|
|
|
 Re: الأوامر وصلت - جارى التنفيذ … (Re: هدى ميرغنى)
|
فتحوا نيران الحرب ، وما قدروا يوقفوها
*فاكرينها فى حدود إضعاف السودان وبعدها جماعة "النيوليبرال" الجاهزين بدفاترهم يهجموا على خيرات السودان
ولكم فى العراق مثالا - فأتعظوا يا أولى الألباب (أولى الألباب يعنى الشعب السودان)
***جوهم ناس الفزعة ، أم باغة و النهابة والفوضى الشاملة ، يجوا يوقفوهم كان يقدروا
| |
  
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
فتحوا نيران الحرب ، وما قدروا يوقفوها
أكثر حاجة بتزهجنى قصة الطلقة الأولى واللف والدوران - الحرب دوروها الاثنين بمخطط خارجى ، يعنى الطلقة الاولى إقليمية/دولية
*فاكرينها فى حدود إضعاف السودان وبعدها جماعة "النيوليبرال" المجهزنهم وساكنين فى قصور الأمراء يجهزوا دفاترهم و يهجموا على خيرات السودان
ولكم فى العراق مثالا - فأتعظوا يا أولى الألباب (أولى الألباب يعنى الشعب السودان)
***جوهم المليشيات والمرتزقة محلى وخارجى أشكالا وأنواعا وكمان الفزعة ، أم باغة و النهابة والفوضى الشاملة
*يوقفوهم كان يقدروا
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
هدى …. الحمد لله على كل شى
خربوا حياتنا بدون اسباب ….الان سيعودوا بنا الى نقطة ما بعد الاعتصام وان شاء الله يكرنوا وعوا الدرس ويبقوا قدر المسوولية ويبطلوا التخلف وعبادة الاسماء الوهمية الجابت خبرهم ويعملوا من اجل السودان ومواطنه العادى المسكين المكافح ……و ليعلموا ان بيت الحكومة وعرباتها ماعندهم اهمية …..الناس بيوتهم وعرباتهم المن جيبوهم خلوها للدعامة الحرامية طلبا لى سلامة ارواحهم
ابى احمد فرح بى الحرب فى الاول دغالة منو ……لمن هسه عرف الله حق وعرف كيف حرب زى دى فى السودان ممكن تاثر على بلدو
الحمد لله شعب واحد جيش واحد الى ان نصل بى بلدنا الى بر الامان
| |
|
|
|
|
|
|
|
|
|
Re: الأوامر وصلت - جارى التنفيذ … (Re: Amira Hussien)
|
Quote: هدى …. الحمد لله على كل شى
خربوا حياتنا بدون اسباب ….الان سيعودوا بنا الى نقطة ما بعد الاعتصام وان شاء الله يكرنوا وعوا الدرس ويبقوا قدر المسوولية ويبطلوا التخلف وعبادة الاسماء الوهمية الجابت خبرهم ويعملوا من اجل السودان ومواطنه العادى المسكين المكافح ……و ليعلموا ان بيت الحكومة وعرباتها ماعندهم اهمية …..الناس بيوتهم وعرباتهم المن جيبوهم خلوها للدعامة الحرامية طلبا لى سلامة ارواحهم
ابى احمد فرح بى الحرب فى الاول دغالة منو ……لمن هسه عرف الله حق وعرف كيف حرب زى دى فى السودان ممكن تاثر على بلدو
الحمد لله شعب واحد جيش واحد الى ان نصل بى بلدنا الى بر الامان |
تحياتى وسلامى يا أميرة ~
أيوة خربوا حياتنا ودمروا الوطن، لكن لأسباب نحن زاتنا ما كنا عارفين ومقدرين أهمية السودان من أرض ومياه وثروات وموقع…
*كانت أهدافهم تركيع الشعب السودانى ومسح الجيش إو إضعافه ويجوا الجماعة ناس حمدوك يبيعوا بالساهل
*لكن الحرب مرقت من يدهم وأتحولت لفوضى أكثر من الدرجة العايزنها، خايفين ما يقدروا ينهبوا مواردنا مع تعدد المليشيات دا والجماعة الشايلين باغاتهم يتجاروا وينهبوا من بلد لبلد
*ابى أحمد مرسال، من الكفيل الكبير بواسطة الكفيل المتوسط
*السعودية برضهم ميدل مان
وهكذا
كلهم أدوهم الأوامر ٠-خلاص حرب السودان اخدت مجراها واتوسعت اكثر مما متوقع لها!
