أصــدقـــائي ..نرجع من تاني ، أحـــبـــة..

08:11 PM June, 24 2024 سودانيز اون لاين
محمد سنى دفع الله-قطر الدوحة
مكتبتى
رابط مختصر

اصحابي الزمان وهسي تعالو نتلم ونعيد ايام الزمن الأجمل مشتاق ليكم من اصغر واحد فيكم ، للعجايز الزينا ..تعالوا نعيد الذكريات ونفكر في بكرة نحلم بالغد الأفضل والوطن الباهي واجمل

مسرحية سيزوي بانزي مات
صرخة في وجه العنصرية
مهرجان الدوحة المسرحي " الخامس والثلاثون
مهند محجوب النجم القادم بقوة
وشخصي الما ضعيف

تحياتي يا فنان

حفطك ربي وحمدلله أنك بخير وعدت للكتابة في المنبر أهلابك هذا مكانك ودارك أخي الكريم ونبادلك الاشواق والتحيا والود والاحترام

الجابك يجيب صدقتى الملقوفة
الرطانية احلام وهبى زوجتك المصونة
ام ابنك سامى الدين السهرة وردى محمد السنى

سلام ود السني كيف نرجع احبة بعد فتات الكبدة السفر بالرجل اصبح جبدة بعد المنزل عدم السرير والمرتبة والمخدة اظن الحكاية عايزة مدة

صديق مهدي
يامسرح عبث المنبر ياملقوف
افهم ياخى
محمد السنى دا سمو براهو
ثم دفع الله اسم والده ثم اسم ابنه
محمد سامى الدين السهرة وردى
هو في مسرح عبث بالاسماء اكتر من كدا
تقول لى برشت او برخت
تبا لك يادرق ستو الخرقاء

مرحب استاذنا السني
إذا الزمن رجع لينا البوفيه بتاع عمنا خالد في المسرح
ممكن الحاجات ترجع و لمتنا مع الأحباب جمال حسن سعيد
و إسماعيل عيساوي و عبد العظيم قمش و سامية عبد الله بت العرب
و الكثير من الأحباب

تحياتي

اخي الغالي المهموم بالوطن الحلم يحفظك الرحمن الرحيم ويهبك العافية والصحة والسعادة والسلام لايحتاج الي احلام علينا بوضع الحل النهائي لنحقق الوطن الحلم لك مودتي وسعيد بطلتك البهية
زهير ابو الزهراء تقديري واحترامي

الصديق اللدود واخوي الذي قدمني وعرفني بالاصدقاء هنا قبل زمن طويل
بدرالدين الامير
ياخي اسمو ((( محمد سامي الدين السهر وردي )))
السهرة وردي ... بتكون السهرة وردية
اسمو السهر وردي
ما تكتبو بالليل

اخوي صديق مهدي
صباحاتك بيض
تخيل بتاخد ليها مدة
بقت لازمة لي ناس عطبرة ،، الكهرباء قاطعة عندهم ليها زمن زارهم مسؤل كبير ومسؤل كبير في ابلد اتعدم زي ما قال حميد
نادو بالهتاف شوف لينا الكهربا الكهربا الكهربا
فرد عليهم الكهربا ح ةنحلها بس واه من بس ولكن !!!!
وبعد صمت قصير اطلق صوته .. بس بتاخد ليها مدة
وعاشت عطبرة سنتين بدون كهربا
هسي كل الامنيات ماتخد ليها مدة وتنتهي حرب الاشرار المافيها بطل في وقت قصير ليعم السلام

الغالي خضر الطيب
تطيب ايامك
وتسعد في ايامك الجاية
الرحمة والمغفرة لعمنا ( خالد جاه الرسول ) فاكهة المسرح القومي وخازن اسراره
بوفيه العم خالد كان ملتقى الاحبة وكل الفنانين من الحيشان التلاته
والاصدقاء تلقفتهم المنافي والدول المانحة للأقامات الدائمة والذهبية
وتفرقوا في سوح الكون
ليعم السلام ونعود كما العصافير لاوكارها
وتعود اجمل الايام
سلام وبث

