Post: #2
Title: Re: طيب يا كبابيشو مشيت المنامة ليه طالما بتخ�
Author: خضر الطيب
Date: 07-04-2024, 08:47 AM
Parent: #1
صباح الخير حيدرنا
حسب توقيت جنيف
أنت يا كافي البلا ماعندك مصدر غير
مجاهد بشري دا؟
تعدد المصادر يعتبر دليل دامغ
وحتى المصدر الموثوق كذلك يعتبر
دليل علي صحة الأخبار و المصادر
الموثوقة كتيرة هذا الشخص واضح
انه يحمل اجندة و معلوف من جهة ما
انت متين تكون مصدر؟نعم الموضوع صعب
لكن ما مستحيل ياخ الجن موجود وانت قاعد براك
اتفق ليك مع جن سغمبوتي بريحك في موضوع الأخبار دا
و ممكن يريحك في حاجات تانية حامياني😁
تحياتي
|
Post: #3
Title: Re: طيب يا كبابيشو مشيت المنامة ليه طالما بتخ�
Author: Biraima M Adam
Date: 07-04-2024, 08:55 AM
Parent: #2
ول أبا حيدر
يحلك الحلانى أنا .. يملاك فارغة ساكت .. غايتو سردب بس.
بريمة
|
Post: #4
Title: Re: طيب يا كبابيشو مشيت المنامة ليه طالما بتخ�
Author: حيدر حسن ميرغني
Date: 07-04-2024, 08:59 AM
Parent: #2
Quote: أنت يا كافي البلا ماعندك مصدر غير
مجاهد بشري دا؟ |
خضر سلام
شغله نضيف وبالأدلة ، ما بقطع حاجة من راسو
انت ما مقتنع بما ينشره، غيرك مقتنع تمام الإقتناع
مجاهد ما برز وقت الحرب ، لو متابع حساب مجاهد ده من زمن الثورة وطالعت منشوراته لإقتنعت بما ينشره اليوم
حتة قحت ما كان بيرحمها
بطل الزمزغة وامشي توووش لصفحته وقول رأيك (على فكرة لا يحظر من يخالفه الرأي أبداً)
|
Post: #5
Title: Re: طيب يا كبابيشو مشيت المنامة ليه طالما بتخ�
Author: حيدر حسن ميرغني
Date: 07-04-2024, 09:00 AM
Parent: #4
كان بإمكان هذا الإتفاق أن يجنب البلاد الكثير من المآسي المستمرة
كل قطرة دم أريقت وروح ازهقت ونزوح بالآلاف للمدنيين وأي إنتهاكات من قبلكم أو من قبل الدعم السريع في رقبتك ورقبة رهطك البائسين إلى يوم الدين
إلى متى، أنت ورهطك ، سترهنون بنادقكم وقراراتكم للكيزان .
|
Post: #6
Title: Re: طيب يا كبابيشو مشيت المنامة ليه طالما بتخ�
Author: خضر الطيب
Date: 07-04-2024, 09:11 AM
Parent: #5
رهط منو يا حيدرنا يا محيرنا
أنا ما عندي علاقة باي رهط
عشان أريح نفسي من القرف البحصل دا
عمري ما انتميت لأي حزب
ولا انتميت للمؤسسة العسكرية
عشان الأجندة والأوامر
أنا إنسان حر و حاظل حر ما حييت
|
Post: #7
Title: Re: طيب يا كبابيشو مشيت المنامة ليه طالما بتخ�
Author: حيدر حسن ميرغني
Date: 07-04-2024, 09:13 AM
Parent: #6
| Quote: رهط منو يا حيدرنا يا محيرنا |
بالطبع أقصد الكباشي يا خضر
|
Post: #8
Title: Re: طيب يا كبابيشو مشيت المنامة ليه طالما بتخ�
Author: حيدر حسن ميرغني
Date: 07-04-2024, 09:22 AM
Parent: #7
بعجبني جدا حجم والتفاعل مع منشوراته من حيث التعليقات والشير واللايكات
اجعظ موقع حكومي مصروف عليه ميزانية لا يحقق مثل هذا التفاعل
-
على فكرة يا خضر إستأذنت من مجاهد قبل فترة مشاركة منشوراته في المنبر لمزيد من الإطلاع عليها ولو انه ما محتاج لأن معدل الـ share لمنشوراته في الفيس بوك عالية جدا
ممكن تلاحظ ذلك (مرفق فوق) ولسه المنشور جديد
|
Post: #9
Title: Re: طيب يا كبابيشو مشيت المنامة ليه طالما بتخ�
Author: خضر الطيب
Date: 07-04-2024, 09:34 AM
Parent: #7
طيب يا حيدرنا
انحنا الآن عندنا تلاتة أعداء
أولهم الجنجويد لازم يهلكوا عن بكرة أبيهم
ثانيهم اخوان الشيطان مثل كتايب البرا و غيرهم
ثالثهم الحركات المسلحة كالعدل و المساواة وحركة مناوي
وغيرها وهذه ربما يمكن التوصل الي حل مع الحكومة العسكرية
الحالية رغم صعوبة الوضع
لكن تظل القوات المسلحة شينا أم أبينا هي صمام الأمان حتي الآن
لذلك يجب الوقوف بجانبها و تماسك الجبهة الداخلية بالغ الأهمية
في هذه المرحلة العصيبة في تاريخ السودان
عارفك فاهمني لكن البفهم بريمة المريسة و (محموم )الدقم شنو؟
الفهم قسم ربنا أداهم طايوق البهايم و هم شغالين بيهو نص مكنة
😁😁
|
Post: #10
Title: Re: طيب يا كبابيشو مشيت المنامة ليه طالما بتخ�
Author: حيدر حسن ميرغني
Date: 07-04-2024, 09:39 AM
Parent: #9
| Quote: لكن تظل القوات المسلحة شينا أم أبينا هي صمام الأمان حتي الآن |
اكيد يا خضرنا جيشنا صامام الامان
لا خلاف على ذلك ابدا
لكن قياداته ما قدر المسؤولية لذلك انتقادي موجه لهم وليس للجيش الوطني
لازال هناك عساكر وطنيين في الجيش غير اللي طردهم البرهان لإرضاء الفلول
لو اتيحت لهم فرصة القيادة وادارة الحرب لما وصلنا إلى هذا الحال
|
|
