البرهان: لن نتفاوض وسنعد العدة للقتال

07:32 PM July, 02 2024

سودانيز اون لاين
محمود الدقم-
مكتبتى
رابط مختصر

أكد قائد الجيش السوداني الفريق عبدالفتاح البرهان، الثلاثاء، عدم التفاوض مع عدو يستمر في انتهاكاته ولا مع من يؤيده، قائلًا إن “واجبنا اعداد العدة للقتال ونرى الانتصار امامنا كما نراكم الآن”.

يأتي ذلك في اعقاب سيطرة قوات الدعم السريع على مدينة سنجة عاصمة ولاية سنار وسط مخاوف من تمددها جنوبًا إلى النيل الأزرق.

وأضاف البرهان أنه “لن نخضع لأي ابتزاز بتفاوض يسلب هيبة وإرادة القوات المسلحة ولا يلبي طموح الشعب”.

وقال البرهان حسب اعلام مجلس السيادة الانتقالي على “فيسبوك” نحن دعاة سلام ولا نرغب في الحرب ولكن لن نفاوض بشكل مهين ولن نذهب لها إلا بعزة، رسالتنا للوسطاء عليكم حث المرتزفة على الخروج من منازل المواطنين وهذه البلاد لن تسعنا مستقبلا اما نحن او هم”.

وأشار إلى أن الجيش قد يخسر معركة ولكنه لن يخسر الحرب، ميضيفًا “لو خسرنا اشخاص فالسودانيون كثر ونحي عبركم صمود الشعب السوداني الحر”.

وذكر أن كل الشعب السوداني يقف مع القوات المسلحة عدا فئة ضالة تساند الباطل والمليشيا، وفق قوله.

وقال: “لن نخذل السودانيين ونحن منتصرون وهذا العدو ومن معهم الى زوال وسنلاحقهم واحد واحد، نحي قواتنا في ام درمان واخواننا في الفاشر وبابنوسة وسنار وكل المحاور قوات مسلحة ومشتركة ومستنفرين”.

وأضاف أن “التزامنا امام الشعب السوداني ان نسلمه الوطن خاليا من التمرد او نفنى جميعا كقوات مسلحة”.

وتوغلت قوات الدعم السريع في القرى المحيطة بمدينة سنجة عاصمة الولاية بينما انسحبت قوات الجيش ليل الأحد من مدينة سنجة دون اشتباك إلى القضارف.

وفي المقابل تمددت قوات الدعم السريع حتى مناطق ”السوكي، الدالي وكركوك وأم بنين“.

*دارفور24

انا شايف احسن الدعم السريع بعد كلام برهانكو ينسحبو وبرجعو
الصحراء😍😍😍😎

Quote: ‫4 تعليقات Avatar photoيقولالاسلاميون والاسلام العدو الابدي للسودان والسودانيين: 2 يوليو، 2024 الساعة 8:34 م بالله شوفو الزول الفضيحة، برهان السجم دا فعلا حلمان، ما شايف قواته تتساقط زي طرق الشجر من الخرطوم لامدرمان للغرب لسنار وسوكي ومتجهين للدمازين وبعد كده لبورتسودان، يا برهان يا اهبل في البداية كل السودانيين كانو واقفين مع الجيش ومؤيدين للجيش، شوية، شوية بقيت نص كوز وبرضو السودانيين ما بطلو الوقوف مع الجيش شوية شوية الشعب السوداني الواعي اكتشف خيانتك وخيبتك اتاريك كل اوامرك من الكيزان، وطلعت عسكري بليد اوامرك تجيك من اسطنبول، وقواتك بدت تتراجع من مدينة لمدينة، واكترية الشعب مات من مدفعيتك ودباباتك وطيارات، والشعب مستحمل تصرفاتك واجرامك، ولكن قالو حبل الكضب قصير، والان بعد سنة وتلات شهور، وقفت عريان ملط امام شعبك مجرد كلب نجس من كلاب الكيزان ما بتهوهو الا بالاوامر وما قادر تتكلم الا باوامر الكيزان، الدعم السريع السويتو انت والسلحتو انتو اهو جاييك لغاية بورتسودان وان شاء الله نشوف راسك مدردق في زلط بورتسودان انت وغيرك من ناس ابو كروش المدلدلة رد Avatar photoيقولHashim: 2 يوليو، 2024 الساعة 8:40 م لا نريدكم ان تفنوا كجيش. هذه ليست عقلية جيش يستطيع ان يحارب. المطلوب ان تنتصروا اوتستقيلوا. يا اخي حسوا شوية.. اولادكم في استانبول واولادنا يموتون هنا. رد Avatar photoيقولالطريفي ود حمد: 2 يوليو، 2024 الساعة 9:07 م قائلًا إن “واجبنا اعداد العدة للقتال” ما شاء الله تبارك الله !! هو انت لسه بتعد في العدة … يا هبنقة !! والله ياها قصة “السكين دي خاتيها لليوم الاسود” زاتها … رد Avatar photoيقولود شندى: 2 يوليو، 2024 الساعة 9:12 م يا فقر يا نحس امشي المفاوضات انت كملت الشعب السودانى كلو وده كلو عشان منو؟ عشان حزب التكارين. انت بلوة وعار الواحد يقول انت من بلدنا رد اترك تعليقاً