*شايفة بتاع تشاد يصلح فى طاقيته وجاى يظهر بوش مختلف
أبى أحمد زى قصة الفنانة السودانية العظيمة زمان (لها التقدير)
قالوا سالها مقدم لقاء مصرى
أناديك سيدة ام آنسة
ردت عليه مرة كدا ومرة كدا
(هى ما كانت عارفة المعنى لكن أبى أحمد فاهم وقاصد يتأرجح ويتغير حسب المصلحة)
* ابى أحمد زمنا قريب قال ما فى حكومة وآخر احتفاء بدقلو (طبعا مصانع آل دقلو فى أثيوبيا بدلا عن السودان!)
والآن جاء زيارة للحكومة القال مافى!
| |
|
|
|
|
|
|
|
|
|
Re: الأوامر وصلت - جارى التنفيذ … (Re: Hasheem Karouri)
|
| Quote: اتوقع طرد ، قحت / تقدم . من اللمارات خلال ٢٤ ساعة . |
سلامى واحترامى اخى هاشم~
ناس قحت /تقدم حتى صفة نشطاء سياسيين كثيرة عليهم مجرّد "مخبرين"
…احتمال يخلوهم لنقل القوالات عن نشاط المقاومة وإختراقها
*حمدوك زات نفسه ما أظنه عميل شاطر، لانه ما استطاع يساعد الدول الرسلته ،لافى ساكت ومبارى الجنجويد
*الجاسوس ، بيفطسوا سريع سريع لما خلاص ينتهى المطلوب منه زى قصة الأسمها قدح الدم ،جوها بطائرة ، فطسوها ورجعوا عندما أصابتها الكورونا
*ما عارفين وين فارس النور من يوم ما قال للرئيس الكينى حميدتى سيظهر ، فارس النور اختفى واتوا بالغائب لناس حمدوك فى أثيوبيا ومرروا على بعض الدول
***المحيرنى يا هاشم ، ناس قحت/تقدم بعد اجتماعهم معاه فى أثيوبيا قالوا للإثبات -يطلعوا لحميدتى رقم وطنى
دى غلبنى افهمها كله كله🤷♀️
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
دي طبعا من الحاجات الماممكن ابدا الشعب يغفرها لناس تقدم .
بتمريرهم للعالم انو الشبح حي يرزق ، وقاموا بمصافحته امام الكميرات .
انا نفسي صدقت ان الرجل حي ، او بعث من جديد بعد رؤيتي لحمدوك يصافحه امام الملاء .
بعدها بفترة تم بث مقطع صوتي له " الشبح " يتحدث عن احداث وقعت قبل يوم او يومين من نشر المقطع .
لكن حديث مستشاره المعزول عزت الماهري . ارجعت لي الشكوك مره تانية وصلت لدرجة القناعة . خصوصا عندما قال . انه كان يعمل " كرمال " حميدتي ، ولكن الان لن يستطيع العمل تحت امرة عبد الرحيم .
غايتو . حيرونا الناس ديل . لكن لابد للحقيقة ان تظهر يوما ما .
.....
تسارع الاحداث في اليومين الماضيين تنبئ ان تقدم لن يكون لها موطئ قدم في الفترة القادمة . وهذا معناه اختفاءهم من المشهد تماما ...
| |
|
|
|
|
|
|
|
|
|
Re: الأوامر وصلت - جارى التنفيذ … (Re: Hasheem Karouri)
|
حميتي حي يرزق واحتمال كبير بقرا في كلامكو دا🤣
وعبدالرحيم دقلوا موسي ومدير جهاز الاستخبارات الاثيوبي كانوا في جوبا قبل يومين بخصوص مباحثات خاصة بالنفط في حقول ابو جابرة وابيي وطبعا مدير الاستخبارات الاثيوبي اصلا كان قائد القوة الاثيوبية يونسفا بابيي
فانا شايف الناس تركز في كيفية اقناع جنود البرهان الهاربين نزوحا الي افريقية الوسطي وتشاد ومصر وتركيا وجنوب السودان ان يرجعوا ويكاتلوا في سنار حيث انها الان فااااااضية من الجنجا 😊وايضا الناس تركز علي محاكمة اللواء الطيب الذي هرب بجلده من مدني
وضباط حامية الميرم والفولة وسنجا والقيادة العامة والمركزية والبحرية والاحتياطي المركزي الخرطوم والنقل النهري ووووووووووووو..