Quote: السهرة وردي ... بتكون السهرة وردية اسمو السهر وردي ما تكتبو بالليل

😂😂😂
و الله يا السني دي متعة غير عادية
قال السهرة وردي
و هو حضر السماية
😂

سمعت والمصدر برضو سمعت
ان زنديق الديم عماد عبدالله
قاعد يجى يتاوق على البوست
قال ايه مستنى تجى زميلة المنبر
الرطانية احلام وهبى وتدور معى
مشاكل يكون في علم الجميع هذه
الرطانية الملقوفة لورجعت المنبر
حا اصرف لها بركاوى اخطر من بركاوى
البشير للخواجية ولانامت اعين الجبناء
امثال بكرى ابوبكر باقى العندهم جوازات
سفر خواجاتية

اصدقائي لكم محبتي
أَبداً تَحنُّ إِلَيكُمُ الأَرواحُ """ وَوِصالُكُم رَيحانُها وَالراحُ
وَقُلوبُ أَهلِ وِدادكم تَشتاقُكُم """ وَإِلى لَذيذ لقائكم تَرتاحُ
وَا رَحمةً للعاشِقينَ تَكلّفوا """ سرّ المَحبّةِ وَالهَوى فَضّاحُ
***
أهل الهوى قسمان: قسم منهمو """ كتموا، وقسمٌ بالمحبة باحوا
فالباحئون بسرهم شربوا الهوى """ صرفاً فهزهموا الغرام فباحوا
والكاتمون لسرهم شربوا الهوى """ ممزوجةً فحَمتْهمو الأقداحُ ...
لكم المحبة النقية ودام صفانا

حباب الصديق ود السني عُمدة الدوحة وضواحيها
خليك في البورد دائماً لا تغيب كثير
ناس بدر ديل عاوزنهم يأجزوا سنة من شدة ما داوشننا

على فكرة يا سني ..سبق ان اطلعتني في الدوحة على مشروع كتاب، اعتقد عن المسرح ، كنت قطعت فيه شوط كبير
اتمنى يكون صدر أو على وشك الصدور .

شكرا ياصديقي حيدرونا
الان الكتب في اللمسات الأخيرة والمراجعة والتدقيق لتدخل الطباعة
سلسلة تاريخ السودان للأطفال // من العصر الحجري الي كوش
سلسة المسرحي الواع // مسرحيات من المنهج المدرسي
كتاب سيرة ذاتية بعنوان .. مدني سكوووب ..
كتاب التربية المسرحية للهواة
كتاب ( ابطال عاديون ) عن المسرح لذوي الاحتياجات الخاصة
مجموعة .. شجرة المعرفة .. قصص للاطقال
الأطفال هم المستقبل لابد ان نقد لهم الأجمل
من اجل غد افضل

حياك الله يا محمد، السني،
الابداع في، مواجهة القبح
ارفعو راسنا في، الخليج
مسرح سينما رواية شعر
من اجل واقع جديد،
واعادة تعريف للسودان، والسودانيين
وتدوم المودة.
ان شاء الله تكونو بخير
والله فقدنا حتى اذاعة هنا ام درمان
وما عرفنا نرجع نطلقا من وين
نقرصنا..... عشان يجيك من النفاج عثمان حسين
يا عشرة الايام تمام
القصيدة دي لمحجوب شريف
وعقد الجلاد
عجيبة جدا قدر، ما تسمعا
تاثر فيك شديد
فيها مشروع ثورة ثقافية عديييل
ما عارف الناس، ما شايفنو ليه؟
💚💛💙

الاستاذ محمد السني
نتمنى أن تتحقق أمنياتك ويرجع الوطن أبهى واحلى وأن يعود الأمن والامان للوطن ويعود الفن يزدهر من جديد في وطن العزة والجمال ..
.لكن كل ذلك سوف يتحقق بخروج التتار والمغول من ارض العزة والجمال ان شاء الله ..

