06:05 PM
Parent: #1
|
Post: #4
Title: Re: بخيتة أمين تنتقد السودانيات في مصر و تكتب
Author: حيدر حسن ميرغني
Date: 07-19-2024, 06:51 PM
Parent: #3
مسحتها مالك يا خلبوص
|
Post: #5
Title: Re: بخيتة أمين تنتقد السودانيات في مصر و تكتب
Author: muntasir
Date: 07-19-2024, 06:54 PM
Parent: #4
مكرر يا جنجالانكي 😂
|
Post: #6
Title: Re: بخيتة أمين تنتقد السودانيات في مصر و تكتب
Author: حيدر حسن ميرغني
Date: 07-19-2024, 06:59 PM
Parent: #5
الاولى
| Quote: 07-19-2024, 04:12 PM |
الثانية
Quote: 07-19-2024, 06:05 PM
|
😂
|
Post: #7
Title: Re: بخيتة أمين تنتقد السودانيات في مصر و تكتب
Author: خضر الطيب
Date: 07-19-2024, 07:23 PM
Parent: #6
Quote: الاولى
Quote: 07-19-2024, 04:12 PM
الثانية
Quote: 07-19-2024, 06:05 PM
|
انت مالك و مالو هو حر يعمل العاوزو
مشكلتك إنتا يا جنجالانكي 😁
انت من اول امس شايف البوست و عامل رايح
جاييكم أنا الأسبوع الجاي ابقو مارقين بس
|
Post: #8
Title: Re: بخيتة أمين تنتقد السودانيات في مصر و تكتب
Author: حيدر حسن ميرغني
Date: 07-19-2024, 07:32 PM
Parent: #7
جيت يالمبروك ! 
Quote: انت من اول امس شايف البوست و عامل رايح
|
ياتو بوست ؟ إسمي ورد فيه ؟
Quote: انت من اول امس شايف البوست و عامل رايح
|
المانع شنو انا حر واعمل العاوزو مثل ما قلت :
Quote: انت مالك و مالو هو حر يعمل العاوزو
|
|
Post: #9
Title: Re: بخيتة أمين تنتقد السودانيات في مصر و تكتب
Author: muntasir
Date: 07-19-2024, 09:20 PM
Parent: #8
انا عارف انه مخ الجنجا (يأتي في قطار الثامنة) 😂 أنا برسل من التلفون فلو عملت ريفرش بيعيد إرسال المشاركة شرك أم زريدو قول آمين
|
Post: #10
Title: Re: بخيتة أمين تنتقد السودانيات في مصر و تكتب
Author: محمود الدقم
Date: 07-19-2024, 11:25 PM
Parent: #9
تشكر بخيتة علي كلامها او مقالها والمتعارف عليه ان هذه السلوكيات السلبية ناتجة من ويلات الحرب، لاسيما وان الكثير من الاسر السودانية اصلا لم يسبق لها السفر خارج السودان، لكن مثل هذه الظواهر الواردة في المقال لا تعتبر دليل فلتان داخل اروقة الجالية السودانية بمصر او القاهرة
الا عند اخضاعها للدارسة من قبل باحثات وباحثين متخصصات ومتخصيين في علم الاجتماع وعلم النفس والتربية وهذه امور ليست كبيرة او معقدة فمصر فيها مئات الالاف من السودانيات و السودانيين الشباب يمكنهم تاسيس مراكز بحث متخصصة لدارسة مثل هكذا ظواهر اجتماعية ومن ثم
نشرها بشكل علمي والتطرق لسبل معالجتها لانها اصبحت ظاهرة اجتماعية من وجهة نظر هؤلاء البحاثة. غير كدا فانا اقرا هذا المقال واعتبره راي يخص صاحبه ومجرد انطباعات عابرة..
|
Post: #11
Title: Re: بخيتة أمين تنتقد السودانيات في مصر و تكتب
Author: هدى ميرغنى
Date: 07-22-2024, 06:19 PM
Parent: #10
| Quote: السودان ناس تهرب من مدينة باحثة عن الأمان وتضطر الي الهرب منها مرة أخرى ويتركون معاقهم ومريضهم وتفر الأسرة ويهرب المرء من أبيه وصاحبته وأخيه والجنجا يدفنون المساليت أحياء يقتلون الأبرياء في بقاع السودان كلها وجيش يذبح أسراه وجنجويد يفعلون المثل ودماء تسيل لا اخلاق لا شرف وبعض الناس يرون الشرف في دخان النساء |
تحياتى منتصر~
فى التسعينات -و المخلوع عمر البشير يتحسس خطواته فى زيادة الدمار الشامل
كان فى لقاء معاه فى مجلة (ما سودانية)
كيف تدعوا محاربة الفساد والفساد فى ازدياد؟
طوالى فهمها زى قصة بخيتة أمين دى وغيرها وغيره
كانت إجابته:
*البنات الشايفنهم فى الشارع ، لإنه مدارس البنات كثرت
*جد جد قال كدا
|
Post: #12
Title: Re: بخيتة أمين تنتقد السودانيات في مصر و تكتب
Author: حيدر حسن ميرغني
Date: 07-22-2024, 09:11 PM
Parent: #11
-
دندون لأي بخيتة أمين
|
|