Post: #2 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-15-2024, 10:37 PM Parent: #1
يُرجى التأكد من مصداقيته من قبل اهل الخبرة في الفيديوهات ربما يكون قديم اعيد نشره من جديد الله اعلم
Post: #3 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-15-2024, 10:38 PM Parent: #2
أين يقع مكتب طيران تاركو الظاهر في الفيديو؟
Post: #4 Title: Re: فيديو لحميدتي وسط جنوده حسب زعم ناشره Author: خضر الطيب Date: 07-15-2024, 10:48 PM Parent: #3
حيرتنا يا حيدرنا وريني انت علفتو من وين؟ 😁 قبل فترة كتبتا عن طريقة انزال فيديو قديم و تحميل الفيديو بتاريخ اليوم قام الهطلة بريمة المريسة عاطل الموهبة النحس الاعظم بقى دا شغلو يعلف القديم و ينزلو في قناتو اول مرة يعرف كيف يعمل قناة في اليوتيوب انا ما حاشرح هنا بس علفك دا و على حسب تقدري المبديي ما اقدم منو الا الكسرة فقط من خلال الكوالتي و واقع الحال
Post: #5 Title: Re: فيديو لحميدتي وسط جنوده حسب زعم ناشره Author: Hafiz Bashir Date: 07-15-2024, 10:54 PM Parent: #3
مكتب طيران تاركو الظاهر في الفيديو يقع في الخرطوم في تقاطع شارع الجمهورية مع القصر من الناحية الشمالية الشرقية للتقاطع
Post: #6 Title: Re: فيديو لحميدتي وسط جنوده حسب زعم ناشره Author: Hafiz Bashir Date: 07-15-2024, 10:59 PM Parent: #5
Post: #7 Title: Re: فيديو لحميدتي وسط جنوده حسب زعم ناشره Author: Biraima M Adam Date: 07-16-2024, 00:33 AM Parent: #6
Quote: بتاريخ اليوم قام الهطلة بريمة المريسة عاطل الموهبة النحس الاعظم
عيب عليك يا الهطلة خضر، تحاول تخرب فيديو ول أبا حيدر .. يحاول يستفسر فيه عن صحة الفيديو ..
بريمة أنت فتحت فيه بوست وصل 14 ألف نقرة .. طبعاً كلها عاملها أنت .. ههههاي! .. ألم يكفيك ذلك؟ افتح واحد تانى ونبذ فيه خاش أبو بريمة كما تفعل وغيرك ..
لكن أقول ليك حاجة واحدة وختها حلقة في أضانك .. لن يكون السودان كما كان بالأمس .. ح يتغير وح تتساوي الشعوب السودانية .. وح تعيش بسلام بفعل رجال راكزين زي ول أبا حيدر وشخصي الضعيف ..
وأنت إلي قاع التأريخ .. مسيرة سبعون خريفاً .... فنننن توش تحت هناك!
بريمة
Post: #8 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 03:32 AM Parent: #7
طيب يا حافظ طالما انت حايم هنا ليه ما عديت على البوست ده
Post: #9 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 03:37 AM Parent: #8
يا خدر شنو علف ومن وين والحركات القرعة دي الرد الرد مفروض يكون حسب السؤال ولا السؤال ممنوع في البورد ده خلو الوصاية بتاعتكم دي شوية بالله - عليك الله ارفق اللنك بتاع البوست إنزال فيديو قديم و تحميل الفيديو بتاريخ اليوم .. مهم جداً يا مان عشان الواحد يعرف يفرق بينهم
Post: #11 Title: Re: فيديو لحميدتي وسط جنوده حسب زعم ناشره Author: Hasheem Karouri Date: 07-16-2024, 06:29 AM Parent: #9
ياجنجويد جيبوا لينا مقاطع جديدة لو عندكم .