سلام يا محمد السني يا فنان
الله يديك العافية

عاوز أساهم بكتابة لعلوب ـــــــ الطيب عبد الماجد ــــــــ عن إبن مدينتي عبد العزيز العميري عليه ألف رحمة ونور:

Quote: ناظم ابراهيم على [16 ِأبريل] كتابة علوب عن العميري تودّر الحزن المهاجر فى المقل🌹 ( هدنة )….!! ساحر الأماني وطيف الأيام ( عبد العزيز العميري ) ( أي صوت راجيهو صوتك وأي شريان فيك وريدي ) 😍 وهاهي عروس الرمال ( الأبيض ) تزف عريساً جديداً للسودان إسمه ( عبد العزيز العميري ) ولعمري لم أرى شخصاً يموت ويظل حياً كما يفعل هذا المبدع …!! وآخرون يشبهونه تفرداً وقيمة …!! فرغم الرحيل المبكر قدم ( عبد العزيز العميري ) مالم يقدم وكأنه يسابق الحياة والزمن …!! مبدع حد التخمة ..وموهوب متعدد الدروب … وإنسان ترى الطيبة في عينيه الحزانى وملامحه الودودة …🥰 لم ينتظر ليرى التكنولوجيا والهواتف النقالة ذات ( الشريحتين )لكنه استبق كل ذلك واشتغل ب ( تلاتة شرايح ) والبخت ( فايح ) ..!!🥰 إرسالو واصل ….وشبكتو قوية …!! درامي متمكن وشاعر موهوب وصوت عميق مع ( رصيد ) إضافي أقيم وأنبل بأخلاق رفيعة وأدب جم …بشهادة كل من عرفوه ولذلك بقي حياً …!! غنى ( عايز أعيش زول ليهو قيمة أسعد الناس بي وجودي ) …وقد فعلها الموهوب ….!! توارى الجسد وبقيت الروح ……وتجسدت القيمة 🎼 وزي نضارة غصن طيب كل يوم يخضر عودي ابقي دار لكل لاجئ أو حنان جوه الملاجئ ابقي للأطفال حكاية حلوة من ضمن الأحاجي بيها يتهنو وينومو واحرسهم طول ليلي ساجي ماقلت ليكم ….!!😍 كتبها المظلوم ( قاسم الحاج ) أرق من كتب للأطفال بيراع واعي وقلب طفل …!! غاب في الزحام وتسلل في هدوء ..!! وسيخبر ( اليفع ) الله بكل شيئ … رددتها ( الملائكية ) ( حنان النيل ) وأسهمت في نقلها من جديد بموهبتها الصريحة وصوتها ( الجبار ) فخرجت بها للسطح من جديد …ونقلتها ب ( الألوان ) للجيل الرابع …وهي تشبهه قيمة وحضور مضت في طريقها …وترجل عبد العزيز ..!! والعطر باق ( العميري ) إسمو ذاتو مختلف …. وكردفان تغسل مبدعيها بالمطر والدعاش ( وتجرتقم ) بالرمال والجمال …وتدفع بهم للواجهة ( كردافة وقيافة ) …🥰 حتى أن ( أم درمان ) التى قدم اليها أسعدها أن تتباهى أنها منحته من ( رحيقها ) … لتدخل ( الخرطوم ) على الخط حيث عاش العميري دارساً بين ديومها وغيومها .. وتقول بأن لها في الرجل ( رضعات مشبعات ) فكان ( عريس المدائن ) غنى له ( مصطفي ) ( في الممشى العريض ) وود سيد أحمد لايغني إلا إذا لامست المعاني إحساسه النضر ….