سلام محمود اخوى

البرهان وازال يحلم

قالوا :-
فى بلدنا العبيدية عندنا عمك اب شنب كان بقوم مع الفجراوى يمشى الزرع.. يزرع ويحش ويحاحى الطير بالهنابيل..
بعد حداشر تجيهو مرتو بالفطور.. تسمبر جنبو.. تفتح الكورية:اكل ياعشاى..
قبل يشيلو لقمة واحدة.. يملا خشمو بالسؤال:ناس الحلة كيفنهم؟
-والله زينين.. الا امنة بت ادريس دافقت!
ينفض يدو من اول لقمة..
- امنة دافقت؟نحن الماكللها شنو؟!!
مرتو تشيل الكورة زى ماهى.. وترجع..ومصارين راجلا ناشفة.. ناشفة زى ريقو.. زى يدينو المليانات شرا!
تانى يوم الساعة حداشر تجيهو.. شايلة الكورية:اها ياعشاى.. دخل ايدك.. فك الريق!
-قبل ما افكو.. ناس الحلة طيبين؟
-والله طيبين.. الا سماعيل ود نفيسة قرصتو عقرب.. بعد مرقتك بى شوية!
- ود نفيسة قرصتو عقرب؟
- اى والله.. خليتو يادوووب جابوه من التمرجى!
ينفض ابشنب اللقمة من يدو..
- ودنفيسة قرصتو عقرب؟ نحن الماكللها شنو.. نحن الماكللها شنو ياولية؟
وهكذا..
وهكذا.. فى كل يوم.. الساعة حداشر وخمسة عمنا اب شنب ينفض اللقمة من يدو.. نحن الماكللها شنو.. نحن الماكلنها شنو.. ويقضى يومو نشاف ريق ومصارين.. خنق!
يوم جاتو..
-يابا.. ياعشاى اللبلبن.. دخل يدك فى العصيدة دى!
كانت مصارينو تكورك. مد يدو على الكورية..وجراها لى ورا:
-الا ماسألتك. ناس الحلة كيفنهن؟ لعل مافى زولا ابى فطورو؟
تبسمت مرتو..وكان فى بالا انو عشاها المرة دى ح يفك الريق:
-والله ماعندهم عوجة.. نصاح.. بس...
كانت يد عشاها اللبلبن فى تلك اللحظة على وشك ان تنغمس فى الكورية حين سحبها سريعا جدا.. وغرس عينيه معا فى عينى مرتو:
- بس شنو؟
-بس..
- هووى يامرا.. بس شنو..؟
- بس ياعشاى.. حمارتن لى ود المصطفى اللغبش ولدت ليها دحيشا ماعندو ضنب!
- حمارتو ولدت ليها دحيشا ماعندو ضنب؟
- ايي وحات اب قبة!
نفض ابشنب يدو.. من جنب الكورية..
- ولدت دحيشا ماعندو ضنب؟ نان نحن الماكللها شنو؟ نحن الماكلنها شنو؟
-ياعشاى حلفتك بالنبى تدخل يدك... الشى مادحيشا ساكت.. بيعيش بلا ضنب!
- ياولية.. نحن الماكللها شنو.. هسى فى ذمتك دى.. كان الدحيش دا اتلكك فى طين نجروا نحن من وين؟
____
اسه البلد كلها اتلككت في الطين وما فضل فيها ضنب يمرقوها بيهو والعوقة ده لسه بياكل

