Post: #1
Title: عندما تكون القبيلة مجرد لافتة
Author: محمد عبد الله الحسين
Date: 06-22-2024, 01:27 PM
01:27 PM June, 22 2024 سودانيز اون لاين
محمد عبد الله الحسين-
مكتبتى
رابط مختصر
ليس تقليل من القبيلة او أهميتها.
ولكن يختلف الأمر حسب موقفك منها..
التحية للفنان سهل الطيب..
|
Post: #2
Title: Re: عندما تكون القبيلة مجرد لافتة
Author: محمد عبد الله الحسين
Date: 06-22-2024, 01:29 PM
Parent: #1
كتاباته فيها رائحة المثقف والتعبير.
عرفت كتاباته قريبا في الفيس بوك...بعد ان صالح الفيس مؤخرا.
|
Post: #3
Title: Re: عندما تكون القبيلة مجرد لافتة
Author: محمد عبد الله الحسين
Date: 06-22-2024, 01:33 PM
Parent: #2
اول يوم أجده يتحدث عن القبيلة والقبيلة..
ما كتبه اليوم جعلني اتفاءل بوجود ضوء في النفق...
خاصة بعد ان فقدت الأمل من كتابات في المنبر يفوح منها ما يثير
في النفس كل المشاعر التعاسة والبائسة.
|
Post: #4
Title: Re: عندما تكون القبيلة مجرد لافتة
Author: محمد عبد الله الحسين
Date: 06-22-2024, 03:18 PM
Parent: #3
بمناسبة الزولة المذيعة داير أحكي ليكم حكاية غريبة شوية
.
في بداية الحرب زول قريبنا رسل لي مقطع فيديو
.
الوكت داك كنت لسة زول مرطب وبفتح الفيديوهات 🤣🤣🤣🤣
المهم ومن الآخر كدة وبما إنو انا زول بنتمي اثنيا لقبيلة الترجم لقيت المقطع لناظر القبيلة وهو بيعلن وقوف قبيلتنا مع الدعم السريع و و و كلام كتير ودعوة للمنتمين للقبيلة انهم يقدمو الدعم للدعم (الجملة دي سمحة مش كدة 🤣🤣🤣)
كالعادة وكأي رأي بختلف معاهو اخدت لي صنة وابيت اعلق
.
مفتكرني عملت دراما ويا أيها الشعب السوداني العظيم وكيف يجرؤ وهلم كلام كتير 😁😁
ابدا وحاتكم دا ما من طبعي بتقبل اي رأي مخالف
.
ما مدي نفسي اكتر من حقها .. أنا ممكن اكون درابة أو حجر أو شوية طين أو بالكتير ممكن اكون طوبة في هذا الوطن الكبير وبحاول بقدر الإمكان احافظ علي مكاني واملاهو كويس وبكدة اكون ارتحت وربحتها 😁
بعدين انا مابملك اي مكان في حيز القبيلة لأننا من الناس الاستوطنو في الخرطوم من بدري لدرجة عمري كلو ما مشيت دارفور
.
إذا كان عندي وطن بنتمي ليهو أو إذا كان بطول البقاء أو المعاشرة ف حا يكون سوق أمدرمان 🫤
مش والعياذة بالله إنو متنكر لقبيلتي ولا حاجة لكن بتبقى عندك مشكلة في كونك تتفهم طبيعة الاصطفاف دا .. سببو شنو وليه العمدة بطالبني بشي مابقدر اعملو ولا حتى افكر فيهو
اما في سوق أمدرمان الموضوع بختلف زي مثلا مناواشاتي الما بتنهي مع التجار البشتري منهم القماش .. النبذ البسلمو لي زبوني النقادي في صمة خشمو لما اجي عابر بيهو 🫤 طبعا لحدي مايبلع جغمة القهوة ويرد علي بكون قطعت مساااافة
الشكلات الصغيرة صغيرة مع الفريشة المرات بستغلوني ويقفلو لي باب الدكان
كواريك ناس الكورة لما اخش القهوة
الزبون البحاول يوريك انو بفهم في الشغل اكتر منك 😳😳 وطبعا دا بتكون بتقوليهو جدا جدا مع انك متخيل نفسك داير تخنقو وتفطسو
الناس الداير منهم قروش والدايرين منك
شفع الورنيش وبتاعين الكارو والشحادين
.