واستوثق أن الكلمات تمشي على القمر … 🎼 مكتوبة في الممشى العريض شيلة خطوتك للبنية ممدودة بالخط العديد في ذمة الحاضر وصية ولأنه من طينة الكبار غنى له الكبار حيث التقى مع ابوعركي وكتب ( يانديدي ) واحدة من ( أندى) ماتغنى به ( سيف الجامعة ) 🎼 وأي صوت راجيهو صوتك وأي شريان فيك وريدي الزمن قاسي الملامح وانت عنوان لي قصيدي ( شوف العميري دا مترف كيف ) ..!! ( عبد العزيز العميري ) نغم حائر تردد في موجات الأثير السودانيه فالتقطه الناس والناس في بلدي يصنعون الحب ويعرفون ( الفلتات ) فانصتوا ….وشعروا أن لدى الرجل ما يقوله ….. وقد باح ..وتفجر …!! ( العميري ) ما بتعرف من وين بجيك ومن أي الأبواب سيدخل لكن يبدو ان هذا الساحر له اكثر من ( باس وورد ) لذلك كان درامياً مرموقاً نصاً وفعل ..حيث كتب عددا من المسرحيات …وظهر ساطعاً في ( وادي ام سدر ) و ( تاجوج ) حيث ادى دور ( المحلق ) وكلما قرأنا في هذا التراث كان ( العميري ) هو ( المحلق ) صورة وصوت في الأذهان …!! ليطل عبر ( محطة التلفزيون الأهلية) التي أحدثت إنقلاباً في الدراما التلفزيونيه مع ثلة من المبدعين قدموا فيها السهل الممتنع واقنعوا الذائقة السودانية العنيدة ان هناك ما يستحق المشاهدة بعد هدنة مع الأعمال الدراميه وبعد الرعيل الأول من الدراميين الذين قدموا وأثروا …!! وقد دفعت ألمع مبدعي الدراما والتمثيل وكانت مدرسة نهلت منها أجيال تلت …!! ( عبد العزيز العميري ) غنى ليهو ( حمد الريح ) قصيدة كتبها وعمره ( طمنطاشر ) سنة ما يؤكد علو كعبه وتفوق موهبته وهو في هذا السن المبكر … 🎼 وﺍﻟﻠﻴﻠﺔ ﺗﻮﺑﻲ ﻭﺍﺭﺟﻌﻲ ﻭﺍﻧﺸﺮﻱ ﻓﻲ ﻟﻴﻞ ﺍﻟﻀﻴﺎﻉ ﺣﻠﻤﺎﺕ أسم �ﻭﺍﺑﻘﻲ ﺍﻟﺒﻼﺩ ﺍﻟﻤﺎ ﻏﺸﺎﻫﺎ ﻏﻨﻰ ﺍﻟﺪﻭﺍﻟﻲ ﻭﻻ ﺿﺤﻚ ﻓﻴﻬﺎ ﺍﻟﻤﺴﺎ�ﻟﻮ ﻛﺎﻥ ﺗﻔﻴﺪ ﺣﺰﻧﻚ ﺩﻣﻮﻉ ﻛﻴﻔﻦ ﻋﻴﻮﻧﻚ ﺗﺤﺒﺴﺎ�ﺍﻟﻠﻴﻠﺔ ﺗﻮﺑﻲ ﻭﻋﻴﺸﻲ بي أمل ﺍﻟﺴﻤﺎﺡ�ﻭﺍﻟﻐﺎﻳﺐ إمكن ﻣﺎ ﻧﺴﺎﻙ … ولا اتنسى … لقد دخلت ( الطمنطاشر ) يا رجل وأربكت ( الدفاعات ) ( ﻭﺍﺑﻘﻲ ﺍﻟﺒﻼﺩ ﺍﻟﻤﺎ ﻏﺸﺎﻫﺎ ﻏﻨﻰ ﺍﻟﺪﻭﺍﻟﻲ ولا ضحك فيها المسا ) هنا استلف العميري من عمره القادم ….وترنم وكانه شعر أن السنوات قد لاتسعفه فأخرج كرت الدفع المقدم …ودفع من روحه …. وتقدم …..!! ( عبد العزيز العميري ) ظهر باذخاً تحس به كالطيف … تنقل بين الدراما والشعر والموسيقي كالنحله تعددت المصادر و ( العسل ) واحد ولأن صوته كان معبراً وذي وقع فقد قدم عبر الإذاعة أعمالًا مصنفة …وللإذاعة سحر خاص ووقع وبيان فكان على الموعد في ( بيت بت المنا بت مساعد ) وحكاوي من حلتنا ….