احلموووووا

05:38 AM July, 05 2024

سودانيز اون لاين
جلالدونا-USA
مكتبتى
رابط مختصر

احلموووووا
——
بس ما تحلموا بي إي حاجة .. طيور بس
يعني مثلا جداد ما تحلموا بي انكم بتاكلوهو دي و نحنا صاحين ما بنقدر عليها معقول تجينا في الاحلام
ياخي انت بس تحلم بي جدادة
كل حاجاتك تتحقق
كان ممتحن تنجح
و كان مسافر تصل و تحقق السافرت عشانو
وكان خاطب تتزوج
و كان متروج تاني …. يلدو ليك ولد
و لو كمان حلمت بي جدادة قاعدة تبيّض يا زول و يا زولة زول بلحقكم تاني مافي
و العجب الحمام
و ده كمان فابت الجداد مسافة
ياخي لو عيان تشفي
و لو طلبت تفاح بجيك
و لو داير بطيخ يجيك
و لو زل نوالك شر القدر يغطيك
و لو شفتو طاير
انت طاير من السعادة
و كمان لو شفتو يقدل و يهدل
انت بس يصلّوا عليك
عروس جمال خلقة و اخلاق حسب و نسب و مال
وًكمان ازيدك من الخير خيرين
لو حلمت بعد الحلم ده بالنسر و هو في وضعية الهجوم من علّ نحو فريسته في الارض
يا زول ابشر
من قولت تيت انت جاييك ولد
بس اوصيكم لا تحلموا احلامي
يا واقع من راس بيت
يا عضاني كلب
يا ساكيني دبيب
اما داك اتمنى ما يمر عليكم
عنكبوتة بتنسج بيتا فوق عيونك من رموش عيونك
احلموا بالهدهد
عشان الحرب تقيف

سألت … بعد ان سال من حسها الحنين
وووووبعلي
ساقوني المقابر

مفتاح كشر
قاعدين يسطلوا فوق قيفة البحر
قال ليهو انا عطشان
قال ليهو دي الموية اشرب
دنقر عشا ن يشرب
زاغتبو كركجية غتس ما مرق
صاحبو عاين لي الخلاهو و اهو
لقى خريطة وطن
اوعاكم و العنكبوت