حاجات كتيرة بتخليك تحس انك تابع لقبيلة السوق
السوق البصطادك وبخليك قاعد في شبكة واحدة مع الشماسة والباعة المتجولين والناس البتلف في الفاضي والمليان واصحاب المغالق الكبيرة والتجار الموردين والموظفين الفي البنوك وبتاعين الطبالي وسواقين الحافلات
الونسة الفالصو من ستات الشاي البقعد معاهم لأول مرة
صحن البوش البعزموك ليهو وانت ماعارف الزبطو منو ودفع قروشو .. عزموك لانك جيت تشتري حاجة وهم قاعدين يفطرو (ببساطة كدة)
مرات تمشي تجيب شطة تلقى جو زباين والجماعة عزموهم (شطتك دي إلا تلحسة)
ممكن يغشوك في السوق وتسيبهم تمشي تعمل ليك زبون جديد (من حقك طبعا ومافي زول يلومك)
ماعجبتني بشوف غيرك
ممكن تقول للزول سعرك كويس لكن كدي نغطس شوية نشوف باقي السوق (عادي يازول)
.
في القبيلة مافي حاجة كدة 🤣🤣
خيارك واحد بس بحددو ليك زول واحد
.
أنا غايتو حكاية اني اكون مجرد طوبة في هيكل الوطن الكبير الحكاية دي مريحاني شديد
جيت مع الحزية حقتي معاك
داير تسوقني بطريقتك مابنساق ليك
________ سهل الطيب
|
Post: #5
Title: Re: عندما تكون القبيلة مجرد لافتة
Author: هدى ميرغنى
Date: 06-22-2024, 03:39 PM
Parent: #4
Quote: اما في سوق أمدرمان الموضوع بختلف زي مثلا مناواشاتي الما بتنهي مع التجار البشتري منهم القماش .. النبذ البسلمو لي زبوني النقادي في صمة خشمو لما اجي عابر بيهو 🫤 طبعا لحدي مايبلع جغمة القهوة ويرد علي بكون قطعت مساااافة
الشكلات الصغيرة صغيرة مع الفريشة المرات بستغلوني ويقفلو لي باب الدكان
كواريك ناس الكورة لما اخش القهوة
الزبون البحاول يوريك انو بفهم في الشغل اكتر منك 😳😳 وطبعا دا بتكون بتقوليهو جدا جدا مع انك متخيل نفسك داير تخنقو وتفطسو
الناس الداير منهم قروش والدايرين منك
شفع الورنيش وبتاعين الكارو والشحادين
.
حاجات كتيرة بتخليك تحس انك تابع لقبيلة السوق
السوق البصطادك وبخليك قاعد في شبكة واحدة مع الشماسة والباعة المتجولين والناس البتلف في الفاضي والمليان واصحاب المغالق الكبيرة والتجار الموردين والموظفين الفي البنوك وبتاعين الطبالي وسواقين الحافلات
الونسة الفالصو من ستات الشاي البقعد معاهم لأول مرة
صحن البوش البعزموك ليهو وانت ماعارف الزبطو منو ودفع قروشو .. عزموك لانك جيت تشتري حاجة وهم قاعدين يفطرو (ببساطة كدة)
مرات تمشي تجيب شطة تلقى جو زباين والجماعة عزموهم (شطتك دي إلا تلحسة)
ممكن يغشوك في السوق وتسيبهم تمشي تعمل ليك زبون جديد (من حقك طبعا ومافي زول يلومك)
ماعجبتني بشوف غيرك
ممكن تقول للزول سعرك كويس لكن كدي نغطس شوية نشوف باقي السوق (عادي يازول)
.
في القبيلة مافي حاجة كدة 🤣🤣
خيارك واحد بس بحددو ليك زول واحد
.
أنا غايتو حكاية اني اكون مجرد طوبة في هيكل الوطن الكبير الحكاية دي مريحاني شديد
جيت مع الحزية حقتي معاك
داير تسوقني بطريقتك مابنساق ليك |
سلامى والشكر اخى ود الحسين على إشراكنا فى قراءة هذا المكتوب~
*الذى هو حديث الروح والقلب للسودان وشعبه
|
Post: #6
Title: Re: عندما تكون القبيلة مجرد لافتة
Author: محمد عبد الله الحسين
Date: 06-22-2024, 08:25 PM
Parent: #5
مساء الخير اختنا الأستاذة هدىQuote: سلامى والشكر اخى ود الحسين على إشراكنا فى قراءة هذا المكتوب~
*الذى هو حديث الروح والقلب للسودان وشعبه |
صدقتي في وصفك فعلا حديث الروح النقية والقلب الواعي..
كل الإحترام
|
|