| |
|
|
|
|
|
|
|
|
|
Re: الأوامر وصلت - جارى التنفيذ … (Re: محمود الدقم)
|
بالنسبة لحمدوك انا شايف انو افضل ليهو يرجع مانشيستر ويرتاح شوية
ويرجع يشوف ليها شغلة مع الاتحاد الافريقي او الامم المتحدة وينسي السودان نوهاااي فهو شخص لا يصلح ان يكون مدير بنك ناهيك ان يكون وزير وزراء لبلد منكوب خلقة
اما بقية قحط جزاهم الله خيرا ما قصرو لكن تنقصهم الخبرة والصعلكة السياسية والقواعد الجماهيرية وهم قوم فشلة ايضا
| |
|
|
|
|
|
|
|
|
|
Re: الأوامر وصلت - جارى التنفيذ … (Re: دفع الله ود الأصيل)
|
Quote: دي طبعا من الحاجات الماممكن ابدا الشعب يغفرها لناس تقدم .
بتمريرهم للعالم انو الشبح حي يرزق ، وقاموا بمصافحته امام الكميرات .
انا نفسي صدقت ان الرجل حي ، او بعث من جديد بعد رؤيتي لحمدوك يصافحه امام الملاء .
بعدها بفترة تم بث مقطع صوتي له " الشبح " يتحدث عن احداث وقعت قبل يوم او يومين من نشر المقطع .
لكن حديث مستشاره المعزول عزت الماهري . ارجعت لي الشكوك مره تانية وصلت لدرجة القناعة . خصوصا عندما قال . انه كان يعمل " كرمال " حميدتي ، ولكن الان لن يستطيع العمل تحت امرة عبد الرحيم .
غايتو . حيرونا الناس ديل . لكن لابد للحقيقة ان تظهر يوما ما .
.....
تسارع الاحداث في اليومين الماضيين تنبئ ان تقدم لن يكون لها موطئ قدم في الفترة القادمة . وهذا معناه اختفاءهم من المشهد تماما |
تحياتى واحترامى أخى ، هاشم ~
شاهدت عدد منهم يتحدثوا من أديس أبابا ، لقد تلمعوا وزادوا وزنا ، خالد سلك وشه بقى ضيق عليه😈
جماعة قحت /تقدم نهايتهم لو الكفيل أوقف النثرية انهم يمشوا لجؤ فى دول أوربا وأمريكا ودى أصلا تكون غايتهم …
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
Quote: سلام هدوية بت مرغني والأميــرة،
هو طبعن ، موش الحبشي أب يي أحمد براهو الكان فاكرا
حلاوة قُطن تذوب في اللهاة و ينتهي الأمر حتى أولاد بمبمة
اللي شغالين فينا شماتة و تنمُّر وقلة أدب وطول لسان ، كانو
دايرين للأسف يشوفو شيل التُّمساح فينا ، لكن قولليهم ولكم
في تصريحات (مالك عقَّر جرس إنذار، يا أولي الفواخير البيش ) .