المقطع ده قديم من ايام الحرب الاولي . وزي ماقال مولانا حافظ . المقطع ده في نهاية شارع الجمهورية من الشرق للغرب . وموقع شركة تاركو الظاهر ، كان في السابق مقر طيران الميدل ايست ( يادقم انت مش كنت بتركب من هنا وتقطع تذاكرك ، ولا دخلت بسوريا ؟ ) . الهالك حميدتي واقف بالقرب من فندق " صحاري " ، اتصور هناك وعلي طول مشي القصر الجمهوري عشان يستلم 😁. كل الموجودين حوله " دعامه صر " . وجزء كبير منهم الظاهرين في المقطع " مع الكريم هسي " 😁. ولم يكن هناك مرتزقه ذوي سحنات افريقية او ليبيية . والله هسي شارع الجمهورية ده . لو اذنوا ، ولا نططوا ، مافي ود مره بجي ماري ساي بهناك . الخرطوم وامدرمان وبحري . الدعامة الموجودين حاليا يعدوا بالاصابع ، ومنتظرين يومهم ، ونحنا جاينهم ،،،،
Post: #10 Title: Re: فيديو لحميدتي وسط جنوده حسب زعم ناشره Author: ارصد محمد جلال Date: 07-16-2024, 06:21 AM Parent: #1
فيديو من شهر اغسطس 23
Post: #12 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 06:29 AM Parent: #10
مشكور ارصد على التوضيح المطلوب
Post: #13 Title: Re: فيديو لحميدتي وسط جنوده حسب زعم ناشره Author: Hafiz Bashir Date: 07-16-2024, 08:24 AM Parent: #12
أنا جبت الموقع بتاع تصوير الفيديو لأنه يكشف التاريخ. المباني في الفيديو سليمة ولا تظهر عليها آثار الحرب. الفيديو قبل يوم 22 ابريل 2023.
Post: #14 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 08:44 AM Parent: #13
اليوم لقيت الفيس بوك وتويتر مولعين شديد حول الفيديو برضو الظاه مزروع بغرض البلبلة
Post: #15 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 08:47 AM Parent: #14
Quote: أنا جبت الموقع بتاع تصوير الفيديو لأنه يكشف التاريخ.
المهم .. امشي رد في البوست اللي رميتني فيه بما ليس فيَ عيب كبير كده تتزاوغ من حاجة كنت ح تردح فيها لو حصلت ليك . جد زعلت منك للطيش
Post: #16 Title: Re: فيديو لحميدتي وسط جنوده حسب زعم ناشره Author: خضر الطيب Date: 07-16-2024, 02:44 PM Parent: #15
Quote: يُرجى التأكد من مصداقيته من قبل اهل الخبرة في الفيديوهات ربما يكون تدليس مني
حيدرنا يا محيرنا انحنا دفعة في البنبردا أنافايتك بركعتين وإذا النفوس اتطايبت البنبر دا ممكن يشيل كل الرمتالة الذينا والزعل ممنوع يا شفيف انت طلبتا خبراء للفيديو المعلوف دا وأنا قلت ليك الحقيقة مفروض تشكرني رغم انك سمعتا كلامي بدليل انك رجعتا لزريبة العلف و لقيت واحد منزل الفيديو قبل ساعتين والتاني قبل ساعة يعني انت كان غالبك تتأكد قبل البوست ده ولا ما ممكن عملتا بلبلة غير عادية لأعضاء المنبر و جمهور المتابعين مفروض تعتذر لكل الناس ديل و تمشي تصلي الركعتين الانا فايتك بيهم 😁
Post: #17 Title: Re: فيديو لحميدتي وسط جنوده حسب زعم ناشره Author: محمود الدقم Date: 07-16-2024, 04:24 PM Parent: #16
قناة "الحدس" برضو جايبين المقطع 😁
Post: #18 Title: Re: فيديو لحميدتي وسط جنوده حسب زعم ناشره Author: Hasheem Karouri Date: 07-16-2024, 04:48 PM Parent: #17
الحدث وبرمه واحد
Post: #19 Title: Re: فيديو لحميدتي وسط جنوده حسب زعم ناشره Author: محمود الدقم Date: 07-16-2024, 05:39 PM Parent: #18
معليش برمة دا شايت وين ومع منو؟ مع كتائب البراء او الدعامة او مع الجيش او مع تقدم؟؟😊
*برمة الذي اقصده هو اللواء برمة ناصر فقط للمعلوماتية.
