يلا يا ولاد زايد .. أخدمونا مرة .. جاكم زول مليان كاش ومعلومات .. أحلبوه

01:16 PM July, 07 2024

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

هذا ، إن صحت رواية مجاهد بشرى.

شوف يا مجاهد .. تسريبات صوتية ما بنشك فيها ابداً
لكن كونه العساكر يجازفوا بخاذن اسرارهم ، كما صورته ، ويسلموه لعيال زايد تسليم مفتاح .. دي كبيرة شوية

Quote: بخاذن

المقصود : بخازن ..

يا جوك وانت بتطالع البوست بكل تأكيد لو حار بيك الدليل تعال لينا في سرنديب
جزيرة جميلة محاطة بالمياه من كل الجوانب لا جيران لا يحزنون .. اقل كركبة ممكن تقع المحيط وانا بحفظ لك قروشك
رقمي بطرف فلنقاي الدوحة ، شريكي في إدارة أموال بلدنا
خالين من اي تسريبات صوتية وسمعة بطالة .. وسرك في بير

طبعاً يا حيدر اولاد زايد لو حصل ووصلهم العقيد ما دايرين وصية منك وقطع شك ما بقصروا في حلب واستخدام كل من يصلهم.
وحتى الخاتي قروشو في بنوك دبي ومستثمر مقدار من امواله في فنادق دبي ما بيخاطر ويعمل شي من غير ترتيب مع اولاد زايد.

ما تنسى عليك الله تشوف لينا حمدزك القاعد في ابو ظبي دا اولاد زايد عملوا معاهو شنو؟

Quote: طبعاً يا حيدر اولاد زايد لو حصل ووصلهم العقيد ما دايرين وصية منك وقطع شك ما بقصروا في حلب واستخدام كل من يصلهم. وحتى الخاتي قروشو في بنوك دبي ومستثمر مقدار من امواله في فنادق دبي ما بيخاطر ويعمل شي من غير ترتيب مع اولاد زايد. ما تنسى عليك الله تشوف لينا حمدزك القاعد في ابو ظبي دا اولاد زايد عملوا معاهو شنو؟

السلام والاحترام حيدر ومولانا~
*بعد البصمة على مكتوب مولانا …

أعاين للبوست ومستغربة حيدرنا فاتت عليه كيف مسألة الذهب تحديدا ، وفاغنر كمان!
…فاغنر حتى ايام زعيمها الأخيرة وصله فى أفريقيا الوسطى عدد خمسة أشخاص من جهات الجنجويد محملين بالذهب
* أموالنا وذهبنا عن طريق هذا المُهرب مشت محل الجماعات ما زالت تُهرب موارد السودان بأنواعها

حمدوك شنو دخله في الموضوع.
حافظ بشير وهدى ميرغني .... فيهم شبه من ميرغني المامون وأحمد حسن جمعة

Quote: فيهم شبه من ميرغني المامون وأحمد حسن جمعة

شبه شنو يا زين
ديل يا هم ذااااااتم

Quote: فاتت عليه كيف مسألة الذهب تحديدا

زول الحكومة ادتو جبل ذهب
ما ح تسمح ليهو يطلع الذهب كيف؟
كله بمباركة الحيكومة يا هدى ولو اني لا اوافق على ذلك
يعني ما مثل الفساد المكتوب فوق ده اللي بطلع بالدس
-
معليش لو هبشنا ناسكم تاني
نسيت انكم ما بترضوا فيهم

Quote: Quote: فيهم شبه من ميرغني المامون وأحمد حسن جمعة شبه شنو يا زين ديل يا هم ذااااااتم

ههههها
بطل الحسادة يا دكتور الزين، اضافةً لأنه أنا من زمااان كتبت انه مولانا حافظ هو واحد من كتابى المفضلين ، وبغياب الآخرين فهو كاتبى المفضل الإوحد
يعنى الكتوف لم تتلاحق…
*انتو جوغة تشيل وتخت ، هل فى زول سألكم او حسدكم😀

*المحيرنى يا حيدرنا بكمية الوعى والذكاء خاصتك دى ،من السنة الفاتت غيرت وبقيت ما بتشيل معانا "جوبا مالك على…"
*عارفاها ما أغنية ميرغنى المأمون وأحمد حسن جمعة لكن بس عاجبانى