خسوسن في فيدجيو للجنرال (جندي ) جلحة بقول لأم الدنيــــا بينا
وبينك ظلط. دا عشان يعرفو عواقب مسك العصاية من النص
+ علا بالموناصبة ، قالو الهالك البشيي نفق له من الله
ما يستحق من عذاب جهنم و بيس المسير . |
تسلم اخى العزيز ود الأصيل ويسلم السودان (أو بالأصح حنبنيه)~
*الدول كان مجاورة كان بعيدة، كلهم كانوا عايزين السودان يذوب حلاوة قطن (الحقوق محفوظة ليك)
ما كان فاكرين صمود الشعب السودانى
وما كان فاكرين ان هذه الحرب "النكراء" ستتحول إلى فوضى قد تصلهم فى بلادهم
قاموا يتجاروا والمراسيل تتسابق، وتنسيق التلفونات ثم نكران الاتصال
*بالله يا ود الاصيل هسه البرهان الدلاهة بحسب كلامهم يقوم من الصباح ويضرب تلفون كآنه حافظ النمرة
فى ال كونتاكت تبعه ، والطرف الثانى ساهل يرد عادى من يشوف الاسم فى الشاشة
*بعد رتبوا المحادثة ،ومعاها وفود مقدمة للتسهيلات وتمت - ثم فلهمة منهم وحقارات فى السودان - نكروا مبادرتهم
#البيشى من اسوأ البشر traitor (خائن) للوطن ، وهو من ساعد على احتلال وسط السودان ، ما فى اكعب من العينة دى فى كل العالم
لقد باع أبناء بلده وقبض الثمن ، لقد تمكن من سنار من سنوات سابقات
*وكمان الكان بيتحدث ويوصف في بائع اهله -كان يتكلم اللغة العربية بلهجة غريبة عن لهجات السودانين فى الجهات الأربعة🤷♀️
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
US reviving peace process to end Sudan war: Foreign Policy
* By
Al Mayadeen English
Source: Foreign Policy
23 Jul 2024 20:23
3 Min Read
The United States intends to arrange talks between the two Sudanese sides, to be hosted in Switzerland next month
The Biden administration is initiating a new push to end the Sudanese conflict—one of the deadliest in the world—with fresh peace talks after months of behind-the-scenes deliberations, According to five current and former officials familiar with the situation, as reported by Foreign Policy.
In an attempt to jumpstart long-stagnant attempts to put an end to a conflict that has claimed tens of thousands of lives and driven millions more to the verge of starvation, the United States intends to arrange talks between the two warring Sudanese sides in Switzerland next month.
The meetings will be co-hosted by Saudi Arabia and Switzerland, while observers from other regional states and organizations involved in the crisis, such as the African Union, United Nations, Egypt, and United Arab Emirates,will be invited, according to the officials. The meetings are set for the middle of August.
According to multiple officials, Tom Perriello, the US special envoy for Sudan, will actively participate in persuading key negotiators from both sides of the conflict to attend future discussions. He intends to brief congressional overseers on the strategy this week
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
Quote:
البعشوم
Yesterday at 3:43 AM ·
التسوية التي تُطبخ في الخفاء...
تهدف هذه التسوية إلى توحيد الجهود التي تمت في إثيوبيا، ومصر، والمنامة، لتنسج حلاً سياسياً يتم التفاوض على تفاصيله برعاية سعودية واشراف بريطاني -خفي- أمريكي -مُعلن- بمساعدة الأمم المتحدة،
ليتم تقديمه للشعب في شكل حكومة مدنية بعد تحقيق السلام - إن تم -. لكن ما سيكتشفه الشعب بعد سنوات - إن نجحت هذه التسوية - أنها ليست سوى إعادة تدوير للأدوار القديمة بوجوه جديدة، وربما يُطلق الشعب عليها مسميات مثل تحالف تقدم 2 مع كيزان 2 وفكة 2. سيكون تحالف أكثر هشاشة من تحالف الفترة الانتقالية. لكنه سينجح في إيقاف الحرب مؤقتاً.. ويُبقي على أسبابها ومُسبباتها. |