____
الحكاية اعلاه 👆حكاها استاذنا Hashem Karrar عليه رحمة الله

الاخت مهير

تحياتي ومتعك ربي بالعافية والله دي أقرب تشبيه للحال السودانية الان

وجلس برهان الكسلان تحت الشجرة وهو يرشف القهوة بالجلابية
وقال وهو يمسك بلحيته
غدا
سوف احرر المدن. من هناك لي هناك !
ويمضي الغد. وبعده الشهر والحال في حاله
لا حسم ولاقوة مميتة
والجنجويد يقتلون ويفتكون
لعن الله الكيزان
والجنحويد
وقيادة الجيش الكسيحة
ولعن الشعب اضلاع هذا المثلث الدماغي

سلام د.مهيرة،،
شكرا علي القصة المعبرة التي تنطبق علي قائد ما يسمي بالجيش
المشكلة البرهان يبدو انه غير مدرك حتي الان للخساير البشرية واللجوستية والمعدات والاهم من كل ذلك الخسارة البشرية
وبالرغم من ذلك لسه بكابر وبنافخ علي الفاضي..

أبكانى هذا المنشور 👇

الناس العندهم عربات وتركترات وترلات في القضارف شيلو عصيدة وموية ومشمعات وحبال (سلب) وشاي وبرتقال وقريب وشيلو بلح كتير ..وأنسلوين وأدوية ولو عندك باور بانك اشحنه وشيلو معاك..
وأمشو على منطقة المقرح والبقدر يمشي ينتظر قدام على الجبال في طريق اب رخم يمشي ..
الناس الطالعين من أب رخم فيهم ناس جعانين شديد وعطشانين وما عندهم قروش لان التلفونات اما مغلقة أو اتسرقت
في ناس راكبين في عربات كاشفة محتاجين مشمعات لانو المطر نزل من أمس والدنيا بردت والجوع شديد وفي عربات اتعطلت في الطريق محتاجة يجروها ..
الناس التعبانين أكتر ديل المنتشرين في الطريق بين كبري الدندر وأب رخم على الطرقات من أمس وأول أمس ومافي أكل لكن الترعة قريبة بيشربو منها ..
الأطفال بيبكوا بأصوات تقطع القلب والله بسبب الجوع ..
الرضع أمهاتهم ما فيهم لبن بسبب الجوع الشديد ..وماقادرين يشيلوا نفسهم ..
العدد النزح دا مقدر ب 50 ألف ويمكن أكتر .
.
والله الناس من أمس بعاينوا للسماء وخايفين المطر يارب حواليا ولا علينا ..
المطر بيقفل الطريق وبيزيد المعاناة والجو بيبرد والجوع بشتد ..
وفي ناس حتموت من الجوع ..
نحن كان معنا 31 بلحة أدينا مرضى السكري 5 بلحات وفضل 21 بلحة وزعناها على الأطفال بلحة بلحة ..
والله فرحتهم بيها كانت لا توصف ..
مافي حاجة أشد من بكاء الأطفال من الجوع ..
في أب رخم اشتريت 2 عصير مازا لأمهات حوامل عشان جاهم هبوط ويومين جعانات وعطشانات .. وقلت ليهم أشربوها بالدس لأنو الأطفال لو شافوها بقولوا عايزين ومافي قروش ..
والله شايلات العصير وما قادرات يقيفن ولا قادرات يشربن ويخلن أطفالهن ..
رجعت تاني اشتريت قارورتين لمرضى سكري وقارورة واحدة وزعناها سكتنا بيها الأطفال جرعة جرعة ..
والله المستعان ..
#شير يا جماعة شير
يا ناس القضارف شدو حيلكم وأطلعو بالأكل
..
لو عندك عصيدة بس بدون أي شيء شيلها وأطلع بيها ..
#شير

أوقفوا الحرب ياكيزان ويابرهان

د. مهيرة

حالة صعبة. لكن مش من الأفضل البقاء في أماكنهم؟

بريمة