Quote: لكن بس عاجبانى

والله البعجبك كله بعجبني
حتى مولاي الاسمر من المفضلين عندي .. بس داسيها 😀

Quote: كله بمباركة الحيكومة يا هدى ولو اني لا اوافق على ذلك

دى على طريقة "بعضا" من الإيرانين لما يحتفلوا ويشربوا علنا - ما دس دس
ال"حلال شامبين"
😀

Quote: والله البعجبك كله بعجبني حتى مولاي الاسمر من المفضلين عندي .. بس داسيها 😀

عادى يا حيدرنا إن مولانا من المفضلين عندك
- من ناحيتك مثلا - تصدق بالدس وأحيانا بالعلن اندهش لما الاقى كل الكتب الإنت تجيب سيرتها أنا بكون قريتها او شاهدتها فيلما عظيما مثال - الفيلم الحائز على سبعة جوائز أوسكار
The English Patient
شاهدته ٤ مرات ، أغطى عيونى لما يجئ المريض ووجه المحروق - ما كنت عارفة انه مبنى على رواية من كتاب وكمان الكاتب شخص من تلك البلاد، الما منهم!
* زعلت جدا انهم حيشوهوا رواية "مائة عام من العزلة" بمسلسل - لن تَوضح الفكرة التى بداخلها مثال:
* الربط بين شخصية الكلونيل والجنرال الحقيقى سيمون بيلفوار
*مدينة ماكيندو - كيف أن غابريل غارسيا ، استعار عبارة "الأرض الموعودة"
وكثير جدا من الربط بين الكاتب والمواقف التى حدثت او ما زالت …
*قد لا أشاهدها حتى لا أشوه قراءتي للرواية
*شاهدت فيلم ."الحب فى زمن الكوليرا" كان من أسوأ الأفلام ، ناهيك عن تشويه الرواية
*مسلسل الجنرال "سيمون بوليفار" يختلف تماما عن الرواية …

***معليش كالعادة طلعت من هدف البوست ، ممكن أمسح المداخلة لو أفقدت البوست ما تود ان توصله
المشكلة مرات أجئ أعلق فى البوست المعنى ما ألقاه بالهين حيث إنك غزير المداخلات😀

Quote: شبه شنو يا زين ديل يا هم ذااااااتم

الحمد لله ما لابس طاقيتي السمحة ديك وإلا كانت اتشرطت من كبر الراس.
هدى ميرغني صاحبة رأي واضح مبني على تحليل منطقي للواقع وهو رأي مليان أنسانية وثورية بتوازن.

ما بقدر اتكلم عن هدى ميرغني كتير لأنها بتمثلني تماماً.
وما تنسى كمان يا حيدر نحن الإتنين عندنا حب للختمية وفاءً لأهلنا.

Quote: الإتنين عندنا حب للختمية وفاءً لأهلنا.

يا زول الاسمو ما منتهي بـ ميرغني عودو في المراغنة عود حوليات وشيل جِزم

يا جنجلانكي خليك من ده تاني مليارات دقلو أخوان من دهب الدم دابي رندة والفكي اب بعراية ما يمرقهم تاني من هناك بعد يا جنجا انت تخدم الكفيل ولا الكفيل يخدمك فعلاً شتات

غزير المداخلات

حيدرنا المحيرنا ماغزير المداخلات
هو عندو اسهال اسفيري مزمن
زول مثقف و كده 😅

Quote: هو عندو اسهال اسفيري مزمن

المهم ... فقع المرارة على أصولها
ما تقول كمان اليومين ديل مؤجز واللابتوب جدييييد

Quote: من تلك البلاد، الما منهم!

قيل لجحا فين بلدك .. قال " إللى فيها مراتى "

Quote: المهم ... فقع المرارة على أصولها ما تقول كمان اليومين ديل مؤجز واللابتوب جدييييد

يعني الفترة الفاتت ديك كنت شغال؟
لو افترضنا انك شغال تمانية ساعات و بتنوم تمانية ساعات
والباقي تمانية يعني ما عندك أصدقاء وأسرة وذكريات؟
اللهم ثبتنا يا مثبت القلوب و الأبصار
قلت لي لأبتوب جديد ؟
والكنت راشينا بيهو دا كان شغال بالجاز 😁