Post: #20 Title: Re: فيديو لحميدتي وسط جنوده حسب زعم ناشره Author: muntasir Date: 07-16-2024, 05:53 PM Parent: #19
عجبني للمرقوت 😂
Post: #24 Title: Re: فيديو لحميدتي وسط جنوده حسب زعم ناشره Author: محمود الدقم Date: 07-16-2024, 06:15 PM Parent: #20
برمة الذي اقصده هو اللواء برمة ناصر فقط للمعلوماتية
Post: #21 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 05:55 PM Parent: #19
Quote: يُرجى التأكد من مصداقيته من قبل اهل الخبرة في الفيديوهات ربما يكون قديم اعيد نشره من جديد الله اعلم
تدليس بتاع فنيلتك
Quote: يُرجى التأكد من مصداقيته من قبل اهل الخبرة في الفيديوهات ربما يكون تدليس مني
اقرأ كلامي كويس .. وين انا اكدت صحته او عدمها عنوان البوست يكفي بعدين انت مفتكر موضوع الفيديو ده خاص بالمنبر فقط طالع الفيس وتويتر تشوف العجب .. بعد افترعت البوست ده بساعات عرفت انه انتشر لذلك جلبت صور للفيديوهات والتعليقات مش قبلها خضر قوم لف
Post: #22 Title: Re: فيديو لحميدتي وسط جنوده حسب زعم ناشره Author: هدى ميرغنى Date: 07-16-2024, 05:59 PM Parent: #19
Quote: حليل الماضى وأيامه … …حليل زمن الحبيب آمر
*بالله لما شفت الفيديو قلت أمشى على شركة بدر ، أقطع تزاكرى والى مطار الخرطوم 😀
الفيديو دا الفيه يحاحى فى جماعته زى الطير من الزراعة،كان أيام كانت فى خرطوم بمبانيها - أصلا فيديو مركب، من السنة الفاتت *والآن تدوير اقتراح يا حيدر - #اى خطاب فيه لغة عزت+الماهرى ولا تتعب تجيبه للتأكيد #أى تسجيل فيه لغة الغائب الزمان ناس "كوكوة" ولا تتعب تجيبه للتأكيد ، مقصودة
Post: #23 Title: Re: فيديو لحميدتي وسط جنوده حسب زعم ناشره Author: حيدر حسن ميرغني Date: 07-16-2024, 06:07 PM Parent: #22
Quote: اقتراح يا حيدر - #اى خطاب فيه لغة عزت+الماهرى ولا تتعب تجيبه للتأكيد #أى تسجيل فيه لغة الغائب الزمان ناس "كوكوة" ولا تتعب تجيبه للتأكيد ، مقصودة
تمام
Post: #25 Title: Re: فيديو لحميدتي وسط جنوده حسب زعم ناشره Author: Hasheem Karouri Date: 07-16-2024, 06:41 PM Parent: #23
يادقم . انا قاصد قناة الحدث ، والبرمة الموجودة معانا هنا ده .
شدة مامتعنظر ، في كل مداخلة يكتبها . يوقع باسمه .
ده منبر وفيه بروفائلك ومعروف كاتب المداخلة من اسمو يمين المداخله . لكن هو مصر يكتب اسمو في نهاية المداخلة . عرفتوا ؟
بريمة السجمان الرمدان هو المقصود ، وموازي لقناة الحدث واختها العربية
Post: #26 Title: Re: فيديو لحميدتي وسط جنوده حسب زعم ناشره Author: محمود الدقم Date: 07-16-2024, 06:51 PM Parent: #25
شكرا مولانا هاشم علي التوضيح لكن عندما قرات مداخلتك الحدث وبرمة واحد فانا اعتقدت بان برمة المقصود هو برمة ناصر تشكر . بعدين انت وبريمة ما كنتو كويسين دا برفع بوستات دا الحصل شنو؟
Post: #27 Title: Re: فيديو لحميدتي وسط جنوده حسب زعم ناشره Author: Hasheem Karouri Date: 07-16-2024, 07:24 PM Parent: #26
كنا كويسين والله . لكن بدأ الاساة معي ونعتني " بالوضيع " في زاك البوست . رغم انو انا كنت بعاملوا باحترام . لكن شكلوا مابفهم الا بالطريقة الصعبه .
.....
الظاهر المدد انقطع منو شويه والجماعة قالوا ليه شد حيلك شوية مع " الفلنقات " 😁
مامشكلة انا بعرف بظبطو كيف ( هسي بجي ناطي هنا ) . ....... وين ناس امباغه بالله يادقم نحن منتظرنهم في الخرطوم .
تحياتي واهنيئك علي روحك الرياضية .
طالما الامور رائقة ماتشوف لينا حاجة او خبر من لبنان . ناس جعجع ، وجنبلاط . و " السيد " حسن .
Post: #28 Title: Re: فيديو لحميدتي وسط جنوده حسب زعم ناشره Author: محمود الدقم Date: 07-16-2024, 07:39 PM Parent: #27
لبنان بقت كعبة شديد مع ناس حزب الله والجريمة بقت منتشرة ايضا لاسيما في الاحياء الشعبية بلد جميل ان اراد الله سوف ازور لبنان لاسيما الاشرفية وكل بيروت
قوات امباغة قاعدين لكن ديي قوات اقتحام وليس تمشيط بظهرو بس لمن يكون في عضة جديدة 😊 قصدي مدينة جديدة
Post: #29 Title: Re: فيديو لحميدتي وسط جنوده حسب زعم ناشره Author: Hasheem Karouri Date: 07-16-2024, 07:52 PM Parent: #28
تمام يازول . وبالمره ، مر علي " جونية " . قعدت فيها فترة انا ايام الحرب . كنت مع ناس " ايلي حبيقة " . ناس امباغة ديل نحن منتظرنهم علي احر من الجمر ، ولو ماجو بنمشي نفتشهم .
...... الاخ الجنجويدي د . حيدر ، معليش طلعنا بره الموضوع شويه . لكن شائف في ردودك علي الاخوة انت ماناكر انو المقطع ده جديد ( رغم اثباتاتنا انا ومولانا حافظ ) .
تعرف يادكتور ، كل ماتطلع حاجة زي دي . بتؤكد جدا ان الراجل انجغم وغادر هذه الفانية ، ودونك حديث المستشار المقال ، وعدم رغبتة العمل تحت امره " اب كرنك " . عبد الرحيم 😁. نحنا المابنكتلوا بنعمل ليه عاهه مستديمة .
Post: #30 Title: Re: فيديو لحميدتي وسط جنوده حسب زعم ناشره Author: خضر الطيب Date: 07-17-2024, 01:40 AM Parent: #29
حيدرنا المحيرنا انا ما حاقوم الف ذي ما قلت انتا حاكون قاعد هنا انا مرتاح كده خليك هنا و بلاش تفارق 😂 تعرف يا حبيب انا من مداخلتي لتفنيد الفيديو المضروب دا كان انت طوالي تتصل على ابوصلعة وتقول ليهو يابكوري الله يستر على عرضك استر علي وكب البوست دا في الزبالة قبل ما خدوري و مولانا الطبي ينقحو طاري 😂
Post: #31 Title: Re: فيديو لحميدتي وسط جنوده حسب زعم ناشره Author: هدى ميرغنى Date: 07-17-2024, 04:26 PM Parent: #30
Post: #32 Title: Re: فيديو لحميدتي وسط جنوده حسب زعم ناشره Author: هدى ميرغنى Date: 07-17-2024, 04:31 PM Parent: #31