| |
|
|
|
|
|
|
|
|
|
Re: الأوامر وصلت - جارى التنفيذ … (Re: جلالدونا)
|
Quote:
هدى و كاروري مثال حي للكوشوعية
كوشوعية معتّقة كمان
ما كان ده برنامج اقتصادي و بس
ده اختراق عديل |
انت زعلت يا جلادونا من وقفة الشعب السودانى ضد الكيزان(كيزان بترول وجنجويد كيزان الذهب)
ومن يتبعهم من العملاء منخفضى الذكاء - بعضهم مجرد مخبرين
*الما بتلحقوا يا جلادونا جدعوا، من أمريكتك ديك😀
| |
|
|
|
|
|
|
|
|
|
Re: الأوامر وصلت - جارى التنفيذ … (Re: جلالدونا)
|
جلادونا ما فترت 17 يوم تجدع من وراء البحار😀
انت ما قريت كلامى الفوق دا ولا كيف؟
المخبر بيحتفظوا بيه شوية والجاسوس ،أمثال حمدوك وأحمد الشلبى داك بتاع العراق ، يقنعوا منهم بعد دورهم ينتهى
Quote:
ناس قحت /تقدم حتى صفة نشطاء سياسيين كثيرة عليهم مجرّد "مخبرين"
…احتمال يخلوهم لنقل القوالات عن نشاط المقاومة وإختراقها
*حمدوك زات نفسه ما أظنه عميل شاطر، لانه ما استطاع يساعد الدول الرسلته ،لافى ساكت ومبارى الجنجويد
*الجاسوس ، بيفطسوا سريع سريع لما خلاص ينتهى المطلوب منه زى قصة الأسمها قدح الدم ،جوها بطائرة ، فطسوها ورجعوا عندما أصابتها الكورونا
*ما عارفين وين فارس النور من يوم ما قال للرئيس الكينى حميدتى سيظهر ، فارس النور اختفى واتوا بالغائب لناس حمدوك فى أثيوبيا ومرروا على بعض الدول
***المحيرنى يا هاشم ، ناس قحت/تقدم بعد اجتماعهم معاه فى أثيوبيا قالوا للإثبات -يطلعوا لحميدتى رقم وطنى
دى غلبنى افهمها كله كله🤷♀️ |
| |
|
|
|
|
|
|
|
|
|
Re: الأوامر وصلت - جارى التنفيذ … (Re: جلالدونا)
|
هلا اختنا هدى| Quote: من وقفة الشعب السودانى ضد الكيزان(كيزان بترول وجنجويد كيزان الذهب) |
بالمناسبة كلامك المقتبس ده ما كل الحقيقة
الجيش جيش كيزان برضو
اكبر تاجر دهب
تحت حمايته الان كل رؤوس الكيزان و المطلوبين للجنائية
معركة الكرامة التي يخوضها كيزانية بي امتياز
عندك الفساد المتلتل في تسريبات مجلهد بشرى
الجيش الممسوخ ده لا يختلف عن الجنجويدي في اي شيئ
و موقفي ضدهم الاتنين
و الشيوعي و تياره المخموم تالتهم
سألت شيوعي مرموق
ليه مواقف الحزب متطابقة مع مواقف الكوز
قال لي الكوز ركب فوق مواقفنا
امنيتي الجميع يخرج من التزاماتها الحزبية و تعاين للحاصل بي عين انا سوداني
ساعتها ح اكون اول خطوة صحيحة في طريق هزيم الكوز و كوز الجيش و الجنجويذي و كوز الجنجويذي
| |
|
|
|
|
|
|
|
|
 Re: الأوامر وصلت - جارى التنفيذ … (Re: جلالدونا)
|
Quote: بالمناسبة كلامك المقتبس ده ما كل الحقيقة
الجيش جيش كيزان برضو
اكبر تاجر دهب
تحت حمايته الان كل رؤوس الكيزان و المطلوبين للجنائية
معركة الكرامة التي يخوضها كيزانية بي امتياز
عندك الفساد المتلتل في تسريبات مجلهد بشرى
الجيش الممسوخ ده لا يختلف عن الجنجويدي في اي شيئ
و موقفي ضدهم الاتنين
و الشيوعي و تياره المخموم تالتهم
سألت شيوعي مرموق
ليه مواقف الحزب متطابقة مع مواقف الكوز
قال لي الكوز ركب فوق مواقفنا
امنيتي الجميع يخرج من التزاماتها الحزبية و تعاين للحاصل بي عين انا سوداني
ساعتها ح اكون اول خطوة صحيحة في طريق هزيم الكوز و كوز الجيش و الجنجويذي و كوز الجنجويذي |
جلادونا يا جلادونا ~
*الجيش السودانى ، يا جلادونا مؤسسة وما كل الفيها كيزان ولو عرفت البسطاء الماتوا او مصابين ما كنت قلت كلامك دا
لن أنسى بعض الأقارب مرتبة ضابط ما وصلوها لكن علموا بناتهم وأبناءهم، واستقبلوا الأهل والأقارب فى منازلهم الصغيرة فى العاصمة وبدخل محدود ووصلوهم للعلاج وغيره
ما ممكن نمسح تاريخ مؤسسة عشان نهادن الجنجويد ونبرر لعمائلهم.
