So what!

10:01 PM June, 29 2024

سودانيز اون لاين
هدى ميرغنى-
مكتبتى
رابط مختصر

يعنى دمار سنجة ونهبها وتشريد السكان ، أصعب من الدمار الحصل فى كثير من أنحاء السودان …
*طالما إنه حرب المصالح دى مدورة، ستكثر الخسائر من غير رحمة
*أبادوا المساليت فى الجنينة
*دمروا عاصمة السودان وشردوا أهلها
*دمروا الجزيرة ، اقتصاد السودان

…انها الحرب ضد الشعب السودانى
…انه الصراع من أجل السلطة ونهب موارد السودان
#الطرفين مؤججى هذه الحرب ومن يسندهم لن يلقوا ما تمنوه
#ستكون هناك العديد من المحاولات للتسوية وتقسيم السلطة ، كل طرف مدعوم من الدول التى تبحث عن مصالحها فى السودان
#المضحك:
الراحات الكان عايشين فيها قادة الدمار ودعاة الحرب لن تعود لهم، حيث ان القصة طارت من يدهم
الفوضى والنهب الحاصل الآن خليهم يحاولوا يوقفوا كان يقدروا مثالا وليس حصرا - جماعات أم باغة لا وثيقة ولا بطاقة…
*لو الجنجويد قالوا مفاوضات عادى مليشياتهم تقول ليهم نحن ما تحت قياداتكم
*لو الجيش قالوا مفاوضات مليشياتهم تقول ليهم نحن ما تحت قيادتكم
#تعالوا يا قتلة ومن يعاونكم وقفوها كان تقدروا
………
#الحل فى يد الشعب السودانى
#ارادة الشعب غلابة
#تحيا الحياة، ويحيا الناس فوق الأرض لا تحت الطغاة

يا هدي كل مدنية عند اهلها دنيا وحياة وقيمة أنسانية

سقوط سنجه

سنجه يا جرحاً في القلب مسطور
في ليلكِ الحالك، دون نور

يا سنجه، كيف استسلمتِ للغرباء
دون سيف، دون دماء

أين أسودك، أين الحماة
كيف انكسرتِ دون هتاف أو صيحة نداء

أين شجاعتك في ليل السهاد
كيف أضحت المدينة بلا عتاد

يا سنجه، يا أم المدائن الحزينة
تحت راية الصمت، في لحظة حزينة

دموعنا تجري، والقلوب تنكسر
على مجدكِ الضائع، على عزكِ المنكسر

في الأفق البعيد، يلوح الأمل
في قلوبنا، حُلم العودة يشتعل

يا سنجه، سنعود مهما طال الزمن
سنحمل راية الحرية، نرفعها علناً

وسنغني في ليالي النصر، بلا حزن
يا سنجه، ستنهضين من تحت الركام، بلا خجل

Quote: يعنى دمار سنجة ونهبها وتشريد السكان ، أصعب من الدمار الحصل فى كثير من أنحاء السودان …

كيف الكلام ده با هدى
الجيش لو ماقادر ينتصر مفروض يعمل على تقليل الخسائر والدمار على الاقل في المناطق المعروف انها على وشك السقوط
سقوط الحامية مؤلم اكثر من سقوط المدينة لأنها رمز لكل شيء يبعث الثقة في نفوس المواطنين
في سنجة يقال ان الجيش تراجع .. قبلها بأيام يدوك احساس انه مستعد لصد اي هجوم .
نسأل الله السلامة
وفعلا الحل اصبح في يد الشعب بعد أن رأى هوان جيشه وتهاون قاداته الكذبة

Quote: يا هدي كل مدنية عند اهلها دنيا وحياة وقيمة أنسانية

سلام يا زهير~
هذا الخيط أعنى به المهللين المبسوطين واللذين أصبحوا يستعدوا لدخول قوات شنو ما عارفة و يجهزوا فى منظماتهم
مقال هشام عباس مثالا

Quote: كيف الكلام ده با هدى الجيش لو ماقادر ينتصر مفروض يعمل على تقليل الخسائر والدمار على الاقل في المناطق المعروف انها على وشك السقوط سقوط الحامية مؤلم اكثر من سقوط المدينة لأنها رمز لكل شيء يبعث الثقة في نفوس المواطنين في سنجة يقال ان الجيش تراجع .. قبلها بأيام يدوك احساس انه مستعد لصد اي هجوم . نسأل الله السلامة وفعلا الحل اصبح في يد الشعب بعد أن رأى هوان جيشه وتهاون قاداته الكذبة

سلام حيدر~
أعيد ما كتبته ردا على زهير
أقصد بهذا البوست المحتفين باحتلال سنجة ونهبها وتشريد سكانها و للمحتفين بهزيمة الجيش
*ان الجنجويد عزيزى حيدر برابرة ، وحسب التوثيق من البعشوم - يتعاطون المخدرات والحياة عندهم لا قيمة لها
…لقد تجمعوا من كثير من المناطق ، مجموعات مشردة تنشر الفوضى ، لا تعرف قوانين الحرب حتى وان كانت لعينة، هدفهم النهب والقتل ، إذا دخلوا مكانا سيدمروه

…ما هى حجتهم الآن من احتلال سنجة ،ونهبها إذا حقيقة هم خلف الجيش - الذى لا يوجد الآن بها!

السؤال البديهى :
*ليه من البداية الجنجويد يهجموا على سنج؟؛
*الجيش طلع من الحامية زى ما حصل فى العيلفون والجزيرة
دا دليل واضح إنهم مجرد قتلة "يتبعهم" كيكل للنهب والفوضى وغيرها من سيئات!
*سبب الاحتفاء شنو؟
…لا يوجد ما يُحتفى به ،
*القتلة ديل يومهم اليلموا فى المجموعة المحتفية بيهم دى أينما ما كانوا
يوم يلموا فيهم حيعدموهم الدولار والتلفون، ولو قاوموا رصاصة واحدة ما كثيرة عليهم!

الجنجويد الصفوة زمان خلوا السودان وعايشين فى أمان
*لو فاكرين نفسهم حيعودواللسودان ويعيشوا راحات قبل الحرب ، عشم ابليس فى الجنة ونعيمها

Quote: قصد بهذا البوست المحتفين باحتلال سنجة ونهبها وتشريد سكانها و للمحتفين بهزيمة الجيش

المسألة يا استاذه هدى مسألة جهوية وكراهية للشريط النيلي لا عندهم مشكلة مع الفلول ولا بطيخ ، إغتصاب ونهب مناطق
جغرافية معينة من دواعي سرورهم ،

شيخ نشطاء الأشاوس، صلاح سندالة قال: البيشي يا نار الضلع! والناشط ميسرة بوب قال: البيشي الأكسندر الأكبر.

وما تنكسوا أسد براري البطانة كيكل

إن طل ليث فالحمير تغادر * لا تخدعنك نهقة مهما علت
عن صمته كل الكلاب تخّبُر * وانظر إلى الليث الهزبر إذا مشى


بريمة

Quote: المسألة يا استاذه هدى مسألة جهوية وكراهية للشريط النيلي لا عندهم مشكلة مع الفلول ولا بطيخ ، إغتصاب ونهب مناطق جغرافية معينة من دواعي سرورهم ،

أتفق معاك تماما أخى المحترم ترهاقا~
هم أشد فلولا من الفلول ، حأجيب لستة مثالا للفلول بينهم …
دى مجموعات عنصرية، وكل فكرتها الإنتقام دا طبعا غير كوزنتها البائنة مثال جماعاتهم الحائمين فى مواقع التواصل والفضائيات
وعارفين انه الشعب السودانى ما عايزهم ، مثال "الوجه الباكى" عمران عبد الله تانى رجع يردد عن بيانات الجيش -هم بيقولوا كدا عشان يفرحوا الشعب السودانى
*طيب يا لزجين - افهموا ما فى زول بيحتملكم
*كل السودان يعانى، الأقاليم قدر التعمير الفيها عمروها الأهالى ، مثال المغتربين عمروا المدارس ، المستشفيات وغيرها
أما المجموعات المتحاومة دى مجرد كسالى حتى لو عايشين فى اى مكان يجتروا ويتباهوا وهم طول الزمن سدنة لحكومات العسكر وقتلة لمن يقف ضدها.

ال simpleton يا أرجوز المنبر شايفاك لافى فى البورد زى نار القصب…

تدمير السودان وتشريد وابادة أهله يا سايكوباث وما يفعله نهبكم الخاطف من بلد لبلد لن يشفى غليلك أبدا
*فى الآخر انت عندهم مجرد " فلنقاى جنحويد "حتى لو جريت وراهم ، دارع العقال وشايل ليك سيف ورق وما خليت ليك شطة ما كبيتها فى عيونك
لا تعنى شئيا للصفوة من قادة النهب والقتل السريع
يا طائر الوقواق - لافى بأبيات احتلالا وإزعاجا من بوست لبوست - مفتكرها شعرا، نصيحتى ليك وبحسب كلامك انك بسيط وتُقرأ بدائى ساكت ، انت وزعيمكم الهارب أو شئيا آخر ما واضح
ركزوا على "أى فرصة نلقاها نندهسها "وفجغ ومجغ " وننهاز" واللستة تطول جدا من كلماتك المشقلبة يا خريج روضة فلة ومنها إلى كلية الزراعة تبع الكوتة.

*الأرجوز - قبل الحرب، وبعد انقلابكم والدلاهة زيكم البرهان كتبت بجرأة@@@ انك عايز تشترى قطعة أرض فى الخرطوم بس ما يصلها جماعة تسعة طويلة
… تسعة طويلة يا طيور الوقواق مقارنة بيكم وعمائل نهبكم المسلح وقتلكم السريع ياها الملائكة الأبرياء
@@@مثال لإنعدام الإنسانية فى دواخلك - مكتوبك الملئ حقدا وغلا تدعو فيه ضد أهالى الخرطوم كاتبا "ليذوق أهل الخرطوم طعم الحنظل"
…أعوذ بالله من أمثالك

#حنبنيه…

Quote: @@@مثال لإنعدام الإنسانية فى دواخلك - مكتوبك الملئ حقدا وغلا تدعو فيه ضد أهالى الخرطوم كاتبا "ليذوق أهل الخرطوم طعم الحنظل" …أعوذ بالله من أمثالك

والله يا أختنا هذا الخنزير البري بريمة المريسة الشيطان يتعوذ منو
لكن أنا علي قناعة انو الجنجا علي وشك الزوال طالما يدعمهم هذا السلق
كان يدعم اخوان الشيطان وداهم التوج لما هرب من السودان الي ليبيا و بعدها عبر في مركب لإيطاليا
و مشي بدرب النمل لليونان الي يومنا هذا لم تقوم اليونان من نكبتها
غير انو عنصري و تافه كمان نحس تبا لك يا معتوه
والله الراجيك يا بريمة المريسة لا قبل لك به

Quote: لكن أنا علي قناعة انو الجنجا علي وشك الزوال

الأخ خضر السلام والتحايا~
ال simpleton دا كتب بنفسه انه شخص انطوائي ،عشان كدا مكانه الوحيد الاختفاء خلف الكيبورد وبث سمومه ونواياه السؤ - وهو يُعتبر حسب كلامه فارق السودان
من سنين ومن غير حتى زيارات - لكن عنده حقد قديم ما قادر يتخلص منه!!

أما الجنجويد كلما تقرب هزيمتهم ، يأتيهم النصر من الخارج ، الجيش زمان لو قام بدوره فى حماية الحدود مش قتل الشعب السودانى ما كان السودان بالحالة دى
وما كان المرتزقة -من كل الصحارى ومن يسندهم بأحدث أنواع السلاح (المدفوع ثمنه من موارد السودان) ما كان لقوا فرصة فى البلد
#لو الفزع ومستلزماته دا ما وقف ، حيواصلوا فى تدمير السودان ومحاولة ابادة الشعب السودانى حتى فناء آخر طفل جنجويدى قادما للسودان من أعماق الصحارى وغيرها…

##حنبنيه