وكلام في كلام أكثر ما يلفت انتباهي في الرجل هو حديث من زاملوه فهو لم يغب عن ذاكرتهم ابداً …وكل ما تاتي سيرته يصمتوا قليلاً في حضرته وتبدو عيونهم وكأنها تستدعيه …وهذا تاثير لايقدر عليه إلا ( ذو حظ عظيم ) غني أعمال لآخرين فوضع فيها بصمته ومذاقه وتقاسم فيها نجوميه الأصل …. فعندما غنى يا عيون المها ….!! تراقصت العيون وتهادت …ويا عيون إنت لون الليل … فرأيناها بعيونه …. وعندما سما وغنى نحن ونحن الشرف الباذخ دابي الكر شباب النيل أداها بمزاج ( ملوكي )حيث تسلطن الرجل وارتقى لجلال اللحن وجبروت الكلام …فحلقنا معه ومن تبينا قمنا ربينا ما اتفاسلنا قط في قليل العميري عندما غنى ( ﺟﻴﻨﺎ ﻧﺨﺖ ﺃﻳﺪﻳﻨﺎ ﺍﻟﺨﻀﺮﺍﺀ ﻓﻮﻗﻚ ﻳﺎ أرض ﺍﻟﻄﻴﺒﻴﻦ ) اهتزت الأرض وربت وأخرجت من كل زوج بهيج وتراقصت ( لوزات القطن ) في الجزيره ( المنشهدة ) أنصتت ( أشجار التبلدي ) لتسمع إبنها واشرأبت ( نخلات الشمال ) 🌴تستطلع الخبر ومن أين يأتي هذا الصوت المتفجر … وﻳﺎ ﺑﻨﻮﺕ ﺍﻟﺤﻠﺔ ﺍﻟﻌﺎﻣﺮﺓ أبشرن ﺑﻴﻨﺎ ﻋﺪﻳﻠﻪ ﻭﺯﻳﻦ…😍 حينها تمايلت الحسان ( وأخدن تنيه ) والسودان أخد ( شبال ) فأي فرح هذا وجمال …. وسوات العاصفة بي ساق الشنيلة الني ليضيف اليها من صوته المتقد وأدائه الصدوق فتحولت الأغنية الي مهرجان وطاقات من الإيجابية وضوء من النهار ******* وﺍﻓﺘﺤﻦ ﺍﻟﺒﻴﺒﺎﻥ ﻭﺍﻟﻄﺎﻗﺔ ﻭﺍﻣﺴﺤﻦ ﺍﻟﺪﻣﻌﺔ ﺍﻟﺤﺮﺍﻗﺔ ﻧﺤﻦ ﺍﻟﺒﻨﺤﻘﻖ ﺃﻣﺎﻧﻴﻨﺎ ﻧﺰﺡ ﺍﻟﻮﺟﻊ ﺍﻟﻤﺘﺤﺪﻳﻨﺎ ﻧﺸﻖ ﺍﻟﻮﺍﻃﺎ ﻧﺒﻞ ﺍﺷﻮﺍﻗﺎ وما أحوجنا لها الآن …. كتبها الوديع ( عماد الدين إبراهيم ) ذلكم الهادي البشوش الذي عاش ورحل في صمت لكنه ترك بصمة وجواب ( عبد العزيز العميري ) سطع بقوة البرق وتوارى بسرعة الرياح والإبداع لايعرف الكم بقدر مايعي الكيف …!! فالرجل لم يأت من الفراغ فحتى امه فاطمة بنت أبو شنب كانت شاعرة مجيدة، وكذلك شقيقته السعدية ) خرج ( العميري ) من نجوع كردفان والبيئه تضيف …!! وجاء من بين بين عامة الناس …والشعوب ملهمة فطوى الغرب والشرق وتوسط الخرطوم فسكن السودان في رحلته العجلى …!! وقد كتب شالو مني الأمنيات �الضايعة في الوهم الكبير�لسه فاضل ناس تعاشر�وناس تضوق طعم الهنا�بكره اجمل من ظروفنا�ولسه جايات المنى 🌹 خمسة وثلاثون عاماً هي كل عمره فعل فيها كل شيئ ووقع على دفتر الحضور ….مثني وثلاث ورباع وسجل في دفتر الغياب …يتيمة موجعة 😥 لكنه لم يغب لأنه قال بملء فاهه عايز أكون زول ليهو قيمة أسعد الناس بي وجودي …. وقد كان … ولم يذهب في خبر كان … صحي يا إنسان..؟؟ عاش الرجل مهموماً بالناس ساعياً لنشر الخير والجمال باعثاً روح الأمل واعداً بأحلام باكر … ولو أعلم طفل واعد لسه ماعرف الكتابة ببقى شجرة ظلالها وارفة وتحتي نايمين ناس تعابا 🥰 فسلام عليك في العالمين ….🥰 وعلينا السلام …!! وبكره أجمل من ظروفنا�ولسه جايات المنى …..🌹 ( ماقلت ليكم قاعد ) ..!! راجنها يا عميري ….!!🙌