*بالمناسبة يا جلادونا - انت مش اهل مناطقكم زمان عندهم مقولة "كان نجح للعسكرية وكان ما نجح للطورية."
***الشيوعيون يا جلادونا(لا ادعى شرف الانتماء لهم) - يعرفون السر تماما وعارفين الحاصل دا مفاصلة بين الكيزان (بترول وذهب) من أجل السلطة
والموارد وبيع السودان رخيصا، ، مفاصلة قاتلة ،حربا قاسية ضد الشعب السودانى
*بالمناسبة كل الشيوعين مرموقين "ومتواضعين" - كلم زولك دا، ما يتبسم ساكت
*بيا جلادونا لو فاكر حمدوك ياهو زاته الزمان بتاع الجامعة والجبهة الديمقراطية والشجاعة ديك
لا لا حمدوك صار شخصا آخر ساكن القصور وما بيلعب فى مفارقة هذا الجاه! ، شايل دفاتره يحاول من وصل السودان تنفيذ برنامج "اقتصاد الكوارث " - كان يقدر 😀
…انت يا جالدونا ما بتعرف التحليل ولا كيف - الأثنين كيزان بترول وذهب ، الكباشى مثلا كوز بترول وذهب ما شايفه هو والبرهان عاملين حماية للجنجويد كيف
أما النهب المسلح الثروة الأداهم ليها المخلوع ديك مش كانت من قروش بترول الشعب السودانى قبل ما يقلع جبل ذهب عامر كبداية
*بالمناسبة قوالب تشكيل الذهب متواجدة فى مناطق كيزان البترول عشان كدا كانت محاولات آل دقلو حتى ولو يبيدوا كل الشعب السودانى عايزين يصلوها
*بلا الجميع يخرج من إلتزاماته الحزبية معاك - انت قاعد ومواطن فى بلد آخر، أمانيك دى أعملها فى بلدك -أبو حزبين فقط لا غير ديك
*بعد انتخاباتكم تخلص ،حأكلمك بمعلومة - وبالمناسبة اسمها "كامُلا" وليس كمالا (رئيسكم السابق بينطقها خطأ عن قصد )
فى الغالب تفوز ليس لأنها امرأة أو بلاك وهذه ميزات ولكن لأنها أهلا للرئاسة - بس تقنع المعاك يسجلوا ويصوتوا كمان
ما شفت فى انجلترا " كوربين" ✅ وجماعته اكتسحوا كيف
#عاش نضال الشعب السودانى
#النصر حليف الشعوب ، ان قصر الزمن وان طال
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
مرحب هدىQuote: *الجيش السودانى ، يا جلادونا مؤسسة وما كل الفيها كيزان ولو عرفت البسطاء الماتوا او مصابين ما كنت قلت كلامك دا
لن أنسى بعض الأقارب مرتبة ضابط ما وصلوها لكن علموا بناتهم وأبناءهم، واستقبلوا الأهل والأقارب فى منازلهم الصغيرة
فى العاصمة وبدخل محدود ووصلوهم للعلاج وغيره
ما ممكن نمسح تاريخ مؤسسة عشان نهادن الجنجويد ونبرر لعمائلهم. |
الى 1989 يمكنا الحديث عن مؤسسة الجيش أما منها و صاعدا فقد اصبح مؤسسة اجرامية
لها تاريخ حافل بالاجرام و رحم لا يلد الا المليشيات و المجرمين
موسى هلال
كوشيب
حميدتي
حيش تفرغ تماما لنهب خيرات البلاد و حماية مصالح الكوز ودونك مسريبات اخونا مجاهد بشرى
جيش تواصلت فظائعه بقتل الثوّار و افظعها جريمط فض الاعتصام و لا زالت تتواصل باشعاله لحرب
لا قدرة له عليها و عجز تماما عن اداء وظيفته الاساسيةو تفرّغ لحماية نفسه و ترك الوطن و المواطن للمجهول
جيش زي ده يستحق تعليق قادته على المشانق
| Quote: بالمناسبة يا جلادونا - انت مش اهل مناطقكم زمان عندهم مقولة "كان نجح للعسكرية وكان ما نجح للطورية." |
نعم كنا و نكون و سنكون و نفخر بذلكQuote: *الشيوعيون يا جلادونا(لا ادعى شرف الانتماء لهم) - يعرفون السر تماما وعارفين الحاصل دا مفاصلة بين الكيزان (بترول وذهب) من أجل السلطة
والموارد وبيع السودان رخيصا، ، مفاصلة قاتلة ،حربا قاسية ضد الشعب السودانى
*بالمناسبة كل الشيوعين مرموقين "ومتواضعين" - كلم زولك دا، ما يتبسم ساكت |
في النقطة دي احيلك الى حديث اخونا حاتم قطّان و فيهو الرد الكافيhttps://www.google.com/url؟sa=tandsource=webandrct=jandopi=89978449andurl=https://www.alrakoba.net/2416771/%25D8%25AD%25D8%25A7%25D8%25AA%25D9%2585-...zkG-_XbzhzKyalOR5ksMQuote: *بيا جلادونا لو فاكر حمدوك ياهو زاته الزمان بتاع الجامعة والجبهة الديمقراطية والشجاعة ديك
لا لا حمدوك صار شخصا آخر ساكن القصور وما بيلعب فى مفارقة هذا الجاه! ، شايل دفاتره يحاول من وصل السودان تنفيذ برنامج "اقتصاد الكوارث " - كان يقدر 😀
|
حمدوك قرأ الازمة الاقتصادية و حدّد عقدتها فى لائحة الارهاب و العقوبات
و عمل على ذلك و أعاد السودان الى المجتمع الدولي كأهم حطوة لانطلاقة الاقتصاد
حمدوك ترك في البنك المركزي اكتر من ملياري دولار و اطنان من الذهب تمت سرقتها من قبل البرهان و جبريل بعج استقالته مباشرة
ولم يهزك هذا الامر لكنك ماسكة في قروش التعويضات التي تم دفعها من دم الشعب السوداني
الحقيقة ان مبلغ التعويضات اكتر من ملياري دولار و دخل حمدوك في مفاوضات شاقة عبر لجنة حتى تم تخفيض المبلغ الى 335 مليون
بموجبه دفعت امريكا للسودان منحة بمبلغ 375 مليون تم سداد المبلغ منها
| Quote: الأثنين كيزان بترول وذهب ، الكباشى مثلا كوز بترول وذهب ما شايفه هو والبرهان عاملين حماية للجنجويد كيف |
الحمممممممد لله براك قلتيها يبقى الحرب دي ضد منو
ضد المواطن و ثورته ضد النهج الديموقراطي ضد الحكم المدني ضد سيادة دولة القانون
و بعد ده اقوم أقيف مع الجيش و تاني بقولا الناس تخرج من صندوق الالتزام الحزبي و تقيف مع مصلحة الوطن
و يا عملات اخونا دينق
هدى اختشيQuote: بعد انتخاباتكم تخلص ،حأكلمك بمعلومة - وبالمناسبة اسمها "كامُلا" وليس كمالا (رئيسكم السابق بينطقها خطأ عن قصد )
فى الغالب تفوز ليس لأنها امرأة أو بلاك وهذه ميزات ولكن لأنها أهلا للرئاسة - بس تقنع المعاك يسجلوا ويصوتوا كمان
|
فاتح لي بوست بي اسمها يا ريت تتابعيهوو
اخيرا
تاني هدى اختشي
| |
|
|
|
|
|
|
|
|
|
Re: الأوامر وصلت - جارى التنفيذ … (Re: جلالدونا)
|
ما فهمت قصدك ! وأتمنى ما تخاطبني أبدا أبدا بعبارات زى دى
*
كلمات أخيرات :
…حاتم قطان ما عاد فى ح.ش.س بالطبع ولا أرجى ردودا من جهته ، ردوده واضح أنها شافية بالنسبة ليك انت
…إذا مَثلك فى حل مشكل السودان الاقتصاد حمدوك ، صفحاتنا بالتأكيد مختلفات ولن تتقاطع أبدا
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
| Quote: ما فهمت قصدك ! وأتمنى ما تخاطبني أبدا أبدا بعبارات زى دى |
يا حليلك يا هدى
دي اشهر منكافات البورد لصاحبها اخونا دينق
اشهر من ناله نصيب منها اخونا كوز نيويورك الشهير بي حسن حمّاد
اما بريمة الجنجويدي فكان نصيبه من دينق العبّار
حاجات كده تقولي عليها حلو مر الحوش
عموما اعتذر عنها
ثم اعتذر ثانيا عن تداخلي في هذا البوست
و ده ان شاء الله اخر تقاطع بيني و بينك لا يوم الدين
| |
|
|
|
|
|
|
|
|
|
Re: الأوامر وصلت - جارى التنفيذ … (Re: جلالدونا)
|
*مفاوضات ياتو مليشيا مع اى مليشيا
***يوقفوها كان يقدروا
*قصة مفوضات وسفريات الدرجة الاولى من بورتسودان او السفريات المدفوعة بمال ذهب السودان من جهات الجنجويد للمخبرين والعملاء محدودى المعرفة
لن توقف الحرب، بل تشجعها حتى لا يفقدوا هذه الراحات، دا من الجانب الهين
اما الجانب الأكثر شراسة وجود وتنوع المليشيات على الارض
*الدول التى شجعت ودعمت حرب السودان، بحسب كلام وزير خارجية السعودية فى أيام الحرب الأولى
"لازم الحرب تأخذ مجراها…"
بالنسبة للدول دى خلاص "افتكروا" انهم أوصلوا السودان نقطة يسهل فيها تحجيم واذلال شعبه وسرقة موارده
*إرادة الشعب غلابة، وستقف الحرب من الداخل
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
Quote: ليس سراً أن قيادة «الدعم السريع» كانت في الفترة السابقة للحرب تريد توجيه الاتفاق الإطاري وفق رؤيتها فيما يتعلق بمسألتي الدمج وإصلاح القوات المسلحة. فقد ساومت، وماطلت في مسألة الجدول الزمني للدمج، وقدّمت مقترحات خيالية تريد إفراغ الدمج من مضمونه بجعله، يتم في غضون عشرين عاماً خُفضت إلى نحو عشرة أعوام في سياق المفاوضات، وفق ما ذُكر حينها في التصريحات والتسريبات الكثيرة التي طغت على الأجواء المتوترة. في المقابل كان الجيش يصر على تنفيذ الدمج في أقرب الآجال وفي إطار زمني لا يتجاوز خمس سنوات.
قيادة «الدعم السريع» لم تكن قط في وارد التفريط في السيطرة على قواتها التي تراها مصدر نفوذها وبوابة طموحاتها وثروتها، وبالتالي فإن الاتفاق الإطاري كان ورقة مرحلية لشراء الوقت، وبناء المزيد من عناصر القوة والحشد وصولاً إلى اللحظة المناسبة للسيطرة على البلد سواء عبر التحالفات السياسية والاجتماعية مقرونة بالنفوذ المالي والعسكري، أو من خلال بوابة الانقلابات التي كانت دائماً مشرعة في السودان. |
*** عثمان ميرغني يكتب : هل تطمح «الدعم السريع» لأن تكون جيش السودان؟
| |
|
|
|
|
|
|
|
|
|
Re: الأوامر وصلت - جارى التنفيذ … (Re: هدى ميرغنى)
|
أشد خطورة على الشعب السودانى هم النشطاء متلبسين "ساسة" أو طبقة السياسين (الحقوق محفوظة لخالد سلك)
والtraitors أمثال الخونة كيكل والبيشي والمخبرين (أخف وطأة) وهؤلاء للأسف بعضهم لحوجة مادية أو تهديد وقع عليهم من جهات الجنجويد
| |
|
|
|
|
|
|
| |
هدى ميرغنى
Amira Hussien
Hasheem Karouri
محمود الدقم
دفع الله ود الأصيل
جلالدونا
فيس بوك
تويتر
انستقرام
يوتيوب
بنتيريست