يالسنى
مشاركتك الاخيرة في مهرجان الدوحة المسرحى
كنت تسخدم في اغلب الافهات عامية
سودانية قديمة اوشبه منقرضة هل المسالة مقصودة ام
مصادفة

السني بإستخدامه للعامية السودانية يا بدر بحاول يبني نسيج ثقافي مؤثر وفاعل في العمل المسرحي طالما المتلقي نفسه متعدد في ذوقه ومستوي ادراكه ، يعني بيستوعبها بسهولة
اي عمل مسرحي ، ظروفه الزمنية والمكانية مرتبطة بطبيعة المضامين والقضايا التي يطرحها ، لذا ، العامية بتكون مفهومة في هذا السياق.
سني له تجربة جيدة في هذا الشأن في فيلمه مع عادل إمام ..
بعدين ياخي لازم يدلل على أنه ممثل سوداني بإستخدامه لعاميتنا

الارهاب والكباب 1993

حيدر ياسيرلانكى
ياملقوف
هو انا سالتك انت
وهو انت حضرت
العرض المسرحى
على فكرة الملقوفة
الرطانية احلام وهبى
كانت حاضرة المسرحية

Quote: وهو انت حضرت

ودي دايرة حضور ، مسرحية ولاَ صلاة
-
عاوز اثقفك يا خلبوص ومعاك فلنقاي الخور

مرحب بالأستاذ الفنان القامة محمد السني...

رغم وجودي في الدوحة لم أقابلك إلا مرة واحدة ما يتكون بتتذكرها...كانت مع الأخ عصام جمال الدين..

**ببيسلم عليك حازم ....

كان معاك في مسرحية بالدوحة..
....
تحياتي

حياك الرحمن عادل امين
لك جميل الأماني وازف لك جميل الكلام قبل يومين اقمنا جمعية عمومية للدراميين في الدوحة وتكللت الجهود بقيام رابطة الدراميين السوادانيين ــ الدوحة ـ قطر
وستقوم الرابطة بعمل العديد من التجارب والورش وتطور من حال منسوبيها وتنظم العمل الدرامي
وفي نفس الوقت من خلال (( ستديو سودانوي ))
سوف نعلن يوم 7/7 /2024
عن انطلاق حلمنا في وضع ( سياسات ثقافية لادارة الثقافة والفنون والتراث في سودان مابعد الحرب
ونتمنى ان تكون لك ورقة بها حلولا راشدة وحكيمة
كما نقدم بصورة راتبة العديد من الفعاليات الثقافية والفنية والتراثية من المركز الثقافي السوداني
شكرا لك لدعمك لنا وفتح ابواب التفكير في ترسيخ وبحث عن هوية للوطن الجريح لنعيش فيه التعايش الحقيقي واحترام ثقافة شعوبه لنحقق السلام ...
مودتي ومحبتي

حبينا السني،
والله بس اجيك من الاخر كده
مبروك الجسم الثقافي، المتنوع ده
ومعاكم طوالي،
والله بس فاقدين
اذاعة هنا ام درمان
لو امكن تكون في، اذاعة سودانية
من الدوحة... بنفس هنا ام درمان
ونكهتا اللذيذة ديك وترجع
مسلسلات ذي قطر الهم وحكاية النعمة بت وراق والمنضرة
والحمدالله الروايات، السودانية الان
علي قفا من يشيل
والله محتاجين فعلا فضائية ثقافية سودانية متخصصة من قطر، ومعاها اذاعة طوالي،
الجروح عميقة فعلا
طبعا بشاركم بالنصح
الجمعية بتاعة الدراميين اعملو ليها، قروب، واتس للتفاكر،
والتواصل
ونزل الواتس هنا
ومتواصلين
ياخ في، انسان راقي، كده اسمو وجدي كامل،
تعرفت عليه زمان ايام الجامعة، بدرس اخراج سينمائي في، روسيا
كان لو معاكم في، الدوحة مكسب كبير،
والله سلم عليه
ده بفيدنا كمان في الفن السابع
كويس يا محمد ارمي قدام بس
ان الايادي الحرة ما بتشعل حريق
لا للحرب وعاش، ابوهاشم والحركة الشعبية
واصلو ما، بخلي كاااااري،
في البورد 😍🤣🤣😂😊

الهيكلة للفنون السبعة.
https://www.0zz0.com

دي البداية عشان كل تخصص يشتغل في، تخصصه
دي البداية
وحياكم الله
